poorcat's Profile

今晚同朋友仔去食日本嘢，去咗旺角嘅一間居酒屋，侍應安排我哋坐榻榻米，開心😬如果想經濟啲呢度有二人餐都幾抵食，但係我哋選擇咗單點，想食多啲串燒同埋熟食！今年天氣反常，而家已經到咗秋刀魚嘅時節，所以秋刀魚刺身可以一嚐，但係我哋落完單先見到時令餐牌😥 唯有下次啦！先嚟兩杯飲品，嗌咗青蘋果梳打同荔枝燒酎，味道幾清新。跟住就開始食串燒，荔枝豚肉燒係一個唔錯嘅配搭，荔枝清新、豚肉充滿油香，食完感覺都唔會肥膩👍厚油揚其實即係豆腐，但燒得外面好香，啲汁好惹味，但又冇冚到本身嘅豆香，呢個係必食推介！另一個好食推介係紫蘇葉雞皮蝦串，好self explanatory 嘅菜名，三樣嘢加埋一齊，又係估唔到咁㗎！雞皮捲着原隻蝦，上面灑滿紫蘇葉碎。咬落脆卜卜，先有紫蘇葉嘅香味，再有雞皮嘅香脆，最後係啖啖蝦肉，好味，口感同埋味道都好豐富！大蔥雞肉串，肉質調味都啱啱好。跟住食A5和牛壽喜鍋，味道唔錯，牛肉都高質，二百幾蚊嚟講估唔到份量都幾多😏全餐飯最正係原條牛舌心他他燒，真係燒得好好食，只係燒到兩三成熟，牛味好出，唔點蛋汁都好滑！！！必食推介😋😋😋仲有仲有，燒脆皮白鰻魚都好味，呢個要趁熱食，咁先食到鰻魚嗰種香，佢有跟個鰻魚醬，但輕輕點少少就夠啦～呢度整體嚟講性價比都幾高，係一間可以encore嘅居酒屋。…Read More

今日有啲值得開心嘅事，去咗尖沙咀慶祝。Harlan’s 環境好好，居高臨下，望住尖沙咀夜景同埋海景，真係好好feel☺️Tasting menu選擇好多，個個都好吸引！我哋嗌兩個餐梗係食唔同嘅嘢啦～第一個starter揀咗 🤤法國藍龍蝦他他配鵝肝脆雞皮，醃製蛋黃及生蠔葉 - 賣相精緻，脆雞皮令佢嘅口感好特別，同平時嘅tartare好唔同!另一個starter揀咗 🤤日本帝王蟹蛋泡沫配24個月法國康帝芝士脆片及海膽 - 呢個味道清淡啲，都幾好食！之後再揀多咗一個starter 🤤荔枝車厘茄凍湯配西班牙紅蝦及酸甜西瓜皮 - 味道好清新，係一個好開胃嘅選擇～主菜好有驚喜！熟成本地雞胸肉笣配龍蝦汁脆炸鵝肝及菊芋蓉 - 呢個真係必食推介，好欣賞餐廳選用本地食材，雞胸肉處理得非常嫩滑，配埋鵝肝同埋菊芋蓉，味道好豐富👍👍👍白鱈魚配風乾火馥鹽，甜瓜薄荷香草醬，金橘泡沫 - 係一個比較輕盈嘅主菜，火馥鹽同香草醬呢個配搭幾好，帶出魚嘅鮮味。甜品都好有香港嘅特色 - 腐皮法式千層配豆腐忌廉芝士桂花茶，我自己本身好鍾意豆製品，食到用腐皮做嘅千層酥好滿足！呢度真係好適合慶祝活動，下次再嚟。…Read More

喺101樓食飯，望住香港好靚嘅夜景，一整片維港就在腳下，感覺非常寫意。今晚食飯飯嘅餐廳係odysseehk，有兩個menu，我哋揀咗六道菜的menu。好快就有Amuse Bouche，有小芝士包配自家製牛肉，另外亦有幾款麵包可以選擇。之後三件小食賣相精緻，中間牛仔形狀嘅係牛肉他他，好睇又好食！跟住就食Burrata cheese配果醬，仲有啲無花果減低油膩感，配菜仲有榛子增加口感，好味！跟住係儀式感十足嘅洋蔥湯，即場喺枱面加熱，再配上精美菂式嘅火腿芝士三文治，感覺幸福滿滿的。另一個set就要咗法國藍龍蝦，用咗慢煮炭燒嘅方式烹調，龍蝦味道鮮甜，肉質鮮嫩彈牙，墊底仲有一粒龍蝦肉意大利雲吞，成個菜式嘅口感同味道都好豐富😋下一道菜係海鮮湯煮馬友，肉質非常嫩滑，魚油香十足。另一個主菜係美國牛柳，肉味突出！另外用牛尾整嘅小包包味道都好有驚喜，配搭嘅湯汁更加係鮮味突出，好好食。海鮮意大利飯都幾好食，醬汁creamy，份量適中。最尾食埋士多啤梨疏乎厘配雪葩，飽飽的🤗…Read More

今日同朋友仔去咗佐敦一間小店食晚餐，餐廳裝修都幾骨子，晚飯時段唔算太多人，可以靜靜地食飯傾吓偈。二人餐大約$400左右一位，4 course 再加嘢飲，價錢算合理！頭盤揀咗健康嘅慢煮雞胸沙律同埋最邪惡嘅炸午餐肉，炸午餐肉有驚喜，香脆好味，配埋焗芝士，拉絲的，好味道👍然後飲碗熱湯，暖暖的。我哋揀咗兩個唔同嘅主菜，啤酒三黃雞都幾好味，餐廳揀咗嘅啤酒比較特別，坊間唔容易買到㗎！ 雞皮烤得香脆，雞肉味道稍嫌清淡，整體感覺都唔會覺得好heavy~第一個主菜係澳洲牛側腹肉配沙嗲汁，食肉獸一定要嗌呢個啦，份量十足㗎！牛側腹肉比較瘦，肉味突出，估唔到同沙嗲汁都幾夾。最後食埋甜品，成個餐真係好飽啊！…Read More

今晚去咗間有啲歷史嘅印度餐廳，成立於1985年，搬過幾次，而家個舖位都已經有5年！入到去見到幾台都係熟客仔！餐牌入面選擇好多！絕對係眼闊肚窄！淨係我哋揀咗酸辣鮮蝦、白腰果汁煮雞、tandoori chicken、naan、酥皮薄餅，真係飽到上心口😂一開始個脆餅已經好好食😬酸辣鮮蝦一碟四大隻，味道酸酸地幾開胃，蝦肉新鮮爽口。tandoori chicken熱辣辣上枱，夠晒濃味，又唔會好辣，必食推介👍👍👍白腰果汁煮雞主要係為咗要個汁去點naan，naan同埋酥餅都好好食，主要係勁新鮮熱辣上枱，naan夠晒鬆軟，酥餅油香十足，好好食。呢度嘅飲品選擇都多，whiskey sour 幾strong! 可能係喺餐廳食飯，飲過最strong嘅Cocktail！食飽飽，心情輕鬆，下次多啲人再嚟食，試吓南印度精選嘅菜式。…Read More

約咗靚女食飯，梗係要搵間靚靚嘅舖頭打邊爐🙌🏻入到去成間餐廳都好靚，非常適合影相打卡👍👍餐廳定期都有優惠，依家除咗有$638優惠，仲有餐牌七折優惠！！！小食我哋推介黃金鬼五馬六同埋金粒豆腐，超級新鮮，炸到脆卜卜，好好食。我哋揀咗午味豐足火鍋餐，加錢轉左靚靚嘅牛乳湯底，感覺好滋潤。講返啲食物，套餐好豐富，豬牛雞海鮮都有齊，仲有餃子丸子蔬菜等等，啱晒選擇困難症嘅朋友。我哋覺得海蝦最好食，大大隻又新鮮，蝦肉鮮甜爽脆。另外我哋加咗炸響鈴，邪惡但好味道。蔬菜拼盤都有驚喜，估唔到萵筍、山藥呢啲比較少見嘅蔬菜都有👍 最後食埋甜品芝麻糊，非常飽飽。…Read More

最近發掘到灣仔呢間個vibe好正嘅餐廳，仲有outdoor嘅位置，如果天氣許可，坐喺出邊食好chill好舒服。一早底先飲返杯Cocktail啦～ 呢度啲Cocktail有啲泰式口味，我哋揀咗Phuket colada同埋Moscow mule，我自己鍾意後者，味道清新，好refreshing!我哋今晚食咗都幾多嘢，燒牛肉幾好味，牛肉味係濃郁突出㗎，配埋秘製醬汁更加味道豐富。粉絲肉碎釀魷魚筒係辣辣地嘅，好惹味，食到停唔到口！串燒就一人兩串，正常發揮。大蝦炒金邊粉係必食推介，味道帶少少酸辣，非常足料。本身好想好想食甜品，侍應話呢度嘅椰子雪糕好食，但真係飽到冇辦法。留返下次啦～…Read More

今晚同朋友食餐好嘅，你食宮崎和牛龍蝦套餐，勁豐富！一開始就有三款前菜，最驚喜係有得食白子，好鍾意佢個囗感，creamy軟糯。跟住師傅就準備咗刺身，鰹魚好食，味道濃郁；牡丹蝦都好食，好新鮮👍跟住一日有一杯散壽司，入面有刺身粒粒、三文魚子、海膽等等，味道好豐富。茶碗蒸加咗蟹肉，味道鮮甜。跟住飲埋清清地嘅蜆湯就準備食鐵板燒喇！ 師傅先俾我哋睇吓今晚嘅食材，龍蝦新鮮喺魚缸拎出黎，鮑魚勁新鮮啊，郁嚟郁去！汁煮鰤魚鮫味道甜甜哋，魚鮫油脂感都幾重。鐵板燒龍蝦好好食，醬汁加入龍蝦膏，味道突出，啖啖肉好好食。鮑魚都好正，口感煙靭，配少少紫菜鹽，好鮮味🤤 之後就到大家都好期待嘅和牛，油脂好豐富，配埋脆脆嘅蒜片食好夾！最後食埋炒飯同炒什菜，已經超級飽。食埋芝麻紅豆奶凍，真係大滿足😬…Read More

呢期繼續食泰菜，今次去咗荔枝角嘅文青小店，環境舒適，一入到去見到有食客帶住狗狗，原來呢度係毛孩友善餐廳😻餐廳選擇唔算太多，不過鍾意食嘅嘢都有！小食拼盤啱晒我哋，樣樣都有。豬頸肉最好食，肉質爽口，配埋秘製醬汁好惹味。食完肉之後食返青木瓜沙律好解膩，酸酸甜甜帶少少辣味，青新又開胃。只係叫咗半隻海南雞，肉質鮮嫩，調味適中，送飯一流！不過，我哋揀咗食蒜蓉多士，厚多士外層香脆入面鬆軟，好味道👍最後食埋芒果斑斕&蝶豆花糯米飯，好滿足！…Read More

今日跟朋友仔去食日本嘢，氣氛幾好！嘢食選擇都多，我哋嗌嗰啲都好好味😋蘆筍豬腩肉卷蘆筍口感香脆, 配上薄薄嘅豬腩肉, 夾埋一齊食唔會好漏~燒明太子串燒得剛剛好,明太子味道鹹香~ 送酒一流手打雞肉丸串肉質口感綿滑~沾上蛋汁令到肉味更加香!原隻燒雞腿係呢度嘅名物,雞髀都幾大隻, 有炭燒嘅蕉香味肉質嫩滑~蟹膏多士味噌味幾重,蟹膏味道鮮甜, 配埋多士食好夾牛舌爽口彈牙, 一定要趁熱食~燒得好好, 好好食!鹽燒牛橫膈膜肉配蘿蔔蓉柑橘酢牛肉好重牛味~半熟口感好嫩,調配嘅醬汁好好食同牛肉好夾!蟹膏燴飯賣相好靚, 用蟹蓋上碟~蟹膏撈飯係絕配😆火炙蔥照燒雞丼迷你丼一啲都唔馬虎~ 照燒雞粒都好好食!仲有溫泉蛋送飯架正~白味噌法式燉蛋唔係好食到有味噌味，不過法式燉蛋做得好好食好Creamy~唔會太甜，同埋係睇住佢即刻整!仲有好多燒物想食呀，下次要再嚟！…Read More

今晚由小朋友揀餐廳，去咗上海婆婆，食小籠包！女女真心鍾意食小籠包！一個人食咗五隻 😧 小籠包皮唔算太薄，不過多汁、肉味鮮，的確係幾好食。黃金炒飯係細佬揀嘅，分量十足，而且鹹蛋黃嘅份量好慷慨，真係粒粒飯都有鹹蛋嘅香味！我哋仲揀咗黃金蝦，蝦肉大大隻，口感爽脆，味道都唔錯🤤另外仲食咗個雞絲海蜇，味道清清地，鍾意海蜇爽脆嘅口感。最後一人一碗冰粉，大滿足！呢度嘅食物價錢非常合理，如果食套餐更加抵食。下次同屋企人食飯可以再嚟呢度。…Read More

去完旅行肥咗幾磅，今晚決定食清淡啲！去食Poke!呢度有好多preset好嘅Poke bowl，每一款都好吸引！ 左諗右諗，決定食ONO… 再加牛油果，夠晒健康～ Poke bowl 份量十足，我揀咗沙律菜底，無咁飽，三文魚粒粒肥美好食，蟹棒沙律係必定要有嘅配料，配埋果仁芝麻醬好yummy😋😋朋友就選擇咗Build your own bowl，全部配料自己揀，選擇真係好多！ 自己配搭就揀咗三文魚同吞拿魚，再加枝豆、豆腐、蟹棒沙律，色彩繽紛，睇到都覺得好吸引😍本身以為唔會好飽，點知食食吓真係好飽！臨走見到佢有Happy hour優惠，$88 兩杯嘢飲超級抵，下次一定要再嚟。…Read More

食肉獸又去食大人啦😬 次次食完都好滿足😬 （同埋好肥..） 黑毛和牛A4+油脂真係好豐富，牛肉口感非常嫩滑！美國SRF黑牛就牛味濃啲，都好好食👍海鮮拼盤都非常正，特別係鮑魚！同埋椒鹽鮑魚都係必食推介！而家牛大人推出 🌟炎夏椰樂祭🌟限時活動，有椰子主題火鍋同埋各種椰子美食，帶來清涼嘅夏日感受～ 💨 期間限定嘅湯底有喇沙椰爺仲夏鍋同堆木瓜椰皇嫩雞鍋，我哋揀咗後者，感覺都幾滋補！🥥 椰子小食就有椰酥跳跳豬、黃金椰絲蝦丸、椰林火山脆薯條！連醬料都有：香椰火焰醬、椰汁美奶滋！好似我鍾意食芋頭嘅，就一定唔可以錯過香芋椰漿脆脆甜品🤭飲品方面都有新嘢啊，我飲咗藍調微風，味道幾refreshing ! 如果食「日本黑毛和牛A4+」晚市套餐，全部特調飲品都係任飲! 快啲把握機會去試新嘢！…Read More

Lunch time想搵個地方靜靜哋傾下計，最後揀咗呢間台式餐廳，環境舒服又唔嘈，啱晒放鬆心情🧘🏻‍♀️今次試咗佢哋嘅Tasting Menu for 2 ，超抵食！包蒜蓉青菜🥬、任選兩款前菜、兩款主食，最後仲有甜品或飲品揀！🐷 滷味豬大腸滷得好入味，大腸好淋身，無腥味～
🍗 鹽酥雞炸得超香脆，皮薄肉嫩，唔油膩！
🍜 紅燒腱心牛肉麵（手工麵）湯底用牛大骨熬製，濃郁有膠質感，唔係得鹹咁簡單～牛腱厚切，滷得入味又唔嚡🥩！配手工麵彈牙吸湯，配酸菜同辣油一齊食，正！ 
🌶️青花椒香手撕雞乾拌麵香麻醒胃！花椒油夠香唔會太辣，雞絲嫩滑，配青瓜絲食落清爽又爽口🌶️。每條麵都掛滿醬汁，超惹味～食完會想encore！
☯️ 太極厚奶奶香濃郁，層次分明
🍏 蘋果茉莉綠茶清新解膩，完美收尾～整體體驗好滿意，餐點有誠意、價錢實惠，環境又舒服，推介俾想慢活一下嘅你💛…Read More

之前去新加坡睇Gaga, 一心諗住喺當地食天天海南雞！點知！去到Market嗰度大排長龍… 之後賣晒仲閂咗門🥲唔緊要，返嚟香港都有得食！呢度天天海南雞仲合併咗幾間餐廳嘅菜式，選擇都幾多👍 我哋約咗雙拼海南雞，兩款都好味，雞肉好嫩滑。燒雞配秘製酸辣醬汁好惹味，海南雞點濃醬油我自己就最鍾意！兩款都好適合配油飯～牛乳雜菜煲都幾好味，清清地好健康。胡椒大頭蝦粉絲煲都係必食推介，大頭蝦好多蝦膏，粉絲又入味，送飯一流啊。最後飲埋杯恐龍美祿，飽晒！…Read More