Flora Lui's Profile

放工想食下午茶忽然想起壽司郎，由於千色店嗰度新開分店，呢度元朗廣場就變得少人，好容易有位，揀咗有烏冬配四件壽司下午茶餐$40，不過烏冬湯唔係好夠熱。壽司有甜蛋、蝦、三文魚同埋まくろ(呑拿魚)，好新鮮好味！叫咗杯威士忌梳打，好多年冇飲過酒了，少少哋飲感覺好Chill，。蕃薯天婦𡤢炸粉唔係好似日本嗰啲咁樣，又唔夠熱。另外，食咗白鳥貝壽司，爽口新鮮；とろ肥美，入口即溶化😋😋！最後叫咗碟海膽牛油果魚子醬海苔包，海膽甘香嫩滑配紫菜脆薄，口感非常豐富。食品選擇款式未夠多元化，希望日後有新款產品推出吸引到我嘅話會再次光顧啦！…Read More

下午8號風球塔巴除下，適逢放假，又來食套餐，今次食壽喜燒牛肩胛300g，包括生鷄蛋，前菜有菠菜沙律，一盤蔬菜盤，擺設徵美，好滿足，加$6轉烏冬，嫩滑彈牙，加杯巨峰提子梳打，香甜冰涼，慢慢嘆，最後食完加$15 －杯乳酪味軟雪糕，雪糕好綿滑又夠凍，非常滿足，埋單連加一服務都只不過是$206。唔知係咪冷氣唔夠，越食越熱，希望下次再來時呢啲設施會有改善啦！之前龍蝦湯底嘅推廣活動已經結束啦！今次推出橘子柚子湯底，有興趣嘅就去試吓啦！…Read More

好耐都冇寫過食評，最近社交平台發現YOHO Mall新開業的一人日式火鍋店，今日放假就去試吓啦！店內環境開揚，等咗一陣就有位，叫咗人氣No.1嘅套餐，三種肉：牛肩胛、豬眼肉和牛舌，$135（300g)， 湯底極和出汁，味道清甜，野菜盛合擺得靚靚，加$6轉讚岐烏冬，嫩滑彈牙，自己加佢嘅芝麻醬，不過味道就唔夠香芝麻。涼拌芝麻菠菜作前菜，味道麻麻，份量少得可憐。好彩牛舌爽口涮涮五秒就食得，如果耐咗就會好靭，入座前有位師奶等朋友中先入座，問佢有咩好介紹好食嘅，我就跟着佢意見落單，果然冇錯，豬眼肉是來自美國，估唔到好食過牛肩胛，食吓個肚好似仲有啲空位，追加一客50g嘅五花牛，好似豬眼肉一樣咁滑溜。套餐都有限時食75分鐘，我都係食咗45分鐘左右，隔離旁邊半個鐘就食完埋單，原本想食埋甜品，不過等下次同埋媽咪一齊過嚟再試吓啦！…Read More

尋尋覓覓搵到間雲南米線都幾好，特別推介嘅係炸韭菜餃子$34有8隻，皮酥脆，韭菜餡料非常豐富，即叫即做。豬扒肉質鬆散。步入門口，門面貼上套餐價錢是$48單餸，原來下午茶餐平日減$4，即係$44，包指定熱飲，如果轉豆漿+$5，凍飲+$3。家鄉麻辣手撕雞點芝麻醬都好好味😋，價格合理$42。有飯食，不過冇下午茶優惠，可以淨叫白飯$10/碗。下次有機會想試吓脆皮豬大腸。呢間米線都可以叫紅薯粉，交通方便洪水橋輕鐵站步行三分鐘到達。…Read More

自2017年開業以來我和媽咪第一次來光顧，日式放題，食品多元化，海鮮刺身，鮑魚仔、凡立貝，燒蠔，京燒比目魚，甜蝦，串燒牛舌（勒咗啲），羊架好味，醬油燒牛柳粒好正，燒榴連（金枕頭）多汁濃旭，青口，秋葵沙律，章魚燒、燒菠蘿，蟹粥，花膠燴花菇。海膽手卷失望，有臭壓味，好難食。糖水有椰汁燕窩紅棗，偏甜。甜品軟硬雪糕，朱古力軟雪糕好好味😋。雪糕批、甜筒、雪條、乳酪、豆腐花、泡芙布甸及奶凍，冷暖飲品，日本梅酒啤酒朝日，somerby萍果酒，款式多不勝數！總括來說食物質素一般。唯一驚喜，四位以上，生日當明者有半價優惠。…Read More

第一次在香港食燒肉，四大一小童只得一個烤爐，不過，其實咁做是好的兩個轉住睇火，兩個食，一個出去攞其他嘢食！豚肉，不普通、有豬大腸、豬頸肉，鷄肉，鷄翼好入味，牛肩胛肉，霜降一口牛，底面各翻十多秒，入口即化，好好味。海鮮靑口新鮮。蜆肉加牛油和秘制蒜蓉汁燒和岩鹽，wonderful! 👍🏻👍🏻😄! 各式各樣品種有54款，食之不盡⋯⋯燒肉汁飯都好好味😋！沒有拍照。抹茶軟雪糕都好味但忘記影相，最後食咗好香黑豆味嘅豆腐花。其實仲有好多其他未食過嘅，由於時間有限，留待下次再食過。…Read More

在有疫情之前都有來食過之後都差唔多三年冇食過了，今日聖誕假期，在親友的邀請便來這裡飲茶。先點咗蒸籠點心，有上素蒸粉果軟糯；粟米百花球，蝦膠未夠爽，粟米清甜好味；布拉腸粉好嫩滑。煎炸點心的安蝦咸水角，外脆內軟，豬肉餡料如果加少少沙角粒就會好味啲；鮮蝦腐皮卷，腐皮夠脆，蝦肉夠爽再佔上喼汁，非常勝胃。小食方面，沙薑鷄腳味道偏鹹；反而鮑汁鳳爪就好味得多了。另外，鳳城水餃味夠爽口，有啲失望。總括來說，如果10分滿分，我就會給7分。下次都會再來試吓其他款的點心嘅！…Read More

很久沒有來食自助餐，今次是早上星期五訂的中午自助餐，由於中午時段已滿座，延後下午三點開始食，不是下午茶，而是屬於午餐食的海鮮，有麵包蟹，好多膏，好正！翡翠螺，靑口，蜆肉，鮮凍蝦！好爽鮮味乾淨。章魚🐙粟米紅蘿蔔湯，鮮甜好好味😋，熱騰騰，好暖胃，剛剛今天發出寒冷天氣警告，飲碗更添溫暖！其他熱食有德國鹹豬手蒸鱸魚，炸魚柳，海南雞、叉燒、燒鵝，各式各樣都合心意💕。又有串燒雞翼，粟米、煙肉芝士腸，鷄肉串。點心燒賣，牛肉燒賣。刺身有吞拿，三文魚和𩶘魚不過無乜鮮味。梅子味喬麥麵好清香。飲品，柑桔檸檬汁和橙汁都好味😋，唔太凍。甜品方面：原味班㦸有紅豆餡加忌廉，好正！蝴蝶酥鬆脆可口，藍梅芝士蛋糕，黑松露朱古力蛋糕，啫喱，曲奇餅，各式各樣甜品都好鍾意❤️！仲有生果：西瓜（淡）、菠蘿（甜）、蜜瓜（淡）。最後，食埋個哈根大師雪糕哈蜜瓜味和士多啤梨味🍓！完美結束兩個半鐘的豐富自助餐。希望明年有機會再來食！因為呢度有優惠3點食有六折，長者又平啲。…Read More

三年沒有來光顧了，由於早前見電視節目介紹海南雞，便想起了呢間，去到便剛好下午茶時間，點了蔥油鷄飯，如要轉髀的加多$8，鷄肉爽皮滑，絲苗白飯好軟懦，仲有餐湯椰子雪耳煲鷄湯，椰子香甜，湯濃又夠熱，仲有自助機飲熱水（店設定咗94度）。自助點餐有97折，即減$3，另外，長者卡再減$3。呢個下午茶茶餐又抵又好食！店員都自讚食物質素保持外，食品一定要夠熱是最基本的要求，此店能夠做到，所以屹立在沙田多年。下次再來吃無骨海南雞先。…Read More

第一次來，環境企理，通通系統足夠。食物方面就麻麻了。二人同行，中午點了兩份湯麵：吉列豬扒刀削麵，自家制，但麵條一舊舊，湯少又唔熱，於是叫服務員幫忙加翻啲湯，好快就加回。吉列豬扒，肉好薄細細件，唔係好夠份量。我就叫咗碗招牌三味餃烏冬湯麵，湯都係唔夠熱，餃子三味各兩隻，又係唔夠熱，有香芹，韮菜，豬肉，味道一般，肉質死實，與超市急凍嗰啲口感差唔多，唔似係新鮮包，是讚岐烏冬，份量少，盛惠$46價錢貴過豬扒麵$36/碗。真係一試無防，再試投降！…Read More

上個月食過一次，今日放大假，又再試吓，仲有優惠,午市90分鐘放題每位可減$40，長者/小童優惠少少。我們選擇了昆布湯底，今次二人好似食咗五六碟牛，估唔到有竹桶豆腐花食，好滑好好味，茶葉蛋好入味、咖哩牛腩紅蘿白薯仔加飯，咖哩汁好正，又有碗仔翅，木耳麻辣燒買，炸蝦春卷，各樣都有質素有水準，應熱的熱，應脆的脆，沙律雖然普通，蕃茄口，粟米粒，菠蘿粒，蕃薯仔，生菜，但乾淨衛生，各樣都是我的至愛，加千島醬伴食，Yummy! 蔬菜方面，有我們喜歡的秋葵、福崗雞蛋、黑芝麻湯圓今次無，只有花生湯圓，仲有好滑豆腐火鍋。最後，食翻杯朱古力抹茶扭紋雪糕。大飽口福，好滿足呢！…Read More

今日早上想食翻豐富啲，叫咗雪菜肉絲米粉，湯唔夠熱，米粉一舊舊，煮唔開咁，因為湯唔夠熱，湯嘅味道偏鹹，下次唔再食呢個餐。多士炒蛋上枱，我被嚇了一下，以為大乜活都縮水唔少，半個手掌，估唔來到呢間食，仲有得fight，比一支餐叉大少少，少得可憐，同埋件多士又好油膩，但又食唔到牛油香味，真係有啲失望😮‍💨！現在生意真係又好難做嘅，遲啲我估多士會進化到迷你時代，縮細到一口餃子咁細嘅多士了。炒蛋勉強可以，又係唔夠熱。…Read More

雖然今晚沒有一蚊隻或特價吊燒雞，所以人流不多，今日客人來的都唔係為咗食特價雞的。大時大節，在疫情下，家家戶戶都留在家中過節。我家只得媽咪和我，梗係出街食，又來呢間吃晚飯慶祝端午節啦！先來碟例牌燒鵝，碟架下用蠟燭助暖，好特別。燒皮未夠脆，扣了少少分，但鵝嘅肉質鮮嫩多汁，好juicy。仲有叫咗小炒皇，韮菜花好爽脆，有魷魚，大大粒蝦干、菜甫、腰果，仲有一粒帶子，色香味美。不過鹹咗少少，配啤酒就一流，不過唔飲酒，以茶代酒。加碗白飯。不過飯就少咗啲同埋好貴$15，茶位都只係$13。…Read More

下午茶叫咗個無骨海南雞飯套餐，無咩雞肉味，碗湯份量又少又凍嘅，冬瓜兩小件，未煮熟，一啲都唔似湯，淡而無味。油飯又係凍嘅，聞唔到飯香味。半價轉特飲芒果沙冰，完全唔覺得是芒果味。都要$16。其他食肆嘅芒果沙冰平過佢好味過佢。仲有餐廳環境及座位感覺好逼，張枱高咗，坐喺卡位又矮，叫杯凍飲，好似小朋友咁要弧高身飲，有礙觀瞻。餐廳的傢俬設計真係好有問題，坐得好唔舒服。估唔到真係遇上第一次不好的體驗，真係唔會再有下次來幫襯啦。…Read More

之前放大假食過一次set lunch抵食，皇后薄餅好脆好薄，餅底夠熱，好好味😋！卡邦尼意大利粉，煙肉咸香，意粉又爽滑，芝士醬汁味濃。餐前嘅包都好食菠菜醬汁感覺好fresh好健康！今次周未就無得，散叫咗一個10吋三文魚他他簿餅，是本店新推介，果然唔錯，三文魚好滑，份量足夠，餅底都夠熱和脆，有水準，果然無介紹錯！兩人分三件好滿足，後加細size嘅雞肉凱薩沙律，芝士好好味配有煙肉、麵包粒、生菜和鷄肉，好開胃，口感豐富，爽口生菜，咸香煙肉混芝士沙律醋，食完pizza再食沙律可以消滯。唔一定食菜先後食肉。综合食物質素中上，好滿足。特別讚揚某兩位服務員態度非常好，下次一定會再光顧試吓其他款式先！…Read More