ChanTszTung的個人專頁

推車仔的茶樓越來越少，發現原來金鐘統一中心依然有懷舊風茶樓。無論早茶午時都好滿座，好受附近居民同寫字樓人員歡迎。除左有多款推車點心，酒樓正中心位置仲有熱食提供。有熱車放炸物春卷，咸水角，亦有煎爐做糕點和釀尖椒。也有胡椒豬肚湯。茶樓服務態度普通，環境闊落。可是我只會推介飲茶食點心，單點質素落差很大。有次和一位素食朋友惠顧，叫了一客黃金豆腐磚，竟然$88只有6塊。價錢和份量落差太大，令人非常失望.......…查看更多

每次去紅磡，都必定特登走去紅磡廣場地庫寶城食西汁炸雞脾飯！這個店舖比較地道，客人要自行到收銀處落單付錢，再交給廚房。店員會憑數字牌把食物送到你的座位。也是一個不錯的體驗！至於炸雞脾，每次都一定炸得皮脆肉嫩！咬開後裡面仲會冒出煙來，保證熱辣辣。配上酸甜開胃的西汁，令人食指大動！如果你望向其他客人，會發現大部分都食炸雞脾，就知道真的是鎮店之寶！午餐時間幾乎每天都爆場，要撘枱才有位。如果大家經過紅磡必定去試！…查看更多

朋友帶我去食尖沙咀碼頭嘅意大利雪糕！一食真係返唔到轉頭！意大利雪糕由於空氣含量較低，一向都是比較口感豐富幼滑，味道濃郁。XTC的雪糕有接近二十款味道，而且款款新奇，令我好難抉擇。最後，我和朋友決定要開心果，薑味，石榴sorbet，朱古力，每人兩球！天氣漸漸暖和，在海滂邊散步邊食雪糕真的很寫意！每款雪糕味道都很濃厚，薑味有微微辛辣又帶點奶香，我個人十分推薦！開心果果仁味十足，水平極佳。朱古力甜度適中，配上石榴sorbet的酸味，達到完美水平！…查看更多

自從jollibee在香港開了分店之後，我就再冇食過韓式炸雞或KFC。因為Jolibee的炸雞對比起來皮更脆，肉更嫩滑。不會感覺雞肉都被炸得很乾。我很享受把雞皮咬開時「卡嚓」的一聲，這是其他餐廳不能食到的效果！可是，我個人認為，jollibee只是在雞件方面比較出色。我也嘗試過他的雞柳，皮和肉質方面真是差很遠！磨菇飯的醬汁味道很淡，肉醬意粉的肉碎也很少。但炸雞勝過一切，如果加添辣味炸雞，就真是完美無瑕了！…查看更多

今日已經係我第二次去近住旺角朗豪坊嘅發記甜品。食過回頭嘅原因，除咗因為佢地點方便，唔使行到油麻地嗰邊嘅甜品店之外，更加係因為佢嘅甜品味道同質素都良好，價錢又相宜。就以好基本嘅鮮奶燉蛋白為例，一般甜品店都會整到又實又硬，發記甜品個碗比較滑，牛奶味亦都足夠！今日我仲叫多左個朱古力心太軟，可以喺五款雪糕裏面揀一款，包括雲呢拿，石板街，牛奶曲奇，士多啤梨，D24榴槤。我揀了榴槤雪糕，估唔到同朱古力心太軟都幾夾！…查看更多

週年紀念同老公去帝苑酒店食buffet!! 由於我太鍾意食麵包蟹嘅關係，偏偏香港得好少地方有得食原隻麵包蟹，所以搵左好耐都係去食buffet算啦！我地平日都食唔少自助餐，但帝苑依個算係好高級數。服務依舊做得好好，唔會話因為你食自助餐就俾茶記服務你。食物質素款式都好多，不過冇生蠔食。都好既，可以避免食物衛生方便嘅事故。依個自助餐最難得，就係有現場彈琴唱歌，令到成個自助餐浪漫好多。除左主力食海鮮，壽司，燉湯，燒味之外，仲食左好多甜品，Haagendaz雪糕都有好多款味！真係大滿足！…查看更多

五一勞動節去左銅鑼灣澳門逸園中心打個麻辣火鍋，因為有家人唔食辣，我地雙拼左一個養生湯底，人蔘味好重！依度嘅裝修都幾別緻，用中國古式屏風做出唔同間隔。今次除咗叫日常火鍋食材，例如牛肉羊肉之外，仲叫咗一啲好有台灣特色嘅配料，台灣水蓮，羽衣甘藍，山藥等。特色肉丸鵝肝墨魚丸好新奇，可以試試。為配合台式風味，我仲叫左個台灣手工啤荔枝啤酒！飲落似果汁！不過以老鍋台式火鍋來講，無論環境，味道，員工服務都係尖沙咀金馬倫道比較出色！…查看更多

興致勃勃同friend去老蘭飲野，岩岩放工大家都要去填一填個肚先。方便就腳就揀左中環翠華。依間翠華裝修光鮮，一坐低我叫左個東蔭工魚片豬軟骨米線，我朋友就叫左銀牙肉絲炸麵。另外叫左兩杯奶茶。依家食個茶記都要每人$100，如果考慮食物質素，服務，速度方面的話，翠華都算合格。至少一入到去好快有侍應招呼落單，味道又大眾化。而且最大優點係開得夜又近蘭桂坊，放工OT都仲有野食。另外，都有見到唔少外國人，應該都係飲完野想食野醫肚。…查看更多

經朋友介紹去左依間滿江紅，食左一次依間好正嘅麻辣野就返唔到轉頭。我再另外帶左幾個鍾意食辣嘅朋友去，佢地都大讚，服務又好！好辣嘅朋友一定要去試試！滿江紅嘅所有菜式都可以揀辣度，大中小辣，唔夠嘅甚至可以大辣再加辣！我鐘情滿江紅因爲餸菜有鑊氣，夠香夠麻，唔會一味得個辣字整痛條脷！所有食過嘅菜式都好想推介：1. 水煮魚！桂花魚又大又滑！2. 辣子田雞！餸啤酒一流！3. 燉湯滋潤又解辣！天麻燉魚頭，茶樹菇燉雞！就連唔辣嘅餸味道都一流，炒豆土絲必食！四月做緊優惠，惠顧會俾$100現金卷，而且可以一次過用好多張，希望之後都會再派優惠卷啦！…查看更多

又係一間排哂長龍嘅日本魚生店，訂左位都等左十幾分鐘先可以入座。店舖有地下同樓上兩層，的的色色好有日本地道小店風味。刺身拼盤質素同份量都好豐富，七個人分享都夠食。牡丹蝦又大又新鮮，仲好黏牙。壽司同軍艦都好推介，特別是蟹膏軍艦都有幾款，一次過試哂唔同濃度同款式嘅蟹膏。基本上食物都高質味道好，蟹子沙拉，燒牛扒，sake煮蜆依d都基本得黎做得好好。特別想講下有個「雞腿骨腸仔」，真係有條雞腿骨喺入面架！好得意好新奇！唯獨係有幾款野食都賣哂，有小小失望同可惜。希望下次去到都食到想食嘅野啦！特別係荔枝煙肉卷！…查看更多

同朋友去左愉景灣食晚餐，揀左一間碼頭附近嘅意大利餐廳。依間嘅意粉同Pizza都好吸引，正當我同朋友想點餐嘅時候，侍應竟然同我地講今日沙律，意粉，Pizza都買一送一。買一個沙律送一個沙律，買一個意粉送一個意粉，買這個pizza送一個pizza。我同個朋友都俾個優惠嚇親，實在太優惠。結果我地叫咗一個蕃茄水牛芝士沙律，煙三文魚凱撒沙律，肉醬千層麵同埋意式欖油蒜香意粉。全部都好好食！最後仲叫咗一個Apple crumble同曲奇雪糕甜品！一路食仲一路見到愉景灣居民嚟外賣大pizza，買一送一優惠真係好吸引！…查看更多

IFC午飯時間真係好多人！依間glasshouse都一樣full house，好彩有訂枱先有位坐。我同一位素食朋友去食lunch，都有好多選擇。佢叫左一個牛肝菌芝士意粉配馬德拉酒，我就叫左一個龍蝦喇沙湯烏冬。兩個都好好味！特別想講講個龍蝦喇沙，半邊龍蝦好足料之外，湯底香得黎又唔會好辣，好多奶香中和返，係我食過最欣賞嘅喇沙之一，配烏冬口感一流。望住依個咁靚嘅維港，真係唔捨得太快走。最口叫多左個朱古力蛋糕，幫依個品味午餐劃上完美句號。…查看更多

這間餐廳是我近年來最喜愛的麻辣火鍋！！！店舖裝修充滿懷舊特色，十分別緻。店內中間位置有一個汁醬區，可以自行添加醬油和配料。大家一定要試試他的秘製牛肉汁，味道帶少少甜味，令食物都變得鮮甜可口。食材方面更提供不同部份的牛肉，可以根據個人口味，選擇不同口感的牛肉。更有指示不同牛肉部位的參考烹調秒數，非常講究。與麻辣鍋簡直是最佳配搭！！！特別想介紹兩款店內手製特飲，菊花桂圓水和烏梅汁，清熱潤肺，十分窩心！！！…查看更多

上星期六同左個閏蜜去尖沙咀棉登徑Bricklane食Brunch⋯⋯去到極多人，好彩我預先book左位！我朋友叫左個Everything, 我叫左個推介嘅龍蝦意粉。Everything係all-day-breakfast其中好豐富嘅一款，味道唔錯！至於我嘅龍蝦意粉，賣相就十分吸引，可惜味道冇咩龍蝦味，仲有d油膩。為左令個brunch更完滿，我地叫左個red velvet cake配一杯tiramisu latte😊Red velvet cake有cheese味平衡返，唔會太甜，nice👍🏻…查看更多

今日我同朋友去咗銅鑼灣一間樓上Cafe食午餐。估唔到近鵝頸橋嘅霎西街上面，都有一間高質具創意嘅台灣餐廳。入到去店員安排我哋坐喺近窗口嘅二人枱，望住繁忙嘅銅鑼灣街道享受輕鬆休閒嘅午餐。我哋叫咗一個「好多葱照燒雞扒蛋飯」，要特別讚下個蛋好滑好好食！仲叫咗兩杯特色飲品，一杯豆腐咖啡。估唔到原來將豆腐加入去凍咖啡會咁清香獨特。另外叫咗一杯紫薯鮮奶，好香又唔會太甜。叫多個抹茶窩夫做甜品，簡直就係一個完美午餐！…查看更多