CainNL's Profile

因為疫情冇得去旅行，突然好想食燒牛肉，喺OpenRice見到呢間燒牛肉店高評分，滿懷希望去食⋯⋯點知⋯⋯超級中伏！首先，一行入去餐廳，地下看似乾淨，但係跣到冇朋友，店員表示店舖抽氣系統欠佳，正在改善中。至於牛的質素，賣相唔錯，入口尚算即溶，但係。一。D。牛。味。都。冇！！我哋嗌左一盤牛肉盛品，真係冇一舊係比到我牛肉的味道。我唔知道餐廳嘅好評中，有幾多係打手寫的，但係呢間燒牛肉店，係我食過嘅餐廳中，都算係數一數二的差。不過值得一讚的是，服務員的服務態度不錯。…Read More

Sensory zero 係我同朋友lunch time經常都會去的餐廳之一，貪佢坐得幾舒服之餘， lunchset仲有一杯咖啡送。呢間餐廳的lunch Menu選擇不算多，而且變化不大，每日的變化就是 rice/pasta of the day。上面的雞扒飯係rice of the day 的選擇，賣相幾好但味道唔係好啱我口味，我覺得一般。Pasta of the day 有呢個spaghetti carbonara, 我覺得好好味，cream source 夠濃，可以問職員拿cheddar cheese落多啲芝士係面，味道會更濃更香。隨餐附送一杯咖啡，我每次都會選擇flat white，咖啡及奶嘅份量啱啱好，拉花仲好靚，雖然係免費但一啲都唔馬虎！…Read More

今日約咗屋企人飲茶，去咗老爺奶奶最鍾意嘅阿翁。阿翁燒賣係我so far食過最好味的燒賣，食材唔止有豬肉、蝦、仲有香菇。豬肉非常新鮮，蝦又爽，冬菇味濃，一食入口完全可以感受到廚師嘅心思，係我哋每次去飲茶一定要叫嘅點心之一。雞扎係我最鍾意嘅點心，呢度做得非常出色，所有材料又新鮮又入味！雞腳炆得又香又林，老公好鍾意！金錢肚及蘿蔔糕都做得好好。整體來講，阿翁嘅點心樣樣都做得好精緻美味、呢度嘅賣點之一係服務非常好，職員個個都好attentive。不過，令我覺得最驚喜嘅反而係呢度嘅紅豆沙，煮得好棉、又香陳皮味，下次再嚟飲茶一定要食！…Read More

Boxing Day 約咗一班大學同學敘舊，通常上班一族去到放假就會病，有啲又話呢排食得好滯，唔好食得咁油膩，最後book咗Marriott lounge, 貪佢唔使食聖誕餐之餘，lunch buffet有沙律吧、noodle bar又有亞洲美食選擇。大家行咗一圈之後，大部份人都揀咗亞洲美食buffet! 今日嘅亞洲美食選擇真係唔錯，除咗有印度咖喱、又有乳鴿、炆魚唇、火雞火腿片、又有菜、炆牛肉，選擇真係多！今日嘅食物亮點係印度薄餅，就係圖中的果舊黃黃地嘅包，焗到又香又脆，不過就幾油下。食食吓又有聖誕老人來同你影相，職員仲準備左props，令到成張相更加生動。…Read More

今日去灣仔睇醫生，睇完就喺診所附近搵嘢食。老公帶咗我去呢間餐廳，話之前去食過一兩次，覺得啲牛丸好好味，又話其他嘢都唔錯，叫我試吓。我一睇完餐牌，即刻嗌我最鍾意嘅崩沙腩、又叫咗腐乳通菜及牛丸湯。崩沙腩忟得又香又嫩滑、牛腩味好香，牛丸既彈口又多汁，一咬落去啲汁就彈出嚟，好正！夥計特登走過來同我地講，崩沙腩通常朝早就賣晒，好難得到下午時段仲有，話我地好好彩。因為牛丸實在太好味，食得兩粒實在唔夠喉，我哋特登叫多一份牛丸湯，過足口癮。呢間粉面店係家庭式經營，夥計好親切又有禮貌，地方同一般粉麵店一樣位置不是很大，以圓枱為主，但環境十分企理。…Read More

今日同家人去咗上水渡假， checkout 後想直接食brunch，於是喺上水周圍搵嘢食。Search OpenRice 見呢間餐廳評分唔錯，環境又幾優雅，於是即刻揸車去試一試。一入到去餐廳，已經覺得環境唔錯，感覺有啲似銅鑼灣新寧餐廳。睇埋餐牌，直頭覺得抵食！四個大人兩個小朋友，叫咗五個set lunch和五份Escargot呢個tenderloin好驚喜，牛肉味香又tender, 質素可媲美高級餐廳，但收費只係$116！田螺烤得好好，薯蓉又好味，我見餐廳好多食客都會點呢味，相信係主打之一。另外，仲叫咗德國豬手、焗豬扒飯及吉列豬扒柳，樣樣味道都唔錯，大家都食得好開心，呢餐真係好抵食，叫咁多仲要除餐附送羅宋湯及法包，埋單都係$800，抵到爛！…Read More

上次同屋企人來食過豬扒包下午茶，個餐有豬扒飽、有件cake仲有杯咖啡，＄100都唔使，真係好味又抵食，今日屋企再相約食多轉，當然YES啦！不過，人算不如天算，轉左Menu。。。選擇冇上次咁吸引, 最後揀咗burger set。呢個pork burger賣相吸引，成set好大地堆頭，見到隔離枱好多人叫，一於跟風！當然羊群效應唔一定有保障， 味道真心麻麻地。因為非黑毛豬關係，只可以做到全熟。塊扒咬落好鬼乾，冇乜肉汁，認真敗筆。咖啡就唔錯，仲可以有杯refill添。呢度服務梗係好啦，waiter／waitress 殷勤熱心，但食物質素就時好時壞好唔穩定。收咁貴會費，馬會真係要認真檢討下。…Read More

屋企兩老夜晩買左飛聽演唱會，我同老公就喺Poly訂左枱同佢地食晩飯。以前都隔中會來南北小廚，呢幾年就真係少左好多，一入到去就見到部長熟悉的笑容， 真係十年如一日。最難得係畢業N咁多年， 部長仲記得我先最窩心。招牌肉餅 － 冇得頂！！肉嫩好汁又滑，送飯一流！炸豆腐 － 皮脆豆腐心夠滑，入口即溶，好香豆腐味。黃金蝦 － 香噴噴鹹蛋味，蝦又新鮮又爽身。牛肉菜心 － 呢樣真係有驚喜！出街叫親牛肉片炒菜經常中伏，因為牛肉片成日好多粉，食入口好膠，丁點牛肉味都冇，但呢碟竟然有牛肉味之於仲好有質感，一個字正！蝦醬炒生菜 － 蝦醬份量啱啱好，成碟菜好香好爽。理工的南北小廚晩市要係職員先可以訂枱，價錢非常便宜，叫左咁多款餸再加多碟咕嚕肉，成餐埋單都係＄400左右！！…Read More

老表最近入院通波仔，大病復完, 我地一家人約左佢去張公館賀一賀。去過張公館飲茶, 餐廳大廳180度對住維港, 點心賣相精緻又好味。今次食晚飯同樣坐大廳，但靠窗果一兩枱阿叔講野好大聲，大家一坐底就皺晒眉頭，大扣分！！蝦多士 – 好正宗, 蝦膠好香, 多士炸得好脆!黑毛豬义燒 – 义燒係幾好味的。但當好多酒樓好好味的义燒都係賣緊$100幾十, 佢就賣成 $300幾, 有點離譜!脆皮雞 – 呢樣真係超超超正!!! 皮脆雞肉嫩, 好香好滑, 好耐都冇食過咁多味的雞! 價錢$300唔使, 平過义燒, 仲要大大碟~!!蝦燉水蛋 – 份量少, 要一人一客。在座個個係咁讚「好滑、好香」。因為我本身唔食水蛋, 淨係食左兩隻蝦。淨講蝦, 真係好鮮好甜~上湯腐皮豆苗 – 呢樣好食! 腐皮整到一磚磚豆腐咁, 好有口感又香豆味。咕嚕鱔片 – 幾香口，味道唔錯。整體來講，張公館食物好高質，不過價錢亦唔平，晚飯有8折，6人埋單要$450/人。…Read More

心血來潮想食西餐, 就去左MR&MRS FOX。老公好抗拒, 話佢幾年前食過好難食, 但我游說佢, 因為我幾個月前同朋友食完, 明明幾好食。一坐底叫左一個RIB EYE, 一個RISOTTO 及兩個SIDES。牛扒可以選擇廚房切好哂上枱或自己切, 我當然係揀自己切啦!! 要左三成熟, GRILL到啱啱好, 扒有肉味, 仲好TENDER添~RISOTTO賣相好得, 見到已經流口水, 好濃TRUFFLE味, 入口好CREAMY。整體好邪惡, 但唔邪惡點會好食!! 😈😘兩個SIDES, 一個SPINASH, 一個BROCCOLI。CREAM SOURCE SPINASH好味又嫰, 滿意。個西蘭花就不知所謂啦, 西蘭花已經乾身架啦, 仲要GRILL完再焗, 入口當然又「鞋」仲有燒焦味添。不過，整體來說除左西蘭花外係滿意的。我上網用APP BOOK枱, 成張單有65折, 正!…Read More

金鐘返工，有時想食得light D、健康少少，尤其是食素，選擇真係唔多，統一茶寮係另一間我經常幫襯的外賣店。統一茶療除了做外賣飯盒外，仲有10至20個座位可供堂食。一連兩日，我都買咗佢哋的素菜飯盒。南乳蓮藕炆冬菇：蓮藕本身冇乜味，但係加咗南乳吊味，炆得粉粉地，味道香口。炆冬菇一向係餐廳拿手小菜，非常入味。整體來講，餸菜份量算多，味道不錯，整體幾滿意。粉絲節瓜炆冬菇：呢個餸非常入味，節瓜又炆得冧，冬菇又香，不過份量可以再多返啲。值得一提的是，加$7就有一碗大大的老火湯，非常足料，另加$5就有一份水烚雜菜，不過份量就少左D，而且味道有D齋。…Read More

同朋友一向都係呢間餐廳的常客, 食盡佢地唔同味道的米線。呢間餐廳服務不錯, 每次企係門口, 即刻有職員帶入座。座位有分吧枱及一般CANTEEN二人對坐的長方形枱。我最鍾意食佢地的花膠雞米線及雞絲蝦米線, 湯底同樣地都係濃濃的花膠豬骨湯, 又有D雞味咁上下, 入口好香濃充滿骨膠原, 一飲就知湯底好足料!!今次我就叫左雞絲蝦米線, 蝦爽口, 雞絲吸左濃濃的湯底, 食入口好香滑, 次次都會成碗米線連湯清哂~!! 不過最近食完發現湯底淡左唔少, 冇以前咁香濃, 希望只係個別事件。…Read More

金鳯一向出名食菠蘿油, 以前食過兩次都好驚喜, 今日同朋友行完山當然要放肆一返! 加上朋友未食過金鳳, 咁就更加要試啦~一坐底當然即刻叫個常餐, 加幾蚊轉菠蘿油。一個餐有碗沙爹牛肉米粉、煎雙蛋、菠蘿油及一杯飲品, 約$52。菠蘿油好正!!! 包面果層糖皮好鬆脆、包身軟又夠香、加上中間一層厚厚的牛油, 食起來好香滑, 口感非常豐富。同朋友一路咬一路齊齊讚「正啊」!!其他就不過不失。碗沙爹牛肉米粉, 味道唔係差, 牛肉算整得幾香, 但賣相就唔多友善; 煎雙蛋我以為係茶餐廳式的荷包蛋, 但實情煎得過乾又凍哂，相信係一早煎定, 呢樣有待改善。…Read More

成日聽人講一品雞煲好正, 但睇網上食評話環境唔乾淨, 所以一直卻步, 今次朋友介紹試旺角店, 見食評OK, 就試試啦。去到餐廳樓下有少少R底, 因為餐廳位於一個好噏耷格仔店樓上, 心諗一陣食食下要去厠所就大檸樂。上到去安心少少, 格局幾四正, 坐低即叫雞煲, 都幾正, 雞幾滑，辣辣哋幾惹味。食完雞煲食火鍋, 呢間係一般雞煲店做法 -- 直接倒湯底落雞煲當火鍋湯底, 咁我就麻麻地, 好油, 又有少少窿味, 我寧願加錢換過個新湯底。整體來講, 雞煲味道唔錯, 厠所環境衛生都OK, 邊爐就一般。…Read More

今日老爺農曆生日，我哋一家四口去食西餐慶祝。因為之前去TIPSY食過兩次，覺得食物味道非常出色，而且服務好好, 加上今次網上訂座有拆扣，所以一於去食餐飽嘅!首先叫左個三個餐前小食: TRUFFLE TOAST, 好香TRUFFLE味, 而且包面烤到脆脆地, YUMMY!厚切牛舌好有嚼口, 令人回味。SCALLOP烹調時間拿揑得剛剛好, 帶子鮮甜又多汁, 個個食完都讚~~主菜叫了1.2KG巨型WAGYU RIB STEAK。RIB STEAK要成$1088一塊, 講真一D都唔平, 但因為之前食過兩次, 味道真心正, 所以放心叫。師傅GRILL完好體貼咁整塊上枱比我地望望, 再等我地影埋相先攞入廚房切, 非常細心。牛扒無令我地失望, 肉質嫩滑而且好香牛肉味, 四個人食到非常滿足。另外, 服務員推介我地叫URCHIN SPAGEHTTI, 話好多客人都鍾意。果然係好香海膽味, 老公奶奶好鍾意!…Read More