monkeymonky's Profile

我哋大概夜晚七點到，原本想買菲林卷，但係已經賣晒。見好多人喺門口食緊雪糕，我哋都要咗杯。唔知係咪之前有食評話個雪糕唔會溶，所以都改咗個配方，而家係一拎到上手已經溶緊🤣 笑左都係好有黑芝麻味嘅，但係冇咩咁特別。如果要排隊就未必會再encore。…Read More

一入到去就見到間餐廳都有好多嘢食可以拎，有啲前菜，例如中華沙律、螺肉、芝麻八爪魚，炸嘢例如麥樂雞、薯條都有得拎。我喺個甜品櫃本身拎咗芝士布甸、芝麻麻糬、福餅。全部個味道都係麻麻哋，我又諗唔能夠一竹篙打一船人，於是又去試埋芒果布甸、哈密瓜牛乳布甸、藍莓芝士蛋糕。除咗芒果布甸還好，其他都唔好食。唔係講太甜定乜嘢，係啲味全部好怪。例如個芝士布甸，正常係忌廉芝士嗰種味，但佢係芝士夾心餅嗰種芝士味😂 不能理解我哋要咗經典款放題。覺得成個放題嚟講最好食係蒜蓉焗蠔、刺身、同燒雞翼。 刺身新鮮👍🏻，尤其係象拔蚌，以放題嚟講，都俾得算大條。傳統壽司，例如海鰻壽司都OK嘅，但係啲創意款就唔算好推薦。出嘢食唔算快，但係冇乜漏單。我哋一坐低就叫咗個花之戀，點知其他嘢食係咁上，都冇出現呢個，食到臨尾半個鐘就上咗😂 所以佢係遲，唔係漏單😂蒜蓉焗蠔就真係好香嘅，但係其實喺大陸都有得食，仲平d 添 。 所以整體性價比唔算好高。…Read More

見網上咁多好評講佢的濃蝦湯好食，就諗住去試下，點知夜晚7點黎到已經話賣哂了。唔緊要，都仲有雞、鴨、豬同牛配搭的湯粉麵。到點餐時才知道雞都買哂了，想點杯可樂，可樂都賣哂了😂 唔知係咪好新開，入貨量唔係好足😂我地叫左個牛寶寶同鴨腿湯麵兩個湯麵都有同樣情況，就係舊肉好靭！牛果份係一邊好肥一邊好瘦，好唔均勻。鴨腿果個點解咁靭我都諗唔明，我見人地煲好耐果d 鴨腿湯應該係好冧先岩🤔 話佢煲唔耐咩，又唔似，因為舊肉都收縮哂另一個問題就係，佢個示意圖麵底係上海麵咁，麵係圓長型，上到黎竟然變左台式撈麵果種麵，仲要落單時無得揀麵底，我見其他桌的人都係呢隻麵。 先唔論好無食，第一個感覺係貨不對辦。然後個麵質係好簿又無味果隻。有時係出邊買比較平價的台式麵都會似咁樣，但係大佬，你收成88蚊碗牛麵，個牛腩已經片到好似肥牛咁簿俾得2片我，又唔係咩靚牛，俾個好少少ge 麵我都唔得？麵上面個溏心蛋又係癲，十成熟烚蛋仲要無味😂 張相蛋黃深色少少的地方，係d 湯濕左咋😂 我一夾起心諗，溏心蛋有無咁難煮呀？自己整都無咁嬲最後就係餐廳個環境，兩排食客背住間餐廳唯一一條走廊坐，坐得又好近，d 侍應要過親都要移位俾佢，成餐飯移左3次俾不同人過黎過去😂食完呢餐，覺得間餐廳的好處就係地理位置，因為你食完唔飽出面就係登打士街 好多小食店😂我見好多食評大推濃蝦湯，可能果個真係好食啦，不過我應該唔會再去住，除非做耐左之後質素有明顯改善。…Read More

呢間寫明係肉餅專門店，黎到緊係要食肉餅！佢個餐牌有超級多款肉餅，有d 係諗都無諗過😆發現間店全部肉餅都係煎的，可能因為咁會出餐快d？！我聽到後面有人要芒果肉餅飯，但係第一次黎食，都係保守d 食傳統野🤣我要左個咸魚蓮藕肉餅飯。煎得好香口，咸魚味剛剛好，唔會太咸。如果蓮藕可以再多d就仲好，感覺會再清爽d。…Read More

因為間餐廳個地點有點不顯眼，要行街會直去超級城，要買餸又唔會去果邊😂機緣巧合有次經過又食飯就試下，點知食到好野🤣第二個星期又回頭番去食第一次食左廣島蠔魚湯鍋飯，個蠔感覺有煎香過😋 而且都幾大隻 仲有5隻 足料又好味🥳先生就叫左鮨壽司盛，都係話質素好😁第二次去食我就叫壽司，鰻魚厚肉無骨仲有燒過👍🏻左口魚群邊果舊好香又唔膩😋午市套餐會送沙律同蒸蛋，蒸蛋好夠熱，沙律菜都好fresh🥗我地2次都係1:30 左右到，都坐bar 枱，因為入面都full 左，所以如果想坐唔係bar 枱的話可能要預早少少/晏少少去食會好點Haha 寫到打手咁🤣🤣🤣 不過呢間評分真係高👍🏻 好評呀…Read More

佢係真係有好多款海鮮嘅，今日經開，時間充足，天氣又涼涼地，就入去打個邊爐。要左個套餐，258一個人，未計加一。個餐話有前菜，係一個用豉油碟裝嘅中華沙律，記住係比兩個人嘅，一個豉油碟。😦勁小家，佢所有嘢食上晒，我一睇就知應該唔飽…丸佢得三款，預每人一粒，雲吞又係，每人一粒，刺身得4片三文魚，食落質素仲差過爭鮮👎🏻。時令蔬菜，竟然係娃娃菜😀我明白娃娃菜可能因為平，但係佢一年四季都有，點樣叫時令… 同埋，佢成份蔬菜就係得娃娃菜，仲要唔知有冇兩棵，勁小。 我地要左蕃茄薯仔湯底，係普通上湯加蕃茄同薯仔，個湯完全無蕃茄味😢而且個套餐唔包嘢飲，想問佢拎杯水，佢都要收我錢🥲雖然個餐牌寫到好多嘢食，好多款，不過樣樣都係得一兩舊，而且貝殼類嗰啲都係得個殼大，其實本身都唔係好多食到的部分。其他食物質素正常一般，不過食完之後，要返屋企補飛，完全唔夠飽。我好少食火鍋係食唔飽，仲要呢個價，其實食放題都夠。加埋一，2個人600蚊，無下次。…Read More

今日收工近近地就去咗呢度食飯。地點好方便同太和站好近。我哋要咗咖喱吉列豬扒蛋包飯、鰻魚蛋包飯、薯條。炒蛋同鰻魚都好嫩😍 吉列豬扒都炸得好脆👍🏻薯條有三個醬配，紅色嗰個係辣椒醬；橙色係明太子；灰色係黑松露。我覺得明太子同黑松露嗰隻都好食，辣椒醬似乎同薯條唔太夾都係茄汁好啲😂整個裝修格局就係普通小店，等餐都唔耐。會翻兜…Read More

我哋嚟staycation個package本身有早餐包埋。睇啲食評講，呢到早餐好豐富，食到好飽就滿心期待。我哋要咗日式同西式早餐，啲嘢食種類好多，樣樣都有少少咁。味道都幾好，食得哂，其實食完唔會話好飽，我覺得係啱啱好。西式早餐我覺得大啡菇最好食😋，夠juicy.同埋嗰碗Greek yogurt 配粟米片同乾果，好fresh😼日式最好食就係舊魚，煎得啱啱好又唔會太油或者太柴👍🏻而且每個早餐都送杯果汁，即刻覺得自己健康咗🤣而且坐嘅位置都好舒適。因為個樓層好高，望出去個景都好開陽，仲望到海景，早餐咁樣食都幾嘆。唯一比較要改善嘅地方係個餐等得有啲耐，等咗半個鐘有多，有啲餓😹 不過因爲嗰度都坐得好舒服，所以等半個鐘其實又唔算太難捱😚…Read More

佢一開係香港的時候就已經上晒新聞話係主打平價omakase 仲要openrice 全好評。我內心滿有期待終於book到去到發現成間餐廳得自己一桌，仲以為係因為疫情冇咩人食生野。食完我就明啦。我地要左580蚊果款廚師發板。因為食廚師發板你唔知會有乜嘢，咁我就預先同侍應講我唔食吞拿魚。佢問咗壽司師傅，壽司師傅話佢哋嘅set冇吞拿魚。到上刺身嘅時候竟然有拖羅？！我：唔好意思，我啱啱話咗唔食吞拿魚侍應姨姨：拖羅嚟㗎，唔係吞拿魚！我：？？？？？之後佢走去問個師傅拖羅係咪吞拿魚師傅先話：係呀！呀！係wor 佢話唔要吞拿魚…之後都有換其他俾我。我之前喺第度食omakase, 有得坐吧枱,師傅會講解啲壽司🍣，對自己的野食好有認知。 呢間餐廳設計上無bar 枱，然後個侍應連拖羅係吞拿魚都唔知… 真係好誇張同埋刺身係第一道上嘅菜，成個場得我哋一枱… 我真係以為應該會記得。😂 一般快餐店整錯我無野 但係你行得中高級路線，我就有期待架嘛… 然後食物質素係做唔到omakase 水平 飯偏硬又大舊魚生不過不失無驚喜。鯛魚湯勁似魚味濃湯寶溝出黎最好食係個海膽壽司同臨尾有個薑味雪糕同芝麻雪糕🍦但係整體而言，性價比甚低。雖然而家做緊優惠，第二個人半價，但埋單計埋加一都要900幾蚊，所以一個人都接近500但係食壽司郎人頭200零蚊會滿足過佢好多，基本上係無下次。…Read More

成日見佢要排隊🚶🏻🚶🏻‍♀️🚶🏻🚶🏻‍♀️今次就試下而家疫情好多地方都有外賣優惠🥡呢度無 可能真係好好食啦 唔緊要咁我地要左個紅燒牛肉麵同鹽酥雞肉翼燥定食番到去一開，個麵得半個咁 勁少試下個湯底 我頂！ 公仔麵🍜牛肉味咪就係咁囉！我俾83蚊單點個麵 又講到餐廳推介你餐廳就係推介我食半個公仔麵？！？！肉又少 仲要等成半個鐘 完全唔值！鹽酥雞翼定食其實唔鹽酥 係炸雞而已 份量都係好細 我地2個人一人食一個 主食都要再加杯麵超劣評 絕無下次！…Read More

經過開灣仔，本身要上興趣班又突然改晏左，所以去左食自助餐😋呢間係平日午餐先有自助餐。而平日午餐又好少過黎，所以今日就試試！其實款式唔係好多，樣樣都試d啦佢有個脆餅係可以加乳酪同薄荷醬，係餐前小食黎，有得係出面拎，但我竟然見到有客徒手拎😂 我明係印度好多人用手 但係碟餅係公家一齊食 我就唔係好敢了，所以我都無食果個餅。最好食係牛油雞😋 有好香的香料味，雞又燒得香（我覺得同佢個燒雞係同一種😂）Naan 都好好食 有少少蒜油味，又係好香。餐前小食有個沙律🥗係椰菜蕃茄青瓜同三色豆。我覺得用三色豆做沙律好奇怪😂 不過食落都ok。甜品一如既往 印度甜點勁甜 haha. 紅色果個有少少桂花味、薑味同好重的甜味。個皮有少少煙韌，入面係暖的，黃色的內餡。白色果舊就有少少奶味，有點似浸左好多煉奶🤣兩舊質感都係好似麵包，浸滿哂糖漿。食一兩舊我都夠了，不然會覺得太甜。野飲我要左拉茶同plain lassi。 我記得個印度同事話呢間的野飲沖得幾印度。 嘩！個plain lassi 好酸😂😂😂 飲左一半已經頂唔緊，又杰，飲唔慣真係，怪不得咁多港式印度餐廳要沖咁稀😂 可能要岩番香港人口味拉茶幾好飲茶的香料味好出，又有奶味。…Read More

問店員有無邊種咖啡好推介 唔想要太濃的。佢話最近佢地的dirty coffee 賣得好好咁就一於試吓呢個dirty coffee ☕️ 佢上面係expresso 下面係奶夾埋一齊啱啱好。一開始飲到Espresso嘅咖啡味大啖啲就可以飲埋底嗰啲奶。加埋一齊有奶嘅滑咖啡嘅甘香💋每次飲都會打側個杯 d 咖啡會mix 埋少少落下面d 奶度，所以唔會出現飲到尾淨係得奶的情況。但我逐少逐少咁慢慢飲，佢就變得好有層次，開頭係啡味濃，後面愈來愈多奶味😛超級正啊！間cafe靜靜地 細細間係橋底，好有隱世feel. 坐下坐下 都坐左大半個鐘 都唔知坐左咁耐。好岩想靜靜地想chill下的時候去！…Read More

咁近地鐵站，隨意就入左去。💰50-80蚊一個午餐，包野飲、主食同一個小食，都幾抵！ 仲要星期六都有！小籠包小籠包🥟係上海菜的必備，所以小食我地就揀左佢。勁多肉汁，成個匙羹🥄滿哂，超正！ 又熱辣辣❤️四川擔擔麵係我食過數一數二稀的湯底😂 自己中意重花生醬🥜多d 的口味 叫左小辣🌶，自己平時食開譚仔清湯🍵，覺得呢種小辣都ok 所以你可以睇番自己食開幾辣黎決定😆豆漿🥤一般豆漿味，ok紅燒獅子頭面我覺得個獅子頭的豆腐有種酸味🤢，係其他店舖食明明唔係咁😹 所以我懷疑佢變左味，但男友食又覺得無問題😆So far 佢食完都無見肚痾👍🏻手拍青瓜幾清新 好香蒜蓉味 應該有麻油 沒有辣👍🏻 出面好多時手拍青瓜都落辣 呢個幾好總結黎講 食完都夠飽🥳 呢個價錢 近地鐵站 又咁多野食 算係咁…Read More

十勝牛做野做到晏左，成３點幾４點先有飯食。👄勁肚餓！　一次過叫左２個下午茶餐😋食。一個都係廿幾蚊💰，加埋６０蚊都唔洗，但好飽！👍🏻扒芝士照燒雞多士🥪拼薯角🥔薯角係熱辣辣同超大舊！個皮脆脆地韌韌地咁，好食！餐牌係寫七味薯角，不過無七味粉係面😂，但最緊要都係好食姐！😘芝士雞多士都好足料，唔係得少少🤏餡係中間果d 而且仲拉到絲🧀熱食超正！🤤醬燒豬軟骨拉麵🍜🐷豬軟骨林得黎有咬口，正！醬燒唔知點解有種南乳味🤨，不過唔難食，味道我會俾中等。湯底係豬骨湯下午茶餐仲有熱菊蜜/熱飲送😙…Read More

一上openrice 見好評如潮就試試佢。馬拉盞炒通菜拼豬頸肉飯豬頸肉都ok, 但切得唔係好平均。炒通菜好食😋，都幾好送飯，但菜同肉的份量都唔多，食到一半飯都無乜餸了泰式咖哩海鮮飯個咖哩完全唔辣，所以唔食辣的人都岩食。打左蛋入去，所以食落幾滑。但海鮮非常少，青口都要斬開幾舊扮多拎去炒，成個飯最多係汁同飯😕 蟹柳仲要變壞左泰式奶茶一般泰式奶茶🥤味，甜度很夠，但我覺得茶味可以更多亞塔子冰見無試過就試下，亞塔子原來煙煙韌韌，幾好咬，仲幾甜。應該好似柚子蜜咁，用糖浸住左舊亞塔子再拎黎沖野飲。 …Read More