chingching:)的個人專頁

幾年前已經同朋友食過呢間當時仲喺旺角嘅樓上墨西哥店🌮當時大家都對呢間餐廳評價幾高原來冇食一段時間已經由細舖搬咗去逸東酒店地下決定帶另一半嚟試吓入座當日天氣麻麻 落緊雨 可能因為咁多咗酒店客人留喺酒店入邊食（？）生意都幾好👍🏻店員定唔知老闆仲非常殷勤咁同我後面嗰台外國客人介紹呢度嘅特色菜😆態度非常好 好加分講返正題 我哋兩個人嗌咗紅酒燉牛肉意粉🍝 招牌西班牙烤洋蔥蛋餅🥚仲有一杯sangria🍹同一份🍎招牌甜脆餅最快到係杯嘢飲 飲落好fresh唔會太甜之後就上紅酒燉牛肉意粉 個汁有啲肉醬feel🤣味道唔錯 不過多啲紅酒味會更好👅冇幾耐蛋餅都到埋 好香芝士味呀！份量唔算細 但我哋瞬間清晒🙈最後就上埋個甜品 係墨西哥（？）嘅特色麵餅甜食 我哋揀咗焦糖蘋果味 但一切開發現原來係空心 入邊有啲麵包粒😂男友話早知嗌其他 但其實都幾好食的總括嚟講 地點方便 價錢相宜 一定有下次！…查看更多

Have been here for several times, and it is my first time having hot meals. My boyfriend ordered the tuna bowl 808, and he added extra octopus in it. I ordered ‘Hot Korner’ which has slow-cooked chicken and avocado in it. It tasted good except that the meat can be more tendered. We also ordered the fried chicken which tasted ok. Would definitely come again next time when I have no idea what to eat in Sham Shui Po.…查看更多

見網上呢間餐廳嘅好評頗多 Bookmark咗呢間好耐😺但又唔想排隊 難得早幾日俾我book到位 即刻二話不說拉埋男朋友過嚟食！😛618嘅位置都幾方便，一出地鐵站過兩條馬路就到👍🏻成幢大廈都充滿一啲新晉嘅小店 裝修帶玩味又有特色😎一入到去就搵𨋢搭上天台，上到去覺得環境比想像中大！去到門口職員都好好笑容同態度，安排咗我哋去室外圓枱（有得揀嘅話，建議戶外，氣氛好好多😆）可能係啱啱過完農曆新年冇幾耐既緣故，一坐低職員就低咗兩塊幸運曲奇俾我哋🥠跟住我哋就開始睇Menu，發覺好多嘢都想食，不過又怕眼闊肚窄，所以淨係嗌咗一個主菜、一個甜品同兩杯嘢飲🍹主菜當然嗌呢度嘅招牌一汁三菜（揀咗高麗菜🥬包豚肉），而甜品就要咗肉桂朱古力西多🍞飲品要咗一杯伯爵朱古力同一杯洛神花茶（價錢可參考以下Menu）落咗單冇幾耐啲嘢食就陸續上枱啦🍽️首先上枱嘅係個定食，仲有埋一塊好得意嘅木牌教我哋點食🤣櫻花蝦同埋嗰個定食好夾，送飯一流👍🏻高麗包豚肉都唔錯，但我覺得可以多啲肉🙈個餐有個包住麻糬嘅福袋，個人好鍾意呢個（可能因為本身鍾意食煙靭嘢）豆腐同溫泉蛋都正正常常，不過不失！另外後邊有舊好似大菜糕嘅嘢，感覺好創新好健康🤣食完定食好快就上甜品，外型真係好吸引😍西多都幾重朱古力同埋玉桂味，啱晒我呢個螞蟻人🐜佢嘅醬都唔吝嗇，所以由頭到尾都食到有醬，個麵包好濕潤😋不過要趁熱食，因為上面有球雪糕，一冷一熱好快就會溶🙈飲品方面，我就鍾意自己嗌個杯伯爵茶可可☕️好濃朱古力味但又唔會搶咗伯爵茶嘅味🍫而男友嗰杯洛神花茶我都飲咗啖，味道唔酸，但我唔係特別好🙈餐廳嘅戶外位置都幾多打卡位，有個好似千秋嘅裝置藝術幾靚，但已經有人坐咗，如果想打卡嘅話建議預早嚟又或者book定（嚟之前冇諗到添）總括而言，呢次係一個唔錯嘅體驗，食物嘅質素唔錯，值得一試！不過如果份量可以增加就好啦，因為都真係偏少，男仔可能會唔夠飽👦🏻…查看更多

<日本過江龍壽司🍣店 — 美登利>疫情期間少左出街食🍽偶爾放鬆一下當然要食好d🤣一直想試呢間鼎鼎大名既過江龍 呢日唔洗排隊終須試到😝同朋友各嗌左午市定食😍包湯、茶碗蒸同主食.🍱三文魚盛盒 $145作為三放魚控既我一坐低就深深俾呢個set吸引住😍二話不說說嗌左佢💁🏻‍♀️三文魚非常鮮甜肥美😋最鍾意係佢舊刺身大過舊飯好多 好滿足🤤.🍱一人前手握壽司盛盒 $138朋友就嗌左呢個set樣樣都有😚佢話味道都唔錯👍🏻但佢比較細食 竟然食唔晒🤣🤣我就幫佢食左玉子壽司 舊蛋非常甜😆.味道：4.5/5性價比：4/5…查看更多

<灣仔fine dining>朋友係灣仔返工👩🏻‍💼於是去搵佢lunch食餐好既🍽見呢間平日有3-course lunch set $198 一於去試試佢💁🏻‍♀️.Starter▶️Melon Gazpacho, toasted baguette, Bellota chorizo嗌左先知原來係西班牙凍湯🥘真係唔係個個都岩飲😂我就飲唔慣 至於個肉腸toast🥪都非常之咸 可能係我唔識欣賞😂.Main▶️Australian Beef Bavette🥩非常推薦呢個！👍🏻👍🏻好好食好香牛味 配埋煎蘑菇一流😋不過個日嗌左5成熟 覺得可以生d 下次會試3成🙈▶️Confit Beef Paleron呢個都係牛 但佢既口感好似牛展😂對比起上面個件比較失色.Dessert▶️Creme fraiche用紅色嘅水果整成嘅甜品🍧酸酸甜甜非常之開胃 面頭有車厘子味雪糕🍒又一推薦！👍🏻👍🏻▶️Cheese Platter有3種唔同既芝士 但有d好難就咁入口🤭not my cup of tea.順帶一提 水係一支支水 要另外收費喔 同埋平日lunch time都幾full 要📞book左先黎…查看更多

早排屋企人生日🎂一直想試瓜破既蛋糕😍特登走左去KCC買.因為個樣最靚同口味算大路 所以揀左桃momo🍑 ($298)個cake非常之清新🍀入面有幾層: 山形縣白桃慕絲 x 伯爵紅茶慕絲 x 山形縣白桃 mousse唔會過甜👍🏻一人一件好快食晒🤣.推薦指數: 8.5/10P.S. 門市取早一日訂定會有95折…查看更多

📍Achacha Food & Beverage Boutique因為朋友想去零碳天地見柴犬🐶就決定去九龍灣覓食openrice做完功課揀左呢間西式餐廳睇完個brunch menu覺得喺megabox黎講唔貴就去馬🤣去到間餐廳冇咩人 心諗會唔會係伏一行四人嗌左4個set包括: 菠菜三文魚法式薄餅 ($52)香蕉朱古力法式薄餅 ($42)安格斯牛肉竹碳漢堡🍔🍟 ($86)仲有個意粉🍝 餓得濟冇影相😂😂佢份量偏細 但味道好唔錯!!👍法式薄餅好脆好薄 一切就碎😅 所以share個陣有d呢hea甜嗰個薄餅面頭d cream好重雲尼拿味好正菠菜都幾驚喜 同三文魚幾夾 仲有球紫薯🥔個漢堡面頭勁香芝麻味 又烘到脆身哈哈食完唔太飽走左去ikea醫肚但整體係好食既! 下次再去九龍灣諗唔到食咩都會返黎😆評分: 8/10地址: 九龍灣megabox 5樓3-4號鋪…查看更多

冇去葵興一排 開左間好靚既商場🏭叫life@KCC今日下晝就去個度搵食啦!上到8樓苦惱緊食新加坡野定上海野最後都係想食laksa🍲嗌左龍蝦laksa🦐 (單點$168，新張優惠半價)真係好抵!!!上菜個陣好大碗 隻龍蝦又勁大隻 好震撼omg🤤椰汁味好夠 但又唔會太漏另外仲嗌左個軟殼蟹撈檬set ($68)加錢轉飲黑糖薑母茶個蟹好脆 但我覺得粉有d厚茶就冇飲唔知🙈咁既價錢有咁高質素 絕對會encore!!!但唔知個優惠做到幾時 要去就快😂評分: 8.5/10地址: 葵興葵昌路72-76號Life@KCC…查看更多

喺荃灣路德圍一帶開左好多台式茶飲店🥃老虎堂呀 東喜茶個d我都飲過所以今次就試新野😝佢好特別有草莓🍓奶蓋伯爵茶我本身以為係個茶底有草莓味(係咪好白痴🤣)但買完先發覺原來係草莓味既奶蓋umm...可能我飲唔慣始終都係覺得芝士味既奶蓋好飲d😂伯爵茶都唔錯既 夠濃茶味不過價錢唔貴 下次可以試其他評分: 7/10…查看更多

Rempah noodles🍲去左灣仔試呢間新開近排好hit既新加坡餐廳裝修簡約得黎都幾靚我今次係衝住個kaya toast ($38)而來🤣果然冇令我失望!!好香好新鮮既班蘭味店員(定唔知店主)好有心機同我地解釋佢既製法係加左新鮮班蘭葉所以咁香 而且係雪凍左想令佢好似雪糕咁 出面烘完就脆脆地 造成冷熱交融既感覺我超級鍾意食 仲問佢有冇得齋買個醬查麵包😂至於正餐就嗌左喇沙同大蝦麵 各$98麵唔夠有得任加我就幾鍾意個大蝦麵 個湯好清甜 喇沙都幾濃椰汁味 但個米線有d硬 可以再煮耐d另外加左杯咖啡($30)同檸檬草班蘭葉飲品(+15)咖啡🍵我冇試杯🍋🥃就…如果你鍾意碌柚葉陣味你可能會like我就完全接受唔到 飲左2啖放棄左😂但我應該會為個toast返黎!仲有值得一提既係佢地好乾淨 會好細心抹個筷子筒評分: 8.5/10 …查看更多

今年中秋之前同家姐講想食奶皇月餅結果佢買左聖安娜既流心奶皇月餅第一次試呢間既出品估唔到又幾好食喎唔叮都識流叮左暖暖地仲好食平價月餅過下口癮唔錯👍評分: 7/10…查看更多

鍾意食曲奇既應該都對曲奇童話唔陌生🍪除左jenny bakery同曲奇四重奏 比較多人買做手信既就係佢個盒係木馬🐎,真係吸引到唔少人入到店有唔同口味都可以試今次買左喜樂果子有野莓、橙杏仁、桂花桂圓黑糖、鳳梨、芒果、綠茶開心果南瓜子味我自己就最鍾意綠茶開心果味,有綠茶味之餘又食到開心果~桂花個隻味道怪怪的😂總括黎講我覺得太貴🤣同埋可能因為我始終都係like牛油味重又鬆化既口感jenny比較對我的味😆評分:7.5/10購自荷里活廣場2樓Conte de cookie $218尖沙咀 銅鑼灣 灣仔 都有分店…查看更多

鉄火堂丼飯🍣尖沙咀開左好耐終於開到黎旺角!今次試左自選丼飯$59 4個餸/$69 5個餸包麵豉湯同無限熱茶我揀左三文魚 帆立貝 鰻魚同火炙牛肉份量唔算多 但夠女仔食 身材都算新鮮 特別係帆立貝都幾鮮甜值得一讚係鰻魚冇骨呢個價錢黎講好唔錯👍會再有下次…查看更多

其實呢間餅店都開左好耐,不過見d價錢稍貴,又加左價,所以就冇乜買過野食~次次經過都見到蛋撻差唔多賣唒,諗住會好好食,真係冇令我失望!蛋撻熱呼呼的~佢個皮好好味,係酥皮黎既!入面有少少香蛋味,正!!!我差唔多每日都食個,哈xP實食到好肥…查看更多