katykatyc的個人專頁

我雖然係一個女仔，但問我去邊食飯，心入面都好想去食打冷😂😂😂😂😂夠鑊氣呀嘛！無意中見到尼間新開既潮州菜館，仲要個個都讚，心諗堅唔堅架，當然要約埋班fd一齊去試下啦！店舖裝修設計都好特別，望落唔’up揼’，幾乾淨。餐牌既食物價位比較其他潮州菜館或者大牌檔低少少，價錢親民，食物質素算高，所以我都食過幾次，encore 再encore😆先上黎寫食評。值得推介既係滷水拼盤、椒絲通菜、欖菜炒飯、炒豆角，而椒鹽九肚魚係食過最好食既😋😋…查看更多

第一次黎荔枝角尼間魚米，就寫下食評吧！首先講下讚既...可能係中午黎食，樓面丫姐人手都足夠；落單到送餐，等候時間都算合理。因為喉嚨唔舒服，炸既野唔岩食，所以就叫左個’’蜜汁豬扒菜飯’’。圖片只供參考大家都明，但原來文字都係只供參考？錯啦！簡直係文字與實物不乎添啦！對於餐牌食物既命名我覺得非常之誤導食客，大家有無食過用’’蜜汁’’命名既食物？例如街知巷聞既’’蜜汁叉燒’’、’’蜜汁雞翼’’、’’蜜汁金蠔’’，顧名思義菜式係有’蜜汁’既，係咪？但係你可以睇到下面張相，好明顯唔係’’蜜汁豬扒’’，連送餐黎既丫姐都話尼個餐既豬扒係’’炸’’既！吓？餐牌明明寫’’蜜汁豬扒’’，唔係’’炸豬扒’’喎，英文都無寫係deep fried 喎！點解會係炸既？連丫姐都話，你問公司啦，我唔知。好，我就借Openrice 尼個平台，等魚米回應一下，唔回應都唔緊要，不過一係改左個餐牌，叫’’炸豬扒菜飯’’，一係就真係做返個’’蜜汁豬扒菜飯’’比食客啦。…查看更多

復活節連續4日假期，比雨小姐偷左2日，瘋狂大雨過後，今口終於出太陽🌞🥰🥰🥰，緊係帶為食媽咪出去呼吸下新鮮空氣啦。行街行到4點，lunch都未食，餓到暈啦。但絕對唔可以求其食。幾遠都好，要排隊又好，都阻唔到我食好東西既。去到門口，前面已有2個人等緊位，等左一陣，前面2位話佢地唔坐bar枱，問我地坐既話，可以入去。我企係門口示意職員我地2位，職員叫返我地出去，問下排隊既人，邊個想坐bar枱，依排隊次序，問完，我同媽媽就入去坐低。我地叫左個小食「蟹肉薯餅」，好香口，真材實料，好多蟹肉絲。主食「千島醬蟹籽蟹柳帆立貝薄餅」，味道比相吸引1000倍，真係好好食，味道火喉剛剛好，pizza邊又脆口，一個字「正」！甜品「紅桑子拿破崙」，拿破崙係媽媽既favourite，而尼個拿破崙極有驚喜，甜而不膩，酥皮好鬆化，cream有落雲尼拿籽，增加香味，好食！飲品「蘋果玉桂茶」，養生女生最愛🥰，味道清新，而且仲可以Refill 添❤️媽媽對食物讚不絕口，佢開心滿足，我就開心啦。下次再帶你食好東西啦。…查看更多

荃灣素食店寥寥可數，想食個齋就要行多2步啦。行完街，搭車返屋企前，就特登去南豐買返個酸齋返去食。去到見到最鐘意既酸齋，雙眼發哂光，相信同我一樣鐘意食酸齋既人，會明我當時既感覺。同賣齋丫姨講要$30酸齋，但可能佢攰啦，態度令我覺得有種唔耐煩既感覺。佢pack好後，就黎手將我最愛既酸齋盒掉向收銀丫姨，天呀，盒齋得罪你嗎？收銀丫姨放左膠袋放上櫃頂，我禮貌地講聲唔該哂，拎緊錢之制，銀包已在手，係拎緊錢呀！佢話：「30蚊！你未比錢喎！」我對腳郁都無郁過，難道怕我一個弱質女子會走數嗎？今時今日咁既態度，真係好易趕走哂d客，除非食物好食啦，唔係點留客呀！返到屋企，開餐！我平時食野偏清淡，不過講真，d齋淡而無味，無酸齋應有既味道。經過買野過程既體驗+品嚐過d齋之後，得出結論係「伏」「無下次」。…查看更多

Lunch再食蔡瀾越南粉，無論lunch定dinner黎，或者平時經過，每次都人排長龍。門口姐姐先用普通話問人數，可能對得遊客多，轉唔切language 😅今次已經係第三次食，湯粉之前食過，所以今次試下撈檬。等左8至10分鐘左右就上菜。撈檬有招牌豬頸肉同春卷，中環區$68黎講，可以食到有質素既越南野，真心抵食，而且味道清淡，個sauce亦唔會好咸，加落個粉度，味道都幾Balance 。整體黎講，今次野食keep到水準，味道唔差，但係環境整潔度就有待改善，出黎既時候，因為地下灘水油，差d成個人”線”低，嚇死！另外，因為食3次都咁岩坐餐廳最入面，唔知點解，眼見有吉位成15分鐘都無安排緊隊既人入座，有2座位同4座位，以為無人排隊，點知出去埋單，仲有人龍喎！…查看更多

法國品牌LALIQUE一直都係我最喜歡的品牌，而我鐘情於佢既香水，不過一枝香水零售都唔平，但竟然同Sheraton合作，食完個set仲會有香水sample送添❤️當日book左2點，同朋友們一座低就order drink同個set。等左5分鐘左右就黎野飲，因為個set可以揀免費升級飲Perrier-Jouet香檳，所以我飲香檳🥂，朋友們就飲TWG tea☕️上野食既時候，我同朋友們都一齊心心眼，好精緻呀！頂層係士多啤梨荔枝泡芙、黑加侖子朱古力夾心餅、燕子粉紅玫瑰果香棒，放中間既夾心餅最最有驚喜，我地食完feel到有爆炸糖係入面，但menu無寫架喎😂第二層係黑毛豬火腿炸薯蓉、咖喱蟹肉撻，個撻上面舊白色半圓原來係鵪鶉蛋，我地都覺得半粒鵪鶉蛋好香好味🤤第三層係白蒙布朗紅莓杯、白朱古力鮮桃撻，不過不失啦，正常味道😄底層係椰香鵝肝餡餅伴蜜桃果凍、三文魚三文治、紅菜頭芝士龍蝦三文治，老實講舊鵝肝有d腥，芝工龍蝦三文治，係無味，所以底層可以唔洗食🤢總括黎講，野食就甜點好食過鹹點，加分既係環境唔錯，對住個海，邊食tea邊傾計，幾寫意既，而最值回票價既當然係矜貴既香水sample la☺️…查看更多

見到間餐廳係Facebook做promotion, 身份證有相關數目字就可以有免費芝士排骨雞，所以就去試下，我地六點就開始排隊等位，坐低左之後就order嘢食啦。我哋order左一份雞湯同埋嘢飲，先講下個芝士排骨雞，排骨係一大舊，冇切開嘅嘅，雞就超級'鞋'，之後就到個雞湯啦，我哋order左一隻雞嘅份量，其實隻雞係細隻既雞，皮好厚，個湯底好咸，整體感覺唔似韓式雞湯。間餐廳最大問題除咗嘢食味道之外，重點係員工嘅態度，例如唔小心跌咗對筷子，咁我就舉手示意職員拎對新筷子，雖然有拎但表情態度差！坦白講，你估我想跌既咩，食野食到要受你氣。之後個雞湯滾起啦，職員過嚟剪開隻雞，因為個碗入面有排骨同雞骨，就同行過既職員講換兩隻新碗畀我地，點知個剪緊雞嘅職員超級大聲兼冇禮貌，話啲同事都好忙，你等一陣好唔好？連坐隔離幾張枱既客都呆哂。咁既服務態度同食物質素，貴兼扮韓國菜，我就一定唔會食第二次啦。…查看更多

串燒食得多，但今次咀叼既我，真心覺得好好食！一定要分享比大家。朋友早2日已經book定位，所以唔洗等好耐就入得。間舖雖然外表平凡，但佢全部既串燒，都係咁正！我地叫左好多好多款串燒，逐樣試，海鮮叫左蟶子同蜆，超新鮮，好鮮甜其他串燒店食到既唔多講啦，但尼間比到我驚喜既，例如燒肉碎茄子、燒雞泡魚乾、燒原條魷魚、燒川味鴨舌、燒尖椒、燒鵝肝多士，芝士年糕，真係好食到要encore! 配埋1664仲正! 雖然我地3個人已經飽到上頭頂，但既然款款都咁好食，又點可以放過都甜品呢串燒必食既燒菠蘿！係超juicy! 超甜！棉花糖厚多士，d棉花糖係外脆內軟，真係好好味呀!!! 其待下次同朋友再食過…查看更多