vn_cky's Profile

同事介紹銅鑼灣新開咗間醬油蟹放題，咁啱喺附近開完會就過嚟試吓。有雄蟹同雌蟹兩個唔同嘅set ，鍾意食膏嘅我哋就揀咗雌蟹set。蟹嘅size唔算太大，不過隻隻都有好多膏。食落醬油味唔會太鹹，但係都醃得好入味，撈埋個紫菜飯一齊食就更加吸引。食完第一round之後我哋都再追加咗兩round，不過追加嘅蟹就冇蟹蓋。醬油鮑魚同醬油蝦都幾新鮮，蝦肉爽口彈牙，醃鮑魚處理得好乾淨，不過就嫌佢唔係好入味。第一次食醃扇貝，口感比想像中好。Garlic butter grilled Crab 可以見到店員係即叫即整，食落有好香嘅牛油同蒜味，加埋粟米可以中和左牛油嘅膩。炸雞好有驚喜，第一round 叫咗炸雞 擺到食完蟹之後先食大概過咗半個鐘。炸雞食落去仲係卜卜脆好多汁，餐廳絕對可以出多一個set淨係食炸雞放題！泡菜年糕食落唔會太辣，年糕好煙靭。…Read More

有間想食好耐嘅泰國餐廳，今次終於有時間去試。lunch set連嘢飲大概$100，性價比好高。泰式生蝦生蝦的擺盤真係靚到無得輸，透明的蝦肉在燈光下閃閃發亮，令人一見到就想食。每隻蝦都好新鮮，肉質彈牙，咬落去口感超爽。再加埋泰式青汁，味道真係好開胃！酸酸甜甜，配上生蝦的鮮味，每一口都好有層次。炸蝦餅蝦餅炸得香氣四溢，真係好吸引！一咬下去，感覺好紮實。這啲蝦餅裡面滿滿都是蝦肉，咬開時還能感受到蝦肉的彈性，味道超級鮮甜。外面炸得金黃酥脆，伴隨著蝦的鮮味，真係一口接一口停唔到！再配上醬汁，味道更上一層樓，可以一試。串燒串燒有雞肉、牛肉同埋豬肉三款。講到味道，豬肉最突出！豬肉串燒外脆內嫩，醃得岩岩好。至於牛肉，冇咁驚喜，味道就麻麻，可能冇豬肉咁多層次感。雞肉就中規中矩，味道亦都唔錯，但相比之下，豬肉真係令我印象深刻，食完之後真係好想再食多一串！整體來講，豬肉串燒值得一試！海南雞飯海南雞份量好大，目測都有出面例牌嘅size。海南雞肉啱啱好熟帶有小小粉紅色，皮帶有小小啫喱。略嫌個油飯有少少乾。燒豬頸肉豬頸肉燒到外脆內嫩，出邊有少少燶邊，但係入邊嘅肉仲有汁，食到好香嘅藤椒味好特別。推薦一定要嗌呢個！最後個金邊粉同牛河已經食唔落，打包左屋企做dinner。…Read More

臨近暑假暑假之前就好想飛，但係又冇假期。所以趁今日放早就同friend 約埋一齊去食烤肉。食飯時間周圍都排晒隊，好彩我哋排咗15分鐘左右就入得啦。得兩個女仔唔係食到好多嘢，但又想樣樣都試啲，叫叫下就變咗成枱嘢食。罈子五花肉喺OpenRice係最出名，所以我哋就叫咗個Set B。餐廳好貼心，全程都有店員幫手燒。燒完先發現原來好多，食到一半都已經好飽。五花肉肥瘦適中，食落去唔會太老又唔會好膩。加埋濟州橙同泡菜中和咗佢嘅油脂。蘿蔔牛肉湯飲落又好濃嘅蘿蔔同牛肉味，下面仲有好多冬菇，味道濃而不膩。攞嚟送飯一流。接骨木花柚子梳打好清新嘅柚子味。士多啤梨米酒好重士多啤梨味。最有驚喜嘅係甜品！Jeju石像係芝麻味，入面包住濟洲柑嘅果凍，加埋Oreo碎一齊食好好味。…Read More

今日心血來潮同男朋友去元朗行街買衫，朋友介紹原來附近新開左間烤肉店，二人和牛set只係$988，open rice訂位仲有7折優惠，就即刻去試下。餐廳裝修似酒吧style，兩個人去都比左張四人嘅卡位，如果多人仲可以book房。我地叫左個和牛set，包左沙律、丼飯、刺身、海鮮、野菜同五款時令嘅和牛。丼飯。丼飯有溫泉蛋、三文魚籽、紫菜加飯素，撈勻之後一啖食落口好滿足。刺身。今日嘅刺身有帶子、蝦同八爪魚。帶子好鮮甜，海鮮三盛鮑魚上枱嘅時候仲識郁架，好新鮮！燒嘅時候加小小岩鹽，好有咬口。食帶子就好似食緊瑤柱咁，有陣甜甜地嘅味。野菜甜薯、冬菇、南瓜和牛盛今日嘅和牛盛有牛小排、和牛粒、肩三角肉、玫瑰肉同腹心肉。咁多款入面我比較鍾意食玫瑰肉，肉質細膩，燒到表面微焦加小小鹽一齊食，口感軟嫩滑順，肉汁香甜。水果茶好足料。…Read More

今日同朋友係銅鑼灣行街，想搵個舒服啲既地方食嘢同傾下計。見呢間cafe裝修好靚同好舒服就諗住過嚟試下😆我哋叫左兩杯飲品，分別係血橙梳打同水果茶。飲落好fresh 同埋唔會好甜，野飲整得好靚，望落去好似Cocktail😆另外我哋叫左兩款小食，炸雞粒&自家製蟹餅。炸雞粒有小小辣，皮好薄，配埋醬汁，有驚喜，份量都好多，我同朋友都覺得好好食😋另外蟹餅款蒜蓉蛋黃醬，配搭好夾，入邊有一絲絲蟹肉，炸皮都一樣好薄身，啖啖蟹肉🦀，鐘意食蟹肉既朋友可以過嚟試下。主菜我哋就叫左白酒蒜香蝦意粉配風乾火腿，一上枱見到佢擺盤好靚，整得好有心機，ham 攞成花花形狀，食落味道都幾好，足料，蝦肉都好新鮮彈牙，蒜味都非常足夠👍🏻我哋仲叫左個蜜糖燒烤醬烤雞pizza，入邊有菠蘿同紫洋蔥，pizza即叫即整，個批底好特別，成個配配搭都好夾，頂層食得出係用新鮮菠蘿🍍最後重點嚟啦😆我哋一路都好想試佢個牛窩夫，所以我哋嗌左2個，首先講左意大利芝士草莓先，牛窩夫上邊有cream,士多啤梨，藍莓同醬料。食落一啲都唔漏，唔會蓋過牛窩夫本身既味道，牛窩夫口感好鬆脆。我哋仲叫左抹茶紅豆雪糕塔牛窩夫。一上枱見佢超多料，一層層疊上牛窩夫上邊。分別係綠茶雪糕，紅豆，cream同埋唔同醬汁。口感非常豐富，個綠茶雪糕都好好食。下次會再想過嚟食😋…Read More

同朋友聽講有哥基主題既任食雞煲火鍋，就訂位嚟試下。一入到去就見到好多同哥基有關既野，就連電池爐都印左哥基圖案，哥基迷又想打邊爐既可以嚟試下🥰我哋今次就選擇左豪食套餐，包括左燉湯，六款小食，前菜，頭盤二選一，最後就係火鍋。火鍋套餐入邊仲包左海鮮拼盤同牛肉拼盤。份量同款式都好足夠，仲要係無限時任食，非常抵食👍🏻👍🏻今次燉湯係蟲草花燉湯，好夠味，無味精飲完唔會頸渴。五款刺身都好新鮮，有三文魚，白玉豚，北極貝，帶子同埋赤蝦。前菜五款分別有薯條，蕃薯條，炸雞，蟹籽沙律，甜酸炸大腸，鮑汁雞腳。我地每樣都叫左一碟，味都都唔差😋頭盤可以二選一，我哋今次就揀咗雞煲，另外仲可以選擇酸菜魚。我地揀既雞煲可以無限追加雞件。雞煲味道好香，辣味適中，入邊仲會有豬皮，牛柏葉同埋魷魚。到主菜火鍋，我哋揀左黃金皮蛋芫荽湯底，有6-8款海鮮同牛肉拼盤會一齊上。海鮮全部都好新鮮，無沙，牛肉拼盤都包括左幾款手切牛嘅部位。有平時好少見嘅五花趾，吊龍伴，亦有澳洲m5和牛同熊本牛。雖然呢兩個拼盤唔係任食但係份量都好足夠。食完套餐入邊嘅嘢我哋都好飽，如果唔夠食都仲有豬牛羊可以追加，另外仲有唔同嘅手工餃，丸類，主食同各款菜品。整體嚟講，算係性價比高既任食火鍋，仲要冇限時👍🏻👍🏻…Read More

去開元朗搵朋友，佢話有好嘢食帶我去🍲我都係第一次嚟呢間火鍋店，平時好少去元朗，lunch特登食少啲留肚！呢度賣靚料靚湯底，見到menu即刻揀花膠雞湯唔洗諗！先$298，有半份雞同好大碟花膠。飲落好鮮甜，冇揀錯😛😛😛我唔好牛肉，朋友係咁讚，見佢食得好滿足，我反而對配料好滿意😝有蜂巢豆腐、手打丸、手包餃、墨丸蝦滑，仲有我最鍾意嘅油炸鬼蝦膠，呢款唔係度度有，真係必點！！油炸鬼吸哂湯精華，蝦膠彈牙🤩🤩🤩手包餃我哋揀鳳尾雲吞，真係連埋蝦尾包住，好有誠意🥰埋單人均500-700，食到捧住肚走。如果細食嘅可以叫少幾款，但質素絕對對得住價錢。…Read More

今日係妹妹生日，之前應承左佢帶佢嚟食呢餐西班牙餐廳。我自已都擔心會full booking，所以提早左一個月book位。餐廳環境有情調，好啱放工後同朋友一齊食飯傾偈，又唔似一般西餐廳咁拘謹。西班牙蔬菜牛肉湯。入口有好香嘅蕃茄味，味道偏酸帶小小辣。作為頭盤嘅湯，好開胃。湯入面嘅牛肉粒燉到好稔好入味，牛筋位都好易咬開，但又唔會無左牛肉嘅口感。風乾火腿鮮蕃茄醬多士鹹香嘅火腿配撘清新嘅蕃茄醬，入口先有火腿嘅鹹，再有蕃茄嘅清，兩者配搭得啱啱好。海鮮芒草醬番茄莎莎多士成個多士好豐富好吸引，上層嘅魷魚好彈牙，蕃茄莎莎同啱啱嘅蕃茄醬比，層次更加豐富。蕃茄味更加突出濃郁。鮮蝦蘑菇配忌廉芝士多士慢煮雞胸羅曼斯多士呢四款多士我想對期待呢款，雞胸唔會淡而無味，有好香嘅香草味。西班牙海鮮燉飯燉飯有原條魷魚、大蝦、蜆、青口、帶子等等，好吸引。飯底乾身香口，有小小飯蕉，愈食愈好味。仲有蘆筍粒、菇，個口感好豐富。仲夏水果茶。果茶茶底偏淡，有好清新嘅水果味，唔會好甜。…Read More

一踏進餐廳，就見到餐廳內有不少的卡位，座位不會過於擁逼。而且餐廳分有前後兩個小花園，閒時在小花園吃晚餐或者看夜景亦都是一個不錯的選擇。從門口進來一坐下，店員就送上了餐牌和紙巾於桌子旁方便使用。先來說說前菜部分包括有沙律和蘑菇湯兩種選擇。而且每人亦會配上一個餐前小麵包和牛油。 先說沙律，內有沙律菜和生菜，配有一些煙肉和芝士粉，微酸的沙律醬配以咸香的芝士粉使整道菜式顯得十分開胃。最令我驚喜的是餐前小麵包，麵包剛送上的時候外表鬆脆內裏鬆軟，配以旁邊的無鹽牛油，奶香四溢，使人想一吃再吃。至於蘑菇湯方面，蘑菇的味道亦十分濃郁，濃稠度恰到好處，不會太稀，搭配餐前小麵包，是最好的前菜。在主菜方面亦有很多不同的選擇，而今日我則選了Roasted spring chicken 和 Grilled Black Angus Ribeye。由於Spring chicken 的皮下脂肪較少，所以烤得得外脆內嫩，一到切開到是肉汁，入口便嘗到那股淡淡的煙燻的味道，為整隻雞提升了一個層次。然後配菜亦很出色，有薯蓉以及蘆筍。薯蓉是每日新鮮打成，入口即溶，淡淡的牛油香在口腔內蔓延着。而Ribeye 有着比較重的肉味，這是我order的是medium的ribeye，切開後顏色粉粉嫩嫩，肉質亦有好好地保留在牛扒上。有趣的是，在上菜後會詢問你要享用那一種芥末醬，切開的牛扒沾上芥末醬，舌頭帶來少許辛辣的新刺激，亦是一個不錯的體驗。在配菜方面有薯角和火箭菜沙律，他們日自家製的薯角是用鴨油來炸的，比起普通油吃起來更加脆和香口。最後我們還點了一個熱情果蛋糕，蛋糕的熱情果味雖然較淡不過佢勝在有的大大的芒果粒在蛋糕入面。…Read More

星期六夜晚突然心思思好想食放題，去到旺角就剩係諗起兆萬。夜晚無book位真係好難係旺角食到飯。睇左幾間，最後都係去返9樓。因為食慣食熟。刺身。第一round就梗係食咗刺身先啦，叫左三文魚、甜蝦、虎蝦、八爪魚、螺肉等等。份量好多，三文魚厚切，甜蝦好鮮甜，赤貝有小小檸檬汁，可以去腥味。意式忌廉蟹肉海鮮湯。海鮮湯嘅海鮮有蜆肉同蟹柳，再加小小三色豆。飲落忌廉味好重，無咩海鮮味，不過放題水準黎講已經收貨。黑椒牛柳粒。一份嘅份量都好大份，牛柳粒個口感似牛腩，個汁好濃嘅黑椒味，個配菜都好好食。迷你海膽手卷。揀嘅間嘅其中一個原因係有海膽手卷食，海膽好新鮮有甘香，手卷細細份，兩啖就食曬，可以叫多幾個。泰式香辣炒大蝦。個炒大蝦同我想像中有啲分別，以為係有汁嘅濕炒大蝦，上台見到賣相有啲似避風塘炒，個蝦唔會炒到太乾身，啖啖肉。全晚上菜速度都好快，店員有keep 住問有冇漏單，好好服務！最後出門口拎多幾個雪糕就完咗今晚嘅放題。…Read More

行完會展老闆話請食飯，梗係試下會展嘅粵菜廳。餐廳裝修係典型嘅粵菜特色，大圓枱加米白色枱布，不過最特別就係望住會展個海食飯。焦糖黑毛豬叉燒上檯嘅時候有蠟燭係底熱住個叉燒，所以keep住聞到好香嘅焦糖味。叉燒入口有淡淡嘅焦糖甜味，叉燒肥瘦適中，唔會好膩又唔會好乾身。每舊都有小小燶邊位，好香口。懷舊雞蛋焗魚腸呢個菜已經好耐食過，魚腸嘅鮮味唔會蓋過雞蛋嘅嫩滑，面個層焗到脆卜卜，入面又好嫩滑，魚腸處理得好好，唔會有腥味。火焰雞個雞一出場就大家趕住去影相，見有層厚厚嘅鹽包住，以為食落似鹽焗雞，但佢又出奇地嫩滑鮮味。雞皮金黃色，一啲都唔肥，雞肉又嫩又滑，焗嘅時間控制得啱啱好！黃老太梅子蒸蟹見到啲梅子醬同蟹膏就食指大動，咬落去啖啖肉！梅子醬同蟹嘅配搭我都係第一次試，食落有好香嘅蒜味，梅子醬唔會搶左蟹嘅鮮味，反而愈食愈香。香蔥鮑魚砂鍋焗飯鮑魚切粒撈埋啲飯一齊焗，成煲飯都好香嘅鮑魚味，食落啖啖都有鮑魚粒。每粒飯都有汁包裹住，又唔會太鹹。焗飯嘅關係有時愈食到飯焦，係成個焗飯嘅精髓。金湯舞茸玉荷苞金湯好燶，有好重嘅南瓜味。菜入面包住左啲菇，食到有淡淡嘅牛油味。…Read More

難得今日放早，就梗同男朋友拍拖行街。朋友介紹粉嶺有間新開嘅黃店個lunch好出色，但我地行完街已經食晚市，所以就試唔到個lunch。上次朋友食lunch選擇好多，有石頭鍋飯、鐵板餐、焗飯、意粉等等。人均$50包野飲，真係好抵。tea set仲有雞肶、魚柳包同熱狗好多選擇，仲唔使加一，真係好吸引。我哋晚市就主打酸菜魚、雞煲、烤魚同胡椒豬肚雞四款主食，另外仲有火鍋配料可以加。我就揀左酸菜魚小辣。酸菜魚嘅魚片係鯇魚片，配料有豆卜、木耳，仲有好少見嘅油揚。店員仲好細心咁問我哋湯底夠唔夠酸、辣，如果唔夠可以隨時同佢講，咁貼心嘅服務邊度搵！先講個魚片，肉質好嫩，而且厚薄適中，太簿會一夾就斷，太厚又唔入果，呢個size就啱啱好！以為鯇魚片煮耐左會散唔好食，佢份量實在太多，食左半個鐘都仲未食晒啲魚，食到後期肉質依然鮮嫩。配料方面，木耳爽口酸中帶麻，豆卜就嗦曬湯底嘅味，薯粉煙韌有咬口，又夠酸，愈食愈好食。另外仲叫左菊花茶，但係用Hoegaarden杯上。…Read More

今日約左朋友嚟銅鑼灣食呢間cafe&bar,上晝以cafe形式經營，一到夜晚就變左酒吧。餐廳環境好舒服，我地今次食晚餐，順便飲番杯cocktail傾下偈。牛油果鮮蝦沙律沙律菜好新鮮，配埋牛油果大蝦同煙肉，味道好夾，醬汁份量岩岩好，食落好清新。意大利手工pizza-北京烤鴨胸pizza食落好鬆軟，即使係批邊，食落一啲都唔乾。用左北京烤鴨醬汁，芝士，鴨胸，表面鋪左滿滿既大蔥。食落酸酸甜甜，味道好特別，有驚喜。墨魚汁意粉配帶子蟹肉蟹子份量唔算好多，但係蟹肉足料，帶子都大粒，表面灑左芝士碎，食落味道都唔錯。Tiraberry牛窩夫最後我哋叫左個甜品share,自家製牛窩夫食落好鬆脆再淋上espresso，食落好有層次。另外佢面層有一球homemade椰子雪糕，好重椰奶味，我同朋友都好鐘意食，嚟到一定要試下佢既牛窩夫，推介👍🏻…Read More

今日係同男朋友嘅記念日，我哋就去左銅鑼灣嘅一間隱世私房菜食dinner！餐廳店內裝潢以凡高為主題，四周圍都係佢嘅作品。仲有打卡位，啱晒呃like嘅我。我地叫左一個極緻牛之盛宴餐，包頭盆、小食、主菜同甜品。煙三文魚帶子塔。煙三文魚有好香嘅煙薰味，入面包住左舊好香嘅芝士，令煙薰味更突出。帶子同香草、黑椒都好夾，仲食到小小嘅薄荷味。普羅旺斯式炒田螺。呢個田螺下面鋪左一層薯蓉，入面有粟米粒，面層有小小燒到金黃色嘅芝士。薯蓉同田螺嘅口感好match！98%野菌忌廉湯話佢係湯，其實佢更加似羹，因為真係好足料！濃郁嘅野菌充滿口腔，愈飲愈濃，飲完已經好滿足。炭燒澳洲和牛配阿拉斯加鹽和牛五成熟，燒到外脆內嫩。入口牛味唔算濃，但肉質鮮嫩，多汁可口，一啲都唔韌，食曬成塊都唔覺得膩，好出色。配料方面有蘆筍、菇、青椒、蕃茄等等，配埋個sauce一齊食，好好味。意式馬賽海鮮飯海鮮飯入面有大蝦、帶子、青口等等，汁底係海鮮汁。每粒飯都比汁包圍住，入口啖啖都好滿足。焦糖燉蛋…Read More

今日同朋友突然想食魚蛋粉，見到呢間魚蛋粉老店就入去試下，見佢係將軍澳都有幾間分店，我哋就選擇左最近既呢間分店試下😋我哋嗌左原汁牛腩淨食同埋一碗潮州四寶河粉share講左淨食先，牛腩淨食既份量比我哋預期多，底層有唔少生菜去油膩感。牛腩偏瘦脂肪比例唔多，但係食落一啲都唔韌，沾埋佢啲腩汁食好入味👍🏻底層既生菜都好重腩汁味，鐘意食牛腩既可以一試。另外潮州四寶河入邊有魚蛋，魚皮餃，魚片，札肉，墨魚丸同埋牛丸。佢呢度啲丸食落都好彈牙，魚皮餃皮餡料都多，最鐘意食佢魚蛋同魚片，食落一啲都唔腥。另外湯底好清，唔加調味料都夠味，食完都唔會口渴。另外河粉份量都唔少，食落唔淋。魚蛋粉老店，好食價錢又親民👍🏻…Read More