烏英's Profile

呢度嘅羊肉粉，羊腩粉都ok 好味，湯底都好飲，羊肉串就唔值得食，因為份量勁少。想投訴一下.....每次嚟都冇冷氣，店員次次都話壞咗，我嚟幫襯已半年有多，半年都未整好冷氣？？我高度懷疑係老細想慳錢，可憐啲職員走嚟走去，一定好熱。…Read More

見呢度好多唔錯嘅食評，今日就去左試佢地嘅綠野仙蹤high tea (2人份)。不過佢地嘅high tea 係不能book位嘅，要walk in 排隊。我地3個女仔，原本諗住order 2份high tea sets (即4人份)， 但餐廳話每枱限叫1份 high tea set, 即是無論你幾多人嚟都只能叫1份!！ 呢個安排真係聞所未聞，侍應話係每日限售xx份(唔記得)喎....另外，呢度地方原來係好細，一眼睇哂，之前見嗰d 食評相，以為地方好靚好大好舒服。(我相信之前嗰d係職業食評相，幫餐廳宣傳，角度影得好靚，令人錯覺以為呢度地方大，多打卡位)講到食物，都算中規中矩嘅，因為佢定嘅價錢又真係唔貴($188 for 2 ppl)。不過如果真係諗住同d 姊妹嚟食下high tea， hea 下，吹下水，可能會有d 失望， 因為我個人認為環境都好重要。…Read More

點左海南雞飯(加10蚊轉雞肶)及珍寶帶子喇沙及咖喱椒鹽雞塊d 雞肉勁鞋，似雞胸肉，叫侍應過嚟問下係咪俾錯雞胸我地，但佢話確係雞肶肉。令到我好疑惑，我真係未食過咁鞋嘅雞肶囉，d 油飯就ok.講真泰妃雞，亞參雞飯好食過佢啦。帶子喇沙就唔錯，帶子夠大隻，湯底惹味。咖哩椒鹽雞塊d肉同樣係好鞋，唉....唔知點解其他食評，係咁話佢哋d雞好滑，真係R頭！！…Read More

點左口水雞飯及酸辣豬扒米線。口水雞好惹味，酸辣又有點麻，冇雪味。豬扒ok淋，值得一讚是酸菜，酸中帶甜，非常開胃，但米線略為煮淋左一點。整體質素不錯，性價比很高，會再幫襯…Read More

韓式卡邦尼意粉，味道不俗，幾特別。Texas Burger 普通，漢堡扒味道不夠香濃，但包底很香脆，整體ok.waitress 很有貌，招呼殷勤。餐廳環境很舒適。可以一試。…Read More

久未到過澳門，想一嘗正宗西班牙菜式，就試試唐詰柯德。這裡的清酒煮聖子一流，值得一試。西班牙海鮮飯，也相當不俗。牛油果沙拉很新鮮，份量也不少。烤葡式香腸，就相對普通。整體食物水平都很好。另外，服務生的態度很周到。…Read More