熊貓詩's Profile

見到報導介紹逸龍軒有大閘蟹食，就去試吓。價錢係成人$398，樂悠咭$368，茶錢及加一全包。酒店環境舒適。哩個放題除咗大閘蟹3隻、鮑魚、翅、半隻乳鴿唔係任食，其他小食、小菜、甜品任食，啤酒、汽水、果汁任飲。大閘蟹每人3隻，質素唔錯鮑魚味道唔錯，夠腍同入味翅就一般，味道較淡。一人半隻乳鴿，夠味，唔需要加鹽，夠嫩口，皮脆肉嫩🤭其他食物都幾好，小菜唔似預先煮好，食落覺得係即炒。之前都幫襯過逸龍軒食晚飯，任食小菜同之前散叫嘅質素差唔多，唔會因為任食而求其煮。總括嚟講，咁嘅價錢真係真心抵食，出面食店大閘蟹最平都幾十蚊一隻，貴則二百幾一隻，個人認為，哩度只係食唔係任食嗰幾款基本回本，始終都係酒店中菜嘛。☺️…Read More

每次經過綠茶餐廳，都見到要等位，今次特意六點前到餐廳，冇需等位直接入座。餐廳地方唔算大，企理乾淨蛤蜊絲瓜裡面除咗有蜆肉外，仲有蝦米仔，味道啱啱好☺️粉絲裹蝦上枱時係未全熱嘅，用Gas爐煮熱，職員會放計時器計時，搞掂好就會撈好粉絲同蝦。粉絲味道唔會太鹹，個豉油味好香。龍井烤雞龍井烤雞係綠茶嘅招牌菜，職員攞過嚟嘅時候係全隻雞，職員會幫手剪開。烤雞食落唔乾，雞胸唔鞋，都幾juicy，好食😋雞汁大黃魚大黃魚size OK，魚肉都算滑整體上四款菜式都唔錯，價錢合理，職員服務好好，會主動問食物如何，好有親切感，下次會再去試其他菜式。…Read More

哩個半自助餐雖然出面攞嘅嘢食選擇唔多，但質素好好，-海鮮有長腳蟹腳、澳洲石蠔、青口、蝦、蜆、小龍蝦、煮鮑魚。長腳蟹腳鮮甜唔太咸，石蠔鮮甜爽口，鮑魚煮得夠淋，個汁唔錯。-刺身有八爪魚同北寄貝。-冷盤以亞洲食物為主，包括泰式粉絲沙律、燒牛肉沙律、涼拌黑木耳、魚籽玉子蛋、鰻魚、煙鴨胸。煙鴨胸唔係來貨嗰D，係有好明顯嘅煙薰味，好香。-熱食有片皮鴨、燒肉眼扒、燒火雞、燒翠玉瓜、粟米芯。片皮鴨皮脆肉嫩，好食😋肉眼扒都唔錯。-主食方面，第一道菜湯類揀咗海鮮濃湯，個湯好飲。而第二道菜唔係自選，有海鮮濃湯貓耳朵意粉、烤大蝦配白酒汁、泰式炒雞肉碎羅勒葉生菜包同四川炒牛肉，4款裡面雞肉碎生菜包最好，其他就一般。第三道菜揀咗波士頓龍蝦半隻同薑蔥豆豉蒸石斑魚，龍蝦係折肉再用菠菜煮，再放入個殼，石斑魚都唔錯。-甜品方面有蛋糕同雪糕，因為12月，蛋糕有幾款係聖誕節主題，職員好有心機佈置，擺設得好靚，不過只試咗幾款，味道唔錯，雪糕最好食係雪葩，有紅桑子同檸檬味。飲品今次係西柚汁，埋單先知原來係任飲。餐廳環境舒適乾淨，服務好好，好開心嘅一餐。…Read More

Shopping前喺Openrice見到商場有哩間酒樓六小館，咁就嚟試吓先☺️酒樓地方舒適寬敞，👀落企理乾淨，只可惜入座時職員態度麻麻，好彩之後尚算正常返。酒樓點心價錢算係中位價，價錢OK，下午茶有8折優惠，14:00-16:00紅米鮮蝦帶子腸-腸粉皮夠滑，中間夠脆，好多餡，蝦新鮮，有西芹粒喺裡面。特式小館三款四件，有蝦餃2粒，潮州粉果同素粉果各1粒。蝦餃好大粒，有兩粒大蝦同蘆筍粒，另兩款粉果正常。瑤柱圃竹笙灌湯餃好足料，原粒瑤柱，都幾大粒，有竹笙，灌湯餃裡面有蝦同豬肉，個湯好特別，有花旗參味，都幾好飲。☺️鮮淮山棉花雞唔錯，有鮮淮山墊底，感覺健康，冬菇係鮮冬菇，棉花都有4大舊，幾好。薑蔥牛栢葉係較淋身，唔係好靭嗰種，碗底係冇任何豆卜或者白蘿蔔墊底，係第一次食到全碟牛栢葉，足料，味道唔濃。😚手工紫薯南瓜粿造型可愛，味道OK，只可惜我一落單叫埋，最後先食，令南瓜粿變硬，如果食先叫應該會好好多😜整體食物質素中上，價錢有8折，埋單$367，算抵食😁…Read More

酒店餐廳地方坐得舒服，下午茶Set有6款鹹點同8款甜點😊鹹點懷舊金脆炸蟹鉗容姐秘製越式蔗蝦椒鹽一口鮑魚養顏濃湯花膠凍極尚魚子醬燒賣金箔麻辣蝦餃鹹點6款都唔錯，蟹鉗同蔗蝦都彈牙，花膠凍好特別，裡面有一層層花膠，係有咬口嘅，燒賣OK，麻辣蝦餃食到麻辣味，又唔會搶到蝦味，好食。甜品車厘子慕絲蛋糕繽紛馬卡龍開心果聖誕樹朱古力慕絲小鹿黑加侖子千層酥聖誕曲奇香橙朱古力鬆餅原味鬆餅甜品屬於輕怡嘅，每款都好味😋 車厘子慕絲蛋糕酸酸甜甜，開心果聖誕樹又靚又好味，好香開心果味，上面仲有聖誕樹裝飾嘅糖仔，好細緻。千層酥好脆，香橙朱古力鬆餅有好多朱古力粒同橙皮粒，夾埋好清新，鬆餅係唔重牛油嘅，所以唔太膩。飲品都有4款茶、4款咖啡、朱古力同美祿揀，都算多選擇。整個下午茶鹹點同甜點都好食，相對一般出面酒店下午茶set，哩個屬於性價比高，好啱唔鍾意食全甜點下午茶set嘅朋友☺️…Read More

哩間食店係灣仔益新另開嘅食店，有益新嘅質素，但係唔駛益新嘅價錢🤭每星期必去嘅寵物友善食店，環境舒適，服務又細心，知道佢地用嘅食材要求高，食物新鮮，用料好，茶都好好飲，特別推介人參烏龍，係值得不斷encore嘅食店😋…Read More

喺灣仔食午餐如果多人食係難搵位D，咁梗係搵間有得訂位㗎啦，哩間係唔錯嘅選擇。話係私房菜，我覺得係菜館囉🤭喺灣仔打正旗號食潮州菜唔多，哩間開業年幾左右。地方唔算大，今次坐喺邊位，自成一角。首先嚟個普寧豆腐，豆腐好滑，個皮有少少似臭豆腐，幾香口。蠔餅好好食，用料十足，最窩心係係分咗好多塊。滷水鵝片雖然細碟少少，但係勝在幾好味😋川椒鷄味道幾好，旁邊炸紫蘇葉冇油(益)味梅羔排骨都唔錯，重點係有埋蝦片跟，出面好少排骨有埋蝦片㗎。欖菜肉碎炒飯係惹味之選。糖醋伊麵好食，唔點任何嘢食到佢嘅蛋味，脆口唔會腍啤啤。最後係甜品時間，哩個反沙係雙併嘅，一般出面食只係反沙芋，哩度有埋反沙南瓜，較為特別，不過唔好甜品嘅我好難評論好唔好食啊！😛…Read More

彩明商場最近又新開咗一間食店-金公館，主打京川粵菜，有點心食，又有京川菜食，以後食嘢多一個選擇。裝修都ok呀，D枱都唔算迫，地方都幾乾淨。有兩張落單紙，一張係點心，一張係午市，午市嗰張主要係京川嘢。我第一次食酸辣粉，覺得個味好香，好惹味，餸就少D料，只有少量芽菜、肉碎同花生🥜，食嘅時候要小心，唔覺意好易搶喉🤭蝦餃都唔錯，味道幾好，蝦🦐較為碎小籠包冇咩湯汁，皮算薄，唔乾，D肉都幾好食，個醋有薑粒，好味。腸粉都好足料，有足夠嘅叉燒粒，腸粉皮算滑。棉花鷄都幾好，唔係用豬皮，不過蟹柳粉咗D😛不過要留意吓張單啱唔啱，今次我係搭枱嘅，哩張係初落單紙完全冇問題，但係A枱加單竟然之後加咗落正枱張單度，好彩A枱嘅茶客發現，改咗單後點心冇錯，但係我兩個人，佢收三個茶位，所以埋單記得check單呀⋯⋯職員服務唔錯😊，有禮貌又快手，暫時好過豪X好多😝。…Read More

好耐冇食任食火鍋啦，今晚同最鍾意打邊爐嘅表妹同埋屋企人一齊去酒樓打邊爐，近近地就去福雅軒啦⋯⋯爸媽嘅飯堂🤪一向都知福雅軒有任食火鍋，但係幾年都冇食過，表妹同我👀到價錢好似幾抵喎，假期$158全包茶芥同加一，仲有汽水啤酒任飲...重點係6人同行，1個係免費喎，咁啱我地6個人，咁咪即係收5人錢？咁梗係去食吓啦⋯⋯唔該6個呀😊入門口就👀到菜係任夾嘅，仲有自己混醬嘅位置，丸類、蟹柳、泰式魚餅、竹輪、芝士腸、魚片頭、菇🍄類同粟米都係任夾㗎如果係任食火鍋，哩度個飲品櫃係可以任攞嘢飲嘅，仲有雀巢雪糕杯食，不過我唔記得📷任食嘅火鍋紙就係哩張啦👇🏻，基本嘅都有，冇特別嘅嘢叫，👀落都夠食呀，因為出面有咁多樣嘢可以夾，要食海鮮就另外加錢叫㗎啦😉菜洗得幾乾淨呀⋯⋯有大約七款菜揀🥬哩D都係自己出面夾🥢㗎，D丸類都唔錯呀⋯⋯另外落單叫咗肥牛、鮮牛肉、黑毛豬腩肉、鮮魚腐、四海魚皮餃、豬皮、豬紅、脆肉鯇魚片同魚腩、魚雲等等.....不能盡錄，但係仲有叫埋炸魚皮，不過冇📷到😋我地梗係唔只叫咁少啦⋯⋯有encore過㗎🤭最後除咗我冇食雪糕外，其他屋企人都一人一杯雪糕為今餐劃上完滿嘅句號😙大家只有同一感覺，超爽同超飽呀⋯⋯食得好滿足😍有6送1，埋單$790，平均每人$132，真係抵食呀！…Read More

味苑中菜館地方唔算大，有地下同一樓兩層，今次我book咗一樓，一樓裝修較為優雅。午市嘅點心餐牌，選擇唔算好多首先叫吓D小食，香港人好多時午餐少食菜，咁就叫番個雲耳食吓，因為朋友鍾意食。雲耳除咗酸酸地，仲辣辣地。哩間菜館燒味唔錯㗎，咁就叫個燒腩仔，個皮好脆呀⋯⋯好味😋鮑汁鳳爪味道一般，而只有5隻左右酥炸魷魚鬚個炸得夠鬆脆，如果外面加少少椒鹽就更好味哩個腸粉好好食，個腸粉皮夠滑，而個米網夠脆，好足料，啖啖蝦肉真係菠蘿包裡面堅有菠蘿🍍，仲有少少應該係吉士，不過焗過火，有少少濃，大家家要襯熱食，如果唔係會覺得個包韌韌地流沙三小豬造型可愛，食落係流出嚟嘅蘆筍蟹籽餃皮薄，食落滿口都係蝦個河粉味道較淡，食唔到XO醬味，河粉完全唔滑另外有套餐叫，不過我就覺得唔化算啦，貴咗少少😌…Read More

又到情人節，以往係另一半book位，今年我較為清閒就幫手book啦，為咗近佢放工方便，北角海逸酒店係首選。上網👀過，佢二月十四個價好合理，$468同平時星期五至日嘅價一樣，冇特別大幅加價，而且時間係1830-2200，啱晒我。我打去book位時都有問吓有冇信用咭優惠，當然冇啦，只不過職員好好，之後再打俾我話我知網上買有8折...估唔到咁嘅日子都仲有折，咁即刻買啦🤭其實我已經嚟過好多次食自助餐啦，今次主題係東南亞。入門口就見到今晚每檯都有蒸龍躉同朱古力火鍋送，真係好開心😃呀⋯⋯海鮮拼盤有麵包🦀、長腳🦀腳、青口、凍🦐、小🦞同蜆，我夾了4款。最愛嘅刺身係希靈魚同吞拿魚，出面仲有三文魚、八爪魚🐙同甜蝦。壽司都有好幾款，個壽司飯唔錯㗎！另外有煙三文魚同煙魚。有即開生蠔，唔記得👀吓係邊樹嘅添！仲有女士鍾意嘅花膠，雖然係花膠仔，不過一樣養顏一流😍哩個就係送嘅蒸龍躉，唔錯喎，個皮好高骨膠原😉東南亞嘢食有肉骨茶、馬拉盞什菜、醬爆🦐、巴東牛肉....仲有炒🦀、泰式豬頸肉、黃金🦐等等，燒味水準都👌🏼又有鵝肝多士，雖然我唔太鍾意食，但係都食番件先😝甜品有十多款，我揀藍莓芝士餅、綠茶慕絲、芒果蛋糕同多啤梨慕絲，甜品比之前進步咗☺️有三款H字頭雪條，我只揀朱古力🍫味。最後梗係上埋個朱古力火鍋啦，哩個係送㗎，而雪榚球係自己出去攞嘅，有職員幫手。雪糕有綠茶、香芒、夏威夷果仁、士多啤梨芝士餅、冧酒提子🍇同仲夏野莓味。仲有其他嘢食不能盡錄，大家有興趣就試吓啦⋯⋯😄…Read More

大年初一，出街食飯少不免，要喺沙田搵食，又要食中菜，美心集團嘅酒樓係我心水嘅選擇。過年食飯記得要提早訂位，而近幾年都會要求落訂$500，搵咗幾間嘅時間，最後決定訂潮庭。上到新城市上面，美心有三間酒樓喺樓上，哇...人山人海咁呀，加枱加到出走廊，好誇張呀！好彩訂咗位，不過都要等一陣。每年嚟美心集團食年飯有樣好，就係冇加價，同平時價錢一樣，只係冇信用咭優惠啫。鹵水鵝片都幾好味，有豆腐墊底，個人鍾意鵝片多過鵝件，因為啖啖肉😋魚蛋都可以的，不過偏鹹，什菜就有好多款：旺菜、白菜仔、小棠菜、紅蘿蔔同蘿蔔酒糟肋骨都唔錯，煮得夠林，件數都有八件左右最鍾意喺潮庭或者潮江春食嘅炒飯非欖菜肉碎炒飯莫屬，因為欖菜惹味，而且唔太油，所以次次都會叫㗎！☺️…Read More

好耐冇行開APM，襯出開觀塘就食埋飯先啦！去我頗喜歡嘅京饌，不過就要限時1.5小時。其實每次去都覺得周圍好嘈，可能樓底矮同埋多枱關係，不過最吸睛係哩個牆壁。次次都會叫四寶茶飲㗎見到推出嘅蟹粉系列menu我最鍾意食蟹粉小籠包同埋蟹粉豆苗蟹粉小籠包皮薄多汁，雖然一隻要$35，但係好味呀⋯⋯記得小心🥢夾呀⋯⋯蟹粉扒豆苗有好多蟹肉，而D蟹膏粒好鮮味，豆苗炒得爽口，味道啱晒我口味😊上海炒年糕有D小棠菜、旺菜絲同肉絲，年糕口感唔錯，不過味道啖口少少。薑茶湯圓個薑茶好夠薑，好味，唔係好甜，湯圓個黑芝麻餡好香。…Read More

上次食咗晚餐，今日再去試吓下午茶，難得爸媽肯一齊去試，就去試吓啦。1345開始派飛，1400入座。下午茶指定點心有八折😀孖寶$39起午市同下午茶優惠，都有好幾樣嘢揀呀⋯⋯唔知幾時更新咗嘅點心紙🤭我最愛嘅牛雜冇咗😌粟米魚肚粥拼鮮蝦炸雲吞，下午茶優惠$39...帶子菜苗餃一籠有四隻，個皮夠薄，個餡好足😋鑊仔煎三寶分別係蝦膠釀尖椒、豬肉釀豆腐同埋鯪魚釀茄子🍆豉椒牛腩炒河味道好好，只係河粉唔夠滑，但整體好味。…Read More

新嘅一年，唔想出去同人迫，就喺附近商場食番餐，天氣咁凍打邊爐梗係不二之選。一向只係喺麻酸樂食米線或者二人餐，今次先第一次試佢嘅麻辣鷄煲火鍋。地方都ok㗎，有卡位又有高枱。哩個就係一品鷄煲二人餐，如果單點一個鍋$98，跟配料同兩杯嘢飲$128，如果$158就再多兩款嘢，即係B+C。上枱啦上枱啦，我揀咗麻辣鷄煲，本來個鷄煲裡面都有蟹棒、鮮腐竹、香芹、黑木耳、蒜子、洋蔥仔、冬菇同芋頭。跟鍋配料都唔少，有生菜、金菇、黑木耳、凍豆腐、鮮腐竹、豬肉丸、墨魚丸、順德魚腐、蕃茄、芽菜同米線。四寶丸拼盤：豬肉丸、墨魚丸、牛丸同腐皮角鹵水拼盤：鷄翼、鷄蛋、豬耳、豬腸同豆腐跟餐有兩杯嘢飲埋單只係$158，食完好飽呀🤪…Read More