LazyDiary's Profile

食完晚飯女人第二個胃就出動la～～～最近同班fd食糖水大家都好多唔同意見，每個人想食嘅糖水唔係間間都有，終於有個甜品達人朋友仔叫我地揸車去佢屋企附近間糖水舖就解決哂！因為依間【糖糛】主打「冰、糊、燉、撈」，採用100%新鮮水果，加上各式甜品糖水都有，連唔係間間都有嘅椰皇甜品依到都食到，有戶外位勁chill成班朋友仔食得好開心！冰：特純榴槤冰 $69採用成熟度高嘅貓山王榴槤，聞到都特別香，大大球貓山王榴槤肉值回票價！金黃色果肉入口即溶化，帶有貓山王獨有微甘香味，牛奶沙冰帶出榴槤肉更香濃，仲有爆珠同椰果增加口感，榴槤迷識揀la～糊：石磨芝麻糊 $28超濃芝麻糊！口感非常香滑，最抵讚係唔會好甜，好怕食到成口糖嗰種感覺，失去原有味道又唔健康，芝麻糊有得揀凍/熱，依家咁熱我就食凍嘅，冬天嚟食就食熱la燉：椰皇蛋白燉湯圓 (熱) $65注重養生美肌嘅女仔fd叫咗依個椰皇蛋白燉湯圓，我地share食～勁香濃椰子味，滑溜蛋白好滋補，芝麻湯圓一咬開超多芝麻，湯圓超好味！鍾意中式糖水嘅你一定要試！撈：龍吐珠撈起 $42一碗超多配料：有龍眼肉、爆爆珠、黑珍珠、蓮子、椰果、馬蹄爽粒。龍眼沙冰做底然後全部配料都係圓形完全match哂個名！口感層次豐富，有煙韌、軟糯、Q彈、爽口等，加上透心涼龍眼沙冰，夏天食勁fresh！糖糛📍地址：大角咀海泓道1號奧海城3期G樓G28號舖…Read More

香港精神其中一樣一定係飲茶！早茶文化扎根香港數十年，由爺爺、嫲嫲、公公、婆婆到阿爸阿媽都會帶我去。今日同細佬2個撞啱放假興起約去飲早茶，估唔到竟然喺呢間酒樓搵到我至愛嘅灌湯餃～大日子酒家 - 主打粵菜、海鮮同懷舊點心，選擇多又超足料，仲有手推點心車，勁有童年回憶。連懷舊大包都可以喺度食得到，唔怪得好多街坊幫襯！簡直係香港早茶必打卡之選！大日子蝦餃皇必點！超大粒蝦餃！賣相晶瑩通透好吸引，仲要皮薄兼大大粒蝦肉，入口蝦肉好彈牙，仲保留傳統有4粒蝦餃(出面好多酒樓得返3粒甚至2粒蝦餃)蟹籽蒸燒賣又係大大粒，燒賣真材實料啖啖肉，唔係食落成口粉，咬開比大家睇入面真係全部肉嚟，每粒燒賣上嘅蟹籽都10粒起，唔係得幾粒點綴㗎！好正！瑤柱素翅灌湯餃點少得我至愛嘅灌湯餃～依到嘅灌湯餃係成隻餃塞滿碗，唔只係超大隻餃，入面仲超足料！啖啖肉之餘真係有原粒瑤柱㗎！仲有蟹柳、素翅，係我食過最好味號灌湯餃～香滑奶皇包每籠有3個大大奶皇包，包包非常香軟，奶皇餡超多，一咬開奶皇味十足～正！皮蛋瘦肉粥公公婆婆至愛，基本上隔一圍就見到有人嗌，大大碗2個人share食都夠，粥煲得好綿滑！千層薑汁糕中式糕點係酒樓真係買少見少，因為製作繁複、利潤低，估唔到係依到仲食到。入口好香薑汁味，千層糕軟糯感剛好，唔會太硬又唔會太軟，非常有口感～依家早市優惠9:30前結帳所有點心七五折！大家快啲嚟大日子酒家試下懷舊點心啦!大日子酒家 (大埔) 地址: 香港大埔運頭街12-18號美華大廈地舖電話: +852 26609906…Read More

同朋友興起想食炸雞，即刻諗起Yadllie Plate，早排係旺角食過，今次係另一間舖再食，上次食晚餐，今次可以試下「午市套餐」&「午市精選」價錢平d d韓式小碟可以任添(湯不能加添)，韓式小碟都唔馬虎，幾好味～半半炸雞 $218 半半炸雞可以揀2款口味，全部炸雞即叫即炸好香口，炸粉剛好唔太厚。朋友仔唔食辣揀原味炸雞，我鍾意食辣揀大邱辣醬炸雞，原味大人小朋友都啱食，大邱辣醬炸雞都真係辣辣地，辣得好惹味，不過食唔到辣嘅朋友仔要揀另一款口味la～黃金蒜香無骨雞 $135依到有得揀無骨雞，適合懶得吐骨鍾意啖啖肉嘅朋友仔，一口一啖雞肉，入口香濃蒜香醬味，加上大量炸番薯條，勁邪惡係咁食！芝士蟹子蛋捲 $135賣相超靚！蛋捲入面全部都係蟹子，一夾開係爆滿瀉！入口全部都係蟹子！之後係芝士同蛋味～蛋捲超好味！勁推介！夏威夷阿努哈 $228拼盤有：炸雞、椰絲蝦、洋蔥圈、粟米，炸雞係原味，任何人都啱食，椰絲蝦超驚喜！用大蝦炸大大隻即刻覺得好抵食！2款醬汁都好滋味，食到唔同口味，朋友聚餐必嗌！香辣海鮮太陽蓋飯 $88賣相超吸引！撈勻隻太陽蛋同海鮮食少少辣好開胃，份量都多，午市食性價比高另外因為係午市套餐+$18有特飲巨峰乳酸梳打，正價要$53，抵飲好多！酸酸甜甜，加上爆爆珠增加口感，真係有2粒巨峰提子食得㗎！直火現炙豬腩肉 $125職員係位現場即燒，入口食到陣陣焦香肉味，可以自製食法，包菜點醬點食都得，豬腩肉脂肪同肉比例剛好，食到油脂與肉混合層次！同樣午市套餐+$18有特飲玫瑰蜜桃果茶，超香玫瑰花香，加上香甜蜜桃味，成件事好sweet！Yadllie Plate 야들리애플래이트 📍地址：荃灣大河道100號海之戀商場2樓2030-2032號舖…Read More

日式漢堡排專門店「肉肉大米」香港三號店登陸葵芳新都會廣場！由日本餐飲企業經營，餐廳全採用日本產食材！漢堡排選用九州黑毛和牛與美國牛肉混製現烤😋連米都用日本東北「虹煌米」同日本雞蛋！難怪次次經過肉肉大米都排長龍，今日同朋友仔一齊排隊食，依到嘅菜、飯、湯係可以任添！一定滿足到食量大朋友仔食到飽！南洋青咖喱套餐 $140今次食期間限定「南洋青咖喱」套餐，包括有3件漢堡排：原味、芝士、青咖喱～一坐低就有白飯、湯同壽喜燒汁雞蛋，雞蛋可以撈飯食。我覺得放上原味漢堡排撈匀更滋味，仲有大量醬汁同調味料自行搭配食，每個人都食得到自創獨特口味！食完原味漢堡排就到芝士漢堡排，放上厚切芝士係漢堡排上面後職員即場刨出巨量芝士絲！視覺上已經好吸引，煎香後飄出芝士味勁香！入口香濃芝士味，加上漢堡排煎到好香兼爆汁，簡直至強組合！最後係期間限定「南洋青咖喱」風味漢堡排，因為青咖喱醬汁關係用一個小碗裝住漢堡排，由上而下最頂係香草醬、中間係菠蘿、最底係漢堡排，南洋青咖喱浸滿漢堡排，微辣口味多數人都食到，青咖喱醬撈飯食勁開胃，忍唔住添多碗飯食！值得一讚任添湯都唔馬虎㗎！蕃茄菜蜆肉麵豉湯，食完肉再飲碗蔬菜湯中和一下，營養均衡又健康～依到真係好貼心，食得多肉飲杯水都好清新(青檸西柚薄荷葉水)消滯一下肉肉大米📍地址：葵芳興芳路223號新都會廣場2樓272-274號舖…Read More

超鍾意搜羅各大特色美食嘅Venus，最近係元朗搵到一款新加坡國民美食「面煎糕」，有3款傳統餡料選擇(花生醬/麻糬/咖央)，另加入港式茶記風味菠蘿脆，打造fusion口味～外脆內軟既面煎糕，一串串方便一邊掃街一邊食，+$8 有一樽9 °微甜濃豆乳招牌咖央面煎糕 $24 +茶記菠蘿脆(另+$10)即叫即煎熱辣辣～保留傳統面煎糕外皮(由煎熟面漿製成)，另外加咗$10試下茶記菠蘿脆，一入口係菠蘿包果層脆皮味，咬開有淡淡咖央味，加上香熟軟糯口感，越食越滋味！麻糬面煎糕串 $29內外都超煙靭！濃濃糯米香加上煎香味，少少甜增加層次，一啖一粒啱啱好！9 °微甜濃豆乳/500ml任何特色面煎糕串+8換購一樽9 °微甜濃豆乳，入口濃郁豆乳味，少少甜啱哂唔太鍾意甜嘅朋友仔！香芒小宇宙 $49長期受歡迎嘅組合～一大碗入面有芒果、小丸子、西米露，仲要有超多小丸子超滿足！酸酸甜甜大人/小朋友都鍾意！三色芋圓豆腐花 $34超多芋圓鋪滿面，芋圓都佔咗半桶，底層為滑溜豆腐花，撈勻食又煙靭又滑溜，啱哂2個人share食～甜絲絲之選！清心雲霧 $37個名好詩意，原來係山藥百合糖水，好fresh好清新仲好滋潤，美顏兼養生，順帶一提好少糖水舖有山藥糖水㗎！石磨樂豆 📍地址：元朗朗樂路1號元點L1樓B180號舖…Read More

同朋友係海港城睇完包包，就係海港城食埋飯先走，係門口見到依間餐廳裝潢幾靚就入去試下，全間舖用咗竹做主題，充滿古典氣息，睇menu原來係食精緻淮揚菜，有幾款菜式超好味，分享一下～坐低即有前菜、另外叫咗壺人蔘烏龍茶，好少餐廳有人蔘茶飲幾特別，入口回甘消滯宋嫂鮮魚羹 $88/位一向主張美容養生嘅我，當然要試下鮮魚羹 ，美顏又滋潤，入口鮮美十足，絕無丁點腥味！海鮮酸辣湯 $88/位朋友叫咗酸辣湯，我都試咗d，酸辣味剛好，食完個身暖笠笠，冬天飲就最啱la！私宴老上海燻魚 $188絕對推介大家食嘅菜式！一上枱賣相已經勁吸睛好似仙境嘅氛圍，外層炸到脆一脆，咬開係即爆出大量酸甜味超惹味！之後就食到大大塊海魚肉，大大件兼件數都幾多，幾抵食👍🏻鐵板上的小籠包 $90/5件原塊鐵板上嘅小籠包，所以仲係熱辣辣，小籠包放係鐵板上煎糅合生煎包口感，但咬開依然係爆湯汁小籠包，皮薄肉多好滿足！葱油鮑魚片拌麵 $188 好多大大塊鮑片伴碟，拌麵食落好香蔥油味，份量都幾多，3個人食都ok蘭梅桂花拉糕 $60飯後甜品～梅醬酸味味好開胃，加入清新桂花甜香軟糯糯拉糕，鍾意食糯米糍嘅朋友仔實鍾意！个園竹語 📍地址：尖沙咀廣東道3-27號海港城港威商場3樓3202號舖…Read More

今晚有朋友帶我去食私房菜，原來南華軒專為【貴州珍酒】宴客轉門設計特色貴州珍酒的菜單：珍酒冰鎮6頭鮑魚（珍酒）鮑魚彈牙浸滿酒香味，用珍酒冰鎮後更帶出海鮮鮮味百花炸釀蟹鉗大大件蟹鉗啖啖肉，蟹鉗唔係裝飾嚟，真係充滿蟹肉㗎！點甜酸醬食更加開胃～鲜黃耳翡翠百合炒日本元貝鮮甜元貝配搭爽口配菜，小清新健康菜式珍菌茶壺功夫湯用茶壺承載珍補湯，燉湯有：松茸菇、蟲草花、雞、元貝、瘦肉、螺片等，一人一壺玩味十足必打卡位米皇魚湯浸龍躉球龍躉魚濃湯非常之濃！啖啖豐富魚湯營養！龍躉魚爽口鮮甜，滿滿骨膠原～黃金吊炸雞雞皮脆口，肉質juicy嫩滑，加塊蝦片成件事好脆卜卜火炎蝦乾肉鬆生焗膏蟹（珍酒）高度讚賞依款菜式！一開始倒入珍酒再點火，賣相一流之餘又可以令膏蟹均勻帶有酒香。真係要讚嘆呢隻膏蟹！大大隻不但止係成隻蟹都充滿蟹膏！蟹膏多到滿瀉！蝦乾吸收哂蟹膏精華、鹹香味十足！瓦煲乾福建炒飯瓦煲炒飯粒粒乾爽，配料有海鮮令炒飯更鮮味，夾雜飯焦食落更有口感遠年陳皮紅豆沙（配珍酒雪糕）紅豆沙好綿，仲食到粒粒紅豆；珍酒雪糕好香珍酒味，配搭提子乾增強甜味，用雪糕做結尾個個都大讚！好耐冇食過私房菜，南華軒私房菜好驚喜！每樣菜式都做到一絲不苟，亦都巧妙運用珍酒入菜，做到色香味俱全，值得推介一試！南華軒📍地址：油麻地衞理徑6號南華會網球部地舖…Read More

佐敦一帶好多美食，同朋友係附近行街想食泰國菜就即刻有，入去試下la～價錢優惠之餘仲有質數，特別係生蝦刺身，睇下我介紹就知😎🦐泰式生蝦(6隻) $108食泰國菜點可以唔食生蝦刺身！呢度嘅生蝦刺身大大隻新鮮又彈牙，最驚喜係有埋新鮮滾熱辣脆卜卜炸蝦頭，一味兩食咁！成件事抵哂！必試！🐥串燒沙嗲 雞+豬(各三串) $98串燒醃得好入味～燒到剛剛好保留肉汁同嫩滑感，肉都幾大塊，食完幾串都飽飽地，不過有埋沙嗲醬點就更加惹味la🫔小食拼盤(細) $1083個人食就叫個細拼盤試試，有蝦餅(4塊)、雞翼(2隻)、春卷(4條)，蝦餅大大件啖啖肉好正，雞翼燒得好香口，春卷餡料足！3個人share食啱啱好🐽泰式乾炒河(豬) $88河粉炒得好乾身，唔會濕笠笠，加埋蛋香味，一上枱香味撲鼻，入口都好香蛋味，豬肉都幾多，加上河粉份量都多，夠幾個人share食一碟🍍菠蘿海鮮炒飯 $128原隻菠蘿賣相一流！配料仲相當多，有：大蝦、菠蘿粒、腰果、肉鬆、提子乾、帶子粒、蛋絲、青豆等，入口口感豐富，味道仲相當有層次，炒飯做到粒粒金黃，又一必試之選！🥭椰汁芒果糯米飯 $78熱辣辣糯米飯～加上新鮮多汁芒果，入口每啖香濃椰漿加上煙靭糯米飯再有酸甜芒果，最正甜品結尾🍹龍眼冰 $28一杯好多龍蝦肉，清清甜甜好解渴，支飲管仲係竹造型幾靚🫘珍多冰 $28椰香味十足，每啖都飲到珍多條條，非常有口感3個人埋單$730，每人$240左右有海鮮、有小食、炒粉麵飯&飲品+甜品，質數同份量都值回票價！值得幫襯！泰灜 📍地址：佐敦吳松街141號地舖…Read More

大家成日都北上飲食，其實香港仲有好多舖頭值得發掘！係尖沙咀做完Facial想食日本嘢就係附近搵下，見到嵐山門口裝修幾靚，幾有日本feel就試下la😋入到去見有$899/2人套餐，有齊前菜、刺身、壽司、主食、小食、甜品，有選擇困難症嘅我就拍板唔使諗食咩啦？本身以為細細份，點知款款都大份量，3個人食都夠食❗️🥗前菜：前菜有漬物三點+時令沙律，漬物有酸白蘿蔔、明太子沙律及牛蒡漬，今晚時令沙律係蟹籽沙律，沙律份量都好多，2款前菜酸味味好開胃🍣刺身：淨係刺身都值回票價！刺身每樣x2，有拖羅、三文魚、油甘魚、甜蝦～三文魚勁厚勁肥，入口油脂滲哂出嚟！拖羅入口即溶，鮮味十足！甜蝦大大隻好鮮甜！油甘魚都好新鮮！🍙壽司拼盤：壽司拼盤賣相十足！內有：赤身、深海池魚、真鯛、帆立貝、金日鯛、日本海膽、拖羅蓉小卷。全部都好新鮮無腥味，當中有平時比較少食到嘅魚類，配搭都幾特別，要讚帆立貝同日本海膽，前者鮮甜、後者份量超多！有成3層！滿口海膽勁滋味！主食：🦪廣島蠔味噌菜鍋：4隻大大隻廣島蠔+海量配菜，味噌鍋有大量菇菌、菜、豆腐、京蔥相當健康，仲有我最愛嘅水晶粉！湯底用味噌調味，唔會好濃，清新健康組合～🐽黑咖喱湯豬軟骨稻庭烏冬分別有2碗，黑咖喱味相當濃郁，每條麵條都掛滿醬汁！豬軟骨醃得相當入味，肉塊鬆軟，每樣食材都唔馬虎～小食：🐮山賊汁燒安格斯牛柳串：一上枱就聞到好香醬汁味，外面燒到脆脆地，內裏肉質嫩滑🐥唐揚薩摩雞翼：炸到脆卜卜好香口，雞肉好juicy，食落有d似脆香雞翼味🍡甜品：最後有兩粒雪米糍做甜品結尾咁多款式又有高質刺身，真係超抵食日本料理！食材都好新鮮百搭，依個價錢真係抵㗎啦👍🏻嵐山日本料理📍地址：尖沙咀棉登徑11號地舖…Read More

近排睇咗幾套韓劇，其中一套講煮食，晚晚睇住一大堆美食，所以我近排成日食韓國菜，今晚又去搵韓國餐廳食🇰🇷，依間主打年糕，食完之後我譽為年糕天花板～睇落去就知點解咁好食？🥘酥炸魷魚皇年糕鍋 $288食材非常豐富！一上枱超濃炸魷魚香味🦑已經直攻鼻腔！即刻吞哂口水🤤，原隻魷魚非常吸精！份量都好多有：原隻魷魚、炸餃子、維也納腸、鵪鶉蛋、魚糕、白椰菜、大蔥、拉麵、年糕。醬汁我揀咗韓式炸醬，屬於濃味醬汁口味係鹹中帶甜非常惹味！年糕鍋年糕當然係賣點la！依到嘅年糕係韓國總部直送嘅自家製年糕，採用「黃金比例」秘方製作，口感超級Q彈👍🏻係我食過最Q彈嘅年糕！簡直係年糕天花板！💚青提子梳打 $148/壺食年糕鍋必飲！解渴之餘又透心涼，一壺2人分每人都飲到2.5杯，抵飲過每人嗌1杯，有幾粒新鮮水果食下更加健康～…Read More

係筲箕灣附近覆診完就搵lunch 食，原來依到新果咗間【泰Grill】，好耐無食過生蝦刺身，即刻入去食la，一入到去見到有靚仔waiter，當堂心心眼😍未食都加哂分！當然食物都有質數la！Lunch仲無加一服務費抵食㗎！生蝦刺身 $108每次食泰國菜必食生蝦刺身！唔食都覺得好似無食過泰菜咁，依到嘅生蝦非常新鮮兼大大隻！肉生蝦肥厚多肉又彈牙！個生蝦刺身醬汁有驚喜，加入菠蘿汁多一份甜味，點生蝦食入口酸甜辣都有！如果唔係me time 一個人食唔哂實叫多份！冬蔭功湯豬肉金邊粉 $58Lunch menu 湯麵會抵d，不過都無減料，大大塊豬肉片！仲要勁多塊！冬蔭功湯酸得嚟帶微微辣好開胃，金邊粉超多，細食d 2個人share食都得！值得比like係好多蕃茄仔做配菜更健康！芒果糯米飯 $38Lunch menu +$38 就有芒果糯米飯，靚仔waiter送餐加上心型糯米飯真係暈哂大浪🤭依到芒果糯米飯加入紫糯米，一次食到2款口味，加上fresh 芒果同甜椰漿，成件事超sweet！串燒3串 $48串燒可以揀3串/6串，一個人食都唔會尷尬食唔哂，有牛/豬/雞任揀，我揀咗2雞1豬，串燒燒得剛好，保留到肉質鮮嫩，豬肉脂肪多d d燒得更香更好味😋燒虎蝦 $58好有泰國街頭食燒海鮮果種味道，一秒置身泰國～用牛油同蒜頭粒燒香蝦頭，加上蝦膏入口真係超惹味，虎蝦大隻過我手掌，一啖都食唔哂隻蝦！椰青 $38超fresh椰青～食泰菜必備la！非常解渴，飲完仲可以挖埋椰肉食～泰Grill 📍地址：筲箕灣筲箕灣東大街59-99號東威大廈地下11號舖…Read More

火鍋就食得多，脆皮雞火鍋真係第一次聽！有新嘢緊係要試試la！【鳳園雞煲火鍋】除咗靚雞嫩雞招徠，亦主打靚湯養生火鍋底，今次試咗五指毛桃脆皮雞煲～養生湯底已經包含：五指毛桃、椰子、桂圓、紅棗、枸杞、薏米非常足料！五指毛桃脆皮雞煲 $228/份原隻雞分門別類切好晒，用碟同層架展示勁有睇頭！由頭到內臟都切得好仔細，睇得出非常用心～Waitress 耐心指導每碟雞碌嘅時間，一開始幫我地放入雞骨，雞骨要碌30分鐘先食(因為用嚟熬湯)，雞肉30秒就得(係最佳時間)，雞肉入口又嫩又滑，最後果碟雞內臟就要4-5分鐘，徹底煮熟先食。海鮮拼盤 $168/份呢份海鮮拼盤勁抵食，有鮑魚、蝦、生蠔，尤其係生蠔有手掌咁大隻！煮熟咗都keep到大大隻，入口非常鮮美，鮑魚都好彈牙！蝦都好新鮮鮮甜，份量同質素對比呢個價錢，性價比非常高！娃娃菜 $26火鍋點都要食下菜，賣相好似成棵花好得意，d菜洗得好乾淨食得放心華豐麵 $12麵條彈牙，索滿湯底食勁正！份量多到兩個人都夠食！題外話：隻碟好靚泰國椰青 $48解渴必備！勁fresh勁清涼，飲完仲可以食埋d椰肉天然榴槤椰子凍 $36唔係間間餐廳都有榴槤，依到有大量廣式甜品，其中仲有榴槤甜品食，超多榴槤蓉係面，下層係椰子凍淡淡椰子奶香，鍾意食榴槤一定唔可以錯過！鳳園雞煲火鍋📍地址：旺角豉油街36-42號榮高大廈地下至2樓…Read More

周圍都食米線｜要搵間出色嘅真係有難度！最近經過銅鑼灣又真係比我搵到一間平靚正米線！套餐抵到不得了！大家都鍾意食嘅腩肉，依間仲要係獲獎㗎！1人餐(酸辣小鍋米線) $68起1人套餐包2餸＋1款小食＋1杯飲品，依個價真係唔係度度有！小鍋米線配料有：秘製辣肉碎、韭菜、酸菜、芽菜、花生、芫荽、蔥都幾多元化。除咗腩肉，平時食米線好少見有嘅松茸、牛肝菌依到居然有！仲要係微辣，即刻加餸！太多餸想試最後試咗以下幾樣：金獎腩肉(微辣)：非常入味！越食越惹味，腩肉唔會太肥脂肪分布適中，難怪攞到金獎！必試！松茸(微辣)：松茸好少米線店有得食，見到有即刻要試，本身松茸無咩味，依到加咗微辣就突出埋松茸味，健康又好味牛肝菌(微辣)：又係少見嘅餸，一樣用微辣帶出牛肝菌味，原件上無切碎，份量都多好抵食！竹笙：爽滿湯底味，一咬爆湯勁正，竹笙都幾長，無剪到好短，又係抵食！蘿蔔：清甜+入味，米線至fresh首選套餐小食：椒鹽炸魚蛋：魚蛋炸到好香口，加上椒鹽帶出咸香味，仲有辣醬做醬料，鍾意食辣就要試杯品：豆漿：香濃豆味，味道唔太甜炸海鮮卷(配沙律醬) $25網卷炸到卜卜脆勁有口感，咬開有海鮮、紅蘿蔔，點沙律醬食勁滋味酸辣手拍青瓜 $20大大件爽口青瓜，加上酸辣醬汁非常開胃通菜 $20碟腐乳通菜都幾大碟！食極都仲有！📍地址：銅鑼灣登龍街41-51號金龍大廈地下D號舖…Read More

近排經常去中環SOHO區搵美食～發覺原來有好多餐廳，今晚喺後巷比我發掘到隱世美食，雖然舖頭比較隱蔽，但無阻餐廳用心製作，無論食材、煮法同唔添加味精都令我會回頭，眼見當晚都好多熟客，證明餐廳真材實料～人氣招牌二人晚市套餐：🐤日本三得利黑啤雞翼原隻雞翼連雞翼尖、仲有雞鎚用三得利黑啤做成汁，入口甜甜地，有少少回甘酒味，第一次食黑啤整嘅雞翼幾特別🍲火熱砂煲香濃肉骨茶極度推介一定要試依煲肉骨茶！真材實料無味精、無額外落調味料，味道比起其他肉骨茶無咁鹹。肉骨茶用到嘅中藥都係對女士友好養生成份～依到嘅肉骨茶唔同出面可以額外加湯(溝稀哂)，因為用到嘅材料係原煲煲再上枱，原煲精華係個煲到，成煲肉骨茶係可以當湯飲！飲完成個人暖哂！🍜咖喱喇沙湯麵4選1揀咗雞絲扎肉，湯底同樣無味精、無額外落調味料，特別之處係糖都無加！用天然食材炒香帶出甜味夠哂健康！另外一般喇沙會落椰奶，而依一款係另一種口味喇沙，味道偏酸比較開胃！☕️泰式香茅斑斕葉熱薑茶冬天保暖必飲薑茶，加入斑斕葉滲出淡淡清香，如果薑味再濃d更加正！🍸蘋果醋椰果特飲第一次出街飲到咁Raw嘅蘋果醋，完全唔落糖係最原汁原味，非常幫助消化，不過飲唔慣都可以隨自己口味額外加糖Brick by Brick 📍地址：中環蘇豪士丹頓街21號地庫…Read More

中環半山有咩好食？好多人都以為得酒吧飲酒多，其實酒吧都有高質食物，質素絕對拍得住高級餐廳～【好易食Holy Eats】位於中環蘇豪區，每逢星期一、二、三 4pm-7pm「FREE FLOW WINGS & DRINKS」每位$200有2小時all you can eat wings & fries beer, seltzer and gin，另外星期一至三亦有特別精選優惠！我星期三晚去有$20/隻生蠔🦪(minimum 6pcs)，大大隻新鮮生蠔海水味濃，送酒一流🥙Cauliflower Taco $118/3pcs面層鋪滿紫洋蔥、第二層炸椰菜花、底層配搭牛油果醬及芝麻醬。用Taco夾住食一咬充滿清新醬汁之後有香脆椰菜花味，健康又好味🐥Chicken Skewers $98/3 sticks雞肉用上小茴香、辣椒片香料燒烤，再灑上燒焦青檸調味，入口香辣微酸，越食越上癮！🦀Blue Swimmer Crab Fettuccine $158Parmesan芝士加上忌廉蟹肉寬面，入口充滿香濃芝士味，再帶出蟹肉鮮味，配料有曬乾蕃茄、香蔥、辣椒片增加層次，推介大家試！🧀Mac Daddy n’ Cheese $108用三重芝士醬焗通心粉，面層有大量麵包碎增加口感，攪拌後非常入味，超香濃芝士味，芝士迷一定要試！🥃your daddy‘s secret $138Whiskey加入辛辣、木香口感，後續帶有煙熏味，鍾意dry 口感實鍾意好易食 📍地址：中環蘇豪伊利近街23號地舖…Read More