rosie jessica的個人專頁

肺炎期間真係太耐冇出過街，都唔知道原來南山村開咗間新嘅西式餐廳🍴真係可以話係一枝獨秀，成個南山村一直都係以食碟頭菜，大排檔，冰室嘅食物為主。遠處就已經比呢間新開嘅西式餐廳裝修吸引住餐廳四周環境都係以休閒渡假風及配有好多植物喺餐廳內，感覺非常恬靜休閒主要都係以意大利菜為主，價錢非常合理，大約每一個套餐價錢為150左右，單點的話都是100以內餐湯配酸包餐湯是忌廉蕃茄湯，蕃茄湯嘅蕃茄味好重，鍾意食蕃茄嘅朋友不能錯過。湯上面亦都有少少類似橄欖油，帶出忌廉湯的鮮味。但若然不喜歡油膩東西的朋友，記得提餐廳不要落油。扒露筍黑松露雜菌忌廉燴飯這個菜式就是意大利菜最經典的一款，香濃嘅忌廉汁配上雜菌，淡淡都是充滿着忌廉香味的燴飯。而且黑松露醬都非常多，可以媲美在高級餐廳的燴飯.香煎三文魚配香草燒新薯三文魚扒的份量比想像中大，經過香煎嘅三文魚散發着香草味，而且三文魚亦都非常香口。配上新薯的組合，淨係食呢個都非常飽.雪梨檸檬梳打呢個飲品都係出面比較少見嘅特飲，雪梨配檸檬嘅組合口感非常新鮮，適合在炎炎夏日飲一口！味道是清爽甜口，亦都非常配襯三文魚嘅組合.法式焗諾曼第蘋果批焗完嘅蘋果批批面上散發濃郁嘅蘋果味，而且蘋果亦焗得十分香口。但留意蘋果批製作需時，我們大約都等咗20分鐘或以上，然而這個等待都是值得的…查看更多

觀塘有好多好嘢食就唔需要多講啦，但係如果想搵一間環境比較寧靜，而且又有得飲酒，同朋友可以吹吓水食，坐耐少少食下野嘅餐廳，係the wave building 的Deer kitchen 係一個非常唔錯嘅選擇餐廳嘅裝修如同佢個舖頭名，周圍都有梅花鹿嘅裝飾，充滿歐式風格，周圍嘅環境都非常有情調餐廳嘅嘢食主要都係以西餐意大利菜為主，同埋聽侍應講佢哋呢度嘅雞尾酒都係佢哋嘅主打開始之前我哋都叫咗一個小食炸魷魚圈配羅勒香蒜醬魷魚圈非常大個，魷魚都好彈牙，感覺都係好新鮮嘅材料！配上香濃嘅羅勒香蒜醬，是一個非常適合我的開胃小菜冬陰虎蝦扁意粉我本身自己好喜歡食酸辣嘅東西，所以每次見到有冬陰功嘅東西都必定會叫！而呢個意粉都非常新穎，混合左泰式同意大利菜。感覺非常新鮮，想不到原來冬陰功同意粉係可以咁夾北海道帶子墨魚汁意大利飯帶子微微煎香，半生熟仲有刺身嘅質感，咬落去好有鮮味同好彈牙；大利飯墨汁調味適，唔會太䶢，飯粒粒分明又唔會太乾身。芒果香橙沙冰大大杯夠哂消暑解渴，入面d碎冰唔會太大粒，飲起嚟好冰涼，芒果同香橙都唔會太甜太濃。Mocktail- peachy呢一個係冇酒精嘅飲品，佢嘅材料主要都係桃汁，橙汁，薑味汽水同埋檸檬汁。酸酸嘅感覺配上意粉都係幾開胃嘅選擇，同時都唔怕第二日返工起唔到身宿醉。焦糖燉蛋金黃的焦糖厚度適中，輕輕一敲，便會慢慢裂開；燉蛋口感幼滑，啖啖蛋香，作為飯後甜品份量啱啱好。蘋果金寶配雪糕蘋果金寶上面有好多玉桂粉，而且蘋果批的外皮也覺得非常脆卜卜。一啖雪糕，一啖蘋果批，可以話係冰火交融嘅享受！食完真係飽到上心口整體而言，覺得呢間餐廳係幾適合放工之後同同事聚會嘅餐廳。裏面有唔同嘅非酒精飲品同埋酒精飲品，好適合放咗工去摸摸杯底傾吓心事放鬆一下。餐廳嘅食物質素也非常不錯，價錢中上偏高，適合business dinner 或者fine dinner 的選擇…查看更多

肺炎嘅影響底下，冇得去旅行嘅香港人簡直係想死😭神奇的男朋友為咗滿足了我去日本的願望，帶我去咗尖沙咀一間超級日本嘅餐廳，位於尖沙咀棉登徑的黑門水產一入去餐廳就比餐廳周邊嘅環境吸引住！因為真的非常似去咗日本嘅居酒屋🏮或者係日本好傳統嘅餐廳，同置身日本一樣。周邊有好多人都有食不同的燒烤小食同大大碟的刺身！未食已經好興奮。黑門鰻魚玉子燒 呢個係一個非常考功夫嘅食物！因為佢係將一舊鰻魚包入蛋裏面，既不能夠將玉子燒煎燶，亦要確保鰻魚包在玉子燒裏面。好喜歡食鰻魚嘅我真係食得好過癮😋而且鰻魚都唔使細呢。蟹油蒜燒帆立貝見到我們order 的帆立貝正在燒烤中😆感覺真係好似喺日本嘅居酒屋，喺旁邊已經聞到有好香嘅味道！有濃郁嘅蒜蓉香味，亦有秘製嘅日本醬汁，加上即叫即燒帆立貝，係一個非常日本的地道食法。鍾意食帆立貝背嘅朋友不可錯過！黑門帆立貝配魚子醬為咗要滿足我食帆立貝嘅所有慾望，之後我哋再追加左呢個！帆立貝上到黎嘅時候我第一個感覺係。。。OMG! 好大隻的帆立貝！咬落去第一口，好食到快要哭出來😭因為平時出面嘅居酒屋都會將飯立貝燒到過熟，而呢度廚師掌握帆立貝燒烤嘅技術非常到家，不會太生，而不會太熟。再配上旁邊的魚子醬，陣陣海鮮味湧上口😋黑門令大漁魚子醬脆脆包呢個嘅感覺其實係有啲似西班牙的tapas. 不同嘅地方就係脆脆多士上面有的是海膽，魚子醬，甜蝦同三文魚籽。材料係好新鮮同有濃郁既海鮮味，加上多士食落係有fushion 菜既感覺，亦唔會覺得濟。鍾意食海產既朋友可以一試！赤鬼海老天反卷呢個海老壽司都非常推介! 海老食落去嘅感覺好新鮮，而且亦都炸得非常脆口，外面配上有好多粒粒嘅魚子，再加上少少千島醬，是一個非常適合伴酒的小食巨峰乳酸有巨峰提子既味道加上乳酸互相配合，甜味同酸味配搭得恰到好處，亦可以消濟，食得多炸物都冇問題白桃汁香香嘅白桃味配上唔同嘅燒品，試食日本菜不能缺少的一部份吧壽喜牛肉鍋牛肉鍋非常大煲，而且上面亦都有好多唔同嘅配菜，例如豆腐，冬菇，粉絲，而且個湯底非常濃郁！牛肉嘅質素都非常不錯，好大塊而且肥瘦均勻。我自己就好喜歡打邊爐呢類嘅食品總括而言，不論係環境，服務態度，同埋食物質素上面，呢間餐廳都非常不錯！好適合情侶或者一大班朋友放工閑聊嘅地方。重點推介，一定要嗌燒品！非常新鮮嘅海鮮，而且燒得好好味😆…查看更多

在港島區返工嘅朋友，經常要食貴野，真係食到人都窮。直到最近有朋友同我介紹，話喺北角有間好好食嘅台灣野，決定要拜訪一下。餐廳位於炮台山站附近， 5分鐘行過去就到。去到已經見到人頭湧湧，好多人係出面排隊，就知冇介紹錯。餐廳佈置得好有台灣九份嘅感覺，瞬間我哋已經將精神放喺食物上面。百香果紅茶:好重熱情果嘅味道，最啱食炸物嘅時候配上一份清新嘅味道冬瓜檸檬：冬瓜檸檬比較酸甜，鍾意飲酸味味飲品的朋友不能錯過！懷舊滷肉飯(小) 滷肉飯嘅份量非常恰當，啱晒鍾意食輕食嘅朋友，然後可以嗌多一些小食。滷肉肉粒非常大粒，充滿台灣的原味道，非常滋味紅燒牛筋牛腩麵: 牛腩麵份量非常大碗，而且牛腩都非常多。牛腩肉汁一咬就釋放，感覺到係煮咗好耐嘅牛腩，非常入味。而且麵質都幾彈牙，湯底都非常濃郁。酥炸花枝丸： 酥炸花枝丸外皮十分脆口，新鮮炸出嚟嘅花枝丸真係非常好食！裏面嘅墨魚丸都好彈口，而且份量都幾多酥炸魷魚🦑我自己本身好怕食好硬嘅魷魚，感覺會好難消化。但係呢度嘅魷魚非常彈牙，唔會炸到乾晒。見到好多人都有見到呢個九份芋圓: 同傳統嘅台灣芋圓甜品一樣，有豆腐花，仙草(類似涼粉的東西），同埋三款芋圓。我和男朋友兩人都只是食了一碗，因為非常大碗😱 芋圓得好味❤️食完正餐食甜品啱啱好整體而言，覺得這間餐廳的食物非常滋味，份量非常大份。絕對是屬於港島區價廉物美的餐廳，性價比非常高。內裏的間隔比較細小，的確是一間小店，建議需要盡早排隊。為咗美味嘅食物，排一陣隊都值得嘅🙆🏻‍♀️…查看更多

荃灣區嘅美食固然多，大街小店都食得太多，或者呢間位於工廠區嘅咖啡店可以俾啲新嘅驚喜大家。咖啡店近南豐紗廠，行完之後一條路順着2分鐘就已經到。餐牌嘅食物選擇都非常多，而且亦有不同比較新式嘅料理。意粉同埋意大利飯嘅選擇都係呢間餐廳嘅主打。餐廳格局雖小，但裝修同風格別樹一幟，餐廳內有唔同嘅打卡位，方便同朋友聚會留下倩影。法式于邑龍蝦湯，龍蝦湯嘅蝦味非常鮮，真係可以話係啖啖龍蝦味，係一個非常推介嘅餐前湯品香桃梳打果汁 : 果汁內的果肉非常多,有椰果，亦有大大粒桃！比起平時出面飲開嘅梳打材料更加多洋甘菊茶。洋甘菊茶嘅份量非常多，有一整壺。而且洋甘菊茶嘅效用都非常多，就好似餐牌提及到嘅鎮定作用，改善貧血小食方面就嗌左一個炸雞，雞粒非常香鬆脆口，另外配上沙律醬，係一個好好嘅飯前開胃小食燒慢煮新西蘭羊西冷配茄子醬，濃郁紅酒汁.    係賣相方面，呢個羊西冷已經非常吸引！首先講吓佢嘅茄子醬，其實係好幼細質地嘅茄子，配上佢哋自己獨家嘅醬料混合而成。真係會食到一條條茄子絲。而羊西冷嘅份量亦都適中，不會太多，亦不會太少。咬落去嘅時候，有香濃嘅紅酒味，同時亦唔會蓋過羊肉嘅味道。鍾意食羊肉嘅朋友不能錯過！泰式冬陰功海鮮燴意大利粉。呢個我覺得係一個非常特別嘅混合菜式，而我自己本身都好鍾意食冬陰功，所以就鼓起勇氣試吓！結果係，原來冬陰功同意粉係非常之配合嘅味道！既有傳統冬陰功酸辣嘅味道，配上意粉嘅口感，而且海鮮都非常多！係我自己個人私心推介！但係不過冬陰功嘅味道的確比較辣，所以唔係太食得辣嘅朋友還是選擇其他吧問過餐廳嘅姐姐，佢哋話原來呢度嘅芝士餅係佢哋自家製作㗎😱有好多唔同嘅款式，非常難揀坐在餐廳嘅一個，望出去就是一個攝人的海景。在在這兒又有閑閑地過了一個很美麗的晚上總括而言，我覺得呢間餐廳同平時食開嘅非常唔同，雖然交通的確會比較遠少少，但就因為夠隱世先能夠為忙碌嘅生活帶來一份恬意寧靜的感覺。而且食物嘅味道都非常出色，係一間好有心經營嘅小餐廳。整體環境非常清幽，窗外就望到一個大海景，非常適合情侶或者包場派對。…查看更多

東薈城就是一個購物嘅天堂，但係周邊嘅嘢食實在太無特色，大多數都以快餐店同美食廣場為主。最後去到高層嘅位置，遠處見到一間餐廳裝修充滿著港式舊式情懷，播放著首首令人琅琅上口的廣東歌特別加分，所以就最後決定試吓羅麥記餐廳嘅裝修充滿着舊式香港的味道，就連牆壁上都是以前我細個最鍾意玩嘅康樂棋，十分有趣。算係餐廳裏面一個好好嘅打卡點食物方面，其實主要都係以普通茶餐廳會見到嘅菜式為主，但就會加入唔同好多新鮮嘅元素！即使係好普通嘅一個公仔麵都可以有好多唔同嘅煮法超級肚餓的我哋，揀咗唔同嘅小食同埋撈麵！首先就食咗餐廳必食嘅小食，招牌蝦多士蝦多士即叫即炸，蝦膠同多士比例適中，香脆可口，雖然得兩個人但好快就KO左5件多士蜜糖炸魷魚椒鹽魷魚平時就食得多，但係蜂蜜炸魷魚就唔係度度有得食！的確係一個好新鮮配搭嘅組合 蜜糖中和返炸魷魚的油膩感，配搭好新鮮，食落唔會太漏，值得一試另外我哋仲嗌左蜂蜜系列嘅蜂蜜雞翼。厚厚嘅蜜糖茶係啱啱新鮮炸出嚟嘅雞翼上面，口感非常脆口！好有BBQ味道，而且肉質更滑黑松露卡尼撈丁呢個都係一個非常創新嘅組合。香濃的忌廉汁配上黑松露，醬汁非常香濃。而出前一丁面亦都充滿香港嘅口味，兩者配在一起感覺也頗新鮮！是比瑞士汁撈丁更有創意，鍾意食卡幫尼意粉的朋友可以試吓蜂蜜牛奶入座已經有d晏,叫招牌紅豆冰奶茶驚瞓唔着,所以試下呢杯蜂蜜牛奶特飲,蜂蜜既份量適中,唔會太甜,同牛奶blend埋一齊幾好飲美祿牛奶包 雖然已經食到好飽,但係人總有「另一個胃」吃甜點,結果無令我地失望,脆多士配花生醬煉奶再加上美祿粉,好惹味但又唔會太膩整體而言，我覺得呢間餐廳價錢相宜，雖然菜式就並不是山珍海味，但的而且確必有一番香港味道，值得同朋友聚會嘅時候試吓不同嘅小食…查看更多

位於筲箕灣的東大街，喺地鐵站B2出口，行1分鐘就到！新界人嘅表示東大街真係美食雲集！但係最搶眼嘅都莫過於呢間日式小店八沢。呢排凍凍嘅天氣就最適合食熱辣辣嘅麵！入門口之前見到佢寫住”十大烏冬麵推介”所以就決定要食佢哋嘅招牌，烏冬！只係估唔到原來連烏冬都有好多款！落單都非常方便先進，用QR code 落單，我同男朋友第一下見到都覺得好神奇！而且呢段時間仲可以減少大家接觸，非常衛生。最後揀咗店員極度推薦嘅黑松露忌廉海鮮烏冬 !一上枱已經聞到香香的忌廉味，仲濃過卡邦尼意粉的忌廉汁。非常creamy 但不油膩最濟口，食咗幾啖已經飲咗半碗湯，果然係不負眾望！海鮮主要係有三文魚腩同帆立貝。不得不提嘅地方係，帆立貝實在太大又厚肉，90幾蚊嘅價錢實在物超所值！鍾意食忌廉汁嘅朋友一定要食呢個！而男朋友就揀咗安格斯牛肉飯。牛肉份量非常多，直頭係一大塊牛肉嘅份量，而且仲配有自家製嘅特別醬料。食落去牛肉唔會太生亦都唔會太熟，啱啱好六成熟。而且咬落去仲有好多肉汁，得到男朋友90分的評分！而且都係90幾蚊嘅價錢，的而且個比起出面同一樣水準嘅餐廳平好多餐廳裏面都有提供串燒食物，型式有點似日本居酒屋。串燒主要以肉類同海鮮為主，價錢相宜，大約30-80左右。我哋最後叫咗兩個串燒，分別係大蔥雞肉同三品雞肉軟骨棒三品雞肉軟骨棒，每款雞肉棒都有唔同嘅醬料。分別有梅子醬，芝士醬，同埋燒汁醬。男朋友比較喜歡梅子的感覺，酸酸甜甜別有一番新鮮感。燒汁味道也不錯，但我最愛係芝士醬！芝士醬的口感最好，雞軟骨棒食落去都好有口感，一粒粒的雞軟骨，是一個伴酒小食的好選擇！而大蔥雞肉可以話係居酒屋必叫嘅小食！一啖蔥，一啖雞嘅組合，再加一支清酒！實在太完美。48就有兩條雞肉，而且雞肉都非常大粒！整體來講，我覺得呢間餐廳嘅衛生程度非常好，大家可以放心係呢段時間依然繼續出去食野。而食物方面都非常大份，價錢相宜，好適合兩個人一齊吃晚飯，靜靜嘅環境，非常有情調。…查看更多

一直係中環返工的我，行過呢間餐廳樓下好多次，終於決定約朋友想去食！上到去6樓嘅餐廳，入門就已經見到九龍皇帝的筆跡，雖然係一間西式嘅餐廳，卻充滿香港嘅風味餐廳並不是很大，反而仲有一種令人自在嘅感覺。望出窗外就已經見到繁忙嘅中環嘉咸街街市成個感覺都非常之地道，而且好有personal space 的感覺我同朋友兩個人望住餐牌，真係可以話係唔知點選擇🤔因為實在太多野都想食！最後係一輪掙扎底下，配合餐廳「一齊叫鷄」既主題，我哋嗌左Netflix and chill 套餐，總共有18件雞翼，三種口味。另外再可以揀一個配菜，配菜方面我哋就揀咗黑松露薯條我哋揀咗嘅口味分別有水牛城醬，泰式甜辣醬，同埋蒙古燒烤味共三款水牛城雞翼 Buffalo wing個人好怕食到太重口味既Buffalo Wing, 因為食完一隻已經膩到上心口，但Wingman既Buffalo Wing調味適中，唔會太辣，但又好惹味。雞翼上面有少許蔥碎，將雞翼的味道再帶上去另一層次！當然，唔鍾意食蔥嘅朋友記得要同店員講走蔥呀！泰式甜辣醬雞翼有口口一層嘅泰式辣醬係雞翼面頭，食落去酸酸甜甜，非常開胃。而且呢隻泰式辣醬亦並非平時麥當勞嗰種，感覺係甜少少，同埋個味再香啲！如果鍾意食泰國嘢嘅朋友，應該會好鍾意食呢個！蒙古燒烤味雞翼係一個好神奇嘅口味！上面配左少少黑椒粒，經過特別嘅烤法，雞翼非常脆卜卜可口！係一個好特色嘅味道！Side Dish 黑松露醬薯條薯條係新鮮炸起，黑松露味唔會太重，令人吃完一條又一條，停唔到口，略嫌黑松露醬份量有點少雖然沒有華麗醒目的招牌，餐廳位於中環鬧市中一幢平平無奇的舊樓，但卻有令人垂涎不已的佳餚，入口難忘的美好滋味餐廳時髦的裝修好加分Restroom的霓虹光管係經典電影Pulp Fiction既經典劇照而且店員非常友善，係咁同我地講笑影相🍷成個感覺都非常chill牆上「一齊叫鷄」既霓虹燈也好搶眼同抵死，餐廳整體無論係食物同環境都非常出色，快啲叫埋親朋好友下次黎。…查看更多

要知坑口真係無咩好食，所以以呢個食物沙漠來說，冬蔭公公的泰國菜是經好的！二個人叫咗個小食拼盤套同牛骨湯河，拼盤都幾大份的，有沙嗲串燒蝦，串燒雞，蝦餅、豬頸肉、酸辣鳳爪！我覺得個沙嗲串燒蝦同沙嗲串燒雞比較出色，沙嗲味好香同濃味！酸辣鳳爪個辣唔夠，我都唔算好食辣的人都咁覺。牛骨湯河晤錯，但無話特別好出色啦。…查看更多

坑口東港城的茶木員工很好，雖然做野比較慢小小，但呢間茶木也真係好多人排隊每晚。六點半至七點左右就已經要排隊等，我都等咗幾耐。我地一家三口叫咗個紅燒牛肉麵，豬軟骨麵同豆腐煲。紅燒牛肉麵湯汁好香，好似比起平時的茶木好食我覺得。豆腐煲下面有個火熱住，好啱冬天食，而且價錢都係menu上比較平的一樣。豆腐配的汁好香，伴飯一流！環境整體而言都係順服的，只係覺得等位等到有點不耐煩。因為呢間係一定要排，無很攞飛…查看更多

非常普通的餐廳啊，連鎖餐廳都係咁的standard.無suprise ,但都無話差的。呢間個high light 係用北海道牛乳煎蛋，但其實我覺得唔係特別香同牛乳味濃喎，滑就都滑的。好多冰室都好食過呢間只能說。。。我覺得價錢比較價，我食下午都無話特別平，環境幾好的，服務態度也不錯的，員工也是很有善的！但性價比真係低呀…查看更多

冬天咁凍最啱就係打邊爐！之前聽朋友講話呢間唔錯，所以去一試，的確出色！我地total 8個人都算多人，叫咗四川麻辣雞煲 ，四川麻辣烤魚 ，同其他配菜咁。小食highligh 有尖椒皮蛋！初頭睇落去好似好辣，但食落還好的，味道很特別！四川麻辣烤魚好新鮮條魚！但真係對於唔太食得辣的人來講有點辣。麻辣雞煲就普通小小比起烤魚，鐘意食烤魚多點…查看更多

85度C的cake 好好食的！ 有個叫“巴馬臣芝士蛋糕”，勁好好好食！好cheese, 好鬆軟的！仲有個千層蛋糕都好好食的，價錢合理，大約 18- 25 一件。而且85度C仲有唔同的特色飲品同面包。飲品主要都係台灣style 個d，味道還好啦，沒有什麼大suprise.個度有很堂食，外賣都得。但堂食的話你會發現d員工唔係好執枱。…查看更多

墾丁茶房係間香港食台灣野食的連鎖店，有好多野食都唔錯的！我最鐘意食肉燥飯，好有台灣風味的！呢度的下午茶餐平好多，相比起晚餐個d。我食過倆次，一次下午茶，一次晚餐，晚餐真係比較貴同唔平呀，接近70 一個餐，下午茶也只不過係35 - 40 ,差得遠呀！環境都幾舒服的，靜靜地，幾啱同男女朋友去！…查看更多

晶荷軒一定要吃的就是陳皮燉雪梨真係太好食了！餐廳將個雪梨心整走，成個雪梨也是甜甜的，冬天食係一大享受！晶荷軒其他食物都非常精緻美麗，味道也很不俗！重點，環境寧靜。加十分！可惜價錢的確較貴。一年來食幾次就好了！有全年証的有八折or 七折的！…查看更多