popots's Profile

今日lunch諗唔到食咩，行經過呢間應該係新開張冇耐，個門面又靚靚地咁，雖然見價錢偏貴，都比個機會試下啦。$63一個lunch飯/麵, 喺灣仔買外賣都已經算平常，但可唔可以唔好比d$10價值既野食我呀？？離晒大譜囉雪菜叉燒絲炆米，冇諗過叉燒絲細條+少得可憐，有一刻覺得自己好似乞食咁，我要喺個麵堆中找尋先好辛苦搵到半條"絲", 同食緊齋炆米差唔多佢有跟1個野飲既，我揀左老火湯(溝水果隻) 新開又比d咁既貨色我，一定寫出黎啦，免大家中伏，謝謝…Read More

With my favourite lobsterToday I have such a pleased birthday lunch here~~Very nice & observant service, you know, it is actually not very usual in HK these recent years.Not a big restaurant, but every single table would have their own space enough, feeling comfortable with the clean & cozy atmosphereThe most important thing is the food, the set lunch is worth it, with a nice soup/salad before the main course and a lemon & berries tart at the end of meal. And the taste of the grilled lobster is really delicious and fresh that I tried these few years, even though I got a tasteless one in Australia! And the lobster mac & cheese! Full of lobster & cheese;) Really a lot of minced lobster insideThis is a highly recommended new restaurant, and just 5 minutes walk from Sai Ying Pun mtr station only. Will come again.…Read More

洲際這個自助餐中的明星，聽了好久，又做了好多次research, 一直是想試但又沒有特別原因要去試，但就在早幾天，收到同事的訊息，這間酒店要在即將的大裝修中，遣散大部份的員工了！！而裝修後亦會改回原名--麗晶酒店！。。。感覺很是可惜，畢竟在這個肺炎疫情底下連大機構也是走的很艱難立即想到，是不是要看看有沒有位可以一嘗它的自助餐到底如何，發現星期六日假日基本上無論午晚餐都已full了，但平日的還有一些位，有理冇理就book左先! 聽聞晚上較昏暗，又想一嘗它的景色所以選了午餐！！其實也不知道出了這個新聞消息後還會不會繼續正常做生意呢。就這樣過了幾天，收到酒店confirm通知，今天，有點期待的去試了進了酒店一落樓梯到餐廳的感覺很好正值幾天的下雨天後的這天，是風和日麗的下午，落地玻璃外面是星光大道的其中一部份，旁邊是新簇簇的購物商場，雖然不是直接坐在窗邊的座位，但也很開揚。而且在最近政府有關疫情的新規定，餐桌有距離限制，應該較之前是闊落的，大家在每次離枱時亦要帶上口罩，亦較平時衛生被安排坐近甜品的區域相較很多酒店自助餐的甜品，實在是琳瑯滿目，尤其只是午餐也較某些自助餐的晚餐優勝，款式多，只是看已賞心悅目！先嘗試熱葷，主打牛扒不錯，一大隻的燒羊腿片開還是不夠平時的逐件燒羊架好食，沙爹雞串可以要很多串去滿足平時要逐串計粟米蟹肉湯忌廉味較重但都好喝，海底椰湯都清甜。馬來西亞炒意粉很好味每人一坐下會有1杯welcome drink, 可選果汁汽水或fruit punch, 果汁是紅莓汁奇異果汁橙汁還有其他忘記了餐後另外還有咖啡或檸茶壽司刺身款式雖不多但也不太馬虎，冷盤海鮮有長腳蟹麵包蟹蜆螺凍蝦青口，味道正常都算新鮮，refill速度亦有誠意但熟食的黑椒龍蝦與避風塘炒蟹好像更合我口味也有些自家特式小食如松露蟹肉撻，蟹子燉蛋，魚子蜜瓜湯等等好了好了，到甜品了，自己一個吃了一大碟西餅拿破崙+3球雪糕其實有很多很多款還沒有試但肚子實在再裝不下了，食完呢餐飽到晚飯也沒有吃侍應的人數很充足，服務非常細心，會主動幫忙客人，雖然即將散席也沒有馬馬虎虎，希望疫情好轉一點，酒店會請回他們回來工作呀總括來說，匯豐恒生ae或渣打有85折後$4xx一位的一個午餐，就是環境服務，加上食物多款味道不錯，已值回票價了！…Read More

行街時經過數次，見格局像不便宜，沒有試的衝動。某次同同事傾開，她介紹說原來Venchi朱古力就是每年獎勵自己時的動力到我再經過時，就即管給了Venchi一次機會買了10粒左右，約為$200, 即是$20粒，也不便宜但比較其他大牌連鎖店，又好像差不多價錢，而且Venchi感覺很有質感同都幾大粒，就係咁，試過後竟然返唔到轉頭。。。。。。真心好好味，係因為佢既黑朱古力，黑得來唔太苦，入口好醇，只可以講句，只有試過先會懂加上佢標籤左有既味，例如開心果味，焦糖味，檸檬味等等，係真係有果d味，唔似某d品牌食左都唔覺而且食得出係真材實料，唔係整d人工味落去初嘗後到依家應該2個月內，我諗我已經買左佢第3次，又再敗家了而灣仔呢間個店員亦一一解答到我既提問，非常熟練，值得一讚而且唔會好似某d貴價朱古力店，chur住我要d乜，我都係鍾意自己慢慢揀，有唔明先問佢地最近呢次再試埋佢個雪糕，原來都好多味道選擇開心果味不負所望~應該以真正開心果碎+開心果醬打造不得了~工作賺錢就係為享受嘛…Read More

靚靚女同事生日，呢個疫情時期不便飯局聚會，就找找公司附近有冇未試過既精緻蛋糕~見到這間的相片都影得多漂亮食評好像也不錯，就鐵定試試~~~~而且佢有細件選擇，一人一件多方便去到諗都唔諗就試佢個招牌先，西瓜士多啤梨~加上上面既食用花瓣，外形已無敵啦亦可揀中或大size, 方便不同人數的配搭~好好啊唔知係咪做緊promo, 個店員冇同我講，只知我係用支付寶比太方便，事後先發現竟然有個85折做左比我都驚喜架買埋$5一支靚蠟燭~非常配襯試後感~最上面既花瓣+士多啤梨食落好香好清新~~到中層有果仁粒粒配真既西瓜，冇錯，小女見識淺，以為只係西瓜味，原來係真西瓜都幾甜同有口感，最下層都係果仁+蛋糕，成個感覺幾清爽下合上眼就有股初春的味道，好相比起LadyM, Tartes&Pop, Passion, 真係各有特色，暫時都會納入喺我試過既最好味蛋糕品牌入面我會再比機會佢試埋其他味架~~~~…Read More

買了盒朱古力送給好朋友生日，亦買了一盒來獎勵下自己，工作辛勞過後應該得到的。送朋友不能太失禮，是10粒的禮盒裝$310。自己的是小巧的6粒裝$190，其實沒盒應該抵d, 但紙袋裝又滿足不了愛欣賞包裝的港女(自己)要品嘗了！一口輕軟、幼滑、濃郁的朱古力味加上帶點果香、nuts的複雜口感說不出的味誘，只可以講比某某其他大牌品更細嫩，一定要親口試一試，對自己好一點順帶一提，服務員的服務都好好，沒因為我個樣似逛逛下就不理我，仲加上有詳細的講解同分析不同味道的朱古力大概是什麼感覺仲比左其中一粒朱古力我試，不知是否間間分店都會有，總括來說這次購買是很滿意~~…Read More

放假天睡飽了，到醫肚時已是下午近黃昏的時間呢餐叫brunch+dinner? 見人流唔多，試下新開張冇耐嘅東涌outlet outback先。其實一向對佢冇乜好感，唔知係唔識揀扒定係點，之前喺唔同分店食過都好一般，所以真係好耐冇幫襯。講返呢間先，點左個2人餐冇耐，首先來左個飯前麵包，非常鬆軟，麵包沾上今天嘅粟米餐湯一齊食更是一絕！yummy然後來個主菜，我們叫了龍蝦+紐約扒+寬條麵，因為就返家人個牛扒叫左全熟，扒身厚得來肉算嫩龍蝦尾一向都係唔太多肉，平均質素；寬條麵就出乎意料咁我自己因鍾愛椰子，叫左杯Coco Berry Smoothie試下，好彩唔伏。埋單後出平台咁啱遇著太陽剛落山，涼涼秋意加上佢個玻璃屋真係冇得頂，應該咩時間都會係打卡首選…Read More

雖然過左成個月，都係記住要補返呢個食評知Goobne喺香港開左分店好耐~一直未有機會試。適逢遇著佢喺東薈城裝修好的名店倉剛開張~喺門口睇睇個menu先，都唔知係咪佢個韓國老闆娘黎呢，非常有心機介紹我哋有咩好食~見佢咁好招呼就比個機會入去試試餐廳枱同枱之間都算闊落，下午時間遇上外面好太陽，成個view不得了，仲有個戶外空間，因太曬今次冇出去欣賞，下次一定要出去望望講返食物，叫左個烤雞雙拼，因為即燒所以等待期間，慢慢嘆佢杯特式飲品外型太正，shark shark藍藍的襯返外面個天氣~好飲冇伏雞到了，雖然要2百零蚊，但差唔多全隻整埋比你仲要啖啖肉，值返晒，雞肉超嫩滑，只能講兩隻味辣同唔辣都好好好好食唔知點形容，應該只有新鮮靚雞先有呢個效果yummy下次會試埋佢個炸雞~~~…Read More

東涌名店倉重開以來，多了好多美食剩係留喺東涌都可以每天試不同的新餐廳與搬位的舊餐廳~!! 呢間主打得獎牛肉的餐廳，開業之後遇上食飯時間都排滿人，原來原因係鋪裡面係好細，得十零廿張枱？！限時90分鐘講真食得唔過癮，但相信只有咁佢外面條隊先可以慢慢消散。。。講返每人一鍋呢樣野係估佢唔到既，咁愈多人就可以一次試晒佢唔同既湯底湯底一般，未至於一試難忘果種，呢個價錢如當普通食餐飯老實講貴左少少，任取蔬菜丸類款唔算多，但食得出用料比一般任食火鍋靚主打牛肉我哋選左嚴選美國牛，有牛味，有咬口唔錯最最要講既係佢個蟹棒，我唔肯定自己係咪食左成10條然後完滿既一餐當然係餐後來2個movenpick雪糕，冇得輸但真係食得趕趕地囉飲品款式亦算少，總括來講東涌冇乜同類型食肆所以癮來都可能會再幫襯…Read More

第三次飲喇~本來係上黎寫正評，因為對上兩次飲過佢個黑糖海鹽珍珠奶真係覺得好好好飲海鹽味同甜味互相輝映，出奇的夾而且仲要有半價coupon好抵呀好可惜，今次係比正價飲，叫左少冰少甜啫，點知好似連海鹽都好似直情冇落到好失望因為距離公司都遠，要行成15分鐘，仲要走左一陣先發現，大熱天時，又唔想返轉頭，算喇希望下次d女仔專心d la, 果個位又唔係好好生意。。。By the way鋪位真係唔大，得3個座位，坐陣抖陣都係可以。。…Read More

好期待呀老公為我慶生，去食靚buffet~~~~喺全港咁多間酒店之中揀左尖沙咀凱悅，只因有生猛龍蝦新鮮即煮任食，海鮮海鮮，如果唔係即煮就冇左果種鮮味，完全唔係果回事啦咁每人每次可以攞半隻，其實可以無限攞第一轉水準最高，肉質剛剛好，好彈牙呀之後果幾次就好似煮過龍左少少。。但可能太多好味嘢，就算爆場滿座都基本上唔洗點排隊~咁啱遇著佢做緊海膽主題其實任食都冇諗住話有咩要求，但睇住佢真係成板海膽即開，而亦唔吝嗇，係逐格成格咁放上每一件食物上面，而且仲要真係食到海膽嘅甜味，嘩，真心開心到嘩嘩聲呀推介海膽蒸蛋白，反而海膽壽司冇咁充分發揮出佢嘅鮮甜，唔知係咪因為有紫菜味掩蓋左仲有仲有，好耐冇食嘅鵝肝真係對唔住d鵝仔喇…但既然有供應，我就破戎一下，食左2件。。。。好滿足嘅油份~中湯係虫草花燉豬展湯，超好飲~但原來係手快有手慢就無羊架同西冷扒都唔錯，只可惜肚仔已不能再放太多其他熱食如燒味呀，咖喱呀都冇乜試到最後到甜品，值得一讚係有個靚仔廚師專人serve你，唔似多數酒店任客人拎到亂七八糟咁，保持住精美樣子，款式亦算多，品質直情係高水準呀~~好難得咁食左成10件都有雪糕就只得6款，試左拖肥同tiramisu味飲品冇得任飲，每人跟一杯餐飲，我地就叫左普洱~~個茶壺都好pro, 另外出面其實有2款沙冰任攞，都好味架訂位時有同佢講話慶祝生日，會有個小蛋糕，但呢個充滿cream嘅蛋糕真係for影相only同出面d蛋糕款完全冇得比~~建議佢索性攞出面果d款整個細d嘅可能仲靚仲好工作人員態度ok, 大廚們大部份都非常專業，好有心機煮，值得讚賞總括來講呢餐都係非常滿意架…Read More

放假同老公喺卓爾居shopping完，想食返個下午茶，見呢個商場仔有好幾間新開食店，呢間燒肉未試過就入去試下。下午茶燒肉餐平均價錢$50左右一個，有加一，另外亦有火鍋下午茶餐。每個餐點包一份肉、前菜、湯、飲品、甜品，喜歡燒肉或shabushabu亦可~~冇諗過五十零蚊一個餐都可以食到咁飽真係幾抵食既。自助點餐係用個屏幕自己點，但如有唔明應該都可以問侍應既~點完餐好快已上晒全部食物連甜品亦都咁早上講返正題，呢個價錢都冇諗過有太高質素既肉食架喇，2個餐分別是五花腩同埋韓式豬肉，味道都唔錯，而且有油紙隔住個電子爐又唔易燒焦都幾好。前菜叫左泡菜夠辣、油鴨如果放埋上個爐度慶一慶仲好食最正既係個粟米羹，真心，普通粟米湯只要肯花多少少心思，加點新鮮肉碎同粟米粒同蛋花落去，就可以好好好味，仲有少少童年回憶添非常好飲甜品係奶凍同焦糖布甸，係足料既，不過可能過多焦糖漿都係偏甜。酸梅湯冇叫走冰都走左冰真係好好唔會比d冰溝淡左，依家出街食飯好難得跟d野飲係除左咖啡奶茶檸茶以外仲有酸梅湯飲喇，仲要平時d餐廳一般一係跟野飲，一係就跟湯，邊有得你2樣都有齊丫，所以真係性價比高座位又舒適，雖則我地係2人但shopping完話晒都有3、4袋戰利品，坐4人座位，放埋一袋二袋仲係鬆動既。但唔知係咪門口招牌唔夠起眼，街坊們寧去對面大快活迫爆都唔識入來呢間享受講緊價錢唔算貴好多咋？…Read More

從未食過一碗咁難食嘅台灣牛肉麵，話街邊車仔麵都好食過佢都簡直係抵委左車仔麵。元宵佳節~~搵個地方晚飯，行過見呢間嘢個名幾得意咁~又每張枱都有人坐，邊諗到會係咁伏伏伏伏伏x10?!!!坐低後自己寫單紙，見有得揀粗幼麵、芫茜、蔥，感覺幾細心咁，落完單之後，諗住上openrice睇吓有咩小食好食啦，點知唔睇尤自可，一睇就心知不妙，食評竟然得0個人話好食，而佢係開左超過1年嘅鋪頭。。。即管睇吓有幾難食。。半筋半肉麵來到喇，揀左牛骨湯底。哇，一睇個色，深啡色，食一啖麵，得麵粉味而冇索到d湯味；食一啖牛，好林但都係唔入味。。。其實冇味都唔緊要，但係個湯可唔可以唔好咁似豉油加水咁既味呢，我只可以講，清湯可能會仲好d。而佢收緊嘅係$50碗以上嘅價錢，食完之後成晚都勁口渴。。。。。。懷疑係味精水！更慘烈嘅係我睇完食評話d小食唔ok, 我仲比多個機會佢，落左碗$38嘅蚵仔羹，因為幾年冇去台灣真係有少少掛住個味道。。見餐牌英文有個"Thick"字，諗住唔會太差卦。點知，點知，嗱，頭先碗麵真係已經冇晒心機影，呢碗我唔影就對唔住自己，望個色已經知出事了，飲左一啖，識我嘅人都知我唔鍾意浪費食物，但我竟然飲左一啖，就已決定離枱。。。。。。係酸菜+熱水？或者係類似例湯咁嘅味？但我諗最難飲嘅例湯都一定好飲過佢，一味得個咸字，絕對唔係"羹"囉。中間係有幾粒蚵仔嘅，但已經完全唔知自己食緊乜喇。唔寫呢個食評的話絕對過唔到自己果關，係唔想再有下位受害者呀，除非佢會改善。Btw臨離開都忍唔住望一望個開放式廚房，個阿姐係點樣可以煮到咁難食架呢？God bless her, 多謝收睇。…Read More

最怕夜晚出街食飯要同人迫，仲要係假日，而屯門市中心既食肆多數都多人，或唔知要排幾耐隊先有得食。。尋晚經過呢間芽莊，突然想食越南菜，又未試過，又見有位，就試下啦，點知service係勁好，同埋個生牛肉+牛爽腩湯河真係好好好味，從未試過食完個麵跟手入埋d湯既我，居然飲晒~"~不過個會香雞飯味道就普通d, 入口冇話特別好食既感覺。。侍應提議我試佢個自家淹製柑桔蜜桃特飲~都幾舒服潤喉，不過野飲價錢都係偏高。。。…Read More