GULUBLAH's Profile

星洲總廚係我地喇沙list 嘅第一名。每次想食喇沙就會諗起佢！每次專程去大角咀都係為左去食佢。今次叫左豬扒同雞扒喇沙！其實一份肉已經足夠兩個人share，但奈何冇得叫淨喇沙。所以次次食肉都食到好飽！我地每次都會叫淨幼米粉，因為米粉掛湯，食落更滋味😋 每碗入面都有烚蛋，魚蛋，豆卜。湯底濃郁，充滿椰香！真係好好味！豬扒都係依度嘅招牌菜！厚身得黎好juicy！雞扒正常發揮。但係最出色嘅我地始終覺得係碗喇沙😋…Read More

平日夜晚黎左西貢WM HOTEL 試吓依間新餐廳，環境服務都唔錯，食物總括黎講不過不失，冇咩驚喜。Wild Wings $88雞翼炸得唔錯，香口但肉質依然嫩滑，但一定要點醬汁，因為雞翼本身冇咩味。Pulled Pork & Pineapple Pizza $188Pizza 配料略嫌少左啲Iron Grilled Rib-eye $498五成熟，如果再煎得再香啲會更好Buttermilk Chicken Waffle $145第一次食炸雞配窩夫，比想像中好Black Truffle Cheese Chips $65Mozzarella Gravy Chips $60燒汁咸左啲Honeycomb Butter Pancake $125Apple Crumble French Toast $125Crumble 太少，普普通通Strawberry Milkshake $58 👍🏻…Read More

放假先黎打風，困左喺屋企幾日，今日終於可以出去行下！黎左依間太子嘅cafe食個early dinner，可惜一坐低店員就通知甜品已經賣晒，試唔到有啲失望。我地叫左松露油大啡菇忌廉貓耳朵同埋香蔥蒜蓉忌廉芝士包。松露油大啡菇忌廉貓耳朵嘅汁同配料都好多，貓耳朵有少少煙煙韌韌，整個配搭不錯！更令我地驚喜嘅係依個香蔥蒜蓉忌廉芝士包！一上檯已經聞到好香嘅香蔥蒜蓉味！切開熱辣辣嘅麵包，中間心仲有滿滿嘅cream cheese！非常滿足！…Read More

最近阿波羅興起一股熱潮，出開黎旺角，梗係要去朝聖一下，回味下兒時回憶。6點幾去到，條隊排到出門口😱不過好在職員動作好快，唔係等左好耐就買到。期間限定西瓜味乳酪有珍寶版本，會多50%果肉。見到期間限定，所以就叫左依個試下。職員技術果然厲害，乳酪整到好高，不過可惜溶嘅速度都好快，搵到地方食再影左兩張相，已經見到佢溶緊。西瓜味清甜，咁熱嘅天氣食真係好消暑解渴。份量好多，兩個人食就剛剛好！不過個雪糕筒略嫌唔係好夠脆。…Read More

Ice Puff 係吸引我黎旺中嘅一個大原因！間唔中就會掛住個格仔餅而專程去食。依度嘅格仔餅真係世一！雖然見到好多人都會叫阿華田雞蛋仔，但我哋都係鍾情依度嘅格仔餅。原味格仔餅真係好好食！格仔餅厚身得黎質地又仍然保持鬆軟！牛油，花生醬，煉奶毫不吝嗇！仲可以要求將格仔餅分兩份拎，同人share食冇難道！👍🏻每次惠顧仲可以吸一個印仔，儲夠10個印仔就可以當$20用！我地已經儲滿過兩張卡，可想而知知道我地有幾咁鍾意食🤣…Read More

之後好多時去葵廣都係為左食慧食貓，食左咁多年之後，慧食貓終於喺旺中開分店🥹從此去葵廣嘅吸引力就大大減少🤣旺角分店人流比葵廣少，今日6點幾去到好驚會好似葵廣咁一早已經賣晒。好彩仲有而且只需等20分鐘就有得拎。去到同老細講聲要啲咩，佢就會同你講幾耐之後返去拎。拎嗰陣先俾錢，自行找續！一切都係講個信字，依啲就係人情味。咁多年黎都係食B餐😋火腿雞蛋肉鬆手抓餅😋肉鬆配上手抓餅真係世一嘅配搭。每次食都覺得好好食。鐘意食手抓餅嘅一定唔可以錯過！…Read More

今日剪頭髮前食左個early dinner，剪完之後覺得有啲餓餓地，所以就去左食yogurt。😋今次揀左個父親節期間限定嘅Top Dad。配料有提拉米蘇、綠茶布甸、朱古力蛋白脆、朱古力brownies、綠茶brownies、綠茶芝麻片同埋朱古力珍珠裝飾！綠茶芝麻片好脆，brownies 都係朱古力味好食啲。朱古力蛋白脆就咁食太甜，加埋yogurt就剛剛好！一杯yogurt 兩個人share份量剛剛好！ 😋😋…Read More

因為屋企人想食，無得揀就出去富臨皇宮食父親節飯。一坐低，職員就話父親節得套餐，無得散叫😔我們4個人就叫左個$1488 套餐，無加一茶芥包4罐汽水。燒鵝，皮唔脆，肉質太老，麻麻地👎🏻龍蝦伊麵，貴左反而份量仲少左，仲要愈食愈鹹，重口味都搞唔掂👎🏻鮑魚用陳皮蒸，但係無起肉蒸，好難切，唔得掂👎🏻雖然價值唔抵，食物都一般般，不過唯一可讚嘅係呢度職員真係算好helpful，幫手影屋企人合照都好熱情！…Read More

平時一講去食車仔麵都會覺得坐得唔係咁舒服，今日經過依間餐廳見到個環境都幾乾淨企理，所以就試吓！餐廳座位好似日本拉麵店風格，單排咁坐。用QR CODE落單，夠晒清晰！做會員仲有$5優惠劵可以下次用。餐具同醬料擺放都好整齊。今次叫左豬軟骨、豬紅、蘿蔔公仔麵。豬軟骨普通。蘿蔔好甜，無咩渣。豬紅帶有蒜香味，不錯。另外仲叫左個蜜糖燒賣，味道不錯，但燒賣質地麻麻，只食到一團麵粉嘅感覺。如果改用高質少少嘅燒賣會更好。…Read More

行IFC經過過依間由前Rosewood餅廚開嘅純素餅店好幾次，都覺得佢好吸引！適逢今日天氣咁好，就買件上去天台花園一路食一路欣賞風景！😊買左依個金莎流心朱古力！正如佢個名，佢係一粒巨型嘅金莎！朱古力脆皮入面有朱古力 cream，朱古力蛋糕，中間心仲有榛子醬！鐘意食朱古力同金莎嘅話一定會覺得佢好正！價錢雖然唔平，$68一件，不過質素唔會令你失望。純素甜品又可以減低少少罪惡感🤣下次有機會再試埋其他😋…Read More

坪洲係一個可以令人放鬆嘅地方，久唔久就會想入去relax 下。一落船就首先去左醫肚，去到冰室附近已經見到條隊，最終差唔多排左45分鐘先入到去😢依間係一間傳統嘅冰室，座位唔多。叫左個豬扒炒通粉，滑蛋豬扒飯同埋西多。豬扒炒通粉幾有鑊氣，豬扒都唔會太乾。滑蛋豬扒飯就普普通通西多士係水準以上，幾好食！今次用餐時發覺冰室翻檯效率低主要原因係檯櫈擺放嘅排位有問題。職員每次上菜落單要兜成條路先可以行到去另一行。另外就係落單系統混亂。如果可以改善一下，咁客人就可以唔駛排咁耐。…Read More

星期六嘅下晝一開門就入左去，員工仲忙緊做準備工夫，冷氣都未開。好彩之後開返晒冷氣，如果咁熱嘅天氣真係會焗死。叫左個 Set E，牛+豬PHO紅蕃茄湯檬。入面有生牛、烤牛、豬頸肉同豬扒，肉同檬粉嘅份量都好多。紅蕃茄湯低好鮮甜，唔會係死甜嗰種！跟餐小食叫左牙車快沙律同手撕雞檬紙卷，兩樣都幾好食！對越南咖啡嘅香味情有獨鍾，所以加錢叫左半凍滴漏咖啡！果然冇令人失望！咖啡不只聞落好香，飲落都好香！煉奶嘅甜味令咖啡嘅香更出色！…Read More

今日黎左荃灣依頭行街，行之前先醫飽個肚。今日草子話想食韓國野，見到愉景新城依間韓國餐廳好似唔錯，所以就去試下。假日都有lunch set。我地叫左個炒粉絲加五花肉。韓式炒粉絲係草子嘅最愛，依度嘅炒粉絲味道都不錯👍🏻久唔久就會想食炒年糕，但我地又唔係好食得辣，職員就建議我地叫依個玫瑰醬炒年糕！果然冇介紹錯，好好味！不過份量就略嫌少左啲。飲品方面叫左凍檸茶同凍柚子蜜。不過不失。下次黎開想食韓國野都可以再黎！…Read More

又到左HAPPY FRIDAY! 辛苦工作左一個星期，星期五晚梗係要去食返餐好嘅慰勞下自己！可惜食排成日都落雨，所以今次揀左黎又一城，貪佢落雨也不怕！去到門口已經出現左人龍！不過好在餐廳翻檯速度好快，職員安排入座又好有效率！等左十分鐘左右就已經有位！叫左兩杯果汁，大C CUP 同埋ABC！兩杯都好好味，好新鮮。另外叫左個海鮮忌廉湯意粉。個湯好好味，海鮮份量都多！最正都係個麵包布甸，熱辣辣嘅麵包布甸配上一球雲呢拿雪糕！冇得輸！…Read More

平時喺喜家狗仔粉食狗仔粉食得多，今日想轉下口味叫左兩個飯試吓，估唔到都幾有驚喜😋依個係秘制蔥油雞扒煎蛋飯。首先塊雞扒個皮煎到脆卜卜，但雞肉仲保持嫩滑，唔會好乾！秘制香蔥甜豉油加埋半生熟蛋嘅蛋黃汁，撈飯一流👍🏻另外一盒就叫左個鮮茄豬扒飯。豬扒又係煎得好香口，大大塊豬扒，肉質剛剛好，唔會好乾好難咬。鮮茄汁酸酸甜甜，非常開胃。兩盒飯嘅份量非常之夠，大件夾抵食！絕對係叫外賣嘅快靚正高質之選👍🏻👍🏻…Read More