KateMan0428's Profile

見荃灣廣場開咗新的日本餐廳，價錢都唔平，放假一於食吓好嘢😌仲諗住食啲有質素的餐廳服務會好啲，點知職員都喺比個QR CODE客人自己落單，唔知以為自己去咗食元X….我叫咗和牛壽喜燒套餐🐮計埋加一都超過$200/餐…老實講，堅失望👎🏻所謂和牛同普通打邊爐舖頭的牛肉片真係無分別…又厚又（鞋口）..個湯底勁勁甜，食到最後連啲金菇蔬菜都擺唔入口，因為勁甜…珍珠米唔靚，無飯味。我最欣賞既係切得超薄片的沙律菜，清甜。另一半叫咗吉列豬扒咖喱套餐，食後感係豬扒比較乾，咖哩汁比較少。埋單$381，仲要自己行出去收銀比錢，既然下單同埋單都係自助，點解仲要收+1呢？不解。呢個價錢咁嘅質素就真係可一不可再啦。…Read More

同事話公司附近開咗新Cafe，新張期內仲有8折優惠😍當然襯住Happy Friday去試食吓😋餐廳：NN Coffee & Gin地址：鰂魚涌英皇道1001號11樓1號舖🔔溫馨提醒🔔記得要上一層到大堂再坐升降機上11樓📸門口打卡位📸餐廳裝修走少女夢幻風格，門口位置有千秋梳化位，加上旁邊浪漫的粉紅色花花牆，非常適合打卡👍🏻🍴精緻美食🍴⭐️班尼迪蛋鬆餅·烤蜜糖羽衣甘藍沙律 (HK$98)一刀切開班尼迪蛋，蛋黃便緩緩流出，將流心蛋配上烘到微脆的包送入口中，好吃到情不自禁笑出來🤭羽衣甘藍很嫩口，少少甜，同事都讚好食👍🏻⭐️煙三文魚青醬手工意粉 (HK$108)手工意粉絕對是必試的其中之一款食物！青醬味道清爽，手工意粉有口感，配上鴻喜菇及煙三文魚，非常飽肚😋⭐️Mocha (HK$45)超好看的飛馬拉花圖案😍，單憑拉花已經入選我心目中必點飲品！濃郁的可可完美溶合意式特濃咖啡，入口順滑，適合午後提神☺️⭐️NN提拉米蘇(HK$62)Tiramisu 的混合物入口順滑，配上紅桑莓及小花點綴，實為老少咸宜的甜品。⭐️牛角包窩夫(HK$72)窩夫賣相精美，一刀切開後發現內有朱古力醬，滋味無窮！加上色彩繽紛的小花和生果配搭，為午餐劃上完美句號。🥰…Read More

端午節打算同老公去堅尼地城泳池游龍舟水，咁啱住西環嘅同事推薦呢間餐廳，所以早一日經Open Rice訂座了。我哋比預定時間早了半小時到，好在餐廳只坐了一半人，即刻可以安排入座。餐廳樓底高，內裏嘅裝修好有品味，金色吊燈配上掛畫，感覺坐得很舒適無壓迫感。Menu上所有食物飲品都好吸引😍最後老公叫了Breakfast Fantasy，我就叫了Tiger Prawn Linguine，大家各自order了一杯咖啡。第一次食呢類all day breakfast 配搭咁豐富😍所以叫Breakfast Fantasy??? 有芒果醬配黑松露炒蛋、煙三文魚、芝士腸、風乾火腿、煙肉、燒菠蘿、士多啤梨、藍莓、多士！老公都讚好食，食材又新鮮。相比起我點嘅虎蝦意粉，就難免有點失色了😂（冇辦法啦，唔夠人哋colorful）不過虎蝦有口感，新鮮，唯獨意粉非手製意粉，感覺價錢收得有點貴了。烘過的車厘茄入口爆Juice，很甜。食西餐一定要配返一杯咖啡☕️咖啡杯好特別，拉花又靚，打卡影相一流。咖啡不酸，烘焙度適中，啱我口味☺️。食西餐就當然要配埋甜品先算完美落幕！見到好多人推介呢度嘅Tiramisu ，所以都叫咗一個試吓。個人覺得佢嘅酒味不太香，手指餅過多，軟芝士混合物太少，真係比唔到四星😅不過佢賣相好出色，影相覺得好吸引。埋單用AE卡仲有$20優惠，兩個人食咗HK$515。…Read More

經open rice 訂座了星期三18:30兩位，職員早一小時已致電聯絡確認訂座。餐廳環境優美，有宮廷感覺，四周都有花花草草等裝飾，感覺置身於花園間，非常適合女士和知己一齊共進晚餐。朋友點了是日餐湯，是大蒜薯仔湯，湯上的拉花很美，加上小草苗作點綴，已經滿足了我的視覺。湯品大蒜味不重，不用擔心飯後有口氣問題。我們點了凱薩沙律，沙律的中心位置特別配上雅致的紫色小花，讓人內心想大呼一聲，太美了！羅馬生菜很新鮮，蒜蓉包粒很香口。主食方面我們點了芥末蜜糖醬豬鞍架，五色蔬菜真的是要衝擊我的視覺嗎？為何所有菜式的賣相都那麼精美😍而且食物不只有賣相，味道都是一流！切開豬鞍架，內裡是粉紅色的嫩肉，非常厚身，火喉控制得很好。另一主食我們點了香煎刺身級帶子意粉，帶子非常新鮮，兩邊煎成了金黃色，但內裡依然有少少生，很滑很嫩。意粉亦很有口感。最後最後，由於是透過OpenRice訂座，每人消費滿$250或以上，餐廳會送出班戟一份，我們亦已滿額可享優惠；但我比較有興趣試試餐廳的Tiramisu，詢問了職員可否將班戟改成Tiramisu,，職員表示可以，但並非每次都可以，是額外替我們安排的。Homemade Tiramisu 很滑有酒香，作為飯後甜品，值得一試👍🏻餐廳正中間有打卡影相位置，職員拍攝手法順熟，幫我們拍了廿多張相😂👍🏻👍🏻服務一流👍🏻👍🏻…Read More

拍拖10週年，揀咗一間可以望海景的西餐廳食好嘢😁老公經Open rice app 預訂座位，非常方便👍🏻我哋預訂咗中午12點，到達餐廳後職員就帶位，我哋坐二人座位，旁邊仲放多咗一張櫈比我哋擺袋，非常體貼🧡職員仲悉心介紹咗個menu👇🏻👇🏻👇🏻我同老公都揀咗一樣的前菜👉🏻smoked duck breast🦆其實我第一次食生的冰菜（雖然我知冰菜可以做沙律菜）發現原來幾好味，黃色既喺蜜桃醬，甜甜的，配埋鴨胸又幾夾。粟米湯🌽打得幾滑幾香我點的main course，是橙鯛魚配spicy yogurt同薯蓉。原來橙鯛魚又名長壽魚，係長命的深海魚，壽命超過100歲。不過魚味比較淡，所以配一個淡味的汁先唔會搶走魚的鮮味，但其實個汁完全不辣😂薯蓉就好滑比較多油，但幾好食。老公點了黑毛豬🐷呢個黑毛豬暫時喺我哋食過最好食的黑毛豬！我最初試咗一口無汁醬的肉，真喺有好香的橡果味，非常獨特，後來上網搜尋先發現，原來pluma堪稱豬中和牛，是豬世界的王者，黑毛豬左右肩膊上兩塊小豬柳，油脂特別多、味道特別豐饒，每隻豬僅得兩件，每件幾百克，是以珍貴😱😱😱😱難怪咁好食！食完main course 就上餐飲了，我哋分別地點咗Flat White 同Latte，份量比想像中大杯，咖啡味香濃。最後亦喺最期待的甜品😍😍😍心太軟（需要另外加錢）餐廳非常貼心寫上Happy 10th Anniversary 🥰🥰當然要多謝老公的悉心安排🤪好耐無食過甜品了...好開心🥳好好味埋單後，職員仲話我哋可以出去餐廳外面outdoor位置影相📸️超好天啊！最愛香港的美景！難怪咁多人嚟餐廳打卡影相🥰呢一餐飯食得好滿足好開心❤️餐廳職員全部都好有禮貌，影相都識用人像模式影，真喺加分💕💕推薦👍🏻👍🏻👍🏻…Read More

一行3人到4口慶祝食生日飯，因為這間餐廳是IFC新開張的餐廳，所以來試試。餐廳地點很容易便找到，由於是新開張的餐廳，在IFC隨處可見餐廳的海報。餐廳不接受預訂座位，只可walk-in，我們大約6:30pm便到達餐廳，只有一枱客人正在用膳。餐廳有開放式廚房。餐牌比較別致，但款式很少👇🏻我們都選了黑蒜粒燉番鴨湯..全個晚餐最特別的只有這個湯喔...因為外面餐廳比較少這種湯喝。濃濃的味道😋這個餐前小食很精緻，碟靚，影相打卡一流，食物粉量很少，味道還可以吧。朋友點的野生紅菇海鮮麵🥣朋友話完全無特別😅我點的雜菇素菜手工麵...真係非常平平無奇..然後我回到家時（大約晚上10時）已經感到肚餓...朋友點的高湯燜炒純米粉...也是沒有很特別..最後承惠HK$550...又貴又不飽😅試一次便足夠。…Read More

已經是第三次食丸十日本食堂🇯🇵食物的美味會停留在回憶中，令我再三回味！🤤🤤🤤星期六大約十一點九已經到達餐廳門口，其實已經keep住有人入去坐低叫野食，真係好旺😨用餐時間1.5小時，由於時間尚早，職員可以安排窗邊座位比我地🥰🥰🥰⚠️餐廳的職員都有幫食客量體溫、消毒下雙手先安排入座⚠️無得去日本旅行唯有食下日本野補數😫今次我同老公都叫左幾款必點小食，第一款絕對是我地都非常喜歡食的明太子玉子燒！香港黎講算係做得唔錯家啦，但始終都係比唔上日本當地新鮮製造的玉子燒好食👍🏻第二款必點小食是我的FAVOURITE 🤤🤤🤤燒雞泡魚乾！第一次係新世紀廣場的丸十食完後一試難忘！食過其他日子居酒屋的雞泡魚乾但始終比唔上丸十🤭送酒一流！第三款是一口番薯和免治雞肉串....五粒燒過的小紫薯熱辣辣，甜甜的，好好味👍🏻反而免治雞肉串令我地有少少失望，因為我地係新世紀的丸十是食免治雞肉棒的，一心以為新都會分店都是一樣，所以先叫左兩串....我地另外仲叫左壽司食，由於我地不吃生食，所以點左忌廉芝士鰻魚卷😋壽司上的脆脆令食物口感提升左，忌廉芝士有點heavy，食完都飽飽地😅最後我地都點了一個飯作結尾。這個燒豚肉丼賣相不錯👍🏻配上一隻溫泉蛋，真係好日式的食法！燒豚肉燒得有少少過火，皮脂位比較黑，所以都無食皮，下次可以試下其他丼飯。整體來講食物水準、餐廳衛生情況都非常好👍🏻會再支持幫襯👏🏻👏🏻👏🏻👏🏻👏🏻…Read More

以前只可以係韓國先食到的Isaac Toast & Coffee 終於可以係香港食到了...（感動🥺）好懷念❤️星期六同老公一齊去食，排隊都排左一小時.....😭不過是值得的！老公第一次食都讚好味道！😋小小的店，只有十多個坐位。我點了煙燻漢堡吐司，是豬牛漢堡來的，不吃豬或牛的朋友要留意下⚠️吐司內有酸瓜、粟米蛋、配埋酸酸地的醬汁，加上排隊排到好肚餓...所以覺得非常好味道😆老公則點了皇牌芝士火腿吐司，佢話好味道👍🏻我地另外仲點了一杯cafe Lattle, 咖啡味有別於Pacific Coffee or Starbucks 的咖啡，口感不錯👍🏻總結：值得encore 啊！…Read More

老公話想食飯，提議食呢間燒肉飯，有豬又有牛，岩哂不吃牛的老公但吃牛的我。👇🏻👇🏻👇🏻巨型餐牌👇🏻👇🏻👇🏻閒日的中午時分非常少人，可能未到真正的食飯時段，我選了牛舌丼而老公則選了豚肉穴子丼。我的燒鹽麴牛舌丼飯🐮配麵豉湯👇🏻雖然望落去碗飯好細，但最後我係食唔哂d飯家...牛舌差不多有10片，非常薄，燒汁配埋珍珠米好好味😋麵豉湯超熱，有誠意👍🏻📌建議餐廳配埋柚子醬比客人，柚子醬配牛真係絕配！我老公的豚肉穴子定食🐷研究左個餐牌一陣先知穴子原來係鰻魚！我印象中好似係第一次食白雪雪的鰻魚，因為每次食鰻魚都有超多鰻魚汁，根本食唔到食材的真正味道...今次終於食到了！雖然有少少骨，但好易咬碎，有少少入口即容的感覺。豚肉有少少韌，但加埋汁同珍珠米都幾好食。不用收加一，會再幫襯！👍🏻…Read More

話說今日係我同🐷的結婚5週年紀念❤️老公搜尋左好耐最後有位自助餐達人同事介紹食呢間酒店Buffet😋經Open Rice預訂仲有7折添！🐷二話不說就預訂了～～～我地預訂左12:30pm的時間，食兩小時；職員特地預留左四人座位的卡位比我地，座位寬敞又舒適。自助餐種類超多！我都係選比較有特色又少機會食的食物...個人感覺甜品種類頗多，開心果蛋糕同紅桑莓蛋糕最好食👍🏻蛋糕口感有層次、少甜，岩哂唔食得太甜的我😆Parma Ham同蜜瓜都好食，蜜瓜很甜！鵝肝炒飯好食😋牛舌都唔錯🐮刺身厚切又新鮮🍣埋單$540/2人💸💸💸總括嚟講食物質素很好👍🏻值得encore👏🏻消費完憑收據仲可以七折訂蛋糕🎂我會介紹比朋友食！…Read More

母親節·坪沖遊🌹老公話呢間祺森冰室係坪洲幾出名，路過又見到4、5對人係到排緊隊，出名鍾意排隊的香港人當然唔會執輸啦！前排d人都等到謝哂皮....最後都等左成半個鐘先有位～～餐廳其實都係一間村屋的地下佢的menu其實同一般茶餐廳差不多👇🏻我地選了出名的蝦多士🦐脹卜卜的，咬落去淡淡蝦肉，果然名不虛傳👍🏻加少少沙律醬都幾好食，必食推介！天氣太熱，完全食唔落飯，所以我點了這個蕃茄肉碎通粉🍅🐷正當香港無豬賣的時候，坪洲竟然仲有豬肉碎供應，Amazing! 通粉有口感，不會很林，蕃茄肉碎加了香草🌿，感覺似加了茄膏，蕃茄味香濃，都幾好食。老公則點了非常受歡迎的滑蛋照燒雞扒飯🐔🐣最出色都係個照燒汁，簡直係成碟飯的靈魂啊！份量又多～～可以一試！最後我們一人叫了一杯紅豆冰飲！左邊係奶茶紅豆冰，右邊係Tiramisu 紅豆冰。個人比較喜歡奶茶紅豆冰，因為無咁甜。紅豆份量非常多，食得好飽好開心🥳。下次再幫襯！…Read More

初次到訪饒宗頤文化館，館內好似只有呢間西餐廳，抱住試下無防的心態就係餐廳坐低了。👇🏻👇🏻餐廳門面👇🏻👇🏻我和友人沒有預約，不過好彩都可以立刻安排到座位；建議有興趣食呢間餐廳的朋友都提早預約。👇🏻👇🏻Lunch Menu 👇🏻👇🏻我們點了兩個午餐Share食😊前菜的沙律🥗蘑菇湯和麵包🥯沙律無特別，都係菜啦；蘑菇湯內有打碎了的蘑菇粒，配上忌廉，令蘑菇味更香濃；麵包麵很好食！有種說不出口的味道.....哈哈就是好味道。叫了七成熟的西冷，老實說，很硬，又多筋....真的一點也不好吃...👎🏻相反呢個辣肉腸闊條麵味道同賣相都很吸引！推介一試！一個微微刺激味蕾的美味闊麵🤤最後的餐飲凍奶茶（其實係一杯凍咖啡）。話說我點的是凍奶茶，那位年長的伯伯侍應將飲品很用力地放下時講明呢杯係凍奶茶，我一飲就覺得呢杯凍奶茶非常有層次仲好好味！喔！最後發現自己原來飲緊凍咖啡.......🤦🏻‍♀️總結：希望下次係帶家人一齊黎呢個文化館行下😊如果呢間餐廳未結業，就再黎試下啦！…Read More

老公生日再一次入長洲行下，路過師妹甜品發現有開門做生意，終於可以一試呢間多人讚好的甜品店了。Menu 1👇🏻👇🏻Menu 2👇🏻👇🏻老公選了蜂蜜豆腐千層蛋糕🍰第一次食豆腐味的千層蛋糕，發現頗適合不喜歡吃甜食的我們。淡淡的豆腐味，配上可自行決定份量的蜂蜜啫喱，是下午茶的美食。蜂蜜啫喱晶凝通透，靜靜地伴在豆腐千層蛋糕旁。我則點了原味疏乎厘🤗等了約20分鐘（好東西就是需要等待！）入口即溶🤤蛋白的香味及糖的甜品產生的化學反應就是使人幸福感提升⬆️⬆️⬆️另外亦點了熱的宇治抹茶🍵這個的評價真的不太好👎🏻👎🏻太多茶粉了，過濃，雖然我們額外加了一杯熱水溝淡杯茶，但最後飲完我同老公的胃都唔舒服🤢🤢🤢。不過打卡影相就幾好睇。下次都係幫襯甜品算了😅…Read More

老公在open rice搜尋🔍了很多食肆，最後找到這間吃吧Chiba，很想試一試，於是便預約了平日晚上8時的二人枱。餐廳裝修很有風格，是適合一大班朋友促膝詳談的好地方。我們二人點了兩個主食和飲品。這是我點的蜜桃荔枝冰茶🍑🍑說實話，此飲品的器具令我十分驚訝😦是一個迷你中式花瓶配上一束假花😅不過飲品的味道是正常，是不錯的。拍照打卡一流👍🏻老公點的功夫啤酒賣相很有驚喜🤗🍺🍺🍺🍺是有回甘味的！接著是我點的黑松露雜菇闊條麵，這個就有點失色了，完全沒有黑松露味。很一般。相反這個煙薰西班亞伊比利亞豬扒就十分出色！👏🏻👏🏻👏🏻這個豬扒端上枱時是用透明蓋蓋住的，店員一打開蓋時，內裡的煙便全部走出來了。視覺效果一流，未開始食先開始笑。😂雖然豬扒非常厚，但肉汁鮮嫩，配上小粒小粒的蕃茄碎和香滑的薯蓉，更突顯豬扒的美味。推介👍🏻👍🏻👍🏻每人平均消費$2xx...希望下次可以約埋一大班朋友黎食。😆…Read More

聖誕禮物🎁抽中了King Parrot Group的coupon，所以行完工展會便到Fashion Walk試下呢間餐廳。餐廳位置都不難找，有室外&室內的座位，我和老公選了室內座位，避免吸入二手煙。餐廳內部環境，Salad Bar的一部分。Brunch Menu👇🏻👇🏻👇🏻我選了香芧椰香海鮮湯浸海爐魚及鮮蜆👩🏻老公選了Coast Breakfast 👀選好便到自助Salad Bar夾自己喜歡的Salad 🥗沙律菜頗新鮮，有三款菜可以選擇，我只選了兩種。另外，我夾了紅腰豆、鮮果粒、車厘茄、麵包糠、芝士和芝士碎；沙律款式都算多。食材新鮮多樣化，值得一讚👍🏻食完沙律後，店員才送上餐湯，應該是蜆肉忌廉湯吧！濃濃的湯內有兩隻蜆肉，鮮味十足，很高質呢！還有牛油蒜蓉包...明明我們是兩個人，為何只有一條蒜蓉包呢？不解之謎🧐主菜來了👏🏻👏🏻👏🏻是海爐魚配鮮蜆🐟賣相很吸睛👀甚有意式風情🤪不過香芧椰湯的味已經蓋過了魚的鮮味，所以我食唔出魚的味道🤔蜆肉和青口都頗新鮮👍🏻這個是Coast Breakfast 🍳 炒蛋很香很滑，美味！芝士腸都好美味呢！（加工食物嘛，點會唔好味）蒜蓉包正常，蕃茄很鮮味👍🏻但我地食完時先發現餐廳比少左薯餅.......向店員詢問過可以補返塊薯餅，不過我地已經好飽食唔落，所以無要到。餐飲我選了熱蜜桃茶，終於飲到杯比較有質素的蜜桃茶🍑有埋蜜桃片，蜜桃茶的茶味頗香。老公則選了熱檸檬茶。總結：食brunch期間，店員都不停為我們加添杯中的水，有問必答又有禮貌，頗好👏🏻👏🏻👏🏻但無諗過咁既價錢食brunch都會漏食物，有點失望。食材新鮮，但主菜不太合口味，如果沒有coupon都不會再光顧了。…Read More