c lai's Profile

來過吃晚餐和 weekday Lunch，未試過 weekend 來，現在大家都避開疫情於是我哋都一開門 12pm 過來。Holiday Brunch menu 以 salad 同埋有蛋嘅 dishes 為多，我哋點咗：64C Fried Egg, kale, cauliflower, cherry tomato salad - 好味，隻蛋剛剛好，食得出個 dressing 係自己造嘅，好滑，菜都好新鮮。Homemade Cha Siu scrambled egg with scone - 個叉燒炒蛋之前食過，水準保持到，個 scone 又鬆又脆好好味。Flank steak sandwich - 同 lunch menu 嘅如出一轍，可能之前食過就無乜驚喜，不過都好食。感覺衛生做到足 - 見到個 server 會每次都用酒精抹個 menu，客人走咗又會抹枱凳先至招呼下一輪。雖然只準開一半嘅座位，當日都「坐滿」了僅有開的 50%。…Read More

我地一家人都好鍾意火鍋第一次來禾牛薈湯底揀咗翅瓜雞湯，好甜好夠味，個湯夠火喉其實根本唔使混醬料配料都好新鮮，大家都好滿意：肥牛、墨魚滑、四寶丸、六寶丸、肉醬餃、韭菜餃... 推介牛肉滑！好滑好正 …Read More

約舊老闆食 lunch，唔想太貴但係要 decent 少少，就 book 咗呢間新開嘅。之前跟朋友試過個廚師嘅PMQ pop-up kitchen，French-Cantonese fusion，幾特別。地點唔難搵，因為係幾間出名嘅小店附近，舖面光亮，座位鬆動坐得舒服。好彩有訂位，因為 lunch time 都坐滿，walk in 要等。我點咗 Iberico pork with egg noodles，豬排好鬆軟，唔太鹹，切成 bite size 幾好。蛋麵應該係用港式辣醬 炒，微辣，同個黑毛豬幾夾。另外試咗個臘腸 Cantonese Quiche，好香口好特別。Set lunch 包咖啡、茶。可以加甜點，不過可惜我正在減甜。😫 價錢適中，下次想試埋個 dinner，dinner menu 影埋喺度先分享。😋…Read More

本來對呢類型餐廳有戒心，不竟上次在 ICC 飲茶唔好味齋食風景裝修覺得好唔抵😪不過今次真係跌眼鏡啦！呢度風景裝修好靚，服務殷勤，食物有特色又好味道，價錢唔算呃人！食左黑金蝦餃、黑金流沙包、腸粉、春卷、菜苗餃、魷魚鬚、炸鮮奶、燒賣... 全部都好味，有少少特色。服務大至上滿意，雖然忙但係有好幾個似係經理嘅大哥，看得出係有水平嘅服務員。只係其中有個四眼叔叔講嘢啲語氣有點吋，句句有骨好奇怪之外，都算無驚無險又一餐（宜家做客人好多時都被虐待😥)...食完飯個 receptionist 極力推介我地出外面影相，仲幫我地揸機! 😊👍🏻Anyway，呢度絕得值得再來，唯一要留意係個位置比較遠，係 ocean terminal 盡頭，要預留時間行入去。😅…Read More

餐廳位置係菲林明道尾，晚上環境比較靜。大玻璃窗的設計，感覺 modern 得來還很 classy。一進門，receptionist 已經熱情款待，朋友在 bar 飲 cocktail 等我，於事連人帶杯被帶到晚餐桌前。侍應們都很 energetic 和健談，手舞足蹈的介紹餐牌，朋友不吃牛，所以點了：Tuna Tartare 🐟- 好味，tuna 新鮮，味道調得好，celery + garlic 脆脆的增加了口感；Seared Scallop - 好大粒，煮到半熟剛剛好，鮮甜；Lobster Chitarra - in-house 自製新鮮 pasta，lobster 火候好又唔太鹹，好好味！Grilled Swordfish - 用檸檬汁、橄欖油 grill，swordfish 本身就彈彈牙質地不似魚，好得意，不過唔係人人都鍾意;Hazelnut chocolate mousse - 好 rich！Coffee gelato - 又香又滑！整體感覺食物、cocktail、環境、服務都好舒服，情調又好，一定會 encore。…Read More

鴨湯打邊爐真係第一次！地方有少少偏，係渡船街西北角，離遠就見到個 LED 鴨牌係度閃閃下 😆 地方有啲窄，但係都有幾間細房。叫左個鴛鴦鍋，半隻鴨+清湯，好 flexible 😊。個鴨湯好味道，唔算肥膩，幾清甜。本地手切肥牛好靚，彈牙。推介手打丸！蝦丸、墨魚丸、鴨肝丸全部好甜，好新鮮！韭菜餃、水餃🥟豐料，應該係自己包嘅? 鱔片好肥美，好大塊。另外，都推介鵝腸，出邊的通常都漂到白色無晒味，但係呢度個啲係新鮮嘅，粉紅色，食落好香好爽！雖然唔係太好坐，不過都想再來試箘類同七月先有嘅蝦條！😛…Read More

同樣是女漢子的同事來自外地，佢想食港式大排檔，諗起裕興！天氣涼涼地又無落雨，十分適合 😁 我地預早咗時間，不過來到已經 12:15，只剩下幾個座位兼且侍應姐姐話要等食物等 45 分鐘，一場來到當然等啦！我地都不約而同叫鹹牛肉炒蛋丁麵 😋 無令我失望，炒蛋依舊香脆，麵夠彈牙，有椰菜墊底感覺健康少少 😆 奶茶照舊香滑好味。環境雖然唔優雅但係比幾個月前好，一來附近地盤已經起好無咁嘈無咁大塵，二來換了新膠凳，坐得比較穩比較自在。…Read More

好久沒有來，意想不到呢間咁大既鋪位可以做咁耐，仲越來越旺，又開分店！大概係食物得意又好味，上菜快，服務唔錯，地方光猛又乾淨。茶都特別過人，我地叫咗紅棗紅茶，茶幾香，飲落乾淨清新。點心就當然要點好得意又好味嘅流沙包！沙薑雞啲沙薑一粒粒味道好出。芥蘭夠脆、春卷夠熱夠脆、腸粉彈牙 、蝦餃好靚又真材實料！全部食物都又美觀又新鮮又好味。食物味道唔算太鹹太油膩。唯一缺點係價錢 😅 食6樣點心埋單 $2xx 一位，絕對係貴價 lunch。…Read More

平時去開啲鐵板燒都頗貴，今次朋友帶我來 Kozy 真係又 cozy 又好味又抵食！原來呢度好受歡迎，要坐吧枱就要兩星期前 book 定，限時 2 小時，都食得好舒服。我哋食咗：蝦 ($98 2 隻）- 好大隻，好彈牙，好味蠔 - 調味剛剛好，唔太熟，甜！牛舌 - 應該係我食過最好味嘅!!!!!!!!蔥大阪燒 - 以為會好悶，點知又鬆又香口雜錦炒麵 - 麵彈牙，調味剛剛好，有八爪魚煙肉菜關東煮 - 好味，但其他嘢太突出比了下去 😝仲食咗wasabi 山藥、kimchi、炒牙菜... 全部都好味。雖然前台得 3 個人但係服務都 ok。埋單 $6xx 真係喜出望外！😍…Read More

前身是 Mr S Y Punti，走港式懷舊路線，承接上一手嘅裝潢，都係類似嘅概念。之前聽聞有西區街坊係呢度搞過 event，所以好奇來看看新店。天氣好，可以坐係後巷半露天式，幾舒服。室內座位有限，兩張卡位，五、六個吧枱位，如果一定要涼冷氣就要等位喇。menu 有 all day breakfast 也有港式早餐（到12點）。有午餐下午茶晚餐，連糖水都有。我點咗瑞士雞翼通粉，配火腿炒蛋多士。雞翼幾好味，通粉湯底略淡（利申：本人口味本身偏淡）。炒蛋火腿多合格，奶茶都唔錯。係無乜驚喜但係服務環境都 ok 啦！…Read More

好幾年前呢度係我地一班同事嘅至愛，但凡有慶祝活動、星期五 happy Friday，第一時間就係 book 岩浪。後來換了一班前台員工後（傳聞係餐廳易手？）服務水準大降至旺角水平（例如：飛個碟落枱，大聲同客人講「你等等！」....)，我地一班人自此好少嚟。今次再來，水準回升，服務正常返！我地二人坐吧枱，以前嘅自選壽司 set 暫停，改為十件師傅發板（$300)，前菜蒸蛋同 F 手卷照舊，咖啡換了 elegant 的杯子且好像比以前更濃更好味！蒸蛋有少少過了火喉。壽司最難忘係活牡丹蝦，超大超甜超好味！海膽嘅紫菜好乾身好脆！👍🏻👍🏻👍🏻雖然價錢貴，但係我都會再返嚟，好高興見到佢地谷底反彈！…Read More

食完飯行過，又口痕想食甜品，就試下可可啦！見佢裝修左又變大左，應該係好受街坊歡迎啩? 點左芒果椰汁黑糯米，來到個樣好靚呀，又大碗，感覺又新鮮，味道唔錯！其實個 menu 都好誇張，小炒、粉麵、小食（如煎腸粉）、甜品、糖水，樣樣都有，真係佩服佩服，難怪咁受歡迎啦！😋…Read More

來了幾次，終於記得寫食評。$288 一位，一開始是雞煲（可辣可唔辣），食完雞就加牛柏葉、魷魚煮埋繼續食。因為有人唔食辣，叫左走辣，點知都好香好好味！拎走個雞煲，就送上鮑魚！食完鮑魚，就開始打邊爐！揀左番茄薯仔湯，第一round 有牛肉、蔬菜籃、菇、魚滑墨魚滑、餃、丸、海鮮拼盤。除了牛肉、生蠔、蚌、帶子... 其他大部分食物都可以任點任食。罐裝汽水、荔枝茶、冬瓜茶、自家製五花茶，全部都是任飲的，好開心！已經好飽，仲有凍燉奶😆 食埋！順便一提，小朋友4歲以下免費，5-11歲半價，都算公道。👦🏻👧🏻…Read More

以前來保德街只係會去茶家，但係茶家關門後，發現其實同一條小街都有幾間可愛 cafe，不如就試下啦！中午時分都坐滿了，好彩我一個人，坐高枱有得搭枱。可能因為我喜歡吃蛋白質？覺得 brunch menu 普遍比較素，於是點了最多 protein 既 Poached egg, mashed avocado, bacon, sour dough ($98)，加一杯 mocha ($50，頗貴)。Poached egg 煮得剛剛好，上面有 pepper and spice， bacon 略硬但都 ok，salad 好新鮮，sour dough 唔硬、好香。杯 mocha 都好好飲。😋還有這裡沒有加一的，所以我留了小費在 cashier 的小碗裡 😊…Read More

無諗過會幫連鎖快餐店寫食評！但係今次食完下午茶餐$29.5 雞翼+沙爹牛肉泡麵，加 $6 加左個紫米露，真係要讚下！個紫米露唔係全世界最好食，但係加 $6 來講真係超級驚喜！好多紫米，好多芋頭，唔太甜，唔太多獻，性價比甚高!…Read More