veveveyy's Profile

假期來觀塘搵野睇揾野食，一於來食朋友勁推的點心。籠仔馬拉糕勁鬆軟又香甜，完全唔係果d死實質感。香港人成日食點心飲茶，第一籠點心已經有驚喜，好期待接下來的其他點心。鮮蝦腐皮卷熱辣辣，外脆又香，入面蝦好爽，加少少喼汁真係襯到絶。山竹牛肉球又係至愛，大大粒，足料得來又唔會死實實，彈彈地好過癮。大大粒燒賣，雖然一籠得2粒，但一粒要咬幾口先食完，鮮蝦又係爽身。大大粒蝦餃，皮薄，入面蝦好足料，又係唔可以一口就食完果隻。脆皮銀蘿腸，腸粉皮唔厚粉，入面應該係煎蘿蔔絲餅，勁正，配少少鼓油同花生甜醬幾夾。咸水角又係不得了，外脆内軟，整好就立即上枱，唔係炸完放左一段時間果隻，入面的咸粉就正常發揮。最尾的五香金錢肚又係幾多料，但底係吸晒味的芋頭，但無出面茶樓果d水汪汪的醬汁但金錢肚係無咩味。相反，呢度係又林又香，勁入味。雖然地方唔大，但即叫即整，上枱又快，下次一定要再來。…Read More

呢日行完山已經好攰，來到觀塘就揾間中菜坐得舒服食晚飯。例牌燒鵝，呢隻燒鵝偏肥，油香十足，不過食多兩件會較膩口，飲淡茶清清口食下一個菜。同燒鵝係同一個set咁叫，4個人都夠，不過略嫌煮過龍左少少。甜桃千島蝦球有驚喜，蝦球好大隻，好脆身，千島汁炒埋一齊好夾，芝麻甜合桃甜甜地好好味。金銀蛋莧菜正常，夠大碟，皮蛋咸蛋食極都仲有，足料。海深蟹肉酸辣湯，料頭都夠，略嫌豆瓣醬濃左少少較霸口，變左酸味無咁重，但喜好重口味的朋友應該ok。鴻星好耐以前食過茶點心都ok，呢次晚餐好在都無令我失望。…Read More

收工夜左行開附近，來望月樓食中菜差差電。叫左個二人餐，一坐低就放左個前菜青瓜仔邊等上菜食野前飲個湯潤下，杏汁燉白肺湯，飲完好舒服，湯料又足，呢啲湯屋企懶煲，出街有得飲一定叫來飲。蒜泥白肉好好味，重口味arm晒香油萵苣絲就有不過不失，整體都脆身主菜就揀左酸菜煮桂花魚，魚肉鮮滑，魚湯都好香，不過個人喜歡酸味多少少高手炒飯有驚喜，炒飯粒粒分明，料頭又足，如果可以大碗d就好了。最後個甜品以蛋白杏仁茶作結，杏仁味香濃，熱辣辣上枱，食完飲啖清茶，好滿足。望月樓都係中高價的中菜為主，整體環境服務都不錯，食物的質素都ok，日後有機會會再試吓。…Read More

自從晚市開返之後, 一有機會當然要搵朋友聚下, 去日式居酒屋就係mm7的選擇, 吹吹水食下野, 開開心心又一晚, 大埔小店多, 今次就來呢間大埔的日式居酒屋小店感受下日本風情。<<火灸左口魚帶子沙律>> : 稍為用火輕輕燒一燒帶子和左口魚, 加少少日式醬油, 下面有滿滿的沙律椰菜, 清新又滿足, 用來開胃就最好不過。<<燒雞泡魚干>>: 飲野吹水又點少得最愛的燒雞泡魚干, 燒到乾身, 魚香味出晒來, 咬下咬下, 非常過隱。<<池魚仔>>: 細細條, 一口一條, 吹水飲野必點, 咸香十足, 送酒一流。<<溏串雙子雙色卷>>: 晚餐點都要有少少澱粉質, 大大件的卷物就最好不過。三文魚和帶子都用火輕輕燒一燒面, 加上用三文魚籽做點綴, 成件卷物靚靚仔仔, 一口一個, 非常滿足。<<醬燒大蔥>>: 外面燒到脆脆地, 少少醬油點綴, 一咬蔥味十足, 清新之選。<<燒翠肉瓜>>: 非常juicy<<燒雞肶菇>>: 厚切, 又係非常好味雖然未有得返鄉下日本旅行, 但店內環境充滿日式裝潢, 又有updated的日本歌聽, 輕輕鬆鬆同朋友吹下水, 都係一個好正的止渴選擇。…Read More

香港人食野平日要快靚正大件夾抵食加藤屋絶對值得做飯堂，尤其係好似我呢d唔煮飯的人😛雖然佢的牛肉飯都好食可以代替吉字頭果間，但係加藤屋我其實最鐘食呢個日式豚肉鍋定食，湯底就睇心情，通常揀麻辣or壽喜燒。今次相中我就揀麻辣中辣，唔好睇佢紅通通，其實對我來說都係小辣，最欣賞係真係有麻的味道，唔係死辣。入面材料有半隻蛋，一大ja粟米木耳絲，蟹柳，大量椰菜，豬肉係打邊爐果隻豚肉片，份量十足，可以跟飲品或湯。只係我唔係幾欣賞個小泡菜😅一大鍋，食到飽，平時早餐下午茶都好抵食，其他餐都好多款，地方寬敞，絶對街坊之選！外區的朋友都可以去試下架。…Read More

放假一訓醒就係中午, 搵fd來呢度食個all day breakfast就對的了最愛呢個set的all day breakfast 豪華英式全日早餐一睇個名和架勢就知正野入面有齊窩夫, 煙三文魚, 煙肉, 豬肉腸, 蕃茄, 茄汁豆, 炒蛋, 什菌等最愛就係佢個窩夫, 好鬆軟, 就咁食或者加佢個cream都一樣咁好味什菌和蛋都炒得好香, 其他配料都ok~ 餐飲就加杯咖啡就成個人醒晒之後一路吹水一路食心思思一齊叫埋個甜品一來到就充滿誠意, 個黑色石板雪到好凍先放件甜品上去呢個好似雪山的食到有白朱古力, 少少咖啡和salty的味道呢個就係重口味朱古力, 但一D都唔會漏, 好滑又充滿朱古力香店員服務親切, 一有機會一定會再來…Read More

平日工作好忙, 中午都想食D好野獎下自己雖然午飯時間都多人, 但因為舖面大, 唔洗等好耐都已經入座, arm晒等一個鐘放飯的返工人士餐桌紙有笑哈哈都幾可愛~Meun上的食物相就好吸引, 同埋一個set lunch都包左湯和飲品, 雖然有D少貴, 但偶然一兩次都唔怕的我就叫左特濃咖哩牛肋肉滑蛋蓋飯實物同meun的相沒有大分別, 大大份, 滑強生熟度剛剛好, 不過雖則係特濃咖哩, 其實對我來只係顏色深, 咖哩味其實都唔係太濃, 較為日式果種咖哩。同事叫左黑蒜野菜黑豚意粉, 味度其實都係偏淡, 蒜味唔重, 豚肉有少少鞋口但都可以接受本身跟餐有栗米湯, 同事就加$ 叫左黑松露忌廉野菌湯, 兩款都ok~ 整體來說用餐體驗都幾好, 坐得C服下次有機會會再試埋其他…Read More

星期六晚的晚餐就食惹味的泰菜啦一坐底就叫泰式生蝦先隻隻肥美厚肉勁靚仔醬汁刺激，好襯肥仔生蝦，好開胃水門雞飯又係另一定要食今次叫雞脾，好滑，飯粒分明，但個湯比想像中好飲，好重胡椒味清湯魚旦蛋面就正常發揮鳳尾蝦泰式金邊粉，足料，上枱仲出煙，夠惹味，碟邊配左少少辣招粉，再辣d，正泰式豬頸肉淡淡肉唔沾醬都好入味，沾醬就再惹味令人懷念的泰tea，茶味夠，不過唔夠甜，再甜d就更似泰國thai tea啦生薑蜜好arm冬天飲，飲完好暖胃總括來說餐廳好好坐，上菜又快，待應哥哥姐姐又快手，又多個食泰菜的好地方啦…Read More

下午茶當然要去茶記食啦今次來到地點好方便的鼎天叫左個香濃蕃茄牛肉通粉湯底濃郁，有好多蕃茄肉，牛肉份量都唔好，同蕃茄湯底好夾，非常足料通粉煮到剛剛好，無令人失望套餐配左個香腸奄列，蛋皮簿簿地，面頭有少少焦香，內裡嫩滑，加上好似有晒成條腸係入面，淡淡肉，好正黃金厚多士一上枱就好驚喜新鮮出爐熱lala面層應該係充足咸香的咸蛋黃，焗到外脆內軟，係出面的茶記真係好少見，好特別，值得再食。一個美美的下午茶非常滿足，正下次要再來試埋其他餐。…Read More

約朋友食飯為左地點方便, 因為想坐得C服D, 所以搞左呢間素食餐廳餐廳裝修以白色和紫色為主, 女仔一定最喜歡我們先叫左2個dinner set, 2個set都有沙律, 仲係三隻味都俾晒你~ 勁正~ 最喜歡木耳果個, 酸酸甜甜~ set內叫左蘆筍素香鬆苜蓿芽手卷, 加埋牛油果好正丫~主菜: 青咖哩野菜猴頭菇 配 印度薄餅 及珍珠糙米飯, 初初以為薄餅和飯2揀一, 原來係2樣都俾晒你, 超好送飯, 又唔會漏主菜: 白松露粒粒意少酥皮盒伴苔菜三絲脆卷, 超香香菇味, 脆卷有少少醋點綴, 好合襯散叫當然少不了大啡菇, 又香又濃味, 又juicy~ 散叫: 泰式香煎如餅, 好arm一路食小食一路吹水, 個泰式辣醬夠辣, 食得好過隱~散叫: 呢個散物忘記叫咩名, 但一樣外脆內軟~ 正~平時食肉食得多, 得閒食素都係非常好的選擇~…Read More

這間日本料理小店一直在大埔人氣高企, 而且午市和晚市都勁多人排隊, 呢日我地返到去都9點後, 過左晚市最繁忙的時間, 所以終於唔洗等太耐都有位啦~ 因為雁左食飯, 所以一來就叫左魚生飯先三文魚厚切, 三文魚籽大大粒, 而且配料都好足tim之後叫左一申豚肉串燒, 一上枱就出煙, 外皮燒到好香脆, 上面灑了少許調味, 好juicy, 一D都唔鞋, 係邪惡之選!最後叫左個海苔蛋卷, 又係一上枱就出煙, 即叫即整, 外焦內滑好厚身, 好抵食, 正侍應姐姐好有禮貌, 服務超好~ 下次一定要再來…Read More

返工咁辛苦係為左搵食, 收早放工梗係在附近食好西啦一來的門口就被呢個好醒目的燈光牌吸引左, 店內環境寬敞，坐得舒服。既然間餐廳名都同豬豬有關, 店內的食具和餐牌都有豬仔樣 ^.^天氣熱當然要食炸野 (其實炸野都係我的all time 最愛), 我地首先叫左呢個小食分享拼盤, 貪佢咩都有, 咩都可以試內面成份有8種: 蘇格蘭雞蛋, 豬皮脆片, 脆豬肋骨, 迷你牛肉漢堡, 香料雞翼, 蟹餅, 酥脆魷魚圈, 薯圈最like迷你牛肉漢堡, 漢堡做到剛剛好, 唔鞋口, 好juicy, 配料除左芝士, 仲有我最喜歡的酸瓜tim~豬皮脆片其實都幾大舊, 卜卜好脆口, 不過始終本身豬皮果陣油膩感點整都會存在, 所以沾配綠色類似牛油果醬, 就令味道清新左, 食多幾塊都唔怕漏。脆豬肋骨有咬口, 個人就唔會沾跟埋的燒烤汁, 因為唔好睇佢咁深色, 其實唔會太喊已經夠味酥脆魷魚圈又係一大亮點, 沾配類似泰式醬汁, 無得輸蒜辣欖油大蜆意粉: 蜆蜆大大隻, 可惜的係雖然係話蒜辣, 但其實蒜味偏淡, 而且一d都唔辣, 所以唔食辣的朋友一點都不用擔心。要讚的係意粉煮到剛剛好, 唔會太淋或太硬, 份量十足。…Read More

其中一種放鬆心情的方法, 就係食自己喜歡的食物, 燒肉就係賣飛弗啦, 之前已經成日去大埔分店, 今次一於食埋旺角分店!一來到待應姐組好快手送上一籃新鮮生菜﹑韓式前菜和燒肉醬汁, 又在爐邊加入泡菜蛋汁(免費一次) 重口味的我見到蒜頭比較少都驚無得再加, 好在只要同他們講加添就可以啦~ 之前食開都食牛為主, 呢次就叫左黑毛豬拼盤, 一上枱就不得了, 一個豬仔盤上面裝左大大分的五花腩﹑豬鞍&西冷扒, 全部厚切, 豬鞍&西冷扒成個手掌咁大, 豬鞍有成2節手指咁厚待應姐組好快手主動幫我地燒, 手勢架輕就熟, 塊豬鞍棟企都好架勢~ 好快五花腩就燒到金黃香脆, 單食齒頰留香, 包著菜輕沾少許醬汁多了清新唔怕膩睇住豬鞍在輕剪四邊配鎖肉汁後再剪開, 色澤鮮嫩, 剪多一會之後, 食落的感覺比五花腩少左油膩感, 但多左脆口感, 一D都唔鞋口, 完全唔SO , E家打緊的都流口水, 連著少少肥肉的更加香口黑毛豬的西冷部分都有半隻匙咁厚, 單食肉質較嫩, 但肉味香濃, 完全唔SO。總括3個部分都好好食, 唔洗調味都好正。之後再叫多個和牛拼盤, 又係熟悉的牛牛盤上陣, 油花平均, 燒好之後色澤亮麗, 牛味濃, 其實唔沾醬仲好, 食返原來的牛味。其實如果硬要比的話, 雖然成日都食燒牛, 今次個黑毛豬拼盤更有驚喜, 加上有待應幫忙睇住火喉, 真係唔係燶唔會太乾, 咁樣就唔會浪費食物啦。最後叫埋韓式海鮮湯, 辣辣地十分惹味, 湯料十足, 有蝦和蜆仔, 仲要大量菜, 個人覺得如果加入少少韓式粉絲, 更加有畫龍點睛的效果。餐廳服務良好, 上菜快, 全間店抽風做得好, 唔會食完成日抽煙味, 完全無令人失望! 不過旺角店面比大埔面積少很多,  空間當然迫D, 如果繁忙時間多人的話可能要花時間等一等, 當然book定位就最穩陣啦~…Read More

為了方便來自各區的朋友飯局, 揀左呢間交通都方便的上海菜餐廳, 估唔到有驚喜一坐底就叫左比較少見人參烏龍茶, 入口幾清新, 淡淡的人參香氣, 幾特別由於我地都好肚餓, 今次就好叫左好多野食因為朋友唔食辣, 所以我就只係叫左for一位的酸辣湯, 足料, 味濃, 夠辣, 但酸味仍然好出, 食飯之前食呢個酸辣湯好開胃, 更期待之前來的食物啦紅油抄手又來每次食上海菜必叫, 上菜時仲要出晒煙, 呢個反而無出面酒樓/餐廳咁多紅油, 反而充滿蒜香上海小籠包8隻, 皮簿函觀, 趁熱食好食, 但涼左皮會變硬, 所以大家都係趁熱食享受享受乾扁四季豆正常味道, 但一上枱望個樣就好搞笑, 比正常的上菜的長好多, 不過會影響味道的松子魚好香, 內脆內嫩, 酸甜味夠濃, 同埋完全無食到有骨四川擔擔面相比其他菜就普通左D, 叫左少辣, 但其實完全唔辣, 唔食得辣的朋友就食到京醬肉絲呢個十分美味, 肉絲味濃嫩滑, 內有加入少量九芽, 增加口感, 我地叫左配簿餅, 3者配合相襯為左可以試更多的甜品, 我地都係一份份咁叫先來個酒釀柱花丸子, 丸子雖然少少的, 但係芝麻函的, 酒釀清新, 與桂花香氣相配每次叫高力豆沙一定會將佢地沾滿糖粉, 內有熱熱的豆沙和香蕉, 美味十足蛋白杏仁茶, 好滑好香杏仁味, 喜歡杏仁茶必叫。…Read More

星期五放工最佳活動之一就係同fd搵一間有晚餐食, 又有酒飲放鬆下的餐廳呢間餐廳就係一個十分好的選擇因為一早已經訂好枱, 唔洗等就入座 一來到就叫左2杯飲品先本身預左來摸住酒杯傾心事, 我就揀左1664, 朋友果杯係Noc Noc Special, 睇個樣都好得意, 朋友話味道都OK因為大家都未食晚餐, 又叫左幾樣E下肚先, 又可以送下酒首先個意式辣肉腸簿餅, 三樣中最好食的, 芝士又多又濃, 同茄醬又夾, 辣肉腸厚厚地, 所以充滿咸香, 送酒十分一流! 松露樹皮食落好得意, 少少松露香味, 好脆, 好薄, 基本不需要點醬都OK, 大啡茹芝士牛肉漢堡: 呢個相對以上2樣有少少失色, 個漢堡有D蘇, 好在都唔算鞋口, 配菜薯角都香脆, 少少沙律菜都清新因為吹水吹到又口渴, 我就叫多杯1664, 朋友就叫afterglow場內燈光好有情調, 配合餐廳播放左時下最流行的音樂, 有好多放左工的人三五成群來餐廳食飯飲酒吹水, 熱鬧得來又唔會過份嘈吵, 放眼大家都好享受當下, 下次一定再幫襯!…Read More