VickiVenus4225's Profile

這間泰國菜餐廳新開，新到連OpenRice 都未有食評，而且就在我家附近，於是我就決定一試，為大家寫第一個食評！😂晚上九時左右，都算好多吉枱，侍應超級有禮貌，服務態度我勁滿意(可能是老闆娘？🤣)我叫左一個椰青，泰式蝦炒金邊粉，馬拉盞炒椰菜苗。椰青超甜，超好喝，喝完忍不住再order 多一個。(@$28)個金邊粉就一般，偏甜，蝦同豆腐乾太硬，係硬到食吾到，柴皮咁，一滴水份都無嘅感覺，唯有挑晒出嚟唔食。最重要嘅係有半個青檸同花生半碟，可惜花生碎係淋嘅...😭我個人唔鍾意食甜嘅炒粉，所以比呢碟金邊粉(@$60)嘅評價係唔合格！至於個馬拉盞炒椰菜苗(@$55)，都唔係細細個圓轆轆嗰隻椰菜苗，可能成本較貴，所以間間餐廳都選用偏大嗰隻椰菜苗，正常野，味道不過不失，唔係太鹹，ok。👌之後個有禮貌侍應來收碟我都有同佢反映過啲蝦嘅問題，佢話多謝我嘅意見，會跟進同廚房講返，總括而言我下次都會再來試其他的菜色，價錢合理，吾貴，街坊價，最重要嘅係佢有芒果糯米飯(@38),我下次要試！…Read More

“藥膳“二字實在太吸引我，雖然吾太好食牛腩都姑且入去試一試。呢度嘅腩部位有幾種選擇：坑腩、爽腩、筋腩……本人比較喜愛有咬口的，於是點左一碗藥膳清湯牛爽腩配粗麵。湯同麵係分上，湯好夠熱，啱晒我，亦好香，好大陣沙蔘玉竹味，而且真係幾清，吾係好油，對於天氣又凍,收工後又極肚餓，講左幾個鐘課堂超級口乾的我來說，感覺就像找到綠洲一樣~我襯佢凍之前以極速地飲晒成碗湯，已經吾得閒理碗麵了！haha…由於我無乜食牛腩嘅經驗，呢碗牛爽腩筋位腩位各半，肥瘦適中，肉也淋，不錯。不過本人焦點去左湯底度，碗麵係正常不過的粗麵，佢撈啲比較淡味嘅腩汁比我，講真，飲完碗湯再食麵就失色左，無想追住食嘅衝動，而麵亦開始結埋一舊，我食左一半就吾想食了。七十幾蚊貴左少少，我知香港鋪租貴，偶然食一餐好了，要減少出街食晏先得啦！…Read More

辣癮又起，經過呢間食店好似好辣咁，於是決定入去試一試。小食種類算好多，淨係蔬菜都有六款選擇。為食嘅我睇左好耐餐牌，最後點左一碗四送中辣重慶酸辣米線。重慶酸辣湯底有生菜，花生，酸菜，肉碎，生蒜作配菜，花生夠脆，酸菜吾係一味死酸又大大塊嗰隻，我喜歡！加生蒜好香，只嫌肉碎半肥瘦，吾啱我口味，我個人鐘意食好瘦嘅肉碎，有咬口嘛！我揀左豬紅，豆卜，腐皮，雞腎，抄手。豬紅好吃，吾會一夾就散，豆卜浸到發大，入晒味，腐皮吾抵食，五蚊得好少，雞腎切到細細粒，介花，有咬口，不過無乜雞腎味，如果可以切大粒多少少會更好，抄手係自家制，裏面嘅餡好似生菜魚肉果啲魚肉咁，少少彈，皮大餡少反而更好食，八蚊有五隻，幾抵食。中辣剛剛好，有辣味之餘又吾會一味得個辣字，好多時大辣比中辣油好多，辣到苦，蓋過左其他食材嘅味道。米線係比較幼身，但吾會淋b b,好食，但本人食量驚人，份量略嫌少，食完成碗未覺飽，下次要加底先得！我下午四點黎食，人好少，坐得比較舒服啲，其實呢度好細，晚餐時段黎食應該會幾忟，座位之間好迫，係食完就即刻埋單走嗰隻，不過店員幾有禮貌，一邊包抄手一邊招呼我，呢餐合共$58($2買左包紙巾，無飲嘢)，我覺得抵食。…Read More

本身不是素食者的我，今晚突然想食素，經過深水埗，開open rice搵到两間評語話吾錯嘅齋鋪，第一間喺早期已經試過，於是二話不說就決定去未試過嘅呢間。地點吾難搵，門口幾新淨，雖然座位之間幾迫，但都算光猛整潔。我同男友叫左一個二人餐，有两盅是日靚湯，自選两種小菜，一款粉麵或炒飯和是日甜品。我深深愛上當日靚湯-椰子湯，超級香椰子味，又吾咸又吾油又清，全素湯原來都可以好好飲，最愛佢嘅係好夠熱，湯就係要熱騰騰先好飲，100分！我地揀左咕嚕猴頭菇、法輪卷、香草腿粒炒飯。猴頭菇好有新鮮感，外面真係好似咕嚕肉咁脆脆的，煮法應該同咕嚕肉一模一樣，男友喜愛醬料和偏濃味小菜，所以佢頗喜歡這道菜。至於我比較喜好法輪卷多點，清清地吾重味，少量的“獻“恰到好處，腐皮卷著少量香芹和髮菜，最驚喜是椰菜作底，比西生菜更好吃。(本人對生菜一般)至於香草炒飯，我倆都覺得不錯，飯很乾身，又配有青豆、松子、雞脾菇粒同炒，有口感，很好吃。甜品係芝麻糊，吾太甜，亦吾太糊，不過不失。呢餐平靚正素菜埋單二百一十幾蚊，我實在非常滿意，我會再來嘗試其他菜色的，整體是很讚的一餐素食晚餐！…Read More

今日原定去行山，但男友怕我會悶，提議去大澳或長洲行下一樣好舒服，於是我選擇左未去過嘅大澳。到達目的地後，我最關心當然係“食“啦！沿路好多掃街小食，但我想坐低飲杯咖啡歇歇先。剛好經過呢度，老闆娘就走來招呼我地，好熱情咁主動幫我地影相同分享佢嘅經歷。我只點左一款小食同一杯咖啡。小食係煎魚餅，$68六塊(只得六塊和八塊選擇)，初時以為會食吾晒，因為得我一個想食，男友吾肚餓，當小食上台時放下心頭大石，原來好扁細細塊嘅，好香口好多芝麻，無魚腥味，老闆娘話魚肉係佢自己親手打嘅，我覺得如果厚身啲會彈牙好多。咖啡不過不失，慢慢曬太陽hea一個下午，爽！…Read More

之前已經食過呢間餐廳嘅米線，好香又夠辣，今日想吃辣的慾望又來襲，於是自己一個去食。我點左豆卜木耳豬紅米線中辣，由於下午茶時段，好少人，落完單無幾耐就煮好了。米線佢地用嘅係叫珍珠米線，質地比平時食嗰啲實同硬，粗身啲彈牙啲，吾容易淋b b,啱我食，我最怕好淋嘅米線。豆卜索左湯超好食，好香，吾係硬倔倔好乾身嗰種豆卜，細細粒切半食，好入味。豬紅亦彈牙，吾會一夾就散，至於木耳，我個人比較執著，以為係大大塊切絲嗰種(水餃裏面嗰啲)木耳，原來係細細塊圓轆轆嗰種雲耳。坊間經常將雲耳叫作木耳，誤導了食客。我喜歡木耳卻不喜愛雲耳，希望坊間的米線店不要再將這两種食品混為一談。我喜歡他們的米線有酸豆角和金針作配菜，而不是一般的芽菜和韭菜，中辣也很辣，不過本人太愛吃辣，可能大辣才滿足。而我也很大食，一碗的份量不夠飽，如果能再多一點米線會更完美。我會再來作戰的，整體的而且確是值得再來光顧的。…Read More

今日放假，想施施然食個早餐出發大澳行下，經過呢間餐廳見有位，就入去坐低了。餐廳好細，坐位迫，得一個樓面，忙住落單收錢和送餐。落單係自己劃紙嘅，我點左司華力腸炒蛋米粉番茄湯底，熱奶茶，每個餐都會跟一小塊牛油厚多士。碗米粉正常嘢，吾係好杰身嗰種羅宋湯，腸仔切左三小塊同炒蛋一齊放落碗米粉度，份量ok啦，出事嘅竟然係杯奶茶，茶味欠奉又吾香，得個熱字，似奶水多過奶茶。不過塊厚多士好好食，新鮮面包軟腍腍，又吾會烘得過火，少少脆，牛油份量剛好，有想再食多塊嘅衝動。…Read More

喺open rice搵到呢間嘢，於是去試一試。佢嘅地點真係有啲難搵，我住喺觀塘接近两年都吾知有呢間店存在，去到街市都係搵吾到，於是打比店舖，原來喺斜路小路中間，真心的難搵。我們一家三口吾想一下子叫太多點心，只叫左五樣嘢：蜜瓜脆脆卷、古法馬拉糕、煎蘿蔔糕、是日老火靚湯、千層糯米雞。蜜瓜脆脆卷係女兒點嘅，裏面係好甜嘅蜜瓜味(但吾知係咪真係一舊蜜瓜)，因為個餡係蓉蓉地嘅，一碟三個，一人一個，好漏，我嫌佢甜得滯。馬拉糕同蘿蔔糕正常嘢，無乜特別，蘿蔔糕煎得香口，吾錯。糯米雞蒸得淋得滯，吾喜歡淋b b又濕淋淋的糯米，一夾就散。個湯係粉葛眉豆煲豬骨，吾太咸，好味，亦算熱(本人非常重視湯要熱辣辣的)，不錯。可能呢度位置實在吾起眼，人流吾多，晚飯時間都有两三張吉台。可能清靜左少少，侍應比較悶，目無表情。另外特別想講，佢有啲特別嘅飲品，如鐵觀音咖啡，榴槤咖啡，下次有機會先去試。…Read More

今日好想去食辣嘢，經過呢間店聞到好香嘅辣椒味於是入去試一試。我們一家三口只有我一個食辣，所以我只點左一樣辣味菜式：乾扁四季豆；一款吾辣菜式：一品雞煲。乾扁四季豆點左中辣，幾香，亦都夠乾身，但豆嘅頭尾段太“鞋“口(我知通常餐廳都吾會摘)，食多幾條有介到喉嚨嘅感覺，吾多討好。而另一菜式吾辣雞煲，份量好少吾緊要，醬料太多味道太重，好濃味，吾啱我地食，要問阿姐拎碗熱水浸下先入得口。順帶一提：門口有台，適合吸煙人士。總結：適合喜歡濃味人士。…Read More