史力奇ricky's Profile

返工前都食過幾次呢度早餐，佢嘅沙嗲牛係唔錯嘅，叉燒亦好味，係份炒蛋一時有味一時無味，好奇特😅😅通常一坐低都會俾杯水（隔離枱），硬係我坐就唔俾嘅，試過2次都係咁，呢樣都算喇，還掂我都係想洗下啲叉同羹。但係樓面阿哥仔我真係好懷疑佢本身係做隔離澳牛嘅，態度真係…….無論係之前奇蹟地擺低杯水又好，今朝擺低份炒蛋都好，佢都係幫張枱做梗撞擊測試嘅。其實我又唔係黎乞食，我又唔係爭你錢，輕力啲得唔得嘅呢😓😓…Read More

之前路過呢間新開嘅舖，都已經心郁郁想試，今日趁自己一個食，有少少時間，就黎試下佢😄😄呢間舖分上下層，一入舖職員好禮物好客氣地招呼同介紹，上層就係食網燒嘅餐，下層就食石燒。我就揀左石燒入面最平嘅牛肩試下先🤣🤣 落單形式用自助機，用八達通或者信用卡俾錢，跟住就自己拎部call 機埋位等，餐具同水都係自助形式去拎。等左好快就響機，可能唔多人嘅關係，職員幫手送黎枱度😄👍🏻 件牛肩都幾大件幾厚，石燒嘅話廚房會先焫一焫舊肉嘅外層，跟住自己靠舊石嘅熱力去整自己想食嘅熟度😀 食落都算唔錯，不過牛肩肉質始終無咁淋，下次要試牛柳先得🤪🤪 跟餐有埋沙律，飯同湯，都夠飽的😁食到最後塊石都仲有啲熱力，呢個唔錯😁😁 同埋疑似老細都埋黎問下意見，都有推介個牛柳，留待下次試😋😋…Read More

星期六喺灣仔放工，就搭叮叮過黎中上環呢頭搵食行下，見倒條窄巷麥奀記嘅招牌，就一於入呢條街搵食，行多呢兩步就見倒小河內呢間舖，望入去得一兩個客，啱晒，而家食野就係最怕多人😅😅😅一入去感覺係小店經營，應該唔係家庭式。全間舖得15個位咁多（後黎有人黎幫襯，我先知原來仲有樓上😅😅），其中3個位仲係隔住玻璃向街的，但為免俾人望住自己嘅食相，我都係揀返向吧枱廚房嘅位🤣🤣坐低後阿哥仔就拎個餐牌俾我，不過喺門口都研究左個餐牌先入黎，所以都唔駛點睇，直接order。前菜揀左‘蒜香牛油雞翼’，主菜揀左‘越式生牛肉河粉’，飲品就可樂算啦🤣🤣 全部加埋$68，無加一，喺中上環黎講唔算貴，仲要今日星期六，無咩客，可以舒服寧靜地食個午餐，感覺良好。 講野食：-前菜（蒜香牛油雞翼）3/5 夠脆夠香口，但係唔太夠味，亦唔多食得出蒜香嘅味道，要扣分🤣🤣-主菜（生牛河） 4/5粉量ok ，個湯偏向甜嗰邊，啲牛肉浸熟變色後都淋唔會好韌，整體黎講好味的，係略為少左啲芽菜🤣🤣-飲品 （可樂）5/5是罐裝🤣🤣🤣 下次有機會加錢試下佢嘅野飲👍🏻👍🏻-環境 5/5夠清潔乾淨，又唔會逼（只限星期六啩🤣🤣）…Read More

星期日下晝黎到觀塘工廠區, 見佢新開於是入黎一試, 餐牌0既常餐A 包括:1.叉燒湯意  2.西班牙奄列+丹麥多士   3.飲品     索價:$47, 凍飲加$3.佢寫得咁利害, 就放棄下午茶個餐牌, 試下常餐一試佢0既真諦.野食黎到...O左咀多士.....一塊簿方包烘完切開搽少少牛油, 就係丹麥多士, 叫返做牛油多士吧.奄列....我諗叫做蛋餅會好啲, 煎完塊蛋搽啲茄汁洋蔥火腿再夾埋佢咁.......意粉....個湯少少味, 唔知咩湯, 啲叉燒都有兩款, 一隻係平時食開0個啲叉燒, 一隻係一夾起就會散0既叉燒(........)呢個質素加杯凍奶茶就收左$50........…Read More

經常聽倒深圳馳名0既"喜茶", 不過總係無機會一試(無得返大陸嘛>.<.....) 而家終於有機會試下香港版喜茶~~~東喜茶.舖頭座落於地鐵站出口隔離, 其實成條街都有好多買台式野飲0既舖頭,  又天仁, 又share tea, 又come buy, 東喜茶再插一腳落黎, 睇黎呢條街都好好生意^,^ 之前見佢圍板仲未裝修好, 已經成日心思思想試, 今日見佢開舖, (即時飲啦, 而家仲係試業中, 問左老闆娘, 正式開業係27/6, 不過最緊要芝士系列都有得飲, 我就揀左芝士芒芒, 未試過( 好out的我>.<) 見店員即時將啲芝士泡放0係杯入面, 已經好期待, 拎到手一飲, 果然好特別0既口感^^ 又咸又甜,好得意 ^^ 下次要試下芝士瓜瓜(即係西瓜)先~~~~睇黎呢間舖會係我0既新幫襯首選^^…Read More

今日一行三人去食lunch, 添左一碗飯，食食下有啲硬物，lur 出黎一睇竟然係玻璃碎，即時同執枱個男職員講，提示一下佢個大飯煲可能有玻璃，佢一睇我枱面粒玻璃，就話應該唔係玻璃，仲轉身就走左。 好心提示下你，好似當我係自己放粒玻璃呃飯食呃錢咁，即時閃人返去搵食環投訴。一間店舖，有啲咁嘅黑面神服務，就算好平好好食都唔會有得做，何況唔係囉😡😡😡…Read More

星期日中午路過，見門口貼左午餐menu, 供應又到1730， 諗住一試，點知埋到去想order, 先同你講話個lunch menu 只有星期一至五，即時放棄。個牌又唔寫明限星期一至五，星期日又keep 住貼喺門口，營商手法有問題吧😡😡…Read More

跟好多其他食家一樣, 第一篇的食評係忍唔住用來閙餐廳的.同老婆與舊同事約食飯, 想搵過坐得舒服0既地方食, 上OPEN RICE 就搵左friendmily 呢間工廠區餐廳.book左枱跟時間到達, 地點都方便, 由商場apm 到達餐廳都唔駛5分鐘. 先講環境, 有室內同室外, 枱唔算多, 坐得都舒服0既( 我地好彩坐倒張梳化位), 坐低後侍應會先放低熱水俾你, 另外枱面會放另一支水俾你.點菜, 我地總共叫左4個set dinner同1個小食. 主菜分別叫左意式菠菜芝士雲吞，德國豬手腸拼盆同2份A級肉眼扒. 小食就叫左焗薯角.先上0既有沙律, 餐湯同餐包(餐包上枱前會先用光波爐整熱):然後到主菜上場:先黎意式雲吞, 最快出枱面, 同事試後話個汁唔錯, 但係啲雲吞唔熱, 同埋好似煮得唔夠熟透.到我0既豬手腸拼盤, 係幾個主菜中最好0個個....豬手唔係成隻上, 切左幾舊放0係碟上, 跟一芝士牛肉腸同一香草豬肉腸, 味道OK唔錯的, 但係啲意粉好干, 同埋無味.其後就到等左好耐好耐先有0既肉眼扒, 一塊5成, 一塊7成, 意粉同樣地干同無味(更要連香草都無灑落去..)跟0既薯角就係凍的....兩塊扒唔同成數, 但同樣地係韌, 同埋就咁睇落去無分別, 都係煮咁耐一般..花園餐廳0既肉眼扒好食過佢.....小食: 芝士多少少會開心啲, 不過都好食的, 起碼係熱0既..餐飲: 本身係有跟餐飲的, 我就加$5 轉飲凍檸樂, 老婆大人就加$2 飲橙汁. 先講橙汁, 飲落去好淡味, 沖0既橙汁, 正確黎講叫橙水會好啲. 到凍檸樂, 中伏了,  加$5 只係俾一枝細可樂加3塊檸檬, 將可樂倒晒落杯入面都只係去到隻杯0既一半, 感覺好差, 當加$2 係要一枝細可樂, 加多$3只係俾多3片薄片檸檬你, 真係不能不寫食評俾呢間餐廳.…Read More