Honnie17的個人專頁

朋友之前經過Moko 知道這間念川居是新開的，睇到個川字就估到係川菜，係咪全部都辣菜呢？唔食得辣咪無選擇呢？咁這間念川居就唔洗擔心，因還有好多唔辣的菜式選擇，店內全部圓枱裝修古雅。今晚點了沒有辛辣的菜式，招牌新鮮吊燒雞皮脆肉滑，高湯粉果好鬆脆，椒鹽九肚魚大廚夠細心去了中間的魚骨香脆夠惹味，花生芽小炒王第一次食花生芽，一條條白色比大豆芽粗好多的， 古法咕嚕肉炸得夠脆皮，竹笙露筍，賽螃蟹，家鄉煎魚餅，招牌炒飯等等味道都ok 好味, 最後點了甜品蛋白杏仁茶和酒釀小丸子有代改進，埋單每位茶水$15，餐前菜有兩碟每碟$15，另有加一服務費，服務員都很有禮貌，店員還介紹點心都整得好味，叫我們下次可以試下午茶，如我下次來可以用openrice apps 預早訂位好方便。…查看更多

來屯門探朋友食晚飯，朋友諗起這間火水爐未食過，就即刻試下打電話訂位，好彩8點半有位，去到見到其實可以下載THE GULU apps 來訂位的。裝修好有大排擋懷舊feel, 張張都係圓枱，我哋6個人坐一張圓枱剛剛好。選了$298 兩小時任飲任食，點了(bb辣度=最輕微辣)的花膠雞煲後，跟住先送來一碗炸魚蛋和魚肉炸燒埋頂下肚餓先，跟住上雞煲set 好計時器夠鐘打開，嘩!嘩!嘩! 好大塊花膠呀! 雞煲好好味，洋蔥，豬皮都索晒醬汁好惹味，食完雞煲就可以選打邊爐湯底，就可以打邊爐，火鍋點餐紙的食物和飲品可以任點，食到差不多夠鐘就會送上一碗凍涼粉糖水，食完埋單走人，來這間食花膠雞煲真係無得輸，再加上火鍋任飲任食兩小時真係抵食的。…查看更多

朋友生日選了這間店試下，經openrice訂位好方便，過馬路就見到好大個招牌，推門要上樓梯，上到去見到有紅色電話亭，有好多書和有張sofa，裝修好有文青風格，有影相打卡位。我哋一行6個女仔唔算大胃王，睇餐牌有海鮮套餐或其它套餐好似都幾抵食，但有朋友唔食海鮮咁就散點，點了...竹笙椰子雞一隻$268，手切安格斯牛頸脊$288，野菜藍$68，紫菜響鈴$48， 韭菜餃$78，手打墨魚滑$88，手打丸拼盤$128，臘味芋頭煲仔飯(大煲)$128，醬料每位$15 另加一服務費。好開動啦...先煲滾個椰子湯跟住放碟雞，加上蓋後就放個沙漏計時器在煲蓋上，沙漏完了雞就食得， 先飲下頭啖湯先，湯底好青甜椰子味，食完雞就開始食其他食物，火鍋食物都好新鮮，我地食到差不多就點了一個大的臘味芋頭煲仔飯做主食，大約等了20分鐘，一拿來打開蓋就聞到臘味加飯焦嘅香味，食落果真好味道，估唔到係火鍋店都有煲仔飯食，還煲得幾好味有驚喜喎! 整體裝修舒適，服務細心，食物新鮮，價錢與一般火鍋店差不多，除了可食文昌雞火鍋，還可以一試個煲仔飯㗎。…查看更多

朋友生日一行8人一定要預早訂位，訂了晚上8點，上到去見到企滿人等位，有坐係到飲茶食小吃等位，好彩我哋預早訂咗位唔洗等就有枱了。服務員先比個圍裙再拿了保鮮袋，濕紙巾，頭髮橡筋圈給我們用，介紹用ipad點餐，任飲(檸檬茶， 柑桔水，熱豆漿)每位要加$15，自助調味醬料每位$18 (隨你需要)。點了四格海底包括豬骨湯，糊椒湯，蕃茄湯底好夠味，麻辣湯是標準麻再加辣，可能我食得辣，第一啖食落口夠晒辣但唔會即刻上腦標汗口麻的感覺。我哋點了每人任飲，服務員會不停主動幫我們加飲品，各樣食物都新鮮，安格斯肥牛肉質夠滑，香菇貢丸和芝士牛丸好味，油條就唔夠脆，當灼蝦時，還主動話幫我們剝蝦殼, 服務真係好。因有朋友生日, 問過海底撈說不會加收切餅費，咁就買咗個蛋糕去到交比服務員，跟住會比回一個號碼牌你，到食飽就通知拿蛋糕給我們，我們通知拿蛋糕後，跟住就見到一個服務員拿住蛋糕行來，一個拿生日燈牌,一個拿住生果盆，一個拿住禮物，一齊唱住生日快樂，好好氣氛呀，朋友收到海底撈的生日禮物，打開來看是一包蕃茄湯底和一個保溫水樽，好開心好驚喜呀! 整體大家都好滿意，食物和服務都好好，如果下次有朋友生日也會來食，只要預早訂位食8點或8點半會好些，我們食超過兩小時也沒有通知我們埋單，因沒有太多客在外等位的關係。…查看更多

沙田新城市4樓開了間喜茶，每次經過都大排長龍無試，今日經過見到好少人排隊就一於買杯試下，好快就排到比錢買，就買最受歡迎的芝芝芒芒，比完錢等拿飲品，因即買即整又太多人，所以等得比較耐我等了20分鐘，我哋外賣拿走，有個紙袋裝住幾靚，拿回家即刻飲下先，芝芝芒芒就是芒果芝士奶蓋，每啖芒果汁都有芒果碎塊好滿足，面層的芝士奶打到cream泡泡又香又滑，果然係最受歡迎有原因。…查看更多

今次和朋友再去食下午茶自助餐，3點至5點，今次主題係櫻花，門口有櫻花裝飾可以影下相。食物大路，有幾款熱，也有即煮湯粉麵，麵包有部機可以焗熱，有pancake機，甜品幾好味，有即焗迷你蛋撻，布甸，有 Haagen dazs杯裝雪糕等。…查看更多

舊同事在上環返工，大家相約在上環信德中心望月軒 , 勝在閒日有位唔多人。酒樓裝修幾整潔，但厠所要用鎖匙行去商場的厠所。點了幾個少菜，各樣食物味道整體ok，份量就不算太大碟，價錢稍微略貴。…查看更多

預早用openrice訂位在指定日期時間有折，剛好星期五晚六點也可以有折，限用餐一小時30分鐘，餐牌單點食物都有5折，太好了，但飲品就正價。 我們4人點了一個德國豬手，夠脆皮有肉汁，德國腸拼盤三款腸都好味，芝士黑松露炸薯條夠香脆食到唔停口。因我們點了德國豬手職員說會有個棉花糖甜品送的，另外點了一個蘋果批外皮鬆脆幾好 。訂位時說有朋友生日，問過如果自帶蛋糕要收$150切餅費，如點甜品就可以點枝生日蠟燭, 那就叫職員幫忙上甜品時點生日蠟燭好了， 當上甜品時看見沒有蠟燭就算吧照食，但突然職員再送上一杯點了蠟燭的甜品上來說是送的，因之前職員忘記點蠟蠋，嘩，太好了，我們沒出聲但職員有留意到默默跟進及安排，令我們有意外驚喜，可以唱到生歌給朋友，朋友也很開心。謝謝你們!…查看更多

火車頭湯底味道可以，我點了個雙併撈檬，一次可以食兩款餸感覺抵好多，蝦餅併豬頸肉撈檬，蝦餅好味彈牙但豬頸肉硬咗啲，點了特式的芝心蝦餅多士，芝士略嫌唔夠香，食落還有小小油膩感，牛油雞翼超好味, 唔會太厚炸粉，雞肉嫩滑有肉汁唔會太鹹，整體食物ok 好味的，只是價錢略貴少少…查看更多

今日行完海港城在等過馬路之時， 抬頭一望見到廣告好大隻字coco咖哩廣告牌，咁就吸引咗行上去食，餐廳都算多位，坐下有杯水比你飲。跟住點餐叫了一人一碟咖啡豬扒飯，其中一碟有蛋包飯，另可以加$20選2款，加$25可以選3款,加$30可選4款，有餐湯，沙律，雪糕或飲品4款給你選擇。咖哩的辛辣度還可以自由選擇由1度至5度，我老公選2度少辣，我就選3度多少少辣。好快就上餐湯，沙律，跟住就上咖哩豬扒飯，豬扒點了咖哩汁咬落口還很香脆，我比較食得辣，所以3度辣剛剛好，我老公那碟有蛋的，蛋點了咖哩汁配埋飯會好香滑勁夾，比起我碟加了芝士就唔夠加蛋好味 ，下次都係叫有蛋的。…查看更多

去朗豪坊經過見到唔係好多人，門口貼住得獎壽司就想試下，這間店還未重新裝修高速線還是舊式的迴轉壽司。我們二人拿票後好快就叫我們， 但店員說可以同其他人合併枱嗎？我們說不合併了，咁就要再等一下再排不合併的坐位，等15分鐘終於有位。一坐下就見到廣告推介的新款香港得獎壽司，即刻拿兩碟試下， 避風塘吞拿魚壽司， 幾有個創意喎，咬落口有少少香辣蒜蓉味但又唔會辣，竟然很夾幾好味呀! 試了兩款得獎但等極都無芝士卷，都係叫回食開那些，最後食埋芝士蛋糕就走人，之前已經儲夠$950做了會員，剛好係會員又係生日月內，可以全單有8折但唔可以儲分，咁更係要8折抵好多啦!正!…查看更多

團拜和朋友生日試試這間係K11商場內的大都烤鴨，星期六分兩輪時間，我哋食第2輪8點，9位比咗一間房我哋。我哋無叫套餐，散點各人自己鐘意食的餸菜，主打北京烤鴨點了一隻$528，鴨肉另加錢可二食，有十種食法可選，選了二菘鴨末配芝麻叉子燒餅4件$108。烤鴨先比我睇原隻，跟住就拿回去切，鴨的皮和肉分開的，切走了肥膏位，皮切得夠簿烤得夠香脆，配搭青瓜條另有哈密瓜條又幾好味喎。小龍包湯汁夠鮮甜，鍋貼肉汁唔油膩，有個叫開封包拯骨即是鎮江骨,佢有少少脆口似咕嚕骨但糖醋味好開胃，黑松露素鵝煎得香脆，雲南野菌浸翡翠，松子魚，醉雞，四喜烤麩， 乾扁四季豆..等各樣都煮都ok, 甜品點了貝勒燕麥蕃薯條，一咬落去有少少焦糖加蕃薯甜味好正，小鴨子酥即係蘋果酥, 用個藍裝住好duck意呀! 朋友各人都食得滿意，下次可以再來食。…查看更多

新春團拜朋友想試試這間裝潢好有懷舊香港大排擋的中式菜，係星期六晚飯時間,我地有9個人更係預早訂位和食頭輪6點好些，係女人街的右手邊的側邊商廈，一出電梯就見到餐廳大門口有懷舊酒樓的金色龍鳳，進去就開始回到70年代的懷舊香港，好多影相位，裝修好有特色，店內很大好多大圓枱，如沒有訂位有機會和別人搭枱坐10人枱。點餐我們先試了牆壁上寫的必食推介，其中的豬肺湯和乳鴨要訂位時預定，乳鴨1隻$98 切開4件點了3隻，蝦多士一份3件，伙記見議我們9個人要點了3份，香辣蝦一份6隻，蓮藕餅和雪魚就一份也是6件，點好餐好快就上豬肺湯和食物。豬肺湯幾好，蝦多士點松露醬好味，生腸墨魚都幾好，走地雞整得幾滑，頭抽雪魚塊都ok, 香辣蝦唔太新鮮，蓮藕花枝餅咬落去蓮藕份量比較少變成以豬肉餅為主，焗魚腸蒸蛋，因條魚腸沒有切開一小段一小段，變成不是人人可以食到有魚腸的蛋，而食到魚腸那人就食到長過蚯蚓的魚腸很膩口，啤酒是哈爾濱啤酒用碗飲的，個碗寫住戰鬥碗，飲完見到個勝字，幾特色。埋單自行拿單到門口付款，整體合格可以一試，過下懷舊香港大排擋的感覺，影相打卡很好，味道和鑊氣就普通。…查看更多

同屋企人星期日飲茶想試下這間點心，這店有現場取輪候票，但不想等太耐所以預先訂位最好，午飯時間都可以訂位，報到後還要等一陣才安排到枱的。店內以普通卡位座初時以為好少坐位，原來近門口進去右邊有兩間廳房有兩張大圓枱。坐下已經有兩個金色茶壺裝了煎米茶，無得選茶葉種類都是指定米茶。跟住填好點心紙就好快上點心了。最快上的點心係有雞先定有蛋先，整得好得意的雞仔和雞蛋用 竹籃裝住(係咸水角和布甸)，好得意一定要手機食先，乳鴨係鹵水汁不是炸脆皮那種，有肉汁好夠味好味的， 箭豬仔係炸叉燒包外皮夠香脆，燒埋好味，柚子蝦餃， 叉燒腸，蝦腸，窩蛋牛肉飯還可以， 金沙蘿蔔糕好夠咸蛋黃味但蘿蔔糕味就食唔出，小籠包肉汁就唔夠鮮味，鹹魚雞粒炒飯啲飯粒整了紅色好特別幾好味。埋單自行拿單出去門口付款，整體可以一試，點心精緻影相夠靚，味道ok，下次都可以再去試埋其他點心的。…查看更多

今日一行六人朋友生日，預訂11：30這間泰國菜食Lunch半自助餐食，餐廳佈置以藍色主題，座位望到海景，一進餐廳中心位置就見到個迷你自助餐區，放置了各式泰國小食沙律和甜品等。話齊人開始計食兩小時，但如果唔多人等位就可以食到3點,我哋6人點了6個午餐set 配半自助餐，和包一杯咖啡或茶, 點菜後就可以行出去拿沙律小食等。自助區有各樣泰式小食和甜品，還會轉款式幾好。主菜的大蝦配油酥餅，牛扒配薯蓉，咖哩和軟殼蟹炒飯比較好味，其餘兩款菜式配黑米就普通。6人6個set 最後埋單$1736 人均消費$289, 以尖沙海景餐廳，環境食物服務，加上有少少自助餐比你哋任選，整體都ok 的，如下次來我會食下午茶時段，因鐘意食佢的泰式小食和泰式甜品味道好味!…查看更多