Man ch's Profile

我老公又買左套票。一年起碼食幾次尼間吉列炸豬扒。的確好出色作為老客仔的我真心覺得，現在的晚市套餐十分抵食。今日我和老公各人都叫左尼個$212套餐。上食物前會有白芝麻俾你，等你將佢磨到變粉狀。再倒入豬扒汁。等陣用黎點炸豬扒😋😋😋套餐包括：♥️炸物：吉列上級豬扒、深海大蝦、廣島生蠔炸物好出色，外脆內軟，一點都唔會乾巴巴。咬落去肉汁鮮嫩可口.♥️新鮮的刺身小鉢三點（甜蝦、三文魚&油甘魚）♥️迷仔滑嫩的日式蒸蛋♥️濃濃的麵豉湯，湯入面有細細滑滑的豆腐粒，海帶及蜆肉。仲有椰菜絲係任食，可以無限refill. 旁邊會有柚子汁和紫菜汁倒入椰菜調味。兩款汁都好夾。最後，有西瓜同熱茶。真係好完美！#美食 #yummyfood #炸豬排 …Read More

今日去太古城中心接老公放工。老公介紹我一間炸雞好好食！所以就去左尼間Banchan and Cook食晚餐！見到有$398 套餐，包括主菜+炸雞半份+分享盤+甜品+兩杯自選飲品，都係$398 真係好抵！所以就叫左尼個套餐♥️♥️ 主菜：橡果黑毛豬卡邦尼意粉5/5流心蛋配卡邦尼不嬲都絕配。尼間的意粉煮得好彈牙有咬口！炸雞半份 有骨(甜酸味）4/5岩晒鍾意甜甜酸酸的朋友。雖然多醬汁，但都不影響外脆內軟的口感。好Juicy!燒醬油黑毛豬白切肉配大醬生葉4/5黑毛豬好有豬肉咪，配埋生菜青椒，蒜頭真係一流！佢個豆瓣醬就唔好落甘多，唔係會好咸。甜品：Banchan & Cook提拉米蘇5/5尼個甜品好好味，朱古力好有咬口，配埋粒粒紅豆，真係好好食！飲品：白桃甜蜜梳打&溶化朱古力…Read More

西貢街坊系列：今日特登去西沙新商場。雖然未到聖誕節，但聖誕氣氛十分濃厚。經過phi.coffee.pancake,本身想食個招牌Pan cake. 見到有個聖誕餐，$388 送兩杯飲品再半價可以食到個招牌PanCake.真係超值！即刻心心眼😍楓糖烤南瓜沙律 ：🎃好味4/5 ，前菜既開胃又健康！地中海式蕃茄海鮮配吐司 ：🍅4/5，吐司好出色，咬落去既脆卜卜又鬆化。再配上惹味的蕃茄汁，啖啖海鮮！手撕牛肉意大利飯：4/5，🍅蕃茄愛好者必點！焦糖脆脆鮮奶咖啡&開心果咖啡：5/5🌈🌈我點的是開心果咖啡，面上有好creamy的泡沫，配上碎碎的開心果粒，入面再配合埋咖啡。岩晒開心果的愛好者！招牌♥️♥️焦糖蘋果肉桂梳乎厘：5/5PHI 最出名的梳乎厘，真心必食！動L動L！！入口即化。配埋雪糕蘋果肉桂，甜甜酸酸，又凍又熱。真係好好食！我的最愛！尼餐聖誕大餐以甘完美的甜品作收尾，簡直係perfect!!#phicoffeepancake #phi Coffee #Souffle #Pancake Cafe #打卡 #Chill #聖誕餐 #聖誕大餐…Read More

今日同老公提早慶祝10週年紀念日 。特登係OpenRice 訂左尼間L’AMOUR 作為慶祝我地10週年的餐廳。今晚的晚餐是一個豐盛、幸福和快樂的晚餐！餐廳環境好有情調、暗中帶光，又有打卡位 。影到我地好靚。服務員態度和藹親切友善。我地食得好開心 。我地叫左Oyster Buffet 12CM蠔王放題♥️有三款生蠔選擇（任食）：1. 日本宮城生蠔Maruyoshi ：最淡口，偏爽口2. 法國諾曼第生蠔 Normandle：最重海水味，又肥美又creamy. 係三款入面最creamy的。3. 澳洲哥芬灣Coffin Bay：我自己覺得尼個最適中，既肥美又咸淡適中。真心推薦鍾意食生蠔的朋友仔，黎尼間食到痛快！尼個餐除左生蠔，仲有是日沙律及白松露蟹肉沙律。♥️沙律一上場，又睇得又食得，立即食欲大增。1. 白松露蟹肉沙律：黑魚子醬上面有金箔，立即high class左，下面有蟹肉沙律🥗。將佢放在面包上一咬，脆卜卜，魚子在口中卜卜甘破開，再配埋蟹肉沙律。口感豐富又美味。沙律新鮮。好開胃。2.是日沙律-Parma ham 沙律：由Parma ham 包住沙律菜。真心建議加$38叫個白松露蟹肉沙律，睇得又食得！！♥️餐湯：南瓜湯及手工黑啤龍蝦湯 兩款湯上面的圖案畫左個蜘蛛網。睇得又似得！1.南瓜湯：清甜的南瓜湯2. 手工黑啤龍蝦湯 ：湯上有白色泡沫，白色泡沫有種微苦的黑啤味，再配埋濃濃的龍蝦湯。♥️意粉：炸九肚魚青醬貓意粉及招牌龍蝦帶子薏米飯1. 炸九肚魚青醬貓耳意粉：中西合璧，有脆卜卜九肚魚再配埋貓耳意粉好有咬口，青醬好入味，尼個意粉新穎又好味。2. 招牌龍蝦帶子薏米飯：啖啖的龍蝦肉及好大粒的帶子，龍蝦汁燴薏米飯再配埋魚子，既精緻又惹味。♥️主菜：1. 傳統法式油封鴨髀配焦糖蘋果：本人好鍾意食法式鴨髀，滑嫩的鴨髀啖啖肉，再配埋清甜的蘋果，中和左鴨髀的油膩感，真心好夾。2. 威靈頓牛柳 Beef Wellington ：每次食法式菜必點的一款菜式。外脆的酥皮再夾住牛柳。絕配！♥️甜品：原隻海膽雪糕 及芝士蛋糕美好的時光當然要由美味又精緻的甜品作收尾。PS. 黎得蘭桂坊 當然要飲下酒賀一賀佢。所以我地叫左杯Rainbow 🌈來襯托今次10週年紀念！！…Read More

行完隔離永安 黎尼到食個晚飯。今次係第二次黎食！ 個二人套餐好抵食$388 有半隻雞連湯底，包一碟牛，煲仔飯同蔬菜。足料又抵食。 真係好滿足。椰子雞湯底清甜，雞件足料，嫩滑多汁。肉質爽脆，一D都唔「梅」。套餐包的肥牛，絕不馬虎。肥牛 脂肪與肉的比例平均，入口即溶。脂肪與牛肉的味道融入口腔。好味道👍👍再配埋個煲仔飯。好有廟街特色。今次加左$20食個新推介的白鱔飯。白鱔肉質彈牙，煲仔飯好正宗。好多飯焦。鍾意食白鱔 必點！…Read More

今晚黎個韓國之夜。去喜來稀肉燒下韓燒。入到場，有自助區。可任拎生菜，泡菜及醬汁等等的配料。另外，一讚既係服務一流，燒左唔夠一round,已經有員工主要行埋黎幫手換鐵板。我最鍾意既係佢用真牛油放係鐵板上面。令整個韓燒更有牛味👍講番主菜🌟🌟🎉喜來烤肉 $158牛肉黎。上菜時包到成朵花甘，好有儀式感。燒起喜來牛肉，濃濃的牛肉香味迎面而來。一塊塊牛肉配埋牛肉醬一絕。唔使包生菜，先食到牛肉的原汁原味。五花肉$180厚厚的五花肉係韓燒一定要點的。燒一燒，‘炸炸’聲，已經急不可待地等呀等呀。終於食得，一咬落塊豬肉味濃郁，脂肪溶入口中，肉質多汁鮮嫩。再包埋生菜同其他配料，中和五花肉的肥膩。 好滿足。牛排骨湯$125好想飲湯，尼個牛排骨湯要點，清清的牛肉湯，熱騰騰的，湯入面有大蔥，韓國粉絲作配料👍👍今晚尼個韓國之夜好滿足。…Read More

荃灣愉景新城開左間炑八親子餐廳。仲開埋個烘焙工作坊。作為粉絲的我同囡囡都想黎。所以book左個整麵包🥖的烘焙班。尼到仲有好多其他烘焙班，例如整蛋糕、曲奇、馬卡龍等等工作坊。工作坊的環境好岩小朋友黎玩。有小朋友的圍裙、墊高椅及其他工具供小朋友用。我同囡囡都玩得好開心。整個過程簡單，導師指導好清晰。囡囡好快上手。有6成都係囡囡自己整。👏👏😆整個過程連埋焗要1.5-2小時。等既期間可以係隔離炑八餐廳一路玩一路食。好方便！ 唔使白等。囡囡仲話下次要整埋個士多啤梨蛋糕甘話🫶🫶…Read More

知道炑八係荃灣愉景新城開左間新店仲有間烘焙工作坊，所以同囡囡就黎又整麵包又玩又食！一舉三得。尼到既波波池真係好吸引（對於小朋友黎講）。因為我個囡一黎到粉紅波波池就嘩嘩聲，連最愛著的韓服都唔著。淨係顧住玩波波池。玩到唔捨得走。食物方面。我地叫左頂級箱降牛小排、仁川鰻魚（全份）及芝士無骨炸雞全份。燒仁川鰻魚真心超級無敵好食！燒仁川鰻魚真心超級無敵好食！燒仁川鰻魚真心超級無敵好食！ （重要的要說三次！）燒到皮脆肉嫩，肉質彈牙。好難得係香港食到甘好肉質的鰻魚。一定要叫！必食！另外，牛小排的牛肉味濃郁，肉嫩！而芝士無骨炸雞🍗，炸出黎新鮮滾熱辣，皮脆多汁，好juicy.唯一美中不足的是唔夠芝士，對於芝士控的我黎講，要好多先夠嫁嘛🫢我地叫左「韓國公主蛋包飯城堡」及「蝸牛紫菜飯卷」俾小朋友食。每次黎到炑八食飯都好驚喜。因為佢嘅兒童餐真係又靚又好食。小朋友同我都食得好開心。因為我都有份食😆。甜品方面，我地叫左「水果忌廉三文治」、「蘋果香蕉窩夫」及「水果迷你班戟」水果忌廉三文活造型好cute!係熊仔🐻。用三個甜品完結左我地今日一舉三得的行程。好滿足又開心呀！*餐廳真係好細心。仲有糊仔餐提供。岩晒6個月大的小朋友過黎！ …Read More

尼間想食好耐。成日見人排長龍，都唔得閒去排。今次終於比我食到。佢個名叫「姚姚酸菜魚」必點酸菜魚。我地又加左闊薯粉&中辣。分量好多。魚味十足之餘，酸菜魚酸度全面升級！！又酸又辣，好過癮！另外，我地仲叫左麻辣香鍋：鮮蝦、脆皮肥腸、花菜、蓮藕片&豬頸肉。分量十足，又麻又辣。鮮蝦外殼炒得好乾身，蝦又夠嫩身。肥腸又正又惹味。花菜同蓮藕片唔使講，係麻辣香鍋的絕配。😍配埋杯茉莉香橙🍊，好夾又解渴！ 總括來說，分量多，味道正。唔怪得甘多人排隊。唔食得辣嘅朋友仔，可以食姚姚蕃茄魚。…Read More

「紅磡串門子」又到食串燒的日子！！放工後，要輕鬆下。食下串燒飲杯啤酒。尼間串燒燒得好好味。食得又自在。燒茄子：燒得淋身又惹味。熱門推介：燒脆香卜卜魚腐，有驚喜。外脆內軟，甜甜咸咸的，好有風味！👍蒜蓉燒美國大生蠔：今日特別想食蠔。尼個蠔燒得好夠味，又juicy又啖啖蠔肉。風味燒魷魚：燒得一點都唔會乾爭爭。仲好彈牙。惹味辣汁燒花甲：花甲好夠味，又無沙，啖啖肉！燒虎皮青椒：好辣！爽！仲有好多其他串燒，唔多介紹。自己黎試下！值得！姐食的是美食與氣氛！…Read More

入到去見到個好大既mon一路播住日本風景,一路播住first love. 好有情調。有種置身於日本既感覺！吞拿魚全食 $218(大拖羅,中拖羅,赤身各2切）全部都入口即溶，濃濃的吞那魚味連埋魚脂肪溶入口中，好美味。唯獨美中不足係，大塊D就好啦。𩶘魚湯：濃濃奶白的魚湯，鮮味無比！叫左幾串串燒。雞胸軟骨、雞皮、牛舌心、提燈、牛柳串，配埋杯提子乳酪燒酒特飲。 一口串燒一啖特飲，大快朵頤！最特別的魷魚糯米飯。魷魚入邊包住糯米飯，再點特秘醬汁，認真和味！…Read More

尼間係我屋企人成日黎食既雞煲。今日突然想食雞煲就黎尼間食下。今日好想食辣 所以叫左個火焰麻辣雞煲中辣。好期待。環境唔錯，如果坐窗邊有旺角街度景觀。服務好好。員工態度好有禮貌！👍一上枱煮左陣，店員走過黎點火。嘩！竟然有表演睇！著火🔥的雞煲，陣陣既雞煲麻辣味出晒黎。流晒口水。已經急不及待夾起件雞食。我地叫左個細份雞煲。全部都係雞髀肉。啖啖肉。又嫩又多汁。再加埋雞煲既醬汁好惹味。食到停唔到口。趁佢未加湯，用埋本身雞煲嘅醬汁黎煮手切牛頸脊同響鈴卷。十分惹味。完全唔使點鼓油辣椒醬都好夠味道。我仲叫左個竹笙墨魚滑，係竹笙包住墨魚滑。尼兩樣都係我鍾意食既。一咬落去，已經滿足左我三個願望。下次要試下個芝士雞煲先。…Read More

有小朋友後，就留意多左親子餐廳。尼間係周圍朋友都極力推薦的親子餐廳。食物好味又有地方比小朋友玩，環境又舒適。岩晒一家大細黎。服務又一流。餐廳入面的員工仲幫小朋友著韓服，既溫柔又親切，睇得出佢地都好鍾意小朋友🥰就黎聖誕，餐廳仲好有心設計左尼個兒童聖誕節套餐：聖誕老人禮物便當&聖誕蝴蝶粉花園。好有心思，靚到唔捨得食。味道仲要唔錯Tim.我地叫左三味牛小排，牛舌（大蔥）、厚切五花腩&大蜆。鍾意食牛舌既我，去親燒肉都要點牛舌，尼間牛舌夾埋大蔥，認真惹味。牛小排又係推薦之選👍大蜆燒完啖啖肉，又無沙。服務員見到我地燒晒牛肉同海鮮，仲主動話幫我地換左網先燒厚切五花腩。厚切五花腩燒完後，一口咬落，脂肪溶在口腔中，好juicy，又惹味。燒爐旁邊仲有拉絲芝士粟米&泡菜蛋，小朋友同我都好鍾意食。仲可以不停refill.真係好滿足。…Read More

心血來潮想食燒肉，去左瓊華中心16樓的「本場」。經店員介紹，我地點左人氣no.1 的極上牛小排海鮮放題。首先，坐位闊寬，唔會好逼。光線充足。環境舒服。另外，叫餐方式係掃描QR code。不用自己行出去拎，岩晒我尼d懶人。重點，食物終於上枱啦！極品牛小排必點真心好味，脂肪與肉的比例平均，燒到中期，牛的香味撲鼻而來，十分肚餓的我已經急不及待想食啦。入口軟身，脂肪同肉汁停留在口腔中，果然係必點之選。對得起個價錢有凸。牛頸脊必選牛頸脊比牛小排薄身，入口依然牛肉味濃郁。牛舌值得點鍾意牛舌的我必點的。薄身的口舌，容易掌握火喉，燒一陣好快食得。正！豬大腸我老公最愛的豬大腸。好味道！小食方面：我點左海蜇沙律。岩晒鍾意食海蜇的食家。唯一缺點係咸左少少。蟹子沙律必點我最鍾意既係，尼間有生菜同泡菜提供。可以包住肉一齊食。岩晒鍾意食生菜包的我。仲有好多其他肉類小食同熟食飲品甜品，不可盡錄。大家可以黎試下最後，有movenpick 雪糕做完結。好豐盛好滿足…Read More

萬聖節前夕要黎chill一chill.趁未去到正日同特登選平日黎，無甘多人，唔使同人逼。尼到未到萬聖節已放滿萬聖節🎃的裝飾，真係happy halloween.環境已經可以無限打卡同談天說地。我地今次黎到飲飽食醉。黑松露意大利飯：入口有濃濃的黑松露浸入味蕾。是我的最愛。西班牙海鮮併盤：煙三魚，鯷魚，魚子醬，配搭上脆脆的法包。好惹味。瑪格麗特芝士薄餅：特濃芝士配蕃茄，一絕。熱辣辣食最好味！另外，再配上飲品同啤酒，食下飯摸下酒杯底，好relax. 尼到仲有好多game玩，叫set酒就可以玩一鋪。桌球係免費任玩！！ 下次再約三五知己過黎chill下先。…Read More