onpui51的個人專頁

粥ok 嘅，不過炸兩都係老問題，放咗好耐好種淋晒嗰種。食炸兩好重要要有甜醬麻醬，麻醬冇提供有少少失望，但甜醬個味好鬼假好難食，已經講完了。我見現場三個阿姐阿伯都係叫炒麵，強烈建議唔好叫炸兩，可能炒麵入得口多啲。…查看更多

28/9 下午一點半，口痕嚟波記食飯，叫咗個叉鵝飯。仲記得個幾月前嚟叫肥叉鵝，佢話冇肥叉得半肥瘦，嗰次係肥瘦啱啱好嘅，幾好食嘅。咁諗住今次知碇啦，咪講要半肥瘦叉燒囉，點知個店員（長髮女人）應都唔應我！好心你有冇都出句聲吖！好啦，碟飯嚟到。燒鵝凍嘅！！！（講緊只係下午一點半）燒鵝得塊皮肉都唔多舊！！叉燒瘦嘅乾嘅硬嘅！！！叉燒切到邊大邊細！？飯又要勁少！！收我$72？！唔止唔值仲要唔好食呢間嘢要挫一挫佢銳氣講完！…查看更多

好似唔應該係咁喎，我第一次嚟食，夜晚買，明明好好食，係個男店員煮同收銀，一切都好唔錯！今日中午嚟買，女店員煮同收銀，態度正正常常，不過食物勁求奇。我唔講太多，你哋睇相算。…查看更多

食咗一個雞白湯拉麵簡單短評湯底：4/5好飲，忍唔住一口接一口咁飲，只係飲到最後你先會覺得膩炸牛蒡：5/5好食，脆有脆嘅好食，食食下浸湯再食又得，好鍾意佢個炸牛蒡嘅味拉麵：3/5個人覺得正常，不過可能唔係我杯茶，所以畀低分咗蛋：2.5/5正常合格，冇特別好食，個人覺得唔夠入味添叉燒：4/5係好食嘅叉燒，但冇乜特點慢煮雞胸：5/5呢個係成碗麵最驚喜嘅位置，我個塊雞胸，好食之餘咬落去係「脆」㗎！其實係嫩得嚟個外表又有啲咬口，所以咬落個外層會彈，入面就柔軟。我唔知係咪碗碗都係咁，我亦唔知佢係點整，當下就覺得好鬼好食服務：4/5好禮貌性價比：3.5/5好食還好食，一碗雞白湯拉麵$148，加隻唔特別好食嘅$16蛋，加埋一都已經$183係咪其實可獎再相宜一啲呢？…查看更多

我唔係話佢唔好食但唔係值得排隊嘅質素囉我食咗個茄牛蛋通咪就係茄牛蛋通囉我又唔覺得湯底好濃郁牛肉好嫩好鮮好入味蛋直程係硬實實嘅煎蛋一啲都唔難食但咪就係茄牛蛋通囉根本就唔使排半個鐘我叫多咗奶油脆脆甜甜地脆脆地幾好食但咪就係甜甜地脆脆地幾好食都唔係好食到要排半個鐘掛我理解唔到望住啲遊客多到咁斜對面有一對韓國情侶等緊叫嘢食我想像唔到當啲嘢食送到嚟佢地會點諗我唔係講「香港食嘢咩智商稅」呢啲一竹竿打一船人嘅說話因為佢又真係冇收貴你$37茶餐廳價，非常合理但係有時我寧願食貴啲，俾大家推介返一啲真係好食嘅餐廳畀人咁啫…查看更多

Ricky san 推介咗三樣及第粥、油炸鬼牛脷酥、蝦米腸粉我先講，及底粥真係貨真價實嘅一絕誇張啲講，做咗咁耐人，呢個生滾及第粥係深刻地好食入面嘅豬潤豬腸豬肉丸等等真係好鬼新鮮你倒少少豉油同胡椒粉，點啲餸落去食，又嫩又爽又鮮不過另外就麻麻了我一個人食，所以冇叫又油炸鬼又腸粉淨係叫咗炸兩係難食嘅炸兩淋嘅腸粉皮無Ricky san講到咁厚實我係食唔晒，失望咁走。同場加映環境衛生一如各留言人所講唔係乾淨嘅掃晒啲嘢落地就當抺咗有某一兩張櫈係濕嘅地下有時見到腸粉皮枱面未抺乾淨係小事不過價錢又好公道喎$25 生滾及第粥個人覺得係值嘅，我仲以為三四十蚊添炸兩收我$11差唔多啦我而家係好後悔如果食油炸鬼，係咪會好好多？…查看更多

唔係唔好食，不過有個致命傷加小缺點。特色沾麵個麵底係自己打，見到店頭間咗個位被俾佢打麵嘅，而麵有三款口味，今次試過黑椒味，即係混咗黑椒入麵底，出到嚟係未試過嘅。不過麵粗身而且偏硬，食起上嚟唔算好好口感。致命傷沾麵重點係湯要夠熱，因為當一浸啲凍麵落去，個湯就會迅速降溫，間間做沾麵嘅店都要用唔同方法保住溫度，當然都有好多店係由佢冷卻，呢間係其中一間。不過，叫得致命傷就冇咁簡單，佢地個湯係連第一啖都唔夠熱，接下來已經係完全唔使講，就係等佢慢慢變凍。小缺點個樓面職員都幾串，係個老人家黎，店內當時入座率只有五成，我嗌麵個時唔知道可以揀唔同口味嘅麵，佢講咗我知有三個口味，我問佢有冇推介，佢燥燥地好大聲咁重新讀多次三個口味，言下之意即係叫你快啲揀，觀感都有啲無禮貌。最後，提提大家，食完沾麵記得叫佢加湯，你可以飲埋個湯先走。…查看更多

中午食完一間幾好食嘅拉麵，但始終有啲唔夠喉，睇留言見到有人提呢間，於是夜晚試埋佢。冇當日即刻打食評，所以記憶有啲矇糊，但絕對記得係塊叉燒份量多再加幾好食，佢有分三塊燒三塊唔燒，唔燒嘅幾好食。湯底ok, 我再加咗背脂，但我覺得有啲啲油，所以建議唔使加。麵質都一樣唔係傳統個隻拉麵，唔係唔好食，只係唔係我杯茶。配料好食，一樣絕對合格。價錢我食咗$100+$10（背脂），我自己覺得合理，因為真係幾飽，但未去到好抵。留意，星期一至四同五至日嘅menu 唔同，自己查咗先去。…查看更多

評語：我食嘅係清湯醬油拉麵，食後有輕微過譽嘅感覺。1）叉燒幾好食，薄唔緊要，但有啲細塊，公平啲講，我有對比其他人嘅份量，係我個碗細咗少少，咁就算啦。2）湯底色水係靚嘅，但飲落唔覺得好驚艷，就係一般嘅湯底。有人話佢用味粉，我唔識分。3）麵質生熟程度剛好，不過唔係我杯茶。好多人話掛湯，但我食落唔覺有呢個效果，唔知關唔關我食清湯事，還是偏愛傳統拉麵嘅麵質。4）所有配料絕對合格。整體感受：11:50分一嚟到，已經排滿人，期待值即刻推到100，好彩我剛好唔使等，可以做第一批最後個個客人。有送錯食物嘅情況，但店員即時處理，服務態度一流，仲聽到店員用日本同廚房師傅講，先知師傅係日本人，期待值再推高多50。麵好快嚟到，我相都冇影就即刻食。想講係正常偏好食嘅，性價比不錯，只係$79，但講到全港最好，絕對不是。小問題，冇得加餸，呢個位係差少少，因為我真係想加叉燒。…查看更多

係少少貴嘅，但有啲驚喜，特別有幾樣我推介：鱈魚乾我私心推介，幾好食，咬落脆同食到鱈魚味，有種似餅乾，或者似炸豬油渣，但係係薄、脆、同冇油益味版。芝士年糕燒豆腐牛舌其他都係水準以上今日有食白鱔同五花腩，下次試埋佢！…查看更多

個個講到個石燒牛招牌咁，去到嗌咗，頂！啲牛出晒血水咁拎出嚟，啲牛肉啡啡灰灰咁，明顯擺咗勁耐！！！！食又直程唔係好食，普通牛一塊，普通到茶餐廳質素，你收呢個價？咁叫性價比高？仲有你其他嘢都真心好一般，唔係難食，但明顯係冇heart 個隻普通最嬲係你成5百幾個讚，我都中咗你伏！成版留言個個一式一樣，唔係唔畀你賣廣告，但都做返好少少個質素，對得住啲廣告！你睇呢個comment 冇咁多emoji ， 你就知唔係打手，係咁！冇下次！…查看更多