KarenSK1024's Profile

🐔 雞煲絕對係我嘅中學回憶( ̀⌄ ́)以前一有咩班聚 諗都唔洗諗 一定係話去食雞煲😛 至在地方闊落 又可以慢慢坐 邊食邊傾 而且都係學生應付到嘅價錢$$ 天水圍人知道天水圍開咗雞煲店 好開心🙋🏻‍♀️所以即刻約frd一齊去食😍💰星期一至四 $178/2小時💰星期五六日 假期 $188/2小時今次揀咗BB辣🌶️🐔 煲雞一上枱 已經聞到好熟悉嘅味道😙店員會開爐幫手慶熱啲雞 見到出煙就會熄火 保持雞嘅肉汁~💫雞係可以無限refill的🫨！ (一班朋友嚟食嘅話 真係會好掋🤭)食完雞之後就可以叫店員幫手加湯打邊爐( ´ ▽ ` )ﾉ ~打邊爐嘅食材選擇都好多，肥牛都唔係求其貨色 好香牛味 而且唔係肥油多過肉個啲放題貨😆Highly recommend 炸饅頭😙‼️其實都唔明白點解食雞煲會有炸饅頭 但真係勁夾！呢間餐廳炸嘅饅頭一啲都唔油膩 全部即叫即炸熱辣辣 確實係會令人想不斷order😎❤️餐廳設有自助飲品櫃，亦可以掃code嗌檸茶/奶茶/咖啡etc.❤️亦有自助醬料櫃 鍾意自己「混醬」嘅朋友就有福了~平日去食 夜晚都坐滿場🫢果然雞煲係香港人嘅好選擇 真係老少咸宜 好難唔鍾意👍🏼…Read More

揀咗Lv.3澳洲和牛痛風海鮮餐~🤭 食足120分鐘 盛惠每人$488/ 💸真係一分錢一分貨 貴得有道理🥹入座先比個［和牛拼盤］驚艷到！一共有塊塊牛嘅油脂分布都好靚 急不及待燒嚟食😍 個人最欣賞：牛肩里肌肉❤️ 肉質好淋 好有牛味 encore左2次🥸海鮮方面：大虎蝦🦐！(我最愛哈哈) 燒嘅話快靚正 燒完肉質好爽 仲要爆蝦膏( ´ ▽ ` )ﾉ 其實好想食原隻燒魷魚🦑 但2個人食 實在太難了🥹 下次再食!!!日本原隻生蠔都好正 又甜又大隻 一食就知好新鮮🥹 有quota食多幾隻 已經即刻回返本🤫🌟雪櫃擺放各種蔬菜隨便拎 衛生又乾淨👍🏼🌟其餘嘢食可以用QR code落單，方便又可以慢慢揀☺️🌟出邊大大個飲品櫃 好多選擇 實有鍾意嘅💗😍 放題嚟講 真係超值！🌟仲有2款口味嘅雪糕🍧 自己DIY～🌟有部熱飲機 咖啡奶茶柚子茶都有😝強烈建議大家中午過嚟食，俾足夠時間自己消化🤣真係飽到上心口 但了左我一個心結(⁎⁍̴̛ᴗ⁍̴̛⁎) 仲有好多嘢未有咁大個胃去裝住 下次一定會再嚟🥹！…Read More

今次約咗荃灣搵男朋友食飯拍拖，男朋友去完泰國旅行食完燒海鮮，想喺香港再食。荃灣大鴻輝有蝦蝦燒，咁梗係要去訂枱食啦！😋🦐 男朋友入到去已經大讚空間大，有冷氣抽風系統好好，唔會有好大陣油煙味。又唔怕食到成身流哂汗。自助區有好新鮮嘅海鮮，唔單止睇落大件，食落好新鮮。有帶子，元貝，蠔，鮑魚等等。職員好好，仲有過黎幫手剪鮑魚。🦪🐚🦞坐低之後即刻夾蝦😎隻隻蝦都好生猛🦐坐低之後見到職員 原來會清左死了的蝦，確保食的都是新鮮🦐食完海鮮跟完就食肉，食左羊肉，豬大腸，菠蘿。最後就係食甜品！雪糕口味選擇都幾多，有阿波羅嘅雲呢拿🍦，朱古力🍫，益力多味道，甜甜地真係唔錯㗎！D到飲品選擇都係超級多，仲有無限量的燒酒提供，無糖嘅選擇亦都係好受歡迎！😋🍹食物同環境都好好，而且可以食足三個鐘，真係好抵食！4 月份仲有優惠，4人同行，生日的朋友就可以半價。🥳🎉 …Read More

🦐得獎蝦餃之王（4隻） 💰$36所有點心都係即叫即蒸，所以上枱都係熱辣辣👍🏼 以為同酒樓蝦餃一樣無乜特別 點知食第一啖就知⋯分別太大了🐒 大粒好多 仲好足料，[唔係]皮厚過餡個啲！啖啖都係彈牙嘅蝦肉 唔怪得一籠有四粒咁多 同人share食一粒真係唔夠架😛🖤黑金流沙包(3隻) 💰$36呢個真係超乎我想像 居然個包拎到返屋企 凍晒⋯都仲係流心架😲 平時酒樓食嗰啲 上枱擺幾分鐘遲食少少都已經凝固咗，所以真係估佢唔到！同埋包皮好軟熟 入邊嘅流沙餡又唔會太甜 好好味☺️😛春風得意腸 💰$42個名夠晒得意😎 原來係炸蝦腸 一碟有6舊👍🏼 外面係腸粉皮 入面包住脆脆嘅餡料 一口一舊 口感好過癮🤓🥬XO醬菜苗餃 💰$32係媽咪心目中嘅NO.1🤩 賣相睇落就好吸引 因為啲餡多到擠晒出嚟哈哈 都係皮薄多餡 熱辣辣 ，作為一個消費者 真係搵唔到挑剔嘅點😬🦑椒鹽脆皮魷魚鬚 💰$48我心目中嘅NO.1🤩 唔係厚厚嘅炸粉 反而只係薄薄一層脆皮 包住好厚肉嘅魷魚鬚，味道啱啱好 唔會太鹹👍🏼 而且打包返屋企之後 個皮都仲係脆㗎😲🥕千島醬脆皮蘿蔔糕 💰$33因為覺得好新穎 所以嗌嚟試試~ 個做法好似日本章魚小丸子咁 上面擠滿千島醬 再有啲木魚絲 原來襯炸咗嘅蘿蔔糕 係好夾㗎😆👍🏼！…Read More

試咗唔同款式嘅串燒 餐廳亦有提供一啲稀有嘅雞部位 鍾意食內臟嘅朋友一定會中意👍🏼🌟雞胸骨 平時係香港好少見既軟骨位，口感比一般雞軟骨更脆更豐富 師傅燒得好香 再加埋一味粉 簡直冇得頂 一度想再encore🤭🌟水牛芝士煙肉卷 本身以為會好膩，但因為中間包左紫蘇葉 所以中和左呢種感覺，反而仲有少少Fresh！食得出唔係喺超市買到嗰啲急凍貨嘅質素👍🏼🌟燒鱈魚乾呢個送酒一流！燒至有微微焦香，脆卜卜既口感忍唔住一啖接一啖甘食🌟雞肉軟骨棒免治雞肉中間混合左軟骨，一啖同時充滿兩種口感，加上月見蛋黃一齊食，雞汁加上蛋漿無限Juicy😍🌟雞肝串同朋友一人order左串雞肝試試 (我個人本身係唔太好內臟 不過一場嚟到所以特登試下🙈) 口感同味道原來同豬潤有啲分別，燒過之後 外脆內軟 更好味 有驚喜😲…Read More

餐廳有唔少選擇 小籠包、餃子、炸饅頭⋯一律即叫即整 新鮮熱辣辣🙆🏻‍♀️ 同埋係短短一個鐘嘅食飯時間 見到有好多熟客嚟食午餐 睇嚟係信心保證 可以回頭嘅😆！午市套餐確實掋食 今時今日已經好少地方可以$60樓下 份量多又包嘢飲 可以食飽一個lunch lol 口水雞 (例牌) 💰$46雞肉嫩滑 無雪藏味，配上特製嘅醬汁 唔辣又惹味 令人即刻想嗌碗白飯🤭 例牌嚟講 份量都唔少呀 兩個人平均每人都食左5-6舊 確係唔錯👍🏼上海排骨擔擔面 💰$45先講花生擔擔麵底，湯底睇落好清 但食落實質好濃郁！好香嘅花生味 再配上肉碎 蒜蓉 香蔥，真係一啖湯一啖麵咁食😆 而個麵好彈牙 小店來講煮得相對有水準👍🏼 排骨原塊即叫即炸起 聽到利落嘅刀切聲 食落有陣陣五香粉嘅味道 唔錯✨上海粗炒 💰$53麵條煙靭有口感 忍唔住問老闆娘係咪佢自己搓麵條🤣 原來來貨嘅都係新鮮生麵 朝朝準時運到👍🏼 加埋啲旺菜、冬菇片、肉片⋯一齊炒 食落有鑊氣 亦都好夠味，隔籬枱客人加埋辣椒醬一齊食都嗌正😝🌟午市套餐均送 黑/白豆漿一支，或可樂/雪碧/忌廉/ 無糖可樂一罐❤️💯(食完就明點解咁多回頭客🤭下次要再嚟 試試佢個小籠包😎)…Read More

今朝出元朗 見到TEATOP有假期優惠😍🎉 29/3-7/4 呢段期間，買嘢飲之餘 仲有免費抽蛋🥚活動 有機會獲得7折/8折/9折優惠 或者 有朱古力做安慰獎😆 !! (真 飲得又玩得🤭)🌟海外獨家💚竹香白柚飲 (半糖 少冰) 💰$39 L size見到係海外獨家嘅 即刻嗌嚟試🤣好香嘅茶底 加上台灣文旦柚嘅清新 酸酸甜甜 越飲越好味🫶🏼飲品配櫻花寒天 有啲𡁻口 Q彈解膩！今日天氣濕濕熱熱 一杯正嘅凍飲真係會made my day🥹🌟媽媽Pick 💜熱飲 紫芋西米露 💰$39 L size飲落有驚喜！店員細心建議揀半糖 果然無比甜味遮蓋左 超濃嘅芋頭味 初頭以為係糖水舖嗰啲椰汁芋頭西米露嘅感覺 但原來係用茶底😍 好特別 又食到粒粒芋頭同西米，係一杯會飲飽 但唔係成肚水嘅好選擇😆…Read More

(每份主食可升級定食 +$30)個人覺得定食好掋食🌟 有我鍾意飲嘅味噌湯(仲要係足料嗰隻)，仲有好好味嘅關東煮 同沙律菜~🥗西京燒比目魚 💰$92魚柳肉質爽滑 一啲都唔腥👍🏼第一眼望到嘅時候 心諗點解煎到燶晒 後來發現原來呢個都係一個技術，煎到魚皮焦脆 但係入邊嘅肉依然係多汁唔乾身 好好味😋蔥燒牛舌 💰$78俾佢嘅份量吸引到haha，一上枱見到大大碟牛舌 超正😝熟度啱啱好 食落唔會覺得好韌，亦都冇臊味 口感一流☺️ 配埋檸檬汁同蔥花一齊食 非常夾~特別想講吓🗣️+ $10 珍珠米可以轉貓飯科普一下🤭💡［把柴魚片 紫菜撒在飯上的，就是貓飯］比起白飯 一定係有味嘅貓飯好食啲㗎啦~ 因為覺得特別 所以值得一試☺️酥炸生蠔 💰$48 (2件)炸得金黃色，平時喺日本放題食到嘅質素 冇乜特別~過下口癮嘅話 可以order來淺嘗一下😝厚燒玉子 💰$36 (4件)✨個人很推薦~因為自己一直喺屋企都整唔到好食嘅玉子🤣今日食過覺得好回味，蛋味重 好creamy 食落有層次🫶🏻…Read More

落雨濕濕 天氣又轉涼 最岩打邊爐(´▽｀)豬筒骨煲💰$198頭啖湯好緊要🤭 呢個豬筒骨煲好好飲 唔係一般嘅味精溝水味🤫 足料 份量十足 新鮮嘅筒骨味道清甜香濃 用嚟打邊爐做湯底無得彈👍🏼手切肥牛💰298我個人嚟講 打邊爐最緊要就係碟牛🤣牛肉新鮮 大大碟 而且牛味濃 牛嘅紋理好靚 水滾灼十幾秒就食得 好味😋特別想講💬📣餐廳營業至凌晨3:00 係夜貓們的好選擇😼睇完午夜場可以過嚟食飯 仲有大電視睇足球Live😎一班friend搵聚腳點啱晒…Read More

招牌醉雞卷 💰$42開邊流心蛋有畫龍點睛一用，好睇之餘又好味 雞肉唔鞋口 食落好香紹興酒 冷盤來說很不錯古早味雙式香腸 💰$36👍🏼水啦！坊間成日買到嘅台灣腸都好咸，但呢到食嘅唔咸仲好香口~ 店員細心教落，用牙簽吉埋蒜片一齊食 味道真係更出色，雖然係普通嘅小食 但成為咗我成餐飯嘅 [最深刻] 🤣自家製 芫茜馬蹄餃(10隻) 💰$52係好好味嘅Handmade餃😍 粒粒大大粒 淡淡都爆餡，芫荽好fresh (我係芫荽愛好者🤫) 馬蹄食落好爽口 多咗個口感 唔會好滯👍🏼 起司肉鬆蛋餅 💰$42好豐富嘅餡料😋餅皮夾住滿滿嘅肉鬆、生菜、芝士、雞蛋，面頭有沙律醬，雖然佢一開二 但食半個已經飽左6成🤣好足料藥膳醉雞湯麵 💰$58飽咗六成再食呢個麵 唔算太大驚喜~ 藥膳湯好香濃👍🏼手工面好彈牙 個雞就相對普通啲桂花烏龍芝士奶蓋 💰$15個芝士奶蓋好好味😻 忍唔住最後飲晒成杯hehe 香芋牛奶芋泥仙草冰 💰$15真材實料 用芋泥打出嚟嘅牛奶冰，唔會好甜 亦都冇出邊街飲嗰啲香精味，媽咪大讚☺️❤️ 屋邨餐廳嚟講 價錢平民合理，而且食物質素唔差 好多選擇 服務態度亦非常好 確實值得一試👍🏼 另外，餐桌前有部大電視，一路播住周董嘅歌 好有feel😝…Read More

🐟姚姚酸菜魚 [二人份] 💰$288揀左少麻少油，但都無令味道失準☺️ 有個小蠟燭座住，所以食到最後都仲係暖笠笠~ 魚塊無骨好滑，酸菜咁多岩哂我😆 白飯小偷的好選擇 食飽仲可以飲啖湯收尾( ̀⌄ ́)🐷黃金脆炸小酥肉💰$78媽咪大讚呢個~ 炸得好香脆 又唔會油膩，仲沾左啲花椒係面，所以好香口 越食越好味🫶🏻🐷醬滷拌豬耳💰$68有大量芹菜 芫茜🌿，撈埋豬耳食 辣辣地 係唔錯嘅飯前小吃~🌈彩虹烏龍冰粉 💰$68飯後必叫甜品( ´ ▽ ` )ﾉ 舖滿紅豆 提子乾 酒釀 花生 芝麻 丸子⋯ 加上椰汁 撈埋桂花口味嘅冰粉 真係絕配～❤️ 🥒爆打青瓜檸檬茶 💰$38就係青瓜 + 茶 嘅配搭🤣 又唔算係好特別 不過fresh嘅 食酸辣嘢好岩飲😙 消滯👍🏼…Read More

揀左Dinner set：❤️ 套餐配［是日精選沙律🥗 + 餐湯配法包🥖］分別有 < 西班牙火腿沙律 & 南瓜湯 >我自己兩樣都好鍾意😝 本身就好鍾意食Parma ham 所以一見到已經好開心( ´ ▽ ` )ﾉ 沙律菜好新鮮 配上黑醋汁 非常開胃🫰🏻 而南瓜湯好creamy 第一啖已經覺得有驚喜，唔係水汪汪嘅餐湯 真係飲到好香好濃嘅南瓜味🥰 (未食main已經好滿足haha)🍴低溫煎焗挪威三文魚柳💰$178可能係因為低溫慢煮嘅關係，三文魚肉質真係好滑𠰴岩好 平時最怕食到鞋口嘅三文魚柳，但今次食完全冇呢個問題👍🏻 另外配搭嘅sauce鹹鹹酸酸 仲有啲野菇撈埋一齊 意外地夾喎！😆🍴香烤澳洲羊架拼香草腸💰$188羊架揀咗七成熟，一上枱已經聞到好香嘅羊味😍 本身係羊肉愛好者，所以一見到Menu有羊架揀 諗都唔使諗就order…仲要晚餐居然唔使過$200 就有三大塊羊lol！而且味道係一流 一啲臊味都無 性價比極高🥹 (must encore!!!🌟)‼️ 另外想特別一讚，呢度個薯蓉真係世界級 居然係黑松露味道🫣 我願稱佢為世一薯蓉🤣🤣零誇張 超好食ಠ_ಠ 嗰個好食嘅程度係 我會為咗食佢個薯蓉再返嚟呢間餐廳🤣！(+ 可以半價另加小食~)🥔鹹蛋黃香脆薯角💰$62 (半價$31)鹹蛋黃味好香 每一塊薯角都好均勻地沾滿鹹蛋黃醬，小食嚟講 我覺得值得一試~ (好飽肚的說🤓)套餐包括 🧊是日飲品 —— 凍桂花烏龍茶🌸清香消滯，好好嘅配搭☺️…Read More

餐廳環境舒服優美 乾淨企理，今次特登帶爸爸👨🏼‍🦱出嚟撐枱腳~ 平時少有會有反應嘅👨🏼‍🦱 一入餐廳就話「嘩 呢度好靚好高級喎」🤭 (最緊要氹到爸爸開心) 韓國餐廳最出名嘅 往往就係服務同配菜😎Surasang嘅每個員工都好nice 好helpful ，由入舖頭開始 到離開舖頭 都覺得服務態度好好👍🏼 💞 Beef Platter 牛肉三合 💰$552(配 泡菜炒飯)靚牛肉 + 帶子 + 野菇 = 💯 除左好食，仲好打卡able🤓呢個組合真係有被嚇到🤭牛肉油脂分泌超級靚，食落好香嘅牛脂味 包住鮮甜嘅帶子 非常滿足。staff會幫手燒好牛肉 服務一流😝 食完牛肉仲可以即場炒返個泡菜炒飯 吸晒啲牛味 超正👍🏼💞 Korean Fried Chicken 韓式炸雞 💰$208(無骨炸雞 原味+蜜糖味)份量好足 無數錯應該有10大舊😲 炸雞食落好juicy 唔會乾柴柴，原味正常發揮 無特別驚喜 反而同爸爸一致覺得蜜糖味好出色😙💞Beef Stobap 韓式牛肉釜飯💰$185怕唔夠飽所以嗌多個飯，但其實食完炸雞已經飽到⋯🫢 呢個飯飽住食都覺得好味(⁎⁍̴̛ᴗ⁍̴̛⁎) 用石頭窩熱辣辣裝住，啲牛肉好香 仲有隻蛋黃可以一齊撈飯 真係無得彈～💞Snowing Night 💰$118咁好環境一定要嗌返杯酒chill下😚 呢杯cocktail 味道唔係好濃，似檸檬梳打 好fresh好消膩👍🏼 平時少飲酒嘅我，都覺得好易入口…Read More

今次二次回訪，仍然食得滿意又開心☺️首先一入到餐廳 就有一大碗沙律🥗，沙律菜新鮮爽口 知道即將要食咁多肉，有啲菜墊底心理平衡啲~😝😝🐮A4和牛三角肩肉 💰$228望落已經好吸引😍 油花分佈好靚，食落有啲𡁻口 油脂味好香👍🏻牛肉本身無調味，燒好後只係沾少少鹽+檸檬汁 已經好好食 好juicy💗🐮名物！菠蘿漬和牛胸腹肉 💰$288賣相滿分💯 和牛胸腹肉肉質軟腍 好軟滑，有菠蘿配搭 酸酸甜甜解膩又清新🍍 燒到咁上下 員工好好過嚟幫手剪開一舊舊，過多幾秒就食🉐 (烤菠蘿真係燒烤界嘅頭三名😆)🐮和牛壽司(4件)💰$125脂肪分佈平均，用火槍噴幾下 和牛嘅油分已經慢慢滲出嚟😍 襯熱食 食出油香味 好不錯~ !! 🐮和牛牛柳 💰$298燒嘅時候，用小小鹽調味。食嘅時候，沾小小燒肉汁。完美～👍🏻 對比三角肩肉 肉質無咁腍口，但都食得出好香牛味 🦞龍蝦尾(2隻)💰$258肉質厚身，但燒一陣就已經熟🥳 淋上熱溶嘅蒜茸牛油🧈，啲香味即刻湧上嚟!!! 視覺上已滿分 再放落口真係無得彈😆 🍇巨峰提子乳酸梳打💰$42🥭芒果益力多綠茶💰$42凍飲+梳打汽水真係食燒肉必配！🫰🏼解膩之餘 可以gur一gur 好爽的!!! 為成餐飯畫上完美句號🥰…Read More

山薊菜大蜆意粉 $92上網search先知咩係山薊菜，原來好多功效 係好嘢嚟嘅😝 意粉夠多汁 好creamy，只要煮出嚟唔乾身我個人已經好ok! 加上大蜆嘅加持 good good !!~烤大骨牛小排 $158足足有六大舊，食到滿足為止🤎味道冇特別驚喜，正常發揮。配搭附上嘅蒜片&辣椒 好惹味👍🏻半份無骨自選囗味炸雞 $108今次揀左玫瑰醬炸雞🐔一生第一次試”玫瑰醬”嘅食物，味道甜甜酸酸辣辣 比起原味炸雞 覺得食落口冇咁膩，好特別。 配薯條🍟 如果有埋啤酒就一流😝！柑橘窩夫伴雪糕 $135係我成餐飯嘅NO.1😙 窩夫真係冇得輸，外脆內軟 配cream同柑橘🍊醬一齊食，正呀🥳 濟州柑橘乳酪 $68上次有飲過，覺得賣相靚之餘 味道very濟洲🤣所以今次再order! 乳酪味真係好濃 再加上柑橘味清清地 食飽飯再飲都唔會覺得好heavy ^^*NEW! 抹茶柑橘蜜露冰 $58媽咪好鍾意☺️ 柑橘味嘅沙冰甜甜酸酸好消滯，同時又有抹茶嘅香味 好新鮮嘅配搭 但意外地又幾夾✨…Read More