myfoodbible's Profile

今日去左呢間位於上環嘅車仔麵店。餐廳鋪位大，座位闊落。我同朋友分別叫左車仔麵同兩款前菜。車仔麵最特別係205辣汁，食落都幾辣，好似街邊咖哩魚蛋味，越食越開胃。餸嘅選擇好多，眼花撩亂，睇左餐牌好耐都揀唔到。特別要介紹金菇同蘿蔔，因為真係好甘甜好好味。黑松露雞肉餃好重黑松露味，真材實料。一定要試咖哩魚蛋因為魚蛋有隱隱嘅陳皮味，好特別。雞翼都唔錯架，個汁好入味。再加上三餸+熱飲套餐只係55蚊，好抵食。打工仔平時lunch time 黎食就最適合啦前菜分別叫左麻辣鴨血同酸辣木耳。好新鮮好野味，不過如果再辣d再酸d就好啦！…Read More

今日去左呢間響銅鑼灣同灣仔交界嘅居酒屋，店舖唔大，但係裝潢好有傳統日本居酒屋嘅風味，好有懷舊feel，氣氛一流。第一道菜係雜錦魚生沙律。個汁好好食，酸酸甜甜，越食越開胃。魚生種類好多，有三文魚、螺片、白魚、同吞拿魚，除此之外仲好新鮮。賣相精美，自己睇啦！第二道菜係串燒，分別叫左雞皮、和牛、雞頸肉串燒。雞皮脆，加咗七味粉之後更加野味，略嫌雞皮比較油。和牛就唔洗講啦，肉質鮮嫩，入口即化，調味做得好好，無搶走新鮮牛肉本身嘅肉香味，食完之後回味無窮。雞頸肉肉質鮮嫩，都好有水準。再叫左個軟殼蟹，炸得好好，唔油，不過個汁偏鹹。海膽飯團燒得好有水準，外層脆，有日本豉油嘅香味，裡面軟，亦好有米香。海膽新鮮，不過如果有多d海膽就好啦。我覺得最好食嘅係香煎鵝肝。煎得好香又唔油，個汁好甜好有果味，薄薄嘅多士襯托出鵝肝嘅香同口感。加上旁邊沙律清甜嘅口感，好正！最後係甜品 - 芝士年糕。口感鬆軟，芝士香帶甜。…Read More

水煮龍躉片出色野味。龍躉魚柳大大片，肉質香滑而結實，花椒味香濃，麻辣之餘亦都相當野味。雖然成盤都係紅色嘅辣油，但係唔算太辣。最重要嘅係辣味唔係用味精調出黎，味道自然，感覺係真材實料。盤底有好多芽菜同紅薯粉，大大提升咗水煮魚嘅口感。不過整體味道偏濃，有少少太鹹。無得揀辣度，不過以川菜黎講算係小辣，所以唔洗擔心。四川麻婆豆腐份量多，豆腐軟滑，麻辣汁做得好出色，有花椒嘅香味，又辣又香，超級野味，送飯一流。不過同水煮魚一樣，味道偏濃，有少少太鹹，不過送飯嘅話會唔咁鹹。樓上餐廳，有少少難搵，傳統中式裝潢，座位闊落舒服，適合聚會。…Read More

NOJO係主打雞湯拉麵嘅美國過江龍，聽朋友介紹慕名而來，食咗招牌菜柚子雞湯雞丸拉麵。雞湯底超讚，係有骨膠原的雞湯，清香而唔濃味，亦都非常掛麵。柚子可以添加拉麵嘅口感同味道嘅層次感，不過好少柚子，湯底亦都無柚子味。拉麵附上薑蓉，可以自行添加，薑味同雞丸相當相配。餐廳位於蘭桂坊上方嘅位置，遠離酒吧。 有室外內區域，內部裝潢簡約，環境清靜舒適。…Read More

香港唔係好多西餐廳有得食德國脆皮乳豬，雖然比較貴，但係物有所值。我同屋企人叫咗1/4隻牌脆皮乳豬，價錢有d貴。乳豬係用鹽醃嘅，鹹度啱啱好，鹹鹹香香好開胃，遺憾嘅係豬皮唔夠脆。酸菜都醃得啱啱好，唔係太酸，能夠中和鹹味。芥末汁好creamy好香口，整體味道好有層次，好好味。另外我地仲叫咗西班牙海鮮飯。海鮮飯好入味，食得出新鮮海鮮嘅鮮甜味，不過煮得太耐，又硬又乾。特別要提嘅係中間果隻炭燒海蝦，大大隻，好juicy好肥美，仲要好多膏。其他海鮮就無咁好食啦。海鮮煮到完全無哂味，其實成碟飯得飯同中間隻蝦有味。The Salted Pig 係一間 bar and restaurant，環境舒適，服務態度好。地段好，周圍有好多商場，好適合放工/假日去。…Read More

今日同朋友去圓方，路過呢間泰國餐廳，好似好好食就決定一試。我叫咗泰式冬陰功海鮮湯金邊粉 (lunch hour HKD 65) 冬陰功湯好夠味，唔係太濃所以無搶走海鮮嘅鮮味。不過湯頭偏酸，甜、酸、辣嘅比例做到唔係咁好。海鮮種類豐富，蝦同魷魚都係大大隻，越食越開胃。我好鍾意食茴香，覺得茴香提升咗成碗麵嘅口感同味道。加上價錢貼地而份量又多，好食之如又划算。隱世小店，環境舒服，服務好，老闆娘親力親為。不過店舖唔大，雖然座得舒服但係唔適合成大班人嘅聚會。…Read More