mat.Kchu's Profile

早幾日睇網上群組見到有網友推介呢一間嘅開心果酥皮蛋撻，難得今日出開荃灣地鐵站整野，就一於行過去綠陽商場嗰邊地鐵站出口嘅「名門餅店」啦！！真係估唔到賣$12嘅開心果酥皮蛋撻咁好食呀，如果咁足料嚟講又真係唔算貴。蛋撻外酥內軟，雖然個開心果醬都多嘅略嫌有少少甜，但係好香開心果味，連本身唔鍾意食酥皮蛋撻嘅我都覺得食一隻都唔夠喉，想再encore多隻呀！！！CP人值高🤓🤓🤓🤓如果行開荃灣地鐵站嗰邊真係值得一試…Read More

呢個綜合冰真係好好食，香港真係好少地方做到咁正宗咖，個冰一落枱嗰吓係震撼嘅，因為造型係成個小山丘咁，兩邊圍住超級多配料，見到都令人開心。雖然最近呢排去唔到台灣旅行，但嚟呢度食返個咁正宗嘅台式冰都真係無得頂。order一個綜合冰份量真係夠曬2人食啦，好多配料超開心，例如：芋頭、紅豆、珍珠、薏米、芋圓、地瓜圓、西米都全部都好好食，好煙韌軟糯，面頭仲有煉奶做topping當差唔多食到底，仲有少少百香果汁，總括嚟講真係一個會令人食上癮嘅甜品。…Read More

呢個綜合冰真係好好食，香港真係好少地方做到咁正宗咖，個冰一落枱嗰吓係震撼嘅，因為造型係一個小山丘咁，兩邊圍住超級多配料，見到都開心。雖然最近呢排去唔到台灣旅行，但嚟呢度食返個咁正宗嘅台式冰都真係無得頂。Order一個綜合冰份量真係夠曬2人食啦，好多配料超開心，例如：芋頭、紅豆、珍珠、薏米、芋圓、地瓜圓、西米都全部都好好食，好煙韌軟糯 ，說冰嘅面頭仲有煉奶做topping😋當差唔多食到底，仲有少少百香果汁，總括嚟講真係一個會令人食上癮嘅甜品。…Read More

第二次嚟幫襯啦，今次仲帶左3個新朋友。我哋4個人食order左6款野，1杯特飲。另外跟餐有三杯免費earl grey，係好香嘅，呢餐為返每個人$150左右抵食嘅。芝士拼黑毛豬拼盤$88、比目魚香菇椰菜花飯$148同埋預訂嘅脆皮豬手$238啱晒Keto嘅我，雙色薯條（番薯條拼薯條）$48雖然我減肥中冇份食，但係睇賣相同價錢都覺得冇得輸，出邊起碼要$68。蜜糖雞翼正嘅，香甜脆卜卜$35。最後，我屋企人仲order咗是日special甜品：和風秋栗2重奏（黃豆粉栗子蕨餅+mochi) $58，佢哋話好好食，好煙韌唔痴牙，唔會死甜。總括嚟講，下次一定會再幫襯。同行嘅朋友重話會介紹其他朋友嚟…Read More

第二次去幫襯。第一次只係去買咗個冬甩同朱古力蛋糕走，味道都有驚喜。今次第一次堂食，事隔一個月，今晚收工同媽媽又去左嘉城食飯啦🐵🙈個龍蝦包真係好好食，印象中同廈村嘅水準差不多，仲平過廈村果度呀（佢哋之前有做廈村美食節），今個月做緊promote $60蚊拼埋薯條添，薯條太好食，有三款點醬揀，差不多食完我先記得要影相🙈總之超滿足啦！！！另外，媽媽order左個3月限定嘅包：忌廉芝士三文魚包，佢都話好好食～全單兩個包加埋一杯白咖啡同一杯豆漿承惠$127，咁嘅價錢晚餐嚟講真係抵。阿媽呢餐飯真抵請😛返到屋企見到佢哋ig post左聽日嘅優惠,原來佢哋逢星期三有優惠，聽日係$20件千層蛋糕。我至愛啊，最衰聽日要加班啦，咁就出個post益下大家啦！！你地千其唔好以為我係打手啊，各位大大。。。我真係諗住有優惠開心share下，上嚟呃下like咋😎*利申，聽日promotion張相係喺佢哋IG度偷㗎！其實佢哋各方面無論食物啦、服務啦、衛生啦都好好,唯一環境太迫夾，可能係鋪仔細細啦!!全部得20個位，要等位或者打電話留座。尋晚我都等左大約30分鐘！！下次會識得打電話留座book定喇😌…Read More

龍蝦牛角包好好味x1龍蝦牛角包好好味x2龍蝦牛角包好好味x3....重要嘅事要講三次🤓🤓🤓呢幾日落雨無咩心機，諗住食下好西平復心情。但月尾糧尾，想食平靚正嘅野真係要做下功課先。喺ig朋友嘅介紹下，知道左元朗夜市有檔新開嘅西式小店嘅人均消費60蚊左右已經可以好豐富有小食有主食，就膽粗粗帶埋兩隻小王子落去做死仕啦（順帶一提夜市係歡迎狗狗進入㗎，狗奴可以同主子一齊用餐）。我家一行6人用姑且一試嘅心態「七拾玖十」呢間小店，點知真係無做死仕，龍蝦包、三文魚蟹籽包都非常有驚喜，而且35蚊已經有交易，好經濟呀。我想講龍蝦包係大阪嘅味道啊，佢仲要係進階版將排包變牛角包🥐。叫我如何不愛🙈肥都肥得有價值🤭另外爸爸仲叫咗幾個小食，有忌廉薯餅，無骨泡菜餃子雞翼，仲有一定要推介嘅熱狗棒。喺香港好少見嘅熱狗棒，鋪頭好搞笑咁幫佢改左個名叫「戇小狗」，爸爸都係因為咁樣所以俾佢吸引左俾錢買黎試，又係值得推介咖，因為熱狗棒配合嘅醬真係好好食，食得出係店鋪自家製，爸爸今次揀左蜜糖芥茉，超級好食，個蜜糖味好真。其實仲有Wasabi芥末、蜜糖芥茉、先家千島醬、茄汁、蛋黃醬揀，下次好想試晒五隻醬呀。其實d小食都真係幾好食，我全部都鍾意，但唔續一介紹啦，費事好似造馬咁，大家睇圖片啦😜😜😜（小編又為自己嘅懶惰搵藉口啦）最後我想比夜市4.5分（5分滿分），因為夜市好多選擇，有好多唔同種類嘅小店，好似有川式、Pizza、星空飲品、滷味、燒烤、港式街頭小食。家人聚餐可以滿足到唔同人嘅需要，而且全部都好抵食。我媽媽對食好麻煩，唔鍾意食西式快餐,好在有其他鋪頭滿足到佢，如果唔係我就冇咗個糧尾食好西嘅機會喇。夜市仲要免費泊車，呢樣野好符合到節儉爸爸嘅心意。咁點解會冇左0.5分呢，就係因為尋晚食食下落大雨，雖然場地有帳篷但都有pi雨，食得唔盡興。…Read More

價錢親民，做法細緻，一啖湯底已經食得出廚房嘅心機。龍蝦湯十個讚呀，雞湯就香濃囉。但我個人就鍾意龍蝦湯多d😍😍😍😍值得一提，個紫薯波波味道好真實，食落似係用真紫薯自家制，好香紫薯味，唔係坊間開粉加色素咁假，大愛呀。鴨胸帶酒香，肉質嫰口，好似食緊法國菜咁呀，不過價錢平一大節啦。真係完全無諗過長沙灣呢面會有食神呀，地方坐得舒服唔逼，裝修仲帶文青簡樸feel,最重要係價錢抵，一個粉有肉有湯仲唔覺落左味精嘅都只係賣50零蚊，簡直係性價比高之選下次一定會同朋友再去，希望你地可以keep到水準啦：)…Read More