windydy's Profile

放工同屋企人黎呢邊食晚餐。店內環境寬敞，坐得舒適。餐牌上有好多選擇，可以用QR code落單好方便，實體餐牌亦有中英對照。先黎一盅五指毛桃燉雞湯，鮮甜不油膩而且夠真材實料。主食揀左新加坡海南雞飯，同埋西芹腰果蝦球。海南雞鮮味而且夠嫩滑，配番茄片同青瓜片清爽不膩，飯粒分明有口感。西芹汁多爽脆，蝦球新鮮爽口，腰果亦夠香口，配上雜菇更有風味。另外仲叫左沙嗲牛肉麵，係傳統冰室必點食物，牛肉唔會韌，沙嗲味濃夠哂惹味，麵質亦岩岩好。最後再加杯凍檸檬茶夠哂滿足，凍檸茶份量多，甜度同檸檬適中，好飲又解渴！…Read More

夜晚同屋企人黎呢到食shabu shabu。呢到座位好寬闊，坐得好舒適。餐牌上有唔同既放題套餐選擇，我地就揀左美牛三重奏😋一人一鍋十分方便衛生，仲可以掃QR code隨時追加配料。另外自助吧亦有好多選擇：蔬菜、丸類、飲品、雪糕…仲可以調配自己想要既醬汁。湯底方面，我揀左骨膠原美顏玫瑰花膠雞白湯，而屋企人就揀左蟲草花胡椒豬肚湯。掃一掃QR code就可以揀想追加既食物，點左和牛同牛小排，另外仲有黑毛豚肉，全部味道都夠哂濃郁。仲叫左廣島蠔、墨魚仔、海虎蝦同帶子，都好新鮮。除左呢啲掃code落單既高級配料，自助吧既配料都好正，尤其豬皮😆好爽口，而且處理得好好。飲品亦有好多選擇，仲有烏冬同白飯可以任添，但其實食完啲肉類已經非常飽！😋…Read More

放工同屋企人去左呢間日式食店食晚餐。外表睇夠哂日式感覺。裡面座位好多，卡位睇落都好好坐。一坐低店員就奉上檸檬水一杯。呢到主打鯛魚湯，睇餐牌有好多選擇，丼飯、定食、咖哩飯…就咁睇好高級同夠哂吸引。仲可以QR code落單，夠哂方便。點完餐，好快已經可以上餐。我點左花膠扒王鯛魚湯烏冬，第一次見咁大舊花膠，食落好有口感，充滿膠質🤭鯛魚湯味道都夠濃，感覺都夠鮮甜，而且新鮮熱辣，呢個天氣食真係好爽呀。烏冬都夠彈牙，另外仲有啲木耳絲同海帶。屋企人就叫左海膽海鮮丼飯，睇落夠豪華同足料，食落都新鮮，另外仲配有味噌湯。…Read More

早排幫襯過後一食難忘，今次再同屋企人黎銅鑼灣呢間分店覓食！同樣可以QR code落單，真係好方便！上次食過水門雞飯十分得我心，所以都推介俾屋企人，而我今次就揀左泰式豬手飯，另外仲叫左泰式生蝦、泰式奶茶同埋大菜糕。屋企人對雞飯讚不絕口，特別話個秘製醬汁配搭得好好！而我叫既泰式豬手飯味道偏辣，十分開胃，豬手亦整得夠淋。兩個主食都包一碗湯，冬瓜大大舊，十分清爽。生蝦依然保持水準，好新鮮！屋企人同樣大讚生蝦配既汁料同苦瓜。泰式奶茶味道夠濃，好飲！食完咁多野但唔夠喉😂屋企人仲叫左個大菜糕，大菜糕口感爽口，另外加左好多椰汁，滿足埋想食甜品既胃😋…Read More

去旺角行街，順便係呢邊食午餐。我自己好鍾意食東南亞菜式，見呢間泰式餐廳好受歡迎，所以慕名而來。呢到可以QR code落單，好方便，套餐搭配湯同飲品，系統都好清楚展示。我揀左水門雞飯，再加雞雜，雞口感唔錯，份量算多，配醬汁夠惹味，另外加配雞雜，雞腎同雞腸夠哂鮮味爽脆。套餐仲配冬瓜湯，有胡椒味，清甜得黎亦夠開胃。平時食刺身時我都鍾意揀食蝦刺身，所以見到有泰式生蝦緊係要一試！生蝦新鮮爽口，擺盤有特製辣醬料同苦瓜，賣相夠哂靚，而且味道好好。另外仲叫左杯龍眼水，滿滿龍眼果肉，味道夠濃，但亦容易入口同解渴！整體黎講呢到啲食物性價比都好高，值得再去食！…Read More

今日放工後同屋企人黎呢間台式餐廳食晚餐。店外佈置夠哂特別，有種懷舊迷濛既感覺。入到店內同樣地好有特色，真係好似去左台灣夜市咁。呢到可以QR code落單，十分方便，餐牌一目了然。餐廳推薦牛肉麵，所以就叫左一碗半筋半肉幼麵。牛肉麵份量唔少，牛筋同牛肉都好足料，牛肉仲帶有啲筋，牛筋同牛肉都煮得十分軟淋，湯有啲藥材味，十分香濃，成個牛肉麵都十分高質！另外仲叫左台式鵪鶉蛋滷肉飯，比起一般滷肉飯唔同既就係，用左鵪鶉蛋！蛋煮得夠入味，旁邊仲放左醃黃蘿蔔，令滷肉飯本身既油膩感減低，黃蘿蔔同滷肉既配搭好好。除左兩道主食，仲叫左個小食——蚵仔煎。同台灣一般見到既唔同，呢款比較香脆可口，仲有少少煙韌既口感，配台灣蚵仔煎常有既醬，鹹鹹辣辣又帶點甜既味道，配搭香口既蚵仔煎真係正！食台灣野點少得台式飲品呢？同屋企人各自叫左一杯黑糖冬瓜茶同香芋鮮奶，冬瓜茶清甜易入口好解渴，而屋企人都話香芋鮮奶奶味夠濃！…Read More

周末同屋企人黎西灣河食東南亞菜式。呢到係正街角位，遠遠望已經見到。未到六點已經有好多食客。餐廳環境唔錯，座位間隔舒適。鍾意食東南亞菜式既我，見到餐牌覺得好多都好吸引。我同樣地離唔開海南雞呢類菜式😂不過今次唔叫飯，叫左喇沙。喇沙有米線、魚片、豆卜同雞蛋等，而海南雞就分開放係另一隻碟，咁就可以試真啲海南雞既味道。見到雞皮下既「啫哩」，食落嫩滑。而喇沙味道唔算好辣，椰香味濃。而屋企人就叫左新加坡肉骨茶，我試左一啖湯，好香濃既藥材味！肉既質感亦夠軟淋，容易入口，仲有香菇同成個蒜頭😯另外我地仲叫左杯龍眼冰同熱文冬薑茶。龍眼冰有好多龍眼肉，味道清甜好飲！屋企人都話文冬薑茶好濃薑味，好好飲。我覺得呢間東南亞餐廳性價比好高，價錢合理，味道亦好好，坐得又舒服，職員亦十分有禮貌。…Read More

早幾日去左諸勝堂食午餐。呢到裝修有啲懷舊，雖然算係港式茶餐廳，但感覺有啲日本風，店內會播放日系輕音樂，坐得都算舒適，店員亦十分有禮貌。餐牌菜式充滿港式風味，但又有啲唔同，多左一啲特色餐，每日仲會有唔同既特餐。我揀左自家製海鮮XO醬肉眼豬扒飯，睇個名夠哂高級而且有特色。豬扒飯黎到既時候我眼前一亮，同一般茶餐廳碟頭飯好唔同，飯同豬扒既擺位靚，仲有啲沙律菜做點綴，重點係好好食！我一直覺得豬肉好難煮得好食，尤其係豬扒呢類，但呢到既豬扒係好鬆軟juicy，配自家製海鮮XO醬，辣辣地，又夠香，真係食得好開胃，送飯一流！呢到既白飯都煮得岩岩好，粒粒分明。我另外仲叫左杯鮮薑汁奶茶，味道好特別，鍾意薑味飲品既你真係要一試！總括黎講，係好有特色既港式餐廳，價錢親民，味道高質，難怪平時咁多人幫襯！…Read More

鍾意食東南亞菜式既我見到呢間新開，又過黎食下野。之前去過附近另一間分店，呢到同個間一樣店外都放左好多東南亞小食，而呢間仲可以堂食。店內裝修好靚，座位坐得舒服。餐牌又係有好多好吸引既菜式，而我又係叫左必點菜式——海南雞飯😂真係去邊到食野，見到海南雞都想試下。海南雞煎葉果飯，轉左黃薑飯。海南雞份量都算多，黃薑飯整成三角錐體咁，好特別。雞肉夠厚，雞皮夠滑，配佢地既特製醬汁夠哂惹味。另外我仲叫左一杯鮮奶珍多冰，同埋一款泰式小食——酸辣八爪魚仔。我係珍多冰控，呢杯珍多冰既椰汁同奶味都算重，香濃好飲。冷盤八爪魚夠哂爽口，酸酸辣辣既味道令人更開胃，推薦！有機會會再過黎買下印尼糕點，之前係另一間分店食過都好食😋…Read More

周末黎到呢間燒味店食下午茶，下午茶時段更優惠。呢到好近地鐵站，係一間小學隔離，平時經過都見多人幫襯，所以趁有機會就試下。店舖裝修好新派，座位都算多。以燒味店黎講，食物都算多選擇，除左飯之外，仲有瀨粉同河粉，另外加錢仲可以轉烏冬或出前一丁。我叫左雙拼飯，油雞拼燒腩仔，另外仲叫左杯蜂蜜蘋果茶。可以見到油雞雞皮下薄薄既脂肪，食落滑嫩，口感鬆軟。我覺得燒腩仔可以睇得出一間燒味店既功架，呢到既燒腩仔好好食，皮脆肉嫩，肉同脂肪層次分明。除左油雞同燒腩仔，仲有薑蔥同芥醬，分別沾上，味道更好更惹味。菜心雖然唔係主角，但同樣新鮮幼嫩。蜂蜜蘋果茶幾特別，入面有細細粒既蘋果肉，味道清甜。…Read More

今日去開屯門，經過屯門時代廣場附近，黎左呢間星馬菜餐廳。呢到座位幾舒適，除左有實體餐牌，亦可以掃QR code點餐，十分方便。有好多唔同菜式選擇，喇沙睇落都好吸引，而我對海南雞情有獨鍾，所以見到有海南雞真係要試下。叫左海南雞飯，配左雞湯同配菜，另外仲叫左凍橙檸茶同蝦餅。雞湯大大碗，有白蘿蔔，另外仲充滿芫茜同蔥既香味。海南雞去左骨，夠哂貼心，醬汁甜甜地，雞都夠嫩滑，另外配左青瓜，十分清爽解膩。蝦餅炸得好脆口，配酸辣醬好惹味。橙檸茶好特別，橙汁加檸茶既味道，飲落好清新又解渴。…Read More

店名讀法係「Tokyo Chikara Meshi」，「Chikara」意思係「力量」咁解，上網查下資料原來好有意思。講番呢間分店，呢到位於旺角鬧市，中午時間有好多人，而我揀左接近下午兩點既時段，就比較容易入座。呢到環境好舒適，座位間隔好好，而餐具係檯側，亦有提供水同杯。用手機掃QR code就可以點餐，餐牌一目了然，點餐十分方便。我揀左野菜燒牛肉定食，定食配有白飯、味噌湯同沙律，另外加左泡菜同一罐汽水。煮完即時上菜，餸菜新鮮熱辣，牛肉煮得岩岩好，唔會韌，味道唔錯，野菜食落亦好清爽。搭配沙律，可以中和番肉既香濃味道。泡菜都唔錯，送飯一流。另外食肉真係唔少得一罐汽水😂整體感覺唔錯，價錢合理，店員服務態度亦好好。…Read More

今晚同朋友黎灣仔食飯，想食台灣野，就試下呢間。呢度位置好近地鐵站，好方便。店舖牆上放左好多台式食物相。同朋友睇完餐牌，決定要手撕雞肉燥拌麵、炸豆腐肉燥飯、珍珠奶綠同小麥胚芽奶茶。手撕雞肉燥拌麵，手撕雞幾嫩滑，份量都算多，肉燥味道都唔錯，加埋配料醃菜同滷蛋，中和肉既香濃感覺，將所有野連麵一齊撈埋食，好食😋炸豆腐肉燥飯，炸豆腐外脆內軟，好香口🤤，搭配肉燥同滷蛋，好有台灣風味。珍珠奶綠，珍珠甜而不膩，而且夠彈牙，奶綠味道惹味，加埋黑糖珍珠，成杯感覺甜度岩岩好。小麥胚芽奶茶，呢杯朋友叫既，但我都飲左啖😁多左小麥胚芽增加成杯奶茶口感，好飲😋…Read More

放工後約朋友係銅鑼灣，順便係呢邊食晚飯。之前經過呢間餐廳好多次，成日俾門外糕點吸引，而今晚就同朋友坐入去試下店內食物。店內佈置好有特色。餐牌上有好多種類食物同飲品選擇。以前就食過唔同印尼菜或其他東南亞美食，珍多冰真係每次必叫。飲落椰汁味幾重同甜，都唔錯。朋友就叫左柑桔青瓜冰，睇落好特別。巴東牛肉花膠湯粉皮。有幾大舊既花膠，牛肉就辣辣地，好重香料味，仲有條秋葵好清爽，湯就好清甜帶少少香料酸味。燒雞班蘭尖塔飯。尖塔飯好得意，有啲班蘭椰香味，燒雞就大大隻同好香。另外仲叫左印尼沙律，加多加多。好多菜同豆腐，配花生醬食夠哂惹味。整體感覺唔錯，同朋友都食得好飽。…Read More

放工後行開銅鑼灣，經過呢邊順便買啲野食返屋企做晚餐😋呢間舖外觀設計睇到哂各樣食物同飲品，我自己本身都好鍾意食東南亞食物，所以都揀左幾款。黑面神炒麵。就咁睇個名就覺得好特別😂外表睇落黑媽媽，但炒得好香，亦好惹味，而且係即叫即炒。牛柏葉，配左香茅、辣椒、青檸、紅蘿蔔絲等等，食落辣辣地又有啲清新味道，充滿南洋風味。羅漢果果皮水，天氣咁熱飲呢個就岩，清下熱同時飲落甜甜地，解渴之餘又易入口。雜錦千層糕，叫左咁多野點少得甜品，呢個係我係印尼店必叫既食物，呢到仲有三款口味，一次滿足三個願望😂分別係薑汁味、班蘭味同埋黑芝麻味。食落口感都唔錯，夠煙韌而且唔會太甜。…Read More