黑鳶's Profile

雖然是素菜，但菜式多樣，賣相精美，溫度適宜，味道極佳。椒鹽豆腐酥脆美味，品質可媲美高級酒樓。拔絲香蕉賣相一流，甜香誘人。沙律區選擇豐富，令人滿足。湯品鮮甜可口，回味無窮。即使平時不吃素的人，也絕對值得一試！…Read More

今日都唔係第一次嚟食，今次同之前一樣，叫咗鵝腸，不過今次想試吓新嘢，於是就叫埋乳鴿同豉油王炒麵第一道嚟嘅餸係乳鴿，乳鴿非常入味，啲肉又嫩滑又多汁，皮亦都好脆，兩三下就食晒啦！😋😋😋之後嚟嘅係鵝腸，鵝腸爽口又嫩滑，佢啲汁本身都好好味但係加埋啲鵝油更加正👍啲汁配埋鵝腸，簡直係冇得彈嘅組合！！！最後嚟嘅係豉油王炒麵，我個人認為炒麵落得唔夠豉油令到成個麵爭咁啲味，配料都唔夠，但係好就好在有鑊氣我真心推介大家去試吓呢間「平民餐廳」👍😋👍😋…Read More

因為喺屋企附近，所以之前成日都嚟呢間舖頭食午餐或者晚餐，但係就從來都冇喺嗰度食過早餐，於是琴日就決定咗佢啦。個餐真係好抵食，$28有一碗麵豉湯，一個沙律仔，一隻溫泉蛋，一碟牛肉，一碗飯，一包紫菜。平時食午餐或者晚餐，牛肉飯都好入味，但係唔知點解食早餐，嗰啲飯就乜味都冇，即使加咗佢自家製嗰啲鰹魚汁豉油，都依然係冇乜味。個啲沙律酸酸地，食落有啲怪。呢間舖頭啲午餐同晚餐都唔錯，雖然早餐好抵食，不過我就唔推介早餐啦。…Read More

之前喺網上見到呢間餐廳，個環境同埋啲嘢食都好似幾得意，於是就決定去咗啦好唔好彩，嗰日落雨，戶外嗰邊冇開門，唯有喺室內嗰邊食嘢啦。今次我點咗柚子胡椒日本赤雞肉及黑豚芝士腸。我先頭以為係用枱中間嗰個爐嚟燒嘢食，侍應攞出嚟嘅原來係一個爐仔，十足十有露營嘅feel。嗰個爐仔因為扮露營，所以用嘅燃料係會着火嗰啲啫喱，燒兩舊雞就燒完一嚿啫喱。嗰一餐我用咗成三嚿啫喱。我都係建議一次過燒晒啲肉。嗰啲雞並唔係想像中咁嫩滑，一食落口，哇！咁嚡嘅!?嗰度嗰啲凳係露營凳，所以會越坐越唔舒服。我都未食完，啲侍應就嗱嗱臨收晒我啲嘢如果想打卡嘅話，呢間餐廳嘅戶外的確係靚嘅，但係如果真係想坐得好地地，食個好飯呢，我就唔推介啦…Read More

網上個個人都推介呢間餐廳，你係咩平台一search火夫就有成千幾幅相。睇落個樣幾靚，作為黃埔嘅街坊梗係想試吓啦。因為冇book枱所以就要等半個鐘。一入到去聞到香噴噴，嘩！即刻流晒口水🤤我就叫咗個套餐，一品(前菜)有「雞肝多士」，「枝豆春卷」同埋「麥粒味噌青瓜」。「雞肝多士」，「枝豆春卷」都尚算OK，「麥粒味噌青瓜」就…….佢嗰個醬古靈精怪，個醬有一粒粒麥粒，味道好似腐乳😟之後麵食我就叫咗「明太子撈麵」。頭一兩啖的確係好味嘅，越食越滯，越食越滯😕串物我叫咗「鹹腿蜜瓜」仲有「雞尾」。雞尾太過鹹，喊都就嚟要升天咁🧂🧂「鹹腿蜜瓜」古古怪怪，蜜瓜加埋火腿拎去炸？搞到啲蜜瓜腍鬼晒😩或者呢間嘢真係唔啱我口味啦，不過打卡的確係一流嘅，但係食物質素就一般般…Read More

見到人哋食10分麵包，脆卜卜、又多芝士，所以今日就特登買咗一個嚟試下雖然望落個樣都幾好，但係就好似冇乜心機做咁樣。而且嗰個麵包一啲都唔脆😮‍💨嗰啲芝士就做到拉絲嘅效果呢款麵包我會推介比鍾意打卡嘅朋友，但係我就真係覺得味道一般般…Read More

之前見到好多人都推介呢間餐廳，所以今日就想嚟試吓。今次我嗌咗：油面豬大腸雞翼尖蘿蔔沙嗲汁（湯）糖心蛋咖喱魷魚嗰個糖心蛋雖然個蛋黃係流心，但係好唔入味，好似食緊冇味嘅流心蛋咁。咖喱魷魚尚算ok。嗰個車仔麵我叫咗冇蔥，但係佢又照俾個麵太少湯，豬大腸又唔係太好味或者我冇試過佢哋嘅招牌菜式掛，但係整體嚟講，我對佢嘅印象都係麻麻地…Read More