kenada09's Profile

今次主要是想表達對帶位服務員態度的不滿，其實之前也有試過在牛駅（銅鑼灣店）用餐的經驗，我們曾經試過假日中午時段Walk in入去等位，那次經驗職員也清晰跟我們說午市4小時用餐時間，但一般要等客人取消預約，這點我是很明白。但今天我遇到帶位的職員實在是很不禮貌，我跟他說walk in 2位，他告訴我用餐2小時（明明餐牌寫住4小時無限任飲任食），我告訴他我想要用餐4小時那種，他說沒有，一副臭面也不作任何解釋，於是我接過2小時用餐的等位飛（A1)後，接著有一個客人要了walk in 取了 C1飛，我清楚聽到職員跟他們說4小時用餐，於是我上前問過明白，職員極不客氣跟我說「無講過4小時，加上有沒有位要等12:30，再同你睇」。後來到C1票入座，我就站在附近，職員也是跟他們說用餐到4點，於是我再問職員，係咪4人枱先有4個鐘用餐，他立即推說他們是5人位（我理得你有幾多人？而家職員同C1飛客講用餐4小時，而職員是不老實回應我）如果walk in 客是用人頭或者是計全枱去衡量用餐時間，那餐牌上大大隻字寫4小時任食任飲就是欺騙消費者。我對該職員待客不耐煩的態度極度不滿，再加上當時C1入座是未到12:15分，理應未到12:30才知道有沒有取消訂枱的情況，沒有可能walk in12:15入座有4小時用餐吧？是否入座人數多，用餐時間可以較長？明明餐牌寫明4小時無限任飲任食，無註明全枱需要多少人數，結果2人walk in只能提供2小時用餐，確實令人難以理解，也有欺騙顧客成份，最後帶住一肚氣離開。…Read More

好耐無去過麗香園，早市時段，一入去職員就叫我搭枱，眼見入面有幾枱都單人坐，但仲有空枱，點解要我搭枱呢？點餐後叫侍應拎杯水，原來而家變得自助化左，點餐熱水又自助，唔明啲樓面有咩工作，眼見地下黑色一撻撻勁污糟，啲櫈又有跡，仲有連放餐具嘅櫃都捆黑邊，衞生情況真係有待改善再講下食物方面，都係正常野，係多士唔熱，仲有啲碟好陳舊。雖然柴灣選擇不多，但改善下衞生問題先再幫襯…Read More

牛肉麵啲麵夠林、牛肉都林但得兩舊太少，我點了番茄湯底都夠味，而家食完唔會口渴，牛丸花枝丸都好食，但入面啲番茄係生，無煮過。$70，比起其他連鎖台店算平由於無套餐，叫左杯珍珠鮮奶茶都要$30，一上枱比隻杯嚇親，膠杯表面花哂，仲要係裂、個杯邊係鞋手，同埋飲唔出係鮮奶茶味，茶底唔掂無茶味，杯野唔值$30。…Read More

作為一間外賣店，可能新開啦，手機落左單，去到話無我張單喎、職員話無佢地個訂單no.,而我得平台個單no. 就咁話無就唔理我，明明講左係邊間落，職員一句話搵唔到我就呆企左係度，我嘗試好努力搵比佢，佢對都唔對單，我問佢對名得唔得，佢竟然答我張單無名無電話對。雖然最後都拎到，但我睇過張單，成個訂單no同名都有印係度，點解會對唔到呢？睇嚟仲未學識搞外賣單，現場買就無咁混亂。呢間野味道話自己無添加味精，味道真係好住家，包裝係靚嘅，但服務就欠啲熱誠…Read More

首先下午茶落錯單，明明叫酸辣湯底，變咗擔擔麵湯底，既然都整左就算，擔擔麵湯底嘅肉碎都ok，類似五香肉丁嘅味道，似係自家制，感覺唔錯，水餃就得兩粒，有啲少囉，仲要整唔熟啲餃，雖然老闆都有換比我，但印象已經有啲唔好，仲要份量有點少….評分湯底OK餃一般份量偏少（下午茶)…Read More

平時收工嘅時間，啲布丁蛋撻同布丁包都已經賣晒，唔知係咪而家附近多左遊客，呢排收工都見到仲有得賣布丁蛋撻，連芋泥包都有。布丁蛋撻之前我都食過一次，今次係回購，而芋泥包就第一次見到有得買，於是決定買哂兩個返去。布丁蛋撻嘅曲奇皮雖然好厚，但好鬆脆，好好味，而且中間蛋漿亦非常厚，味道係岩岩好唔會好甜。布丁包有幾個口味啦，有原味，芋泥味，仲有開心果味。我今次就揀咗芋泥布丁包，中間嘅芋泥餡都厚下，皮嘅厚度恰到好處，唔會好厚。…Read More

今日係國慶假期，太興旗下的連鎖快餐店都有七折優惠。平時亞參一個午餐都至少$70-$80 架，依然有七折優惠喎，我當然要去試吓我至愛嘅巴東牛肉啦。以正價黎講，份量唔算多，但夠飽嘅，牛肉方面，味道是重口味，偏咸左少少、但肉質好夠林、仲有啲牛筋添，其實幾嘢味，餐牌無套餐，點主食要加$10先有飲品，叫左奶茶，正常啦，無乜特別。至於服務態度，我覺得唔錯，服務員也很有禮。希望日後可以再有更多優惠，一定會留港消費支持👍🏻👍🏻👍🏻👍🏻👍🏻。…Read More

見到咁多唔錯嘅食評，於是買黎試下，我今次揀左日本柚子蜂蜜蛋糕，蛋糕好軟屬，都幾好味，但以佢呢個價錢，我覺得佢比台灣食過嘅雞蛋糕唔夠濕，同埋蛋香味唔太出，但整體個味道係幾好，$65細份係有貴，但經過店舖，還是會回購。…Read More

諗起啲人平時食牛腩麵會專登山長水遠去搵一間來自崩沙腩，而家呢類型嘅舖頭已經係買少見少，搞到我都有心思思想試吓，既然今日經過呢間，就入去一試。晚飯時間唔算多人，呢間舖頭啲粉麵價係中上價位，價錢大概都係四十幾蚊。我就叫咗一碗崩沙腩拼雲吞上，雙拼加$8，所以呢碗價錢係$56。呢間舖頭嘅辣椒油係某公司獨立包裝，感覺有啲奇怪，因為粉面舖多數會有自家製嘅辣椒油，反而更好味。講返碗麵先，崩沙腩嘅份量比我想像中都唔算少，入口非常爽林，完全唔覺得肥，非常好味，雙拼雲吞只有兩粒略嫌少貴，但啲餡有蝦同肉味道都到位，不過相較之下牛腩就比較出色。另外，河粉嘅份量比較少，而且有少少碎，比較難夾，男士黎講應該唔夠飽、下次會試麵。總括來說，崩沙腩係值得推介，可以一試。開。…Read More

好耐無黎深水埗啦，今日約左朋友去深水埗食野，食飽飽無野做周圍行，經過呢間古早味蛋糕店。店內環境唔錯，吸引我去望下啲蛋糕，呢間店嘅古早味蛋糕口味都幾多種，有朱古力，肉鬆，芝士……見到廚櫃有5-6款。見到門口貼左古早味蛋糕有優惠，感覺都幾抵食。由於我未試過呢間嘅蛋糕，有折扣嘅話當然要試下，原味古早味蛋糕一個$30，其他口味都有小折扣、好似幾抵，不過原味賣晒，於是入去問職員仲有無啦，好彩仲有一盒、比錢前職員會比我望下蛋糕先封盒，服務到位。原來都幾大件喎，好抵食。蛋糕質地好軟屬，而且唔算好甜，岩哂我唔食咁甜，蛋香味都合格嘅，呢個價錢可以喎，一定會再回䐟…Read More

今日早上幫襯呢間舖，老實講佢嘅奶茶係唔錯嘅，用黑白奶，但佢啲麵包就真係唔係咁得，我一入門就問人飲咩，其實我未知買唔買，因為啲麵包我揀唔落手，再加上人流唔係好多，有無需要係咁問仲要勁無禮貌😡😡😡😡，好啦，到比錢時，個收銀阿姐一手搶左我張銀紙，仲面燶燶咁款。我揀左個芝麻包，唔知點解一陣苦味，好難食，😡😡😡😡食左一半太苦，喺有掉左佢，幫襯你仲要睇你面色！總之食麥記好過🙄🙄🙄🙄🙄…Read More