yuyuyky のプロフィール

nood food呢杯開心果乳酪好正！開心果超多，超濃，乳酪夠厚身又滑，仲有脆脆開心果碎，咬落索索聲，甜度啱啱好，開心果控必試！Nood food’s pistachio yogurt is a must try!! Rich nutty flavour, thick & smooth texture with crunchy pistachio bits. Perfect sweetness—never cloying. Pistachio lovers, go for it! Always have a yogurt before / after yoga class!! …さらに見る

平時成日去鰂魚涌PURE都見到呢間 Nood餐廳。今日終於第一次試呢間餐廳，真係好正啊！佢哋嘅慢煮雞胸凱撒沙律好好食，每一啖慢煮雞胸肉好軟好多汁，加埋新鮮嘅蔬菜同香濃嘅凱撒醬，黑椒味重嘅凱撒醬味道又好食，而且做完運動，慢煮雞胸肉蛋白質好足!!! 營養完美平衡到!! 我仲食左佢哋嘅士多啤梨百香果乳酪，呢個乳酪真係必試嘅(Cheat day) 甜品。呢個乳酪混合咗士多啤梨同百香果醬既chia seed，之前食chia seed 覺得好難入口，呢度呢個乳酪改變左我嘅睇法。每一啖都係水果嘅鮮甜同濃郁乳酪，真係好好好好食!!…さらに見る

今日同朋友打算去大館睇展覽，就係附近搵間餐廳食，我就先係openrice book左呢間~ 查一查先知原來係過江龍，仲以為係日本黎既拉麵店，一search先知係美式拉麵，而且同brand仲有大家認識多D既塚田農場~果日係星期六既下午1點左右，入去果陣成間店都好空，待應都係外籍人士為主~ 我地安排到坐bar枱位置，一黎就好好咁俾左杯冰水! (係真係冰水)我地睇睇menu我就叫左呢間店最signature - 原隻慢煮雞髀醬油拉麵✿《Soy Sauce Ramen原隻慢煮雞髀醬油拉麵 $ 148》(★3/5)真係俾佢既賣相吸引左!! 一上枱果陣係好打卡able~ 除左有半浸係湯底既雞髀、仲有大量洋蔥粒、蔥粒、青絲、炸牛旁~第一啖湯底，一見佢湯面有一層油，有D擔心佢會好流~ 湯底係好重雞湯味，同一般豚骨湯底好唔同，又有少少醬油mix雞白湯既感覺，但口感唔會好似雞白湯咁厚身~ 但都相對係幾heavy 同小油~ 所以都唔會飲埋D湯~而雞髀係好容易分開D骨，又係一用筷子就撥得開，本身仲驚會唔會食雞髀，食到無曬儀態~ 因為佢骨肉分離，所以都幾方便~ 但肉質唔算嫰滑，都比較平常~ 但值得一提係我見到師傅係會係雞髀面炙燒，但食落唔太覺有咩大特別~反而最驚喜係佢既麵質，比較粗身同好煙韌彈牙~ 拉麵係以大麥製成，所以唔係純白色~ 最出色係佢既拉麵! 而且份量都好足~但整體黎講又未到真係好出色，食到最後都會少少膩，同好想飲水，都唔會係想encore 既拉麵~✿《Yuzu Salt Ramen $ 98》(★3.5/5)而朋友就叫左Yuzu Salt Ramen，比較清新D, 但都未去到好出色，而且兩粒雞肉粒都唔算好入味同好食~呢一間價位都唔平，同價位係中環應該都可以再去試下其他拉麵店~NOJO (中環)中環砵甸乍街45號The Steps ‧ H Code地下5號舖及開放空間味道：3.2/5價錢💰：$100-150回顧指數：30%…さらに見る

朋友想食韓國野好耐好耐，今次一行3人就去左我韓國飯堂食炸雞! 呢一間我應該都去左起碼5-6次，一想食炸雞就諗起佢! 而且佢既芝士雞蛋卷都真係好難忘! 但係服務態度真係有進步空間~我地一早係openrice book左位，而且係book 6:30p.m. 所以其實都無咩人係餐廳。門口 reception係冇人架，職員都係集中係出餐處。我地今次3個人坐係卡位，坐得好舒服~一如既往Menu款式選擇多，炸雞、烤雞都有，仲有share既小食好似拉麵、年糕、韓式pizza、拌飯、意粉都有!!今次我地叫左3碟，留肚去食甜品✿《半半炸雞 $ 248》(★4.6/5)食炸雞係必須既! 而且一定要叫有骨! 我試過無骨同有骨，無骨相當係無咁juicy，而且有骨食落都有感覺D!!! 今次我地半半炸雞，食左佢甜辣口味同醬油蒜味炸雞新鮮炸起的炸雞，一上枱我地就迫不及待戴手套食，點知! 熱到拎唔起 XD炸雞炸得相當好，夠乾身夠脆，而且唔會有過多炸粉。而咬落去，肉汁爆發，肉質好又嫩滑，名副其實外脆內嫩!甜辣口味大概係5少辣既感覺我個人中意食甜辣口味多D，因為醬油蒜味炸雞，食得多幾件，開始有D咸✿《芝士雞蛋卷 $ 145》(★4.6/5)每次黎我都會叫呢個雞蛋卷，就算2個人黎我都會照叫~一上枱佢既外表已經好吸引，厚厚既蛋卷，上面有茄汁同黃芥辣醬，加上上面有海量既蟹籽粒粒，打卡一流而且，一切開，中間D芝士流曬出來，每一件都會拉絲，入面好足芝士!芝士、雞蛋、芥末醬、茄汁加蟹籽粒粒，層次好夾，每一啖都好滿足~ 雞蛋卷又嫩滑，芝士好多但好creamy，唔會係好硬既芝士，好滿足好幸福!!!但值得一提，係我食左咁多次，今次既份量細左有一半，之前既蛋卷厚佢一倍!! ✿《泡菜千層酥薄餅 $ 88》(★2/5)我地今次想食下D特別少少既side dish，就叫左呢個fusion千層酥薄餅佢既賣相都係一流既，但係我地就中左伏….佢凍得好快，食左一舊炸雞再食佢，佢D芝士已經solid 左，硬曬~芝士下面係泡菜同少少既蘑菇同煙肉🍕點知呢一層就出曬事，咸到我D朋友食左一半就唔食，飲左3-4杯水都搞唔掂….其實佢食物既配搭係幾好，都好惹味，但無奈太重手而且佢既酥皮整得好好千層酥皮乾而脆，唔會好多油係底最後我地要整走曬D中間泡菜，配住芝士咁食而岩岩講左佢地服務態度真係有進步空間~ 係因為職員都係集中係出餐處。唔會幫手加水，而且叫佢地過黎叫餐/加水，佢地D面色好似都好唔想理我地咁…我地內心OS 係”唔加唔緊要… 俾支水我地自己加都得 T_T”Dodam Chicken(利舞臺廣場)銅鑼灣波斯富街99號利舞臺廣場18樓A號舖味道：4.5/5價錢💰：$150-200回顧指數：99%…さらに見る

之前銅鑼灣第一間THE MATCHA TOKYO一開到頭幾個月都係勁多人去排隊，果陣覺得好似都無必要去試一試，而宜家呢一間THE MATCHA TOKYO愈開愈多，仲開左係太古城，今日同男朋友行行下街想搵間café 坐下飲杯野，就黎試一試佢呢一間店係餃子屋出面，係一間open area shop, 都係簡約木系設計，堂內位置都好多，除左matcha drink, 仲有好多小食好似sandwich, waffle 等等，在場唔少人都有食waffle~而今次我地飽飽地都係叫左佢signature~✿《抹茶鮮奶配沖繩黑糖雪糕MATCHA LATTE FLOAT WITH OKINAWABROWN SUGAR ICE CREAM $ 52》(★3/5)一開始考慮左好耐到底上面既雪糕配牛奶味/黑糖定抹茶，最後都係試一試黑糖雪糕! 叫左餐等待既期間，睇住佢地係即場沏茶，佢地主打係用等待京都抹茶，而且佢地好大方，用大量既抹茶粉，難怪好重抹茶味抹茶同牛奶比例都係一半一半，抹茶好重味而且有少少苦甘味而牛奶都比較多，但當D冰融左D，味道有D唔突出，我覺得又未去到真係好好飲~而黑糖雪糕都比menu入面少，而且… 都唔算係好食既黑糖雪糕，一田既黑糖雪糕比佢更出色… 同埋最重要係同matcha latte 都唔太夾，好似係加左黑糖咁，但佢唔會太融入~ 或者軟雪糕反而係好D既option✿《抹茶牛油果奶昔MATCHA AVOCADO SMOOTHIES $ 52》(★4/5)呢一杯反而喜出望外! 好似成個牛油果blend左入去，而且有牛油果肉! 有口感而且好重牛油果味!但同抹茶粉其實不是太夾! 反而mix埋抹茶粉，莫名其妙有D紫菜味(唔知點解) 所以就咁當係avocado smoothies 就100分，但mix 埋抹茶粉，我就覺得唔太夾啦呢度可能新開，好多好多人排隊，而且都難搵位置坐，外賣就比較快，但我諗下次就都唔會試佢matcha latte 反而會食佢抹茶軟雪糕 / 再encore avocado smoothiesTHE MATCHA TOKYO (太古城中心)太古太古城道18號太古城中心3樓308號舖味道：3.5/5價錢💰：$60回顧指數：50%…さらに見る

今次係同男朋友係附近做完gym 一齊去搵既健康少少既餐廳果晚係平日既8:30 左右，所以唔洗排隊就直入，仲有幾枱空位，所以相當舒服既環境但注意，平日lunch time/ weekend 通常都係排滿曬長龍，大概10-20分鐘左右，天后就再多人D排~今次想做完運動食返飽dd同健康D, 呢一間以多菜少肉為名的餐廳就係最好既choice，見到男朋友既反應就知，佢會係我地之後12個月gym後既食堂。一入到鋪面，就安排坐係4人枱，所以空間好大，當我地睇緊menu仲傾緊太多choice既時候，員工好有禮貌咁走左黎問我地係唔係第一次黎，我就黎左幾次，但都想佢介紹下，咁佢就同左我地講定食係包飯同湯，而最出名係豬軟骨野菜咖哩飯同豬軟骨咖喱烏冬因為果日好想好想食烏冬，所以我地兩個都係叫左✿《溏心蛋豬軟骨咖喱烏冬 $ 79》(★4.8/5)首先要講，真係色香味俱全!!我必須讚揚他們咖喱的香氣。當咖喱烏冬一上餐果陣，濃郁既咖喱香味已經沒湧入我地既鼻，仲要我地岩岩做完運動，口水都差D流出黎 hahahah 第一啖當然係飲啖咖喱，係比較香港日式口味，唔會太甜既 (因為我個人唔太中意日式太甜太浠身既湯咖喱) 而呢個係似一般日式咖喱飯既咖喱，少少辣既(10小辣)，但又唔會過濃，但當然唔建議你飲好多啖XD而烏冬都好出色，好Q彈，煮得岩岩好，所以口感好好! 而且係好適當咁掛汁(唔多又唔少)，可以好似拉麵咁，食到雪雪聲 XD而豬軟骨因為係慢煮7小時，炆到好淋好入味，筷子輕輕一撥都已經可以分開，完全唔會韌或者「鞋」。而最最最出名係佢軟骨係好有膠質，炆到好似花膠咁，有黏口既感覺!好幸福既味道! 而且份量好大好足，有4-5舊大大舊既豬軟骨同埋仲有大量野菜，爽口既椰菜絲同粟米粒、仲有紅蘿蔔、洋蔥等等，而且好爽口，同軟淋既豬軟骨有對比，雖然豬軟骨同咖喱偏濃味，但因為有大量野菜，食完都覺得好清新!唯一係溏心蛋已經唔溏心，但都係好食既~坐忘 Camper's鰂魚涌濱海街13號中興大廈地舖味道：4.8/5價錢💰：$80-100回顧指數：99%…さらに見る

筲箕灣東大街向來都好出名，好多出名既食肆，唔同國家既美食都有!今日放工就去左呢一間食烏冬好出名既八沢!當日係平日6:30 左右都有7成滿，似乎街坊都會黎呢度食，好多人都係2個人黎食下串燒,傾下計。呢間小店好有feel，內部裝潢係日本小型居酒屋的感覺，環境好舒服，燈光微暗，又無限用餐時間，好岩deep chat。我地兩個人所以叫得2個main~✿《黑松露忌廉海鮮烏冬$98》(★4.5/5)佢最出名嘅就係「黑松露忌廉海鮮烏冬」，係本店連續11年銷量第一位! 一上菜果陣，D忌廉香味就飄散，香噴噴，湯底係以忌廉為主，奶味好重，成個湯底都係奶白色，唔算好濃稠黏糊，所以濃而不膩，而且加左少量香草同大量黑松露! 黑松露俾得好闊綽! 除左湯底好正，佢D烏冬煮得岩岩好，口感好好，滑溜溜! 但唔會好掛麵，要一啖湯加D烏冬咁食~而海鮮方面都係好食，兩隻既帶子及兩塊三文魚!帶子相對上好食! 唔會過老，好鮮嫩，但三文魚相對普通。雖然湯好creamy 唔算太膩，但係一個人食曬成碗都會膩，最好都係同人share 會好D!✿《廣島蠔肉碎烏冬 $ 88》(★4.5/5)見佢都係好多人推介，所以叫左黎試下佢!! 估佢唔到咁好食味!! 湯底清甜又有濃厚既蠔香同昆布味! 我地差唔多飲曬佢成碗湯 而且有三隻好大隻又好creamy既廣島蠔!烚得岩岩好，食落好似食生蠔咁，好滑又creamy!時間掌握得好! 當然同上面一樣，烏冬煮得岩岩好，口感好好呢碗相對又清甜又好味，我同男朋友一半黑松露忌廉海鮮烏冬 一半廣島蠔肉碎烏冬，岩岩好balance返八沢 (筲箕灣東大街)筲箕灣筲箕灣東大街59-99號東威大廈地下7號舖味道：4.5/5價錢💰：$100回顧指數：95%…さらに見る

我同男朋友都係米線控! 星期五去荃灣接佢放工就去荃灣數一數二的老闆娘雲南米線，今次我地大概6:45p.m.到，係30幾度高溫無冷氣咁排左半小時，終於入座。入座之後仲坐左大概15分鐘先上米線，不過有冷氣咁坐住等都無問題同值得啦^^ 老闆娘既特色就係老闆堅持用小鍋煮每一碗米線，即點即製的，食客又多，所以就要等咁耐啦排隊果陣已經tick定你想叫小食同米線，入座前就交單及揀野飲今次我地兩個都係叫左麻酸辣湯底$52米線可選一款配料，額外添加每款+$14。✿《麻酸辣湯底小鍋米線  (小辣) $52+14》(★4.4/5)店員一上米線果陣已經聞到好香既麻酸辣味！食米線第一啖當然係試湯底！湯底非常濃郁，麻味足，好多花椒麻香，間唔時仲會咬到花椒粒，相當刺激！食到中間，超級惹味，成個口腔同咀唇都係麻得好緊要！而且，湯底本身好足配料，有大量既肉碎，仲有D花生碎，口感豐富但相對黎講，重麻味，酸味失蹤~ 同埋佢都算係重口味，湯底偏油既果款，不過我地都係偏愛重口味米線，所以都係好出色既湯底!米線就屬正正常常，份量好多，軟硬度適中，唔會太淋!✿《招牌酥炸雞球 $14》(★4.3/5)所有炸物都係即叫即炸，每份有4舊，雞球外酥內嫩，雞球的調味好似街邊兒時既炸雞脾，酥炸恰到好處，又有肉汁，但略為油膩，配米線一同享用更是絕配。可ENCORE! ✿《反斗蝦膠豆卜 $14》(★4/5)呢個小食就比較特別，其他米線店都未必有! 所以我地都試一試佢!原來係反轉個豆卜，再釀上蝦膠(屋企都可以試下咁整)，都好得意新鮮。但係豆卜炸到有D太硬，單單咁食佢會太吉口，浸一半落湯底，就perfect。同埋蝦膠偏少，但味道一流，所以都係可ENCORE!✿《魚肉腐皮卷 $14》(★3.5/5)估佢唔到，整到腐皮超脆薄! 腐皮炸得酥脆! 魚肉好足料又彈牙! 但係呢個真係太過油，上碟果陣係油亮亮既，我地都係印係張紙巾上先好少少，不過係好食既，但以上兩個小食更出色。同樣地浸落湯底就perfect。✿《豬軟骨 $14》(★3/5)豬軟骨就相對失望，中規中矩啦，唔算特別淋身，而且會痴牙，軟骨都唔係一咬即斷，下次可以試下其他~✿《李乾蘋果茶 $18》《山楂楊梅茶 $18》 入座前已經要拎定飲品，呢D天氣下，凍茶真係一流，味道清甜，食完炸野辣湯飲返凍茶，好爽老闆娘雲南米線 荃灣曹公街8號香車街熟食中心3樓28-29號舖味道：4.4/5價錢💰：$50-100回顧指數：95%…さらに見る

喫茶ちょうぼ 呢間本店係大埔既人氣日式café ，當時疫情期間，因為佢既裝潢太打卡able，係大埔果間坐低慢慢歎住一杯latte，係好治癒好舒服! 宜家佢係尖沙咀都開左分店! 成日係ig story見到朋友去呢間分店食! 今日終於可以一試!!當日係星期日，我地一行4人6:30左右到都排左差唔多15分鐘隊先入到去!!尖沙咀呢間分店都係沿用日式家庭系裝修，配置木材傢具，而且每張枱都好寬敞，枱與枱之間都相隔好遠，好適合朋友聚會，而且唔會催趕交枱 ✿《日式紅酒燉牛面肉蛋包飯 $160 》(★4.2/5)🍛第一個上菜的是日式紅酒燉牛面肉蛋包飯，係佢地既招牌蛋包飯! 每一個店員都好細心，會等你影曬相，ready好佢先會小心翼翼用心咁切開半熟蛋 <3 蛋係流心半熟既，店員切完會再淋上秘製醬汁，打卡一流! 色香味俱全，蛋十分之滑，而牛肉都燉得好淋又入味，牛肉肉質都高質，份量又大份，一啖珍珠米加流心蛋又加牛肉，滿足✿《明太子蛋包意粉 $111 》(★3.6/5)另一個招牌是明太子蛋包意粉，平常都係食蛋包飯為主，蛋包意粉真係第一次。同蛋包飯一樣，蛋非常出色，滑嫩。而明太子同白汁一齊煮成呢道菜既意粉汁，明太子白汁中有蟹籽，而醬汁都大量咁掛係每條意粉上。每一啖加入嫩滑雞蛋，增加口感，但整碟沒有其他配菜(肉/海鮮)，是比較沉悶。整體都唔錯，但相比下，蛋包飯更出色。✿《日式布甸 $53》(★3/5)🍮見每一枱都有叫日式布甸，我地都一試! 可能我地付予太大期望，呢一個布甸令我地大失所望，是中規中矩的表現，但不值$58。甜度相當得宜，不會過甜，但不是滑嘟嘟，會動L動L既果一款。✿《焙茶麻糬沙冰 $52》(★4.5/5)🍵焙茶香濃微甘，好重好重焙茶味，係數一數二重焙茶味的飲品。而且甜度相當得宜，焙茶沙冰入口較厚身但醇滑。係食完會心情變好的甜品! ✿《抹茶牛乳 $45》(★4.5/5)我地叫左熱既matcha latte! 餐廳用古式西洋茶杯裝住，而且有餐廳logo既茶面，賣相一流 飲一啖抹茶味很濃郁! 相信店家都落足抹茶粉，而且牛乳都好香，奶泡超濃，入口都係厚身，全熱的一杯，真暖心暖胃 ^^日式café配上精緻美食，值得大家去品嚐 喫茶ちょうぼ (尖沙咀)🍽 尖沙咀河內道18號K11購物藝術館1樓117-118號舖味道😝：4.4/5價錢💰：$150-200回顧指數：99%…さらに見る

呢間紅磡人氣小店幾時會開分店!!! 求開分店!!當日係星期六1點半左右，門外面已經有4 pair人等緊位但好好彩等左10分鐘左右就入得去!呢間小店好適合想食得健康又想有多選擇既人去食! 小店提供唔同既-飯(醬油蛋/明丸子等) -主食(牛肉壽喜燒/牛助條等)-冷盤(牛油果沙律/南瓜沙律等)-甜品(米氣雪糕等)我地可以按自己想食既份量去叫餐! 而且環境又靚，日式風格，當日落完雨，係入面飲住茶，真係好舒服因為我都黎左好多次，基本上都有好多必食推介店內No.1 必食既一定係✿《醬油蛋飯 $22》(★4.8/5) (當日我好幸運遇到期間限定吞拿魚蓉醬油蛋飯 $38)醬油蛋醃製得好好，好入味，唔會太咸，蛋味又濃。而且吉穿蛋黃之後，見佢好似熔岩咁流出黎睇住都好治癒～ 而米飯都係唔乾身，米水比例剛好，有米香，很適合撈飯！期間限定吞拿魚蓉係底，一啖吞拿魚蓉配醬油蛋配一啖雞團子，美食係我口入面跳舞既感覺店內No.2 必食就係✿《月見博多地雞團子 $48》(★4.8/5)雞團子外邊煎到焦香，每啖都蘸碟上甜甜地嘅醬，再配一啖飯。要雞肉煎得外脆內嫩相當困難，呢度就$48食到… 太好食! 所以每次都會encore 再encore✿《蒜蔥燒牛肩肉卷 $45 》(★3.2/5)令次就一試牛肩肉，一上台已經聞到好多好香蔥蒜味，牛肩肉肉質正常，唔會韌，但未去到一咬即斷，單食牛肩肉都還好! 但係假如不配上蒜蔥，單食肉係食唔到蒜蔥味。呢一道就不過不失，唔會encore！✿《明太子飯 $22》(★3.2/5)朋友叫左明太子飯，明太子既份量好多，微辣，用黎配飯一流！但係個人都建議醬油蛋飯✿《牛肉壽喜燒 $48 》(★3.2/5)食落真係好平常，無咩大印象，湯汁偏甜，但平身飯已經有蛋汁，再加壽喜燒汁就會偏濕! 唯一牛肉份量較多，好飽肚!✿《豚軟骨煮 $48》(★4.0/5)發現可encore的豬軟骨! 豬軟骨煮得好入味同好淋,筷子一撥就可以撥開豬肉，味道較重口味，單食會太濃，但配飯一流✿《米気雪糕 $30》(★4.5/5)食完會念念不忘的雪糕，雪糕texture 好似gelato，因為係飯既黏力，食落你都會feel到有飯粒既小小黏，口感好似糯米飯咁但同時creamy!! 而且上面仲有D脆米，一啖食落口感仲有層次，呢個係必食NO.3!!但唔知大家有無發現我地碟上到底有幾多粒蛋呢XD 米気 (紅磡)紅磡黃埔天地百寶坊(第3期)地下G32號舖味道：4.5/5價錢💰：~$150回顧指數：99%…さらに見る

大家係唔係估唔到係蘭桂坊度會有一間和風文青café呢，café入面竟然仲好多哥哥既poster，但播既歌又竟然係快歌~值得提提既係餐廳位置偏僻隱蔽，係雲咸街樓梯位，幾位朋友都迷路，好似佢地講既係”跟住google map啦, 佢指果個方向係牆都要跟住行!” XD呢間餐廳大部分都係賣飲酒既, 但都有定食/小食/甜品可能揀當日我地就食左定食✿酒釀雞捲定食 $168 (★3.2/5)定食包括醉雞卷、關東煮、前菜、半熟蛋、稻田烏冬和一碟芝麻醬。醉雞卷十分濃郁，但不是每個人都接受到。但係我個人就好中意佢咁濃，而且質感比較札實，咬開仲有一絲絲嘅雞肉! 旁邊仲有酒釀汁，想再濃D就可以再蘸多酒釀汁! 食完仲有好深刻同豐富的酒香氣。>關東煮的湯很入味，好清甜但唔會太咸，有豆皮大根芋絲。而大根煮到好綿，入口即化，但其他就屬普通~>半熟蛋、稻田烏冬，烏冬普通.. 我就一半蘸芝麻醬食，另一半就同蛋撈黎食～都比較一般就住呢個set… 定食的搭配有D格格不入。醉雞卷和其他食材的搭配似乎有D欠缺，讓整道菜感覺有點失衡。如果有下次可能只單點醉雞卷也夠…✿芝士蛋糕 ($68) (★3.8/5)當日係想叫其他cake~ 但係店員同我地講佢地我返2款蛋糕… 最後都揀左呢一款蛋糕淺嚐一下cheesecake味道幾香濃綿密，並唔係流心果款，芝士味好濃郁而且texture 好creamy，係不錯既cheesecake。但價格有些昂貴~味道：3.2/5價錢💰：$150-200回顧指數：50%…さらに見る

呢次已經係第三次食蕃茄仔!餐廳位置比較偏僻，距離銅鑼灣站都要行6-8分鐘左右宜家大熱天時真係要俾多D耐力先去蕃茄仔食野呢間店舖好細 大概容納到16個人左右平時peak hour 都要排隊果日係平日放工6:15就到岩岩好唔洗排隊環境比較窄，如果想傾計就唔係一個好既option✿秘制豬扒上海麵 $68 (★4.3/5)✿湯底建議大家都係食佢招牌自家鮮茄濃湯湯底真材實料 好濃厚 有番茄粒粒唔會太酸，帶一點甜味湯比較杰身通常我都會飲曬D湯底最重要係我都唔會好口喝✿麵底麵底就有上海麵同刀削麵揀兩款都我都試過上海麵就比較掛湯每一羹我都會有湯有麵 waaa~ 真係好濃郁最出名係佢係麵上加咗少少炸蒜同蔥，配埋湯麵一齊食，有另一種風味，成碗麵更加豐富✿秘制豬扒都非常出色，比起炭燒雞扒，個人仲中意食秘制豬扒秘制豬扒滑嫩又多汁份量都有4舊左右 (比較少)但加埋成碗麵就好飽肚$68咁好食既晚餐，仲係銅鑼灣真係性價比極高!提提大家要帶Cash，佢地收cash!!!味道：4.3/5價錢💰：$50-100回顧指數：99%…さらに見る

平時係北角返工，呢一間係同事口中都經常聽到既素食餐廳。位置比較偏僻，基本上唔係北角人都可能未必知有呢間咁出色的素食餐廳!我同同事係5月既時候去食Lunch Set! 一般都建議大家去叫平日既lunch set(平均120蚊一個人)! 佢有2人set4人set，如果你係一行3人，餐廳仲可以幫你做3人份，價錢都係按平均既計返^^ 超級貼心當日我地就叫左二人餐 (再轉三人份)✿餐前小食 (★3.8/5)未上set 之前係有餐前小食!! 係花生同素既肉乾，都係好好食既! 大家唔好食曬先，之後既野食仲吸引!✿燉湯 (★4.0/5)set 會先上一個燉湯，燉湯好足料，好清甜，入面有腰果、鹿茸菇、龍眼肉等等，菇既香味味道突出，味道同一般以肉燉湯無分別! 值得一試。✿糖醋咕嚕 (★4.8/5) (必試!) 必試! 每一次黎素之樂都必食既糖醋咕嚕! 食落去同真正既咕嚕肉好似! 而且色香味俱全，連旁邊既菠蘿都好甜! 想無限encore! 送飯絕配✿野菌雜菜 (★3.8/5)同一般雜菜相若，無咩特別✿點心拼盤 (★4.0/5)點心拼盤有燒賣、蝦餃同春卷燒賣食落有少少粉絲係入面，正常蝦餃出色，似真正有一隻鮮蝦係入面；春卷比較出色，入面都係韭黃、高麗菜、紅蘿蔔等等✿素魯飯 (★4.0/5)素魯飯：係比較甜既素魯飯，飯身比較乾身D，但同咕嚕肉或者雜菜一齊撈飯食就好美味✿是日甜品 (★3.8/5)馬蹄糕比較普通，無特別。…さらに見る