Nam Nam Nam 1213的个人专页

呢排踏入生日週前後😌朋友仔開始陸陸續續約我食飯，咁啱畀我見到潮江春出咗「高原珍饈 宴彩雲南」潮菜系列😍真係啱晒鍾意食中菜但同時極之挑食嘅我啊！呢次系列係由美心中菜主廚團隊親自深入雲南，走訪唔同嘅特色市場🔍再精選30多種當地嘅珍稀食材，絕對係有齊潮菜嘅精髓啊！我就叫咗一湯三餸加埋我最鍾意嘅反沙芋做甜品，簡直係大大大滿足🥳🥣湯品推介🥣「新鮮姬松茸竹笙花膠羹」啖啖嘅花膠膠原蛋白，加埋雲南最出色嘅食材：姬松茸、「菌中皇后」竹笙，其中一定要提嘅係呢個諾鄧火腿🍖潮江春選用放牧喺山林嘅山豬，而醃肉嘅食鹽特別用咗有千年歷史嘅諾鄧鹽井，造到鮮香而不鹹🤩🔥主食推介🐟「火焰燒汁雲南鮮菌鱸魚」一開始嘅火焰效果令我嘩嘩聲啊，絕對吸引眼球非打卡不可啦📸而炸到金黃香脆嘅鹿茸菌同炸鱸魚，加埋自家製嘅雲南風味醬汁令我食到唔停口😋我睇介紹原來鹿茸菌係產自雲南嘅珍稀野生菌，因為外觀好似鹿茸所以就有呢個名，佢仲有強筋、降血糖、降膽固醇等呢啲功效，啱晒我啊🤓🦐主食推介🦐「金耳伴蝦膠釀羊肚菌」個羊肚菌釀入蝦膠夠晒彈牙，令我忍唔住食完一舊又一舊🙌🏻不過最特別係中間嘅「金耳」，我原以為係花膠嚟架！金耳係雲南有「耳中貴族」之稱👑可以美容養顏、滋補養生，潮江春加埋南瓜金湯，更加鮮甜☺️「高原珍饈 宴彩雲南」潮菜系列嘅推廣日期由即日至9月14號咋🤩原來全線潮江春同潮庭都有，我要再搵日同朋友試埋其他菜式先得🥳📍 推廣日期: 即日起至9月14日 📍 推廣分店: 全線美心皇宮 、全線翠園 (廣場飯店除外)、全線八月花、映月樓、翠玉軒、全線潮江春、全線潮庭及全線北京樓 (葵芳店除外)…查看更多

成日都會經過，覺得個裝修好靚😍（不過掛住食忘記咗影😆）終於有次團餐食啦！整體食物都算唔錯，上菜速度都幾快，所以午餐時段都爆爆地，記得要提早Book 位！今次每日都試晒Menu 上嘅食物😆大家最推薦係個雞，夠Juicy 又夠厚肉，份量適中！而個前菜沙律塊蝦片係必試！另外個汁都好開胃，酸酸甜甜，very refreshing 👏🏻至於魚就一般般🐟鱸魚（好似係）都有啲難煎得夠好食，但就一定唔係腥而個豬頸肉比較似半肥瘦叉燒多啲🐷我鍾意食燶邊所以我都係大推！另外牛🐮維持到水準，雖然睇落生咗啲（我鍾意七成），但入口都夠Juicy，唔會煎要似橡筋！另外最喜歡係杯越南咖啡，因為係加煉奶！可惜我掛住飲無影相🤣所以大家下次自己親自試更好😆…查看更多

平時牛大人都係我想食打邊爐嘅餐廳首選，不過今次畀我發現到有個新嘢試🤩所以忍唔住想分享下😌今次試嘅係「炎夏椰樂祭」，限定有「喇沙椰爺仲夏鍋」、「木瓜椰皇嫩雞鍋」，啱啱大病初癒嘅我就試咗後者潤潤肺😛而呢個「炎夏椰樂祭」仲有好多小食、飲品同新醬汁揀，啱晒我最鍾意試新嘢😆木瓜椰皇嫩雞鍋真心勁足料😆啲椰子肉多到王得了，所以都造就到佢夠晒清新香甜，而雞肉都係即叫即時滾，所以肉質夠晒嫩口啊，食唔晒用嚟熬湯都係Perfect！我最鍾意佢仲有啲蟲草花，真係夠補呢碟椰酥跳跳豬我會形容為筆墨都難以形容🤣因為炸到香脆嘅五花腩，但沾上啲爆炸糖，酥炸同爆炸糖食落一齊「嗦嗦」聲，而且鹹甜交集，鍾意新嘢係必須點！！！（無錯我係須，即係一定要無得唔揀嗰種😆）黃金椰絲蝦丸我就點咗椰汁美奶滋試下佢，蝦都夠彈牙，配埋美奶滋代替一般沙律醬，又係有另一種層次嘅味覺昇華啊🤩椰林火山脆薯條我就點香椰火焰醬🔥真心又點會諗到薯條會配辣辣地嘅醬汁先，都係我第一次新嘗試，真心唔錯🌟相信有食牛大人都知以前甜品只限一次，我今次嚟發現依家Movenpick同haagen Daz 雪糕任食😳仲要出咗牛大人自己品牌嘅雪糕，勁正，但今次我推係新嘅香芋椰漿脆脆，杏仁薄片連埋椰漿同夠粉嘅芋頭😍我食咗兩個😆真肥死😆因為我今次係點咗「日本黑毛和牛A4+」晚市套餐，所以就有任點雞尾酒特調飲品，鍾意飲啤酒都得🫶🏻若果係點「澳洲極上和牛」套餐就好似係可以加$68 就可以升級㗎啦，所有嘅特調飲品包括有粉桃椰香 、冰檸伴椰、藍調微風🍹聽侍應哥哥介紹，若果Follow 牛大人嘅Social media platform就可以有「椰奶蓋芒芒爽」，今次係我朋友仔試點咗，佢話好有楊枝甘露feel 😳重頭戲仲有一個勁搞笑嘅活動叫「知識就是折扣」，係唔準用google、chatgpd、書呢啲情況下去答問題，中咗就會有特別優惠！* 答中2️⃣題：即影即有一張* 答中4️⃣題：即送鮑魚小吃拼盤共6隻 (3款特色鮑魚各2隻)* 答中5️⃣題：下次惠顧吃到飽套餐全單八五折 (需登記成為Storellet會員)我覺得自己超勁因為中咗四條！（錯嘅一題係竟然1GB 唔係等於1000mb！）仲有個優惠雖然就與我無關但都想話埋畀大家知，就係有DSE畢業季❤️學生狂歡時段❤️學生有全日制學生證，係星期日至四9點後入座就可以有呢啲優惠啦👏🏻 「美國特級安格斯」套餐即減$30👏🏻「澳洲極上和牛」套餐即減$60👏🏻「日本黑毛和牛」套餐即減$90…查看更多

之前偶爾機會買到吃茶三千真係一試上癮😍我最鍾意係佢啲珍珠同奶蓋，珍珠甜度適中(因為我平時飲開走甜，係靠珍珠有返少少甜味啦！)，而個奶蓋夠厚👍🏻唔會行幾步路搖兩搖就咩都無晒咁！早排行過銅鑼灣時代廣場，發現開咗一間分店仲有新開優惠，真係不得了👏🏻立即拉埋個朋友買啦，今次我就試咗蜜桃綠茶奶蓋同珍珠奶茶，仲送咗張勁Cute嘅冰箱貼啊🤩首推蜜桃綠茶奶蓋茶味好夠，仲有少少After taste 嘅甘香甜，原來佢係由現萃茶葉沖泡嘅，仲有少少蜜桃果肉，我覺得夏天行完一日街想清爽少少就最正，加埋奶蓋補充返啲體力就可以再行過啦！當然國王珍珠奶茶就必點啦，我最鍾意佢個奶香都係茶味夠香，加埋煙煙韌韌嘅黑糖珍珠，我真係五分鐘就可以清杯想再點 hhahahahaha (但都只能適當份量飲唔可以太過份)Btw 要讚下呢度啲工作人員，雖然忙到踢晒腳，但都唔會忘記笑，要再諗下飲咩都唔會黑面對待，因為我朋友仔第一次飲唔知咩叫油切 (呢個Terms 我第一次都唔識！)企係櫃面解釋都唔會催你，所以真係好好！…查看更多

之前睇其他foodie 影到好好食咁，又海鮮粥底又勁實肉龍蝦，點知上到嚟一個人都無，已經心知不妙🥲但book 咗位唯有繼續硬住頭皮坐坐低 真係一個人都無㗎！！佢聲稱因為今日平日喎然後叫咗個套餐，我細心計算過其他套餐，其實仈量同食物係一模一樣，所以完全唔明白點解會貴啲，又因為太伏嘅感覺就試個最平！真心講，每樣食物佢都講到野生嚟，又話南非點點點，細隻過我隻手指喎大佬😂😂隻鮑魚佢仲叫我用刀叉食😂我口大真係攝牙罅都唔夠啊重頭戲應該龍蝦，細隻到一個點，佢仲話澳洲大龍蝦，同埋唔甜的，肉質都彈牙嘅，不過每人得半隻，好勻真，呢隻奄仔蟹係全餐最好食嘅一隻㗎啦，其他就無了🥲最後亦係我因為呢個粥底先畀人昆到嚟，都叫不過不失啦🥲埋單加埋加一同醬油錢要五百幾，真係食咗個空虛全場要點讚係個侍應，佢能夠背住良心背咁讚美每樣海鮮，仲要講係「大」嘜「大」嘜但細到鼻屎咁都唔笑，真心專業啊…查看更多

突然想試下食韓國菜，第一次幫襯，但無諗過個份量細得驚人，價值$68 嘅炒年糕加埋十舊都唔知有無，再加咗幾粒鵪鶉蛋，我真心寧願佢畀多幾舊年糕我😂同隔離放醃蘿蔔嘅size 大少少咋然後炸雞都要原價$132，減價$92.4，但都係甩皮甩骨咁🙃仲有買咗個一人便當，都係減價後八十幾蚊，份量算係正常少少，但若果原價要成$108，真係好昂貴囉我諗最抵係個泡菜因為減價係$2，個醃蘿蔔都係$11左右，不過睇完成個portion 真係大食少少都唔會夠，下次都唔會再幫襯，去食燒肉食飽晒都唔使呢個價，仲有最重要其實佢只係喺街市裡面，不過賣緊中價位食物，我認我窮食唔起了🥲我仲要見到好多其他食評話佢大件又抵食，真心難以置信…查看更多

因為想同朋友仔搵個地方安靜食下嘢傾下偈，點知就畀佢帶咗我去呢度，其實真心唔知道原來希慎嘅誠品裡面有間咁嘅餐廳😆所以食客唔算多，我哋坐咗好耐😆又因為我哋都唔算好肚餓，所以就試咗呢個下午餐set，兩個人食真心夠飽，因為個麵包夾埋芝士都幾膩，然後中間嘅魚唔太腥，我最鍾意係佢用咗English muffin bread🤣然後個啤酒雞漢堡都有驚喜，因為佢係帶住少少嘅麥香味，無諗過啤酒嚟煮雞反而會得出呢一種味道，同埋個份量好大個！最後梗係食甜品，個焙茶巴斯克芝士蛋糕都尚算出色，焙茶味可以重多少少，不過個焦香都唔錯，份量就唔算大件，但之前嘅食物都好夠飽，所以佢用嚟得閒咬兩啖就啱啱好！…查看更多

新開張所以嚟試食！原先係被門口啲麵包吸引咗，點知睇menu 發現有主食，所以就同一堆朋友仔去幫襯下，做個試伏先兵🤣原來呢度就未必有飯麵嘅碳水類，反而就用咗麵包去代替，所以每個菜式都會有麵包跟😌我最重要係個酸種麵包，聽講係招牌菜，個酸種仲要有20年，所以個酸度不得了！而菜式賣相係好得嘅，而且夠新鮮，不過就無話好好好有記憶點，可能因為畀個麵包搶咗鏡🤣呢度仲有啲古怪口味，例如係冬蔭功味，又有個包寫晒大吉🤣決定下次再嚟試下啲包而呢度亦有咖啡同甜品，最特別應該係個巴斯克芝士蛋糕，因為可以揀自己幾大件之餘，仲有得試味！但我好似無影到🙃🙃所以你哋直接去試食啦🤣🤣🤣…查看更多

平時食開佢蝦仁叉燒滑蛋炒飯同豬潤通粉，今次想試下新嘢，因為唔食番茄，侍應姐姐好好人揀個平餐畀我轉午餐肉粒雖然得幾粒午餐肉但勝在厚切！然後你睇到佢層皮夠脆，但就要拿拿臨拎返起否則就會浸淋咗！雞湯同通粉就正常水準發揮！而滑蛋我雖然都好味但我個人就覺得太過生，我鍾意略為再熟多少少就會更好啦！最後梗係要搭返杯絲襪奶茶，我最鍾意係佢保留到舊式奶茶（曝露年齡系列😆）嘅茶澀味，仲有after taste 嘅果個奶茶甘香味，真係唔係間間都做得返，所以嚟親食都必點啊！…查看更多

真金白銀畀錢試🤣🤣成日都叫 chicken factory 原雞外賣，今次第一次堂食，叫咗咖喱汁，估唔到又幾香幾辣！燒雞就一貫高水準！真係食幾多次都會想再叫雞🤣但我覺得有驚喜係個泡菜，自從去完韓國就好想食泡菜，呢個辣味夠又香，十幾蚊份量好足夠，加埋油飯食一流！鍾意辣泡菜嘅不妨試試！一…查看更多

一直知道呢間係打卡名店，舖面真係有個打卡位好靚（不過因為我去傾偈所以無影相，但個雲朵好值得影）我哋一行三個女仔，雖然佢寫用餐時間係90分鐘，不過我哋由七點半坐到十點半都無人特別趕走，而我哋點咗兩個main course 加兩個小食，芝士忌廉耳朵粉真係好濃郁芝士香，但都好膩，個耳朵粉煙煙韌韌唔錯，所以唔太食得晒啦；再叫咗個櫻花蝦帶子明太子忌廉扁意粉，櫻花蝦鹹香唔錯，帶子咬好都好好。至於小食都係雞翼，蜜糖柚子雞翼酸酸甜甜夠開胃，但我都係鍾意避風塘單骨雞翼，因為帶微辣，夠惹味！飲品我自己試咗竹炭鮮奶咖啡，口感唔錯，個雪糕真係好好味，好香好滑！但再點咗美式咖啡，幾鍾意果個果香味，唔會太Strong！當然最後點都要叫個刨冰，因為佢我先揀試呢間，大碗到真係食唔晒！芋頭味好正，有晒芋圓、芋泥，若果芋頭控真係必點，會想再去試另外嘅唔同口味，若果想係尖沙咀同朋友慢慢傾偈，真係一個不錯之選…查看更多

第一次四個人食，所以叫咗個四人餐，主食可以叫一樣，小食叫四樣，價錢都係$488。我哋叫咗個焗黃咖喱麵包軟殼蟹，真係必點，啲汁要撈晒落個麵包度唔好浪費！叫咗呢個，若果唔一定好麵飯，基本都好夠飽然後再揀咗明爐大蜆煲、去骨豬手煲、串燒半打同埋生菜包，個生菜包堅辣！豬手肥瘦適中夠入味，大蜆就份量唔算多，係勝在個湯夠鮮甜！最後仲叫咗生蝦、冬蔭功，冬蔭功夠香，生蝦個辣汁多到點唔晒🤣賣單每日大約$200，絕對會再返去食，正👍🏻…查看更多

第一次同朋友食，見到有好多唔同特別口味嘅gelato ，試咗幾隻味個waitress 都好有禮貌去serve ！而今次試嘅豆腐花味真係好有驚喜，原以為只會係豆腐味囉，點知真係有薑汁嘅味道，同埋佢又真係會加黃糖係面，真係不得了咁認真！我哋三個人要咗兩球，$75抵啲。另一球係開心果，佢都係少有真係有濃郁開心果味嘅雪糕！成個性價比我覺得絕對值，三個人食兩球都好足夠，佢仲有啲唔同嘅特色口味，下次一定要試下☺️☺️…查看更多

知道之前係日本好受歡迎又拎過奬嘅天丼—金子半之助嚟咗香港，咁啱同朋友行完葵涌廣場就去試食一下啦，估唔到呢一次試食，我獻出咗我寫食評嘅第一次畀佢，因為果份難忘，實在好刻骨銘心其實一行到門口聞到可說係劇烈嘅麻油味，我真心已經有啲想縮沙，但畀我朋友捉住話點都要試試....我咪硬住頭皮試囉！足足等咗個半鐘先入到去，果刻真係有啲暈，因為果股麻油味極重，仲要條隊轉來又轉去，頭都暈埋🤦🏼‍♀️幾經辛苦去到門口，之前排隊都見侍應笑晒咁、客人又預先拎住餐牌，諗住Service 都還好，可能我唔夠靚啦😭輪到我個侍應只係望一望我，無行動過😔就連入到去都要兩個人分一本Menu，嗯，都知道你哋做得辛苦啦，好啦🙃咁我同朋友一人叫咗個天丼，其實我唔太記得個名，只知道我果碗係有個叫「舞菇」、朋友就叫咗個鰻魚嘅。其實由七點幾等到九點先有得入已經好餓，結果叫完差不多成25分鐘後先有得食，媽啊😭😭我唔係想食宵夜啊😭😭好，要知道一個飢餓嘅人正常食咩都覺得好味㗎啦！但果刻我有懷疑係我太清醒，或者我唔係正常人，當我碗天丼嚟到，我望到上面嘅天婦羅「其油無比」，心已打個突：「唔會全部都係麻油味」卦！嘩，之所以我打呢個標題，全因為佢入口果下，係可以‼️無味⁉️㗎！點解可以咁神奇！到底門口強烈嘅麻油味由邊度傳出嚟！咁都唔緊要，由於本人堪稱係「蝦怪」，細細個就會食一斤蝦，「食蝦無數」真係自誇專家都不失為過，而呢一口，呢隻蝦竟然係霉🤮🤮🤮🤮🤮🤮🤮🤮仲要塊炸皮厚到頂點🙈蝦霉又細隻，當下我秒速放棄就算，結果我要「去皮」先食得到一半碗天丼，如果咁都拎到日本天丼奬，原諒我不知什麼是天丼了。真心要多謝佢令我願意踏出第一步，因為我唔想再有下一個受害者😭😭😭…查看更多