Foodie.travel.eat's Profile

葡式蛋撻 size 係細細隻，食完唔會好漏，仲可以有 quota 食多個芝士撻。葡式蛋撻個皮係千層皮果種，夠鬆化，真係有千層既效果。蛋漿係半熟效果，又軟又滑帶少少流心，有蛋味。芝士撻係曲奇皮，芝士係軟身帶輕微流心既效果，有芝士味，都好味，但比較葡式蛋撻就少左 d 驚喜。…Read More

呢排觀塘出沒都係去駱駝漆搵食多，今日諗住搵吓 apm 有咩好食，見到有simplylife，對上一次食已經係 covid 前，數吓已經有成5、6年無食過。Menu 加 $38 可以配餐湯/沙律 + 果茶/汽水，餐廳設計、服務都keep 得住 simplylife 風格及水準。枱同枱之間距離都闊，坐得舒服，又無限時。阿根廷肉眼扒，配左焗蕃茄、薯條、大啡菇，肉眼扒好香燒烤味，有牛味之餘仲唔會靭，好味。辣味蟹肉手工意粉，滿滿既蟹肉，唔會碎濕濕，每啖都可以食到好大啖既蟹肉，意粉帶微辣，絶對係可以接受到既辣味，微辣得黎有辣椒香味，唔係死辣，呢款都好味。加左餐湯，係薯仔湯，再食埋一坐低就送既餐包，好飽好滿足。…Read More

呢間泰菜餐廳幾年前我喺尖沙咀返工成日都黎食 lunch，隔左成5年都仲喺度，應該都 ok 先可以喺尖沙咀開咁耐，今日同朋友去食晚餐，睇吓喺咪仲keep 到水準。8點左右去到，竟然都仲咁旺場。冬蔭功大頭蝦湯 (細) $158，2個人每人都飲到3碗左右，份量都算十足，味道唔太辣，迎合番香港人口味。柚子沙律，係好味但有 d 失望，$108 只有柚子，蝦仁都無，寧願食小食更划算。馬莎文咖喱牛坑腩配薄餅 $188，正常發揮，份量偏少，薄餅拼埋應該只有一塊7-8吋圓形，少得可憐。最後叫左杯芒果莎冰，有新鮮芒果絲，味道清新，解膩一流。好大杯，兩個女仔 share 飲就啱啱好。…Read More

上次去 A1 Bakery 買千層撻已經心思思想食埋個 cheesecake，今日買左黎試。今時今日 $60 個都算平，買返屋企即刻試，面層焦糖唔算太脆，唔會太甜，配芝士蛋糕就令到整體味道更豐富。但芝士味唔夠，偏淡，個蛋糕質地偏軟身。我放左入雪櫃雪左一晚再試吓，口感會實左 d，我反而鍾意呢種口感，放入口慢慢嗒，好似食雪糕咁，好正。整體 CP 值高，味道合格。# A1 Bakery #質素有保證 #麵包 #蛋糕 #牛角酥 #千層撻 #芝士蛋糕 #焦糖面層…Read More

見到加 $1 優惠好耐，但每次搵野食都醒唔起呢間韓樂，今日終於記得，放工去試吓。佢都好多優惠，星期一至六每日都有唔同款式做特價，今日去係韓式芝士炸鷄飯，好吸引但又好似好熱氣咁，所以無叫到。試左 “石鍋一口黑椒牛” 同 “韓風石鍋鷄球”，每款都配白飯同飲品。上菜係啫啫聲既石鍋菜，視覺聽覺效果好夠。味道偏重，好下飯，份量就唔算多，每鍋都有一半係配菜，紅椒、洋蔥、薯仔。加 $1 點埋 “韓式咕嚕豬生菜包”，$1都唔會太高期望，黎到個比預期好，擺盤都靚靚仔仔，生菜都好新鮮，唔係隔夜菜，細細粒既豬肉粒，點埋個醬汁同蒜頭粒，都好味，加 $1 真係好抵，真心會再幫襯。韓樂地址: 將軍澳常寧路#韓樂 #無檸檬片既檸檬茶 #預製飯 #加一蚊 #石頭鍋 #將軍澳 #韓式餐廳…Read More

喜茶聯乘草間彌生終於香港都有喇，我想買好耐。有2款套餐，一款係茶飲加掛件 (一套有3個)，另一款係茶飲加馬克杯，茶飲有4款可以揀，我揀左最愛既芒果系列 – 芒芒甘露，另一杯就揀左烤黑糖波波真乳茶。喜茶一向有水準，芒芒甘露好多芒果粒粒，加埋芒果棷奶味，好清新。反而烤黑糖波波真乳茶第一次試，波波即係珍珠，Q彈口感啱啱好，好怕太Q既珍珠，嚼極都唔爛，珍珠有黑糖味，加埋真乳茶，好有層次，忍唔住係咁飲。掛件每盒有3個款，其中一個係大大個南瓜，草間彌生代表，好 like。馬克杯就比想像中細，比較普通。…Read More

自從出左千層撻之後，好似好耐無食蛋撻，經過蛋撻王睇吓依家 d 蛋撻咩樣，好似都係千層撻吸引 d。再入舖頭睇吓，見到有幾款卷蛋，大約 $50 左右，個樣又好似幾得咁，就買左北海道特選3.6牛乳-日本京都宇治抹茶.紅豆味試吓。比預期好食喎，卷蛋個海綿蛋糕唔會太乾，抹茶味啱啱好，唔算好濃，中間既急忌廉都好滑，份量唔會太少又唔會太多，比例都唔錯。紅豆就偏硬左 dd，如果可以再軟綿綿 d，就會整體口感更一致更軟滑。我覺得呢個價錢有呢個質素好 ok，會再 encore 試其他味道。…Read More

A1 Bakery 出左開心果酥，原本係想試呢款，但去到見到抹茶千層酥皮撻同千層酥皮蛋撻，又忍唔住要左千層撻。千層撻 size 似 bakehouse 咁，細細隻，但味道又差好遠。原味千層酥皮蛋撻個蛋漿唔香又唔夠滑，個酥皮就唔酥有 d 似放耐左漏氣咁。反而抹茶千層撻就有 d 驚喜，首先抹茶味夠香濃而且有回甘既味道，仲要係流心既效果，的確係好食既，但個酥皮就同原味一樣，唔夠酥唔夠鬆化。我都係鍾意 Hashtag B 多 d。…Read More

坑口除左元氣、壽司郎、爭鮮，又再開多間迴轉壽司喇，又可以多個選擇，一個星期四日都可以食唔同壽司，正呀。預先網上訂位，訂左 6:45，都好高效率，6:48 已經可以入座。因為新開張，所以都好光猛新淨。但座位編窄，4人卡位真係迫迫地，如果要放埋外套同手袋，真係有 d 坐得唔算舒服，枱面好細但要放餐具、醬油，淨番枱面位置好少。反而通道就非常闊落，設計上有 d 浪費，通道可以縮減少少，座位加番闊少少。一樣係用 pad 落單，食物都好快就送到。醬油有5款口味，好勁。推介味道 ok 既 : 大切生三文魚，夠大件夠厚、炙燒鰻魚，雖然比較細片，但有炙燒味、炙燒焦糖三文魚腩，焦糖燒到有 dd 脆，甜甜咸咸咁幾好味、香辣京蔥絲吞拿魚蓉，吞拿魚蓉加埋辣油，好過癮、吉列蠔軍艦，隻蠔都算大隻，外面炸得好鬆脆。唔推介既 : 長鯺吞拿魚、油甘魚、鱆魚小丸子。街坊可以食吓，唔係住附近既唔使專登過黎食。…Read More

呢間鮮芋仙又係成日經過都見好多人，今日又買黎試吓，食完真係無下次，完全唔明白點解成日都咁多人。我買左豆漿豆花4號，配料有芋頭、紅豆。首先豆花係一 d 都唔香唔滑，食百福仲好味過佢，豆漿唔講仲以為係飲緊水，完全無味。跟住芋頭係成舊勁大舊，唔明點解唔可以切細粒 d，仲要質地唔綿，食落實實地，好耐未食過咁難食既芋頭，紅豆就正常無咩別。跟住食埋招牌芋圓，諗住招牌應該會好食 d，湯底係紅豆湯，配料有芋薯圓、白玉湯圓、珍珠。芋薯圓、白玉湯圓同珍珠都好淋，唔夠 Q彈，食到一 pat pat 咁，個紅豆湯底都唔夠紅豆味，成碗野好似俾病人食咁，又淋又淡味。$52一碗真係唔會有下次，去波仔記買糖水仲好食過佢。…Read More

😋令我記番真正炒飯係點既味道去開牛頭角，係附近搵吓有咩特色餐廳，見到有沙嗲牛肉炒飯好想食就入左去試吓🤩。樣樣都想食，最後揀左 (1)脆皮牛腩炒飯 (2)蝦頭油炒飯📌脆皮牛腩炒飯，另外附上沙嗲醬，一咬舊牛腩真係不得了🎇，外脆內軟，炒飯真係粒粒分明，有耐性可以逐粒數吓🤣，有炒氣，只係略嫌乾左少少，如果飯粒再飽滿 d 就無敵🌟📌蝦頭油炒飯，以為炒飯差唔多，竟然係完全唔同既感覺，海鮮香味食到停唔口🤤，有蠔仔，帶子粒、蝦人、櫻花蝦，起滿足炒飯份量都好大碟，食左半碟已經飽飽地，但太好停唔到，食完個肚賬到有左3個月咁🫄…Read More

#潮州菜 隔一段時間就會想食，今晚又同朋友去食😘。✨必點滷水鵝片，滷得夠味，滷汁夠香唔會死咸。✨蠔餅係今餐飯既亮點，炸得夠鬆脆，有蛋味，蠔仔夠新鮮飽滿。✨滷水鵝腸，鵝腸新鮮爽口，滷水味同鵝腸味兼備。✨潮州咸肉炒芥蘭，帶微辣，芥蘭炒得夠火喉。✨椒監九肚魚炸漿夠薄身脆口，加上啖啖魚肉有驚喜。✨仲有炸豬大腸、咕嚕肉都係高水準之作。最重要係呢度有 #反沙芋🤩，因為工序較繁複，唔多餐廳會有呢道潮州甜品，梗係要試吓啦。芋頭炒得夠乾身，外層沙糖都炒到起沙，食到反沙芋超開心🥳🥳。再點埋銀杏芋泥、綠豆爽同朋友開心 share 就完美🎉🪅。…Read More

新年食左好多餐中菜，今日就揀左間泰國菜餐廳試吓，無踩雷仲有優惠👏👏。餐廳都夠寬敞，又有心思既佈置，枱邊會有流水帶裝置，加埋波波燈好有泰國 feel☀️🏝️。點左海南鷄豬頸肉飯、豆角肉碎生菜包、小食就揀左蝦餅、春卷，飲品就點左泰式奶茶、西貢少女。同場加映餐廳做緊優惠，加$1✨就有冬蔭公鱸魚片鍋。海南鷄夠滑嫩，豬頸肉都夠 juciy，飯粒反而似印度 long-grain 米，比較有嚼勁，食落有 d 班蘭清香味。豆角肉碎生菜包，炒得夠香，微辣，生菜夠新鮮。諗住加$1送既冬蔭公鱸魚片鍋會 hea hea 地，又竟然好味又足料，食埋呢個鍋真係飽到一個點，大滿足🤤。…Read More

lunch hour 去到安排窗邊位，好舒服，有街景望吓好正😍。紅酒燉牛面頰意大利飯，牛肉份量好足，諗住得一兩舊，喜出望外。意大利飲好香蕃茄香草味，牛面頰燉得好軟淋入味，同個飲夾埋夠豐富又唔會好膩，正呀😘。黃金蟹肉意粉，呢款係好 creamy 既意粉，蟹肉帶有蟹鮮味，醬汁混入咸蛋黃，濃稠度啱啱好，又香又滑既醬汁，好好味。…Read More

成日經過呢間 milksha 都見好多人，今日終於買黎試吓飲，完全明白點解成日都咁多人喇。我當然係買最愛既芝士奶蓋茶飲啦，見到佢有個甜品係芋泥，又心思思想試埋，好彩有試到，咁就可以多個好食甜品可以推介俾大家。芋泥麻糬仙草杯，有8款配料可以自由配搭鍾意既口味，成碗一打開滿滿都係料。米麻糬煙煙韌韌唔會黏牙，但又唔會好似糯米糍咁韌，較滑嫩。仙草滑溜Q彈帶微甜，配料我揀左芋圓同埋手工綠茶凍，芋圓口感彈牙帶有芋香，手工綠茶凍食到清新茶香味道。甜品會配埋鮮奶，可以加埋仙草杯一齊食，真係好好味。芝士奶蓋四季春，奶蓋奶味比芝士味重，芝士味略嫌唔夠香，奶蓋口感順滑，濃稠度適中，總括都係好飲既奶蓋，飲得出係用鮮奶同奶油打出黎既，唔係用粉開既奶蓋。Milksha地址: 坑口培成路15號# Milksha #迷客夏 #將軍澳 #坑口 #真奶蓋 #芝士奶蓋 #芋泥 #米麻糬 #手功…Read More