Jason吳's Profile

一入到小店老闆已經好客氣話隨便坐，不過因為條例問題與其他食客要有3個坐位的距離，但小店坐位唔多就大約十個，都唔知點經營....坐低後就見到有包消毒搓手液放係枱面，老闆話係免費提供，真係貼心。不過重點都係食物質素，望望下午餐牌有咩好食就見到拉麵係用日本戰國時代的武將命名，心諗辛辣果款可以用"真田將軍拉麵"嚟命名我就二話不說揀嚟一試，因為真田幸村戰國時代就係一身紅盔甲的象徵，哈哈。所以今次叫咗碗始祖將軍拉麵同老闆心水推介豐臣將軍拉麵一試，始祖將軍拉麵就不過不失，但聽到老闆同其他客人講以前個拉麵湯底原本係杰身D，但見到好多OL食剩所以就改到而家稀身咗，我諗我會鐘意佢哋以前個湯底多D，而我自己碗豐臣將軍拉麵就係香葱油湯底，略嫌蔥唔夠多，如果多啲就仲香仲合我心意。店內仲有幾款特製魚油提升鮮味,都可以一試。整體而言，拉麵就不過不失，不過就價錢合理、老闆份人幾nice，希望疫情快D過，小店可以挨得過尼個難關啦。…Read More

星期日放假，天氣好又陽光普照冇理由白白浪費咗個假期瞓到自然醒就睇下有咩郊野地方去行下山運動下出身汗，今次就由將軍澳輕輕鬆鬆行到去藍田，行完山就四周圍睇下，發掘下唔同地方的隱世食店，今次真係有驚喜由藍田公園直落冇幾遠去到德田商場地下就聞到陣陣牛腩香味，去到尼間坤記麵家小店舖位唔算大加埋舖頭外都係得十幾個坐位，不過人唔多唔駛等位就真接坐低睇下有咩好食，既然係被牛腩香味吸引嚟到就試下D牛腩係咪色、香、味俱全，簡單叫咗個牛腩麵，冇幾耐牛腩麵就送到尼間麵店唔係清湯腩係五香牛腩，牛腩肥瘦適中、入口鬆化，真係有驚喜，辣椒油都唔錯又香又野味可以一試，埋單計數一碗牛腩麵$31真抵食，真係一間唔錯的隱世小店，有機會真係要試下其他嘢~…Read More

3月13日白色情人節前夕，緊係要同老婆浪漫下，今次同老婆嚟到赤柱美利樓嵐石，先講講餐廳環境有户外同室內，當晚大約6點鐘未有太多客人，outdoor只有我哋一枱客包場再加上現場有歌手live表現，氣氛一流。襯時間尚早先嚟一round happy hour我哋今次叫咗蟹肉蝦餅•青瓜沙沙牛油果醬，外脆內軟啖啖肉，份量就一般如果可以獨享一塊就prefect，哈哈羊奶芝士薄餅，鐘意羊奶果種羶味可以試試最後，點咗西班牙傳統菜式-焗乳豬，皮脆肉嫩仲有菠蘿可以消膩唔錯…Read More

難得閒日有假期，加上疫情關係又好難選定其他地方去旅行，最好就出走市區到郊外走走。今次就選咗大澳，邊吃邊走嚟到大澳文物酒店，好早以前已經被餐廳裝修同歷史吸引，可惜上次長途跋涉嚟到先發覺餐廳被人book咗做私人用途。不過皇天不負有心人，今次終於可以感受下大大一個玻璃屋再加上無敵海景，而且人流唔算多係閒日坐喺窗邊放空大半日當個小旅行都係一個唔錯選擇。講講食物，酒店在食物加上少少大澳特色，抵讚！！今次同老婆點咗大澳蝦醬豬扒包同炸魚薯條蝦醬他他汁，個人幾鐘意豬扒包個蝦醬，但老婆就覺得咸咗D，同埋雖然係下午茶但份量都幾大，想order多件紫背天葵芝士蛋糕都食唔落，希望下次有機會再試下尼款大澳特色蛋糕啦~…Read More