fattypig's Profile

體驗極之差，晏晝嚟食已經冇人，懷疑係餐廳落單係統超亂，加上唔夠人，加單嘅生蠔，根本就冇人留意到，要食食吓主菜先至候補上生蠔，仲要嘢飲係冇人整，出酒仲要出錯兩次先出得啱，每次同佢講跟單佢都會話嚟緊，但係都係冇人整😂😂，其實未食已經搞到唔想食。主菜就正常速度上咗，牛扒同個價錢成正比，意粉係好食嘅跟住臨尾再發生一次超炆憎嘅意外，就係明明追單變咗再order嘅單再收多一次錢，然之後個侍應解釋勁耐都唔明，都唔明佢唔明啲咩，好搞笑同佢哋講嘢成日都覺得自己係啱，要話返我哋轉頭咁，食到成肚氣…Read More

身為米線嘅愛好者，食過好多間唔同嘅米線，都係被名氣吸引而來嘅，然後食落超失望。首先，叫咗凍檸茶少冰佢上到嚟之後一粒冰都冇，而且係室溫嘅，然後再食個米線啦，米線雖然有本身嘅米香味，口感都係煙煙韌韌唔錯，但一啲都唔掛湯，好似食緊清水煮米線咁，就算不一斤湯加一啖米線食落去都好似食緊唔同嘢咁樣，完全冇融合嘅感覺。總之淨係食咗幾啖就埋咗單，完全食唔到入口…Read More

質素不過不失的車仔麵，今次叫咗滷水雞翼，滷水豬大腸同埋超淋牛筋（咖喱汁+中辣）～滷水雞翼有兩隻，滷水入味但肉質偏嚡，而且要浸湯先熱滷水豬大腸都有幾舊，滷水入味，口感係我鍾意嘅微彈👍🏻牛筋都係非常入味，而且炆到淋淋地又煙煙韌韌，不過就有一兩舊特別鹹，都係要浸湯先夠熱總結：咁啱順路想食車仔麵先會食🤣…Read More

之前中學嘅時候成日都食，因為平同埋覺得幾好食，仲食上癮😋但係今次好失望，嚟到嘅幼薯粉已經係發脹狀態，咬落去完全冇口感。叫咗三個餸，滷水雞翼、魚腐同埋響鈴。滷水雞翼入味，但係明顯過熟已經煮到乾身。魚腐有啲雪味，仲要唔熱！唔會再特登去食😢😢…Read More

迫不及待要分享今次食咗啲咩🤤🐮 兩個人食～叫咗個柞木牛盛、和牛牛舌蔥蒜味、韓國鰻魚、生蠔牛肉石頭鍋飯😋柞木牛盛嘅肉肉係上品等級，靚靚雪花紋，脂肪同肉嘅比例啱啱好，入口層次感滿滿！！！首先，入口即溶，溶完再咬就係牛嘅彈牙口感；味道方面，先出牛嘅油香，再出濃濃嘅牛肉味。食落口唔會太油太淋，又唔會鞋口，呢個要讚～和牛牛舌就揀咗蔥蒜味，口感即係正常牛舌嘅彈牙，味道有啲驚喜～一啖擺落口，你會食到香濃嘅牛舌味，燒肉汁，蔥香，同埋小小嘅蒜香，調味非常有層次感，又唔會冚過牛本身嘅香味～生蠔牛肉石頭鍋飯都幾正～都係用靚牛伴飯，同埋有三隻大大隻蠔，熟到啱啱好滑滑嫩嫩，成件事就係有啲彈牙嘅牛肉撈埋D飯，仲有少少薑絲，味道唔錯。服務態度好好，主動換鐵板，同埋主動幫手韓國鰻魚，不過懷疑俾個店員燒燶咗啲，焦燶味重咗D ,鰻魚都黑黑地🤣…Read More

今次試咗4樣野～fresh oysters，lobster bisque，lobster roll，同埋surf n turf😋首先講吓個龍蝦湯，覺得味道偏鹹，冇乜特別，不過入邊都有舊龍蝦肉。跟住就係個生蠔，佢嘅外貌雖然生得有啲樣衰，但係都新鮮嘅，有礦物質味同埋本身嘅鮮味。然後就要講吓兩大重點🤤，龍蝦包同埋龍蝦加牛扒💗，龍蝦包上面放咗好龍蝦肉，仲有啲沙律醬西芹粒等等嘅襯托，令到成個包好fresh，又有口感💖。第二個重點就係嗰個煎龍蝦同牛扒🫶🏻，龍蝦好新鮮一放入口有濃濃嘅海水味同埋龍蝦本身嘅味道，調味偏nature，帶出主角本身嘅味道，蝦頭有膏，肉質彈牙，略嫌唔夠嫩；牛扒方面，叫咗5成熟，厚身大大塊有驚喜，調味啱啱好，每一啖都有濃厚嘅牛味，唔會柴口，加埋芥末醬衝擊味蕾，好滿足。個薯條配菜都要讚下😂，佢冇乜鹽嘅調味，食得返薯仔本身嘅香味😋😋總結，好鍾意食個龍蝦包同埋煎龍蝦牛扒🥰🦞，價錢唔係特別貴，但係有水準，性價比ok! 值得一試…Read More

之前聽過好出名，咁啱心血來潮想食雙餸飯，就特登行過去買。雖然見食評都話份量少咗同埋加咗價，但係都滿心期待去試。試完覺得一般，味道冇想像中咁好味，同普通雙餸飯差唔多，餸嘅份量就比其他雙餸飯少，同埋價錢相比又貴D ，少失望🥲 …Read More

本身滿心期待去試魚，已經聞到伏味，晚市得兩枱，兩台客加店員都係大陸人，坐低咗都諗緊走唔走好，不過最尾叫咗B餐巴沙魚，因為本身都幾鐘意巴沙魚，點知一放落口，浸雪味就飄咗出嚟，味道口感似普通魚柳，試埋生魚片都係有雪味。跟餐有配埋雞，賣相一般冇食到，可以睇相；小蘇肉就個炸皮係偏厚同埋淋。而火鍋配料少，同埋都係得腐竹、豆卜、海帶、嗰啲素食。個湯底都係冇味，淨係靠啲辣油同埋味精食完口乾。總結，唔好味，唔會再嚟，好後悔。…Read More

$10一隻生蠔優惠性價比極高！味道先海水味後口甜，Size唔會話太細隻，同朋友各自食咗一打，配上白酒，超級大滿足，美中不足嘅係醬汁調味一般，Btw坐窗邊打卡一流🤘🏻…Read More

米線淋得來又煙靭滷水雞翼，雞皮好入味雞翼煮到啱啱好又有雞味牛腩香牛味唔會好韌少少肥肥地唔錯湯底加咗腩汁，食完又唔會口渴辣汁都好香覺得份量可以多番少少，不過女仔食就一定夠飽…Read More

今日試咗138蚊三品放題,食足3個鐘,有牛雞豬食,肉質失望😢不過好多飲品揀,都唔錯💗冷氣足夠,食嘅時候唔會怕熱😚😚冇試其他放題餐,應該會好食D😋😋😋…Read More

見新開第一次試,就食咗個甜辣炸雞,炸魷魚鬚同埋帶子意粉🤤。炸雞皮脆肉嫩多汁,魷魚鬚新鮮爽口彈牙,意粉係好味芝士汁,有兩隻大大隻帶子,全部都係即叫即整,份量都好足。👍🏻👍🏻值得一試…Read More