s031541的個人專頁

<<Pet Friendly 韓式Cafe🐶>>N年前因為好cute的招牌火山飯而食過seoulmatw, 不過質素認真麻麻。最近將軍澳開咗分店，我又搬番去待產🤰閉關前朋友入黎同我食飯話想試下🙈開頭我都抱唔高期望，點如我另眼相看喎🤣🤣今次無論食物選擇及質素都比以前進步.餐廳依舊走卡通graphic 路線，牆身圖畫好繽紛，而窗邊有韆鞦座位，仲擺滿毛公仔，小朋友一定超開心🥳最貼心係我一入門口準備坐低，店員就叫我小心，又主動問要唔要杯熱水（不過so sorry當時我真係覺得好熱拒絕咗🤣🤣）而且餐廳為寵物友善pet friendly, 空間好大，寵物同細路都啱哂.🟥煙霧瀰漫烏卒卒火山章魚明太子炒飯 $168🟧上菜時店員一打開玻璃罩仙氣飄出，十分打卡able📸 火山樣符合哂最近的心情-熱到噴火🔥外面係軟綿綿的竹炭蛋白，入面係惹味的章魚泡菜炒飯，唔會乾爭爭，混合流心蛋黃同紫菜更添香氣.🟨 醬油烤年糕腸仔串 $78🟩開頭諗住係頹野，但太想食年糕又飽肚咪照叫囉又估唔到年糕煎到外脆內軟，配脆皮腸仲有微甜的醬油又好食，勝在唔膩.🟦 草莓玫瑰麻糬窩夫 🍓 $98🟪窩夫有麻糬心，外脆內軟，又帶點Q彈配上士多啤梨雪糕唔會乾而且莓醬酸酸甜甜唔會滯.🟫 飲品 🍹 🟫叫咗2杯奶蓋雪山，滿有日本感，✨士多啤梨奶昔奶蓋雪山 🍓 $48酸酸甜甜似乳酪味道.✨日本靜岡縣焙茶特濃朱古力奶蓋雪山 🍫 $48入口超濃焙茶味，略嫌蓋過了朱古力味，不過尾都嚐到淡淡的朱古力甜味…查看更多

<<🌞Soho馬來西亞Fushion 菜>>熱辣辣口淡淡想食d 重口味野～今晚黎到soho窄巷的酒吧餐廳，不過有DD 隔涉🙊大家唔好行斜路樓梯呀🥵建議搭中環扶手電梯上山。.餐廳不算大，走型格黑白路線，牆上掛上照片裝飾。而餐廳大開中門，有露天飲野chill chill 地的感覺。.🟥 火熱砂煲香濃肉骨茶 🍛 $165 🟧 配白飯，油炸鬼及手工蒜香米餅。馬來西亞式的肉骨茶湯底藥材味較濃，但甘中帶甜，撈飯一流，湯底冇味精成碗飲都得。而肉料有別於平時乾身的一字排/排骨，選用了豬軟骨，炆得超級稔，吸盡湯底精華。這道菜還提供了自家製蒜醬，輕輕蘸於肉上更可提升鹹香味。.🟨 馬來西亞咖哩喇沙湯麵 配脆炸梅子一口雞 $118 🟩摻摻的油麵同米粉都好掛湯，湯底的椰汁比例較少，所以會偏香料的辛辣。而梅子雞有驚喜😍新鮮炸起脆卜卜，炸粉薄而keep 到juicy 肉質又夠嫩滑。面頭撒上梅子粉更是酸酸甜甜超開胃，2個人食完一碟係冇難度！.🟦飲品🟪✨Sour plum calamansi soda🍹$72濃味食物要叫番杯清清地的飲品balance 一下，其實係梅子梳打，入口帶點薄荷同青檸的清新，之後有梅子的酸甜，非常refreshing 又解渴解膩⬛ Chateau La Bastide Rouge 🥂 $76⬜話明bar 朋友就叫咗黎自法國的紅酒，甜甜地易入口，亦帶微酸較清新.…查看更多

<<🌞辣死你媽星馬菜>>熱辣辣的天氣就會諗起泰國/馬拉地方，今晚約左Frd 去isquare 睇戲就食下新加坡菜，係Happy Friday 的氣息🌈 今晚食呢間係位於isquare 3樓既星怡，門面淺藍為主，感覺好舒服好有假日優閒既感覺。.🟥 魔鬼魚辣死你媽，椰漿飯 🍛 $108 🟧 呢個菜名認真棧鬼，馬拉最特別係有魔鬼魚食，而家難得香港都有得回味下🥰 呢碟份量都好多，魔鬼魚既醬係參巴醬，外表雖然唔討好但食落個醬鹹辣惹味，一食就覺得令到成個碟頭飯昇華到另一個層次，非常好味。.🟨 雞肉咖喱酥 $58🟩新鮮炸起好熱，食時要小心呀🔥好似千層酥咁脆咁鬆化，充滿牛油香，好有誠意。一份有八件，份量超多性價比高，值得一試。.🟦 咸蛋黃醬特大虎蝦兩只🍤 $158🟪一泥到枱已經感覺好有穫氣，咸蛋黃沾上虎蝦又金黃又香脆。咸蛋黃絕冇遮蓋虎蝦的鮮甜，超彈牙爽口，配合埋呢個醬加埋穫氣，呢個菜式好有驚喜，食落有層次，感覺好精緻🤣⬛ 百香果水果茶 🍹 $39⬜以上幾款都比較油膩及重口味，配上水果茶balance 一下就最啱。而且水果好多，非常refreshing.…查看更多

<<藍帶日式梳乎厘進駐元朗🥞>>之前曾光顧位於佐敦的Tera, 話哂藍帶甜品師傅主理，當時試過甜品及茶品已經覺得高質👍早兩日約元朗番工的朋友食lunch, 估唔到Yoho Mall開咗分店，更加多元化仲有埋鹹食添🤩.餐廳環境同總店一樣，主打簡潔日系禪風，掛上了和式紙燈籠及用上淺木色系傢俱，另有一邊廂為榻榻米座位。有別於總店，今次元朗店試咗set lunch ，包湯/沙律，仲包$32內的飲品✨.🟥比目魚墨魚汁意大利飯🍛 $168 🟧賣相真係黑過墨汁，睇落又好似黑糯米咁黏，但呢種稠結度源於芝士。口感及味道其實非常creamy, 好似白汁risotto 變黑啫，而比目魚煎得皮脆肉滑。.🟨 香葉蕃茄蝦意粉🦐 $138🟩蕃茄醬扁意粉，雖然醬汁偏茄膏的甜，但帶香草及芝士香，另值得一讚大蝦超彈牙爽口及鮮甜。.🟦金萡Nutella 梳乎厘班戟🥞 $158🟪是日重點✨話明Tera 主打甜品唔叫對唔住自己！金光閃閃Bling Bling 的賣相已經打卡able~pancake 動L 動L充滿空氣感及濃郁蛋香。配上nutella 及朱古力榛子煉奶醬，亦細而不膩，再加上金莎脆脆及榛子碎更添口感💯.⬛飲品 ⬜✨藍金乳酸梳打 跟餐 +$9其實係藍色賣相的波子混合藍莓味汽水🤣✨ 草莓番石榴乳酸梳打 跟餐 +$9略嫌冇咩番石榴味，草莓來自底部糖漿，所以一定要攪勻飲，否則太甜，整體酸酸甜甜頗開胃。…查看更多

<<Love no boundary💛>>一向有聽過呢間顏色餐廳💛以為港式的西餐廳，但原來店員都係外國人😆 被安排坐去memo 牆位置， memo 都寫上英文笑話，一路等食物都唔會悶👍最欣賞：WTF?? (wheres the food?).套餐加$38 超級香口的蒜蓉包，配上杯裝的粟米薯蓉湯，非常足料綿密，好creamy, 套餐值得加😋.🟥至尊無邊全日早餐🍛 $128 🟧餐廳最出名係有數款的All day breakfast,可以跟食量選擇。今次就揀咗No Boundary Deluxe 份量款式最豐富，可以2人開心share. 包括煙三文魚，德國煙燻腸，波特菇，茄汁豆，鮮奶炒蛋，楓糖煙肉，烤蕃茄，粟米及牛角包。煙三文魚捲成🌷靚靚的，炒蛋十分嫩滑，牛角包尚算鬆脆；煙肉略嫌欠楓糖味，整體就正常發揮.🟨 鴨胸香蒜炒意大利粉 $98🟩香噴噴蒜味，食落有d 似中式甜醬油炒意粉，但帶重量級芝士粉，所以偏乾身。而鴨胸油脂分明不過肥，亦夠粉嫩，不錯。.🟦牛魔王潛艇 $98🟪外皮為香草麵包，超級軟熟，而牛肉份量超多，醬汁為甜甜酸酸BBQ汁，又偏茄汁的酸，超級開胃，自己一個人當正餐都可以食得哂。.⬛飲品 ⬜✨焦糖朱古力奶 跟餐 +$12朱古力味比較淡，似焦糖奶多d✨ Oreo 朱古力奶 跟餐 +$12唔知點解朱古力味比焦糖奶濃！有好多oreo 碎混合，仲有完整oreo 餅慢慢浸 ✨推介✨.…查看更多

<<打卡美式童話風 Cafe 🦄>>以前肥pat 先生係筲箕灣呢個樓盤番工，星期六我就會接佢放工，然後去食沙爹串燒&雞蛋仔🥰樓盤就起好超級多新店舖，今日重遊此地，不過就唔係掃街，係去間靚靚西餐廳🤣.餐廳走，中間有一個彷旋轉木馬卡位🦄牆身裝潢都充滿graphic 好繽紛。而食物擺設亦超有心思及colourful, 份量又多，絕對睇得開心食得開心🥳.🟥新奧爾良shake shake 海鮮袋 $488 (2位用）🟧店員會係客人面前shake 海鮮袋，然後倒出再加芝士火灸。海鮮豐富，包括龍蝦尾，大蝦，青口，帶子，蜆，西班牙肉腸，仲有粟米，薯仔及蛋麵。配上芝士及甜辣秘製醬汁好惹味，而蛋麵係最受歡迎因為夠彈牙🤣.🟨 梳乎厘奄列 $115🟩完全超出想像的大❗️大過我塊肥面❗️平時梳乎厘用淨蛋白，空氣感重今次用上蛋黃較厚實，但超香蛋味😍食唔哂雪凍第2日凍食都好好食👍.🟦 Pineapple Hat (+$24) 🟪混合新鮮菠蘿，雪碧及菠蘿汁的Mocktail 擺盤精緻，有一塊焦糖面的菠蘿帽放係杯上，再有flamingo 同菠蘿仔，絕對打卡able😆飲品就係酸酸甜甜的菠蘿梳打，正常好味.🟫 Taiwanese Fruit Tea (+$24) 🟫加入咗百香果，菠蘿及水果粒，非常開胃荐底亦唔苦澀，最欣賞加咗話梅！令餘韻更香有層次，不過略嫌太多冰🤣.⬛ Dirty Chocolate (Hot) $48⬛帶點失望，因較淡味，似奶多D .整體無論食物及環境真係令人睇得好開心好enjoy,下次卸貨後一定要試佢的邪惡milkshake!!!💓朋友亦推介afternoon tea set…查看更多

<<巨無霸份量台式滷肉飯🍚>>觀塘總店已經出咗名，有日平日lunch經過想試大埔分店，但超級多人就放棄咗！今晚見早人少少終於可以一試。.雖然快餐店的格局但點解咁多人幫襯？原來CP 值勁高❗️每樣食物份量都好多又好食，真係每樣都值得推介✨由小食，正餐包到你飯後甜品❗️.🟥雙層吉列漢堡芝士煎蛋滷肉飯🍛 $84 🟧聽個名 睇個樣 都夠震撼‼️兩塊厚厚的吉列豬肉漢堡，外皮夠鬆脆，保持到肉汁。而魯肉飯甜甜的，帶五香味連半溶芝士及半熟煎蛋一齊食超滿足，撈飯一流！不過漢堡食一塊都已經漏漏地，建議2人開心share .🟨 胡椒豬肚雞湯泡飯 $59🟩好奇點解台食店有呢道餸，不過出奇地好味🤣湯底夠胡椒卻唔嗆口，可以暖胃，配上酸菜好滋味。而豬肚乾淨夠稔身，雞件都非常嫩滑，胡椒湯亦無搶走雞鮮甜味。白飯索盡湯底精華，正👍.🟦追加：芝士肉鬆蛋餅 $26🟪蛋餅外皮脆香又夠煙韌，配上滿滿肉鬆及半溶芝士，但一點都唔膩，自己食半碟係easy job!.⬛飲品 ⬜✨老細萬歲黑糖珍珠奶茶 跟餐 $18茶味夠香濃，珍珠自帶黑糖香而不是重糖水味，所以少甜都夠可以balance 番。喜歡珍珠稔得黎夠Q 彈，唔會過爛或硬✨ 巨峰波子蘆薈梳打 跟餐 $25估唔到幾好飲🤣唔過甜又有蘆薈粒，消暑又消滯.🤰唔飲得鐵觀音😮‍💨下次要再試下其他飲品仲有芋圓都要試～～…查看更多

<<米芝蓮老牌印度咖哩🍽️>>一向係重口味的我，🤰平日已經好乖食得清淡，一星期一日cheat day 唔過份呢🤭羅勒一向係區內出名的印度餐廳，今日黎到北角探朋友重遊此地，米芝蓮級數，質素依然。.餐廳故然採用印度色彩的裝修，使用棕紅色木料及非常colourful 的裝飾及吊燈。而店員的廣東話仲非常流利同好funny，唔驚雞同鴨講呢。.🟥酸奶醬配脆餅 Pani poori $78 🟧✨必食推介✨ 佢的層次感令人驚嘆‼️入口先有yogurt 酸甜的味道，咬到中間有鹹香的鷹豆蓉。外皮超級薄脆，配上綿軟薯豆蓉的反差非常好。而食到最尾會有一陣tasbaco的辛辣味滲出，係今餐最辣（辣過咖哩）好刺激🤩.🟨 洋蔥香料羊肉 🐏 $130 🟩偏向乾炒類不屬於咖喱類，但配合洋蔥十分香口惹味，而羊肉非常軟稔，濃郁卻冇羊燥味。BB辣味但後勁仲帶點蕃茄的酸甜，如果多汁可以蘸飽就PERFECT😭.🟦 腰果汁咖哩無骨雞 $104 🟪羊肉帶點辣，咁雞就揀個唔辣啦有點似Butter chicken, 椰香味較重，加上腰果甜甜的，推薦俾唔食辣的朋友.🟫 Tandoori 無骨燒雞 🐓$128 🟫每次去食咖喱必點，貪夠香口又冇骨啖啖肉。鐵板上熱辣辣好香，但有點失望因為略嫌乾及較鹹。而香料味亦較重，如果配上酸乳酪汁可能較易入口（曾經有印度店員教仲可以解辣！）⬛ 薄餅類🫓 ⬛✨芝士千層面飽 Paneer Paratha ✨牛油烤薄餅 Butter Roti千層飽面有烤過的芝士帶鹹香味，而口感較鬆化軟熟。至於牛油薄餅較薄身及實在，帶小麥香及較韌口。個人鍾意千層飽多d,可以滿滿咁索咖哩🤣.⬜ 原味Lassi ⬜Mango lassi 飲得多， 今次飲原味，其實似一般乳酪，酸酸甜甜，不過杯底有心思的加上少少士多啤梨syrup.多年老店梗係有信心保証，仲一路見好多外賣單，証明受歡迎程度！毫無疑問有機會一定再食。…查看更多

<<大埔藍調扒房🥩>>天氣潮濕，本身又比較攰，連每月慶祝都唔想周圍去，於是留番大埔耍廢🥲之前舊墟直街新開張咗一間扒房，決定近近地就book 呢度.餐廳主要為藍色，裝修走簡約英倫風，最特別牆上掛滿一排金色牛頭，sell 緊招牌菜 24K斧頭排，加上水晶吊燈，感覺浪漫得黎有氣勢。今晚就點了一份set dinner $588/位，+$28 仲可以有紅酒/白酒，超值。而al la carte 散叫一樣滋味。🟥 香蒜煙肉蜆肉濃湯 及 餐包一上菜，湯的香蒜味已飄入鼻，飲落有大蒜粒，煙肉碎及蜆肉，因足料口感未屬於好滑，但惹味得黎帶鮮甜🥰而餐包有兩款，軟餐包及法包，均非常香脆軟熟，有趣地牛油釀於牛骨髓入面🤣.🟧時令生蠔 (2pc)生蠔做前菜，今次係法國Normandy 品種，未算好厚肉，但海水味濃而肉質爽脆。.🟨烤珍稀黑安格斯牛肋骨Pork rib 的牛肉版，肉質冇豬肉咁散，食落有少少似牛腩口感，配上BBQ 醬十分惹味✨✨特別推介（散叫）✨✨🟩 鄺加西牛肉意大利雲吞 $168一向愛食ravioli,平常大多淨芝士饀/加多d 菜，第一次食有肉饀，超好食💗牛肉碎唔會被芝士味蓋過，仲會嗒到肉汁及有口感，加上茄汁都唔會似普通肉醬.🟦 黑松露鵝肝醬威靈頓牛柳 $398🤰理論要食well done 肉🫠店長建議平日就5成熟，而家就試8成啦，慢慢rest 完都唔會生。果然就算8成熟口感依然軟嫩唔韌，肉汁香濃！加上鵝肝，黑松露醬及parma ham 做自然seasoning提升鹹香味，牛柳唔需要點調味了。不得不讚酥皮夠牛油香夠鬆化，唔會厚到成口面粉🥰.總括來說，食物質素蠻好可再回頭，店員都十分細心，唯獨要預留多D 時間上菜。仲有挑剔D, 如果餐具款式再花多d 心思，更配得起高質的食物，用餐更賞心悅目😆…查看更多

<<摩洛哥土耳其風下午茶☕>>近期個個輪流去旅行番鄉下，難得約到好姐妹weekend 梗要聚下派手信。一直bookmark 咗Nacasa, 摩洛哥色彩的裝修及植物牆已經吸睛，今次book 埋High Tea Set ($488 for 2)真係有排打卡啦😍.Tea set 為2層高，又一充滿異國風的雕花餐盤。食物因應食材供應可能有所不同，但要大大力讚餐廳‼️因小妹要當媽媽了🤰店員知悉好細心挑選了食材及特別調製飲品，好到要哭了💯（當然有DD 唔食得貢獻咗俾朋友）.✨✨下層：鹹點 5款✨✨🟥日本拖羅蓉撻貢獻俾朋友的其中一樣， 朋友一入口有驚喜的表情，話諗住只係平民價食物，但食落夠新鮮軟綿.🟧摩洛哥帶子烤餅我的另一貢獻🥲帶子刺身表面烤過，薄切配上醬汁，未算好鮮甜中規中矩.🟨 迷你龍蝦包🦞 今次算食得啦🤣正常發揮的龍蝦沙律，面包都有烘香上碟.🟩摩洛哥手撕豬肉撻鹹點中最愛💓非常juicy 軟嫩的豬肉絲及BBQ 醬汁，配上脆撻雙重口感👍.🟦 香草雞肉腸米紙卷面頭有三文魚子，煙韌的米紙卷包著生菜及雞肉腸，沾上泰式甜酸醬，新鮮爽口的感覺非常開胃.✨✨上層：甜點3款✨✨🟪Scone其實對tea set 的scone冇特別期望，因為少數真係做到好食。nacasa 的提子鬆餅卻有點驚喜，未算好鬆化，但烘烤帶牛油香，而且好重要夠濕潤唔乾！少少失色係配上牛油或蜜糖，非平日的scotted cream/jam, 不過配上牛油都夠好食的.⬛法式精選朱古力撻 有點似Brownie, 香濃的朱古力味.⬜蘋果金寶蛋糕muffin 厚實的口感，充滿蘋果的酸甜味，好食👍.✨飲品🍸 春秋：蘋果桂花特飲✨有蘋果乾及桂花，酸酸甜甜的梳打，仲放有話梅，令香氣提升。原來飲品使用tonic(上網查有藥性/甘味），而孕婦版換上soda並無冰，但一樣好味🥰🥰.性價比超高的tea set~~好彩安排到坐植物牆，成間都充滿IGable 的特色，下次可以再戰lunch 正餐～.…查看更多

<<高質扒房x任食薯條🍽️>>難得同肥Pat先生一齊平日放假，lunch 都去浪漫一下去鋸鋸扒。餐廳走藍灰格調，使用淡黃燈光，但有一大幅落地玻璃門窗滲入陽光，而且座位非常寬敞，坐得好舒服🥰 下次可以再戰晚餐如果steak 黎講，lunch set CP 值極高，有飲品及湯，仲有free flow 薯條！！.🟥 烤粟米泡沫濃湯 及 餐包🟧望落似Cappuccino, 分子料理咁，一嗒泡沫已經超濃郁粟米味，湯就不在話下好creamy 鮮甜🥰而餐包亦非常香脆軟熟，心思地方在於牛油配有蔥油，更加惹味。前菜表示💯👏.🟨慢煮美國頂級牛肩胛肉🟩上菜時已切好一片片，最欣賞係盤底有蠟燭明火保持食物溫度。medium rare肉質非常粉嫩，油脂豐富，口感軟稔，而唔洗點醬汁都非常Juicy帶有烤香肉味。再點蔥醬汁更令肉味昇華，好特別但好好味的配搭🤩.🟦 意大利粉配煙豬面頰陳年芝士黑松露蛋黃汁 🍝 🟪煙豬面頰以碎肉姿態登場，食落非常香脆，好似煙肉x金華火腿的烤咸香味/煙熏味，亦唔會過乾，不過食食下會覺得略鹹。意粉夠彈牙，混上芝士勁creamy 勁掛汁，但要盡快食！因為醬汁較濃會好快結身。.⬛ Free flow 香脆辣薯條 🍟 ⬜重點推介無限添加薯條❗️薯條新鮮熱辣好香脆，本身已加上辣椒粉，夠薯味夠惹味。可惜食得太飽，未可以加下round 薯條😭可能多人一齊黎食可以share 多D 開心D.…查看更多

<<藍調西餐廳❄️>>新年要約朋友見面派利是，不過食得中餐多要食下好西balance 番🤣首先一讚，一出旺角地鐵站就係，超方便👍餐廳燈光主要為藍調，座位舒適， 整體氣氛浪漫🥰.🟥燒凱撒沙律 (with Parma Ham) 🥗 🟧見到外表唔會覺得有特別，但驚喜的係原棵生菜燒過後上碟！！😆而燒過的菜除了香甜更帶烤香，多一份層次。而唔會單調只有parma ham,亦有一條條anchovy 及 薄脆芝士，為鹹香帶點鮮味👍.🟨 龍蝦湯🦞 🟩超濃郁龍蝦鮮味！忌廉成份唔會偏重，仲有大粒龍蝦肉彈牙爽口🥰.🟦忌廉白汁青口 🟪青口夠大隻鮮味，忌廉調味有白酒香唔會苦，白汁送脆卜卜熱辣辣的蒜蓉包一流！.⬛茴香燒春雞 🐓 ⬛✨必食✨呢一刻其實我開始飽，但超好味點都食得落💓店員係客人面前切開原隻燒雞，香草氣味奔出。燒到外皮脆脆，雞肉仍然保持juicy仲帶百里香味，而墊底的薯菜吸收咗兩者精華都好好食！！.⬜慢煮叉燒鹹蛋黃Risotto ⬜西式的黯然飯？！🤣叉燒帶烤香卻超軟嫩，唔會老/乾。而risotto配合蛋黃沙會係偏乾身，但非常濃郁。不過食少少會有點膩.🟫甜品 - Tiramisu 🟫即叫即製，cheese 層軟滑濃郁，咖啡味及酒味夠平衡，但手指餅係脆口的，略嫌較乾如果浸多咖啡酒會更合我口味.飲品🍸✨Cocktail - Baileys mocha $88本身baileys 配朱古力就一流，加上咖啡更香。呢杯飲品咖啡味較朱古力濃，餘韻有酒香，熱飲品黎，飲完個人暖笠笠😊.✨Mocktail - Berries Froster $68集合多種莓果，有紅莓藍莓黑莓等，加上橙汁，唔會重甜多糖水，天然生果味，常fresh 及開胃，健康之選.…查看更多

餐廳裝修前曾約朋友黎不過太長龍食唔到，今次再相約黎食🥰.餐廳走Bohemian 風，提供不少打卡位，而且係pet friendly, 所以見到好多可愛狗狗一齊留倩影🐶 至於食物，覺得甜點比主食更優勝，下次一定要留大D 個肚食多D 甜品！.🟥 香蒜欖油大啡菇雞油雜菌意大利麵🍝 $86🟧有D 似香蒜炒肉醬意粉，非掛汁類意粉，炒得較乾身。但蒜及菇非常香口，點綴了意粉，更愛用上了毛豆，係素食人士的一個好選擇。.🟨 蝦籽海味珍珠帶仔魚湯意大利飯 $86 🟩有魚湯的加持，較一般risotto比較濕潤。而超級多海鮮如蝦/蠔/帶子粒，蝦籽更提升菜式的鮮味香上加香。.🟦 ✨必食推介 - 甜品✨🟪🍎 蘋果金寶火灸焦糖蛋卷 $78外層軟熟的海棉蛋卷被火灸過，帶焦糖香烤味有特別邊位夠脆口，夾著肉桂蘋果粒而雲呢拿雪糕撒上焦糖餅乾碎更有嚼口，冰火交融多重口感，真係好好食😍😍😍😍.🍰 斑蘭巴斯克芝士蛋糕 $52少有的味道所以一定要點黎試試！的確芝士味比斑蘭濃，但仍有斑蘭淡淡香氣。而蛋糕實在，口感夠綿滑，good try.⬛飲品 🍵 ⬜Organic Tea - Green Tea Troical $30朋友話唔係一般的綠茶味🤣除咗綠茶的清香，after taste 仲有回甘甘甜味.🎄不得不提要多謝店員超窩心的招待！當晚比較凍，未夠時間入座我企餐廳門口等朋友，食咗陣風。 店員見狀叫我入餐廳坐住先仲即刻俾杯熱水我😭😭好有人情味多謝💞💞.…查看更多

<<日式昭和洋食屋🎋>>.九龍城最多係泰國菜食店/火鍋店，有日行過突然俾一間餐廳門口裝修吸引到，鬧市中見木飾面牆身，帶有一扇窗及和風式木門，睇睇menu 全是手繪設計非常靚，原來食日洋fushion菜，於是bookmark 了，今日係時候幫襯下。.🟥Shibui 咖哩吉列十勝豚伴飯 🍛 $175 🟧吉列外皮夠鬆脆不過厚，總算保持到肉汁，不過如果豚肉厚切d 會更滿足。而咖哩汁加分，先微甜後辛辣，非常惹味撈飯一流.🟨Shibui 可樂餅 $98🟩超厚超大件， 外層脆口內裹塞爆宮崎A4免治和牛。牛味不算太濃郁，但十分juicy 漏哂汁，亦頗膩。.✨重點推介✨🟦味噌奶醬燒雞塊烏龍麵🍜 $128🟪醬汁超creamy濃厚，配上烏冬很滑溜，重點洋蔥絲都炒得香，錦上添花。不過要趁熱食，凍咗個汁會變杰架.⬛甜品：昭和布丁🍮 ⬜卡通片老是常出現的下午茶甜點 - 有粒車厘子的布甸。布甸有豐富雲呢拿及蛋香味，加上忌廉更滑溜。.🟫 飲品🟫✨青之空 $68 飲品美美的海洋藍色超打卡able,味道有點似波子汽水，帶橘子味道，配上柚子雪芭非常清新。.✨赤之富士 $58像紅莓汁酸酸甜甜，不過面頭係蛋白打成的，好快溶所以都係快d 影完相好飲啦！.店員話平時會開放樓上有workshop 可以參考，仲有貓貓添🐱下次不防留意下店舖宣傳呀…查看更多

<<雞地居酒屋🍣>>與同事放工黎個傾訴大會，天水圍冇咩野食，都係走番去元朗雞地呢個美食天地😎今次黎咗間日本餐廳串一串。 餐廳充滿日和風的裝修，仿如置身小日本咁。.🟥 刺身 🟧 ✨文甲魷魚海膽刺身海膽creamy, 魷魚爽口，雙重口感，甜上加甜一點都唔腥.✨香蔥吞拿魚腩蓉手卷 同朋友不約而同都想食呢個🤣滿滿魚蓉入口即融.🟨 安格斯牛小排壽喜燒 🥘 🟩牛肉薄切但牛味濃郁，而配菜份量豐富，超多菇菜豆腐粉絲，索盡甜甜壽喜燒湯底精華，再配多隻蛋，夠滿足.🟦 串燒及燒物 🟪✨燒鵝肝多士鵝肝燒得夠香，多士都烘得夠脆口，入口即融✨鹽燒牛舌串 串燒必食之選，正常發揮，唔會過乾✨汁燒魷魚筒肉厚爽脆，鍾意佢唔會太濕帶烤香味，但又保持肉汁✨北海道黃金燒帶子帶子非常大隻飽滿，烤的方法能保持原汁原味,一咬爆汁✨豚肉金菇芝士串烤香的豚肉配燒汁非常juicy, 而金菇又一咬出汁，仲有溶溶的芝士非常惹味👍.食物質素不錯，性價比高，平日唔算太多人至要等位。下次Happy friday 可以黎食串燒啤一啤🍻…查看更多