Cnam's Profile

今日下晝做完嘢肚餓，去咗東廣場搵食，上次經過見到呢間好似幾抵食，今日坐低試吓先，下午茶餐2:30開始，今日冇揀到下午茶餐（唔記得影餐牌），肚餓揀咗呢個乾蕃茄黑醋雞肉意粉，餐茶叫咗熱情果花茶（呢款另外咗$5）呢度點餐係先付款，佢會比個號碼牌你放响枱面，坐低佢就會送餐過嚟，快餐店形式，坐位唔係好多，大約10張枱左右。乾番茄黑醋雞肉意粉有驚喜，估唔到幾好食喎，個黑醋汁調味幾好我鐘意，所以成碟食晒，花茶冇乜特別，茶包一個冲出嚟，我下次會再嚟試吓其他嘢…Read More

平時成日經過，今日終於要試吓啦，一個人食個午餐，套餐款式都算多嘢揀。份量唔算太多，女士啱啱好，但係好好食喎，三文魚壽司新鮮不過唔夠肥美，飯夠味仲係暖暖哋嘅好食喎👍日式义燒烏冬，啲义燒肥瘦適中夠淋食落口好滑好新鮮咁樣，仲要有6塊真係開心，烏冬幾有彈性，食食吓覺得好似咁快冇晒嘅！沙律菜都新鮮爽脆，呢餐出乎以料咁好，我好鍾意…Read More

今日同老公經過東大街搵食，見到呢間蜑家菜，未試過喎又試吓先啦，入去見到天花係用花膠、魚翅，做吊飾設計好得意。1）蜑家海鮮面：有3款湯底可以揀 （蕃茄、原味、辣味）我揀咗原味，麵都有幾教可以揀，我揀咗烏冬，湯底鮮甜，味道幾好，村料都幾多，有蝦2隻，蜆4隻，墨魚滑2粒，魷魚，午餐肉粒⋯⋯  另外跟一杯熱飲品  2）鴛鸯水餃： 韮菜餡3隻，椰菜豬肉餡3隻，肉多菜少個人唔太鍾意   3）蜑家海膽煲仔飯：味道幾好，炒飯底飯好乾身唔錯，份量唔多，客餐跟熱飲品一杯算扺食  4）蝦餃皇：$38少少貴，一籠3粒，皮薄餡多，蝦都大粒爽口 …Read More

之前睇過呢間餐廳評價唔錯所以特登過嚟試吓，環境幾好幾特別，餐牌笑死我，啲菜名好攪笑，仲長到一個點，有啲睇完唔知咩要睇英文翻譯先知，餐具都好特別，老公好滿意呢餐材料足，又好食，打卡靚，點估到話就嚟結業呀，真係可惜，已經約咗定朋友趕住結業前再嚟多次。啲名太長我自動簡化一下1）蟹肉扁意粉：擺盤幾靚，超多蟹肉、蝦籽，睇得又食得，打卡又靚👍 2）是但炸啲嘢：炸得香脆嘅蝦、蠔、芝士、薯條，（各3件加一堆薯條）普通正常炸野  3）墨魚飯：一上枱就見到個黑人公仔好得意，黑麻麻睇唔到但係食到好多菇，墨魚，洋蔥，又係足料好好食喎 4）杏仁綠茶：用茶壺上幾精美咁，打開睇過都係茶包，玉桂味重，飲咗一半先飲到甜味，寫明冇杏仁味嘅好攪鬼，開頭飲味道麻麻哋，飲到後面濃啲就好少少 5）咖啡：正常…Read More

今日又同朋友試新嘢，時間有啲尷尬仲有10分鐘就過午餐時間，2點就到下午茶，見到午餐餐牌幾好，又覺得下午茶好抵食A + B + C組合先至$98（A款小食5揀1 + B款主食8揀1 + C款飲品5揀1），問吓侍應哥哥可唔可以叫下午茶再加午餐，佢話唔可以，因為午餐個餐牌至到2:00就會停止供應，然後轉下午茶餐牌，所以我哋決定即刻入去坐低叫咗兩個午餐先，然後再等多10分鐘到2:00夠鐘再叫多三個下午茶（樣樣都想試吓，好彩我哋5個人可以揀多啲款）1）午餐：青咖喱脆炸軟殼蟹意大利飯：賣相好靚打卡一流，軟殼蟹香脆，青咖喱飯大家都覺得好好食，椰汁味香，我覺得濕身咗啲2）午餐：香辣金不換松露惹菌炒意大利麵（素）：係有少少辣嘅，黑松露都惹味，味道唔錯3）檳城古法大蝦炒貴刁：賣相OK，味道係可以嘅，但係食落似乾炒牛河，有兩隻蝦新鮮加返分4）巴東牛肉飯配脆皮雞卷：賣相一般，但係又幾好食喎，我鍾意呢個飯多啲好香5）無骨海南雞喇沙摻摻：好食好香，因為成枱都係嘢食，我哋放咗一陣間先食，都冇話浸到腍晒，份量都幾大5個人都有食到6）越南傳統炸春卷：一般正常嘅炸春卷7）牛油果醬法包配蕃茄莎莎：清清地都幾好，放到最後食個法包仲係好脆8）香茅烤雞肉串燒：一般正常嘅雞肉串燒…Read More

舊式老店，坐位唔多，坐得比較窄，星期日午市所以多人等位1）花雕醉雞：鷄夠入味而且夠滑，酒味濃2）豬扒担担湯拉麵：拉麵爽滑，豬扒醃醃得幾好味，煎得夠香，湯底有啲辣 （因為我淨係可以食到B B辣))，唔係我鐘意嘅花生麻醬湯底有啲可惜3）招牌小籠包：皮薄多汁好好味 ，我一向唔鍾意食小籠包，試咗一隻，真心好👍4）羊肉湯拉麵：拉麵爽滑，羊肉湯羶味都幾重，唔係我鐘意嘅味道5）豆沙鍋餅：唔係好甜，豆沙餡太少，餅底麻麻哋…Read More

阿女帶我同老公去食，話之前個花膠雞湯烏冬好好食，（佢本身係唔鍾意食花膠嘅）但係覺得個湯好好味環境都唔錯，有唔少裝飾品點綴1）金湯花膠雞烏冬：個湯底幾好味👍，我都飲咗少少，花膠有3，4條，雞卷都可以2）三品刺身盛：有2隻蝦、4片三文魚、4片帶子，新鮮鮮甜👍3）鹽燒雞皮串：本人係唔食雞皮嘅，試咗一粒唔係太脆嘅，但係阿女同老公鐘意4）鹽燒牛舌串 ：厚切好食，稍微有啲咸，加少少檸檬汁好少少5）七味豬頸肉：少少辣，味道唔錯6）粉色霄山：士多啤梨味飲品，幾清新香甜7）野菜大蝦天婦羅拼盤 ：呢款麻麻哋8）雞皮餃子 ：都係阿女同老公鍾意嘅，我又係食咗一啖試吓，雞皮都係唔脆嘅，仲有少少韭菜响入面9）炸雞軟骨：香脆，正常嘅味道10）芝士玉子燒：入面嘅芝士可以拉絲，正常味道11）日式叉燒烏冬：冇乜特別，又係正正常常咁 …Read More

今日同老公送貨經過佐敦，又順便搵吓食乜嘢，附近冇乜咪錶位，快快脆脆搵間坐低先，見到門面寫住我行我素，以為係大角嘴果間，入去先知唔係，但係都係素食餐廳，坐低裏面有啲樂器，又有黃家駒海報，側邊嘅凳仲係放音響器材嘅箱，店主應該係熱愛夾Band嘅1）All Day Breakfast ：味道唔錯，不過呢啲組合覺得唔係咁值得，最起碼都有少少素肉先對得住呢啲價錢，包一杯野飲，老公揀咗牛奶咖啡2）純素豆豆墨西哥卷：雖然食唔出入面有啲乜嘢，不過都幾好食，有牛油果、沙律菜伴碟，可以加錢升級套餐，我揀咗餐湯（另加$10），係南瓜湯有啲稀不夠杰身，味道香甜…Read More

今晚出咗旺角搵食，行過女人街見到多間食肆，間間去裝吓，見到呢間好似幾多人食，就入去試吓，枱唔算多，幾多後生仔女幫襯，四眼侍應哥哥好好👍佢話我哋張枱向冷氣口，提我哋坐向對面唔好直吹，見我哋用紙巾抹嘢，主動攞啲餐紙巾比我哋，仲好细心咁比埋碗仔我哋，勁nice1. 燒牛仔骨牛舌石鍋飯 ： 石鍋飯攪勻食，飯焦香脆👍，牛仔骨味道唔錯，牛舌薄切嘅稍為過熟有啲韌2. 胡麻冷菠菜：正常嘅冷盤，胡麻醬都幾多3. 黑胡椒煮活花甲：黑椒唔會太重，湯底唔錯配咗洋蔥煮幾甜（攪到我食晒啲洋蔥），花甲都幾好肉👍冇沙，煮嘅時間控制得幾好👍，啲肉唔會甩開晒搵唔返4. 厚切豚肉 - 魚介豚骨濃湯：湯底唔同價錢有5款可揀選，上枱啲湯仲滾緊，烏冬好食不過豚肉有啲肥…Read More

今日同阿女等食晚飯，經過呢個好似幾好咁，入去坐低食住慢慢等，侍應姐姐話最低消費要每人叫一樣野，可以係飲品或者食物都可以，咁就叫咗一個法式西多set 有包一杯飲品，我揀咗熱飲薄荷蘋果茶（此款另加$ 6）不過唔記得影相，可能因為係冇特別似酒樓咁用個普通白色茶壼、白色茶杯上枱，所以我忽略咗佢，味道麻麻哋啦1. French Toast : 味道可以，但係只有半件，成碟都係cream 同幾粒士多啤梨同藍莓，覺得唔係好值2. Soufflé : 好味道，配上忌廉芝士，藍莓汁一齊食好正…Read More

今日同媽媽食下午茶，諗起淥鼎記下晝有茶飲所以帶佢試吓，佢試完話啲嘢好食，款式又唔錯，話下次要再嚟。下午茶時段14:00-16:00 截單時間為15:30，都見唔少人排隊，可以用GULU攞飛，下午茶點心款唔係好多，可以揀另一張正價點心叫，價錢都合理。下午茶孖寳有ABC三組，可以A+B 同 C+B組合，唔明點解冇A+C組合呢？1.（孖寶） 野菌鮮蝦菜苗餃 +  三文魚腩刺身 ：豆苗餃正正常常冇乜特別，三文魚腩刺身都幾厚，幾肥美2. 蟲草花叉燒腸粉：腸粉幾滑，味道唔算特出3. 黑松露三文魚酥：款式比較特別，唔係間間點心都有，味道幾好，酥皮香脆，可能都酥皮嘅關係有少少油，整體嚟講係好👍呢個價錢我覺得可以4. 荔枝百花球：呢個造型好靚，驟眼望落去都好似，入邊係蝦膠，出面係紅色嘅脆米5. 抹茶脆皮鳳梨叉燒包：幾特別嘅味道，比一般嘅雪山叉燒包好食，可能有菠蘿嘅關係所以食落冇咁滯，不過綠茶粉好似少咗啲唔夠色，冇乜綠茶味，但係都好好食，上枱果陣重係暖嘅👍6. 花膠蟲草上湯鮮竹卷：呢個比想像中好食，因為平時食嗰啲多數都係用腐皮嚟做，但呢個係用腐竹👍做嘅所以我覺得好食，花膠大概係兩隻手指甲咁大，味道唔錯，個汁唔係杰撻撻嘅我鐘意…Read More

朋友知道我鐘意素食，所以推介呢間傳統老店比我，今日同老公經過所以即刻入去試吓，餐牌有幾個，花多眼亂選擇困難，所以揀咗呢個寫住新派素食嘅餐牌，唔係好肚餓，所以揀咗兩餸一湯少少哋試吓先服務員態度友善，笑容滿面，食咗食得開心啲記者1. 香薰炸脆皮鴨：上枱仲係熱辣辣嘅，賣相都唔錯，夠香唔夠脆都幾乾身，跟咗一碟酸酸甜甜嘅醬，點醬一齊食更加好味2. 法海蒲團：菜芯綑邊，腐皮包住好多料，入邊有黃耳、馬蹄、百合、雲耳、菇等等，面頭鋪滿咗唔少髪菜，呢度唔錯，老公話好好食3. 冬蓉蟹肉翅（有蛋）：賣相一般，味道比較清…Read More

食物味道一般，冇乜特別，賣相還可以，但性價比較低作為招牌菜嘅大滲都冇乜特式，雖然寫住湯係可以任意添加，但仍然唔覺得吸引，因為啲肉唔夠諗顯得有啲鞋、唔入味，尚有進步空間…Read More

之前食過好多次覺得佢幾好食，下午茶半價幾抵食嘅，所以帶啲朋友嚟試吓，點知一試難忘，佢哋話試一次就夠啦，半價都冇用唔會有下次，不過今次啲嘢食真心差，有啲待應姐姐嘅態度都唔幾好，食物質素好似比以前差咗，連隔籬枱搭枱嗰兩位姐姐都係咁講…Read More

食過幾次，每次都係為咗黑椒牛柳煎脆麵而嚟，脆麵係分開上嘅，香脆唔會比啲汁浸諗，性價比高，推薦👍九周年特價好抵食必叫，有幾款可以揀，一人可以叫一份，絕對唔會錯過。燒烤性價比低，味道也一般，通常只會叫一兩款。職員全部都有禮貌好nice…Read More