eat___frog's Profile

夜晚7點鐘，門口好多人等緊位，我哋一行3人等左20分鐘左右就入座，枱與枱之間距離比較近，但餐枱算大，都算坐得舒服。豬手真係好驚艷，我本身唔特別鍾意食都覺得好食，層皮炸得好煙韌，令口感上冇咁油膩，加上佢嘅調味好香，令人想一啖接一啖咁食。泡椒肥腸，味道偏酸，揀左小辣唔夠辣🤣。但豬大腸處理得乾淨，冇腥臭味，煮得岩岩好唔會韌。但下次應該會試另一個煮法嘅豬大腸。酸菜鱸魚-例牌先讚一讚，鱸魚好新鮮，滑溜鮮甜。但食嘅時候要小心，有機會有少少骨。但酸菜湯偏酸，唔係好岩我口味，一樣小辣唔夠辣，建議食得辣嘅可以揀中或大辣。…Read More

刺身種類都幾多下，三文魚，帶子，鮑魚同馬刀貝質素中上，味道鮮甜。但劍魚腩同拖羅偏瘦，食唔到應該有嘅油香。蟹腳有海水味，但唔算係好新鮮。重頭戲嘅海膽刺身，份量好多，但味道比較參次，有幾份好鮮甜有幾份就有啲啲腥臭，但問題唔算好嚴重，放題有呢個質素合格有餘了。M6/M7牛肉有驚喜，熟度岩岩好，牛味特岀，口感都合格，唔鞋口。牛舌燒得岩岩好，軟得來仲有啲彈牙。不過如果跟埋舊檸檬會更加好。特色甜品每人限點一份，原味幾好食，開心果太甜了。…Read More

今次來到荃灣呢間酒樓同屋企人食飯，環境算寬敞明亮，食物種類款式多，主打順德菜同點心，不過都有好多中式小菜。價錢相宜，份量多。▶️金磚豆腐蒸煮滑豆腐裹上麵粉，外炸內軟❤️麵粉好薄仲帶有少少嚼口，面層加左啲芝麻增添香氣同口感。調味方面鹹淡適中，推介👍🏻▶️上湯龍蝦伊麵底揀伊麵要額外➕$50我覺得有啲奇怪，明明道菜叫上湯龍蝦伊麵🤣唔加就會得上湯龍蝦食。伊麵份量多，口感偏淋但味道上都食到上湯嘅鮮味。龍蝦好新鮮，肉質爽彈鮮甜，非常好食👍🏻▶️炸子雞(半隻)炸子雞外皮酥脆，肉質鮮嫩唔乾有肉汁，骨頭都有香氣。調味偏鹹但尚可接受。比較可惜嘅係師傅處理雞毛唔夠乾淨，部分雞件仲有毛係面🥲🥲▶️大良炸鮮奶正宗順德菜嘅炸鮮奶有鹹甜2食，鳳城係鹹嘅版本，同我想像中有啲岀入，我覺得食落有啲腥同有浸油溢味。不過同行友人覺得好好食，話食到蝦米香同鹹鮮味。▶️松子魚外觀就認真麻麻地，條魚上枱已經散左同分開咗2邊，個魚頭係中間，下面張相係岩岩上枱個樣😂但味道方面唔錯，甜酸汁調味岩岩好，好開胃。魚肉外皮炸得好香，肉質唔乾，滑得來都有魚味。…Read More

杉玉坐落於荃新天地低層，佔地面積較大所以餐廳環境寬敞，坐得好舒服。午市時間來有午市套餐，價錢比較相宜。舟盛丼-$128刺身併盤配醋飯，可作為「海鮮丼】或「刺身定食」享用。刺身種類多，份量都唔少，望落色澤唔錯，入口鮮甜，有魚油脂香，質素幾好👍🏻唯略嫌醋飯酸左少少壽司併盤十貫配牛肉湯烏冬魚生一樣係好鮮甜，size都唔細，其實淨係食壽司都夠飽。牛肉湯烏冬細細碗，好濃嘅鰹魚湯，烏冬都好煙韌彈牙。白子刺身單點咗一份白子刺身，入口Creamy唔會有腥味，帶有淡淡嘅鮮甜。…Read More

今次一行5人+1位bb來食生日飯。餐廳地方寬敞，環境氣氛都唔錯，亦有安排到bb椅，但最值得一讚嘅係餐廳冇限用餐時間👍🏻❤️食物方面，點左一個2人set，再單點左一份肉眼扒同千層面。仲有一個兒童餐。▶️Soup or salad, 正常發揮，唔多介紹。▶️Appetizer: Deep Fried Cheddar Cheese Jalapeno & Spicy Buffalo Chicken Wings. 2款雞翼各2件。第一款雞翼係入面釀左車打芝士同西班牙辣椒，比較重口味。而水牛城雞翼係茄汁+tabasco，夠晒開胃惹味。兩款雞翼都唔係太辣，啱小朋友食。▶️燒穀飼澳洲肉眼扒拼香草牛油焗波士頓龍蝦尾牛扒揀咗五成熟，熟度控制唔錯，未食已經聞到好香嘅炭燒味，一入口已經充滿炭燒同牛嘅香氣。牛扒質素唔錯，五成熟肉質依然軟嫩。龍蝦尾size一般，但勝在夠新鮮，入口彈牙鮮甜。▶️鮮藍蟹肉及露筍燴意大利飯配鮮蝦頭膏Risotto 軟硬適中，蟹同蝦鮮味特岀，露筍切成一粒粒有口感。缺點係咬到好幾次蟹殼，同埋味道比較單調，食咗幾啖開始有啲膩▶️燒穀飼澳洲肉眼扒配薯條呢份牛扒揀咗3成熟，熟度唔得。一切落血淋淋接近raw to rare，同侍應反映後再煎，咁再煎就基本上都一定overcooked ga la。可取之處係塊扒本身質素都ok, 雖然overcooked ，但食落都唔會太鞋口嘅。味道上，一樣炭燒味特岀，鹽味適中。薯條香脆好食。▶️經典肉醬千層麵多層次嘅麵皮夾住濃郁嘅蕃茄牛肉醬同白醬，加埋滿滿嘅芝士，口感同味道層次都配搭得好好👍🏻係非常之經典嘅肉醬千層麵▶️兒童餐呢個餐真心扺食，小朋友表示味道都唔錯，分量多到食唔晒🤣🤣▶️Tiramisu 生日餐廳會播生日歌同插蠟燭，味道偏甜，但都有咖啡同酒香，cream比較多有d膩。…Read More

悅滿軒係一間法國風情西餐廳❤️今次係來慶祝生日，絕對值得encore。服務好👍🏻，職員都好有笑容同禮貌，上菜速度有控制，食完一道菜都會幫你換新碟。另外生日職員會幫手影一張即影即有，超級貼心。食物方面點左一款沙律，前菜，main and dessert。落單後就會上餐前包，包有芝麻同南瓜籽，煙韌有口感，配上自家牛油，多一層風味▶️慢煮法國鴨髀金柚沙律配檸檬油醋汁份量多。鴨髀肉質嫩滑帶有濃厚鴨香，搭配唔同種類嘅沙律菜，口感上會多左變化。金柚+檸檬油醋汁令到成個沙律都好fresh唔會有油膩感，整體味道平衡融洽。推薦指數⭐️:4.3/5▶️西班牙紅蝦他他配意大利魚子醬+墨魚脆片🦐必點item⭐️紅蝦他他鮮味十足，第一啖已經成口都係紅蝦獨有嘅鮮甜，再加上有魚子醬，更增添風味同口感。建議一定一定要點埋佢碟上嘅紅莓醬食，多左少少酸甜即刻昇華左整道菜嘅味道同完整性。推薦指數⭐️:4.8/5▶️生蠔 $10/1pc價錢反映一切，蠔有少許海水味，比較瘦唔creamy同埋有啲腥，未去到好差嘅，同自助餐蠔嘅水準差唔多。除非你真係好鍾意食生蠔唔介意有啲腥嘅話都可以試，否則我唔推介。佢另外有款六國生蠔$198/6pcs，相信水準應該會好啲，但我冇試到。推薦指數⭐️:3/5▶️烤原隻西班牙墨魚🐙配墨魚汁意大利飯，法式燴番茄🍅Signature 💫✨都係必點item⭐️份量適合3-4人。我哋2個人食超級飽。Risotto煮得好creamy，口感有咬勁得來裏面好鬆軟，配搭法式燴番茄非常消膩，令人飽都想繼續食。重點❗️❕ 墨魚size超級大隻，鮮甜有海水味，口感軟糯彈牙，真係好好食🤤推薦指數⭐️:5/5唯一缺點真係份量太多，建議3人以上先食▶️阿拉斯加焗雪山🍨❄️值得一讚嘅係擺盤好靚好有心機，好啱打卡。店員會喺你面前倒點左火嘅Rum酒淋上面，畫面好靚，不過燒到咁上下記得自己吹熄佢，如果唔係蛋白燶左會苦。味道方面，rum酒淋左係外層蛋白cream，包著薄薄嘅海綿蛋糕同一大磚雲呢拿雪糕，口感好好，配搭外層嘅rum酒蛋白cream一齊食可以中和一下雪糕嘅甜味。不過始終份量太多，嚿雪糕真係好大嚿🤣，食到中間都開始覺得有啲甜膩。建議三至四個人分食會冇咁大負擔🤣推薦指數⭐️:4/5提提大家，經OpenRice訂位會有八八折，呢度折咗後係$905，真心超級抵食🙆🏻‍♀️🙆🏻‍♀️🥲另外仲俾咗三張$50 coupon❗️❗️雖然生蠔麻麻哋，但其他食物都超水準發揮，真心推薦大家嚟食❤️…Read More

次次行Aeon經過見到d飯團大大隻，都覺得好吸引，而且佢有好多款口味可以選擇。今次試左款醬油漬蛋黃飯團，落單後等左10分鐘左右。醬油漬蛋黃飯團—💰$29一攞到手，真係好大一個，女仔食一個一定夠飽🤣同埋係暖笠笠嘅❤️❤️米飯用左日本米，軟熟得嚟有啲嚼口，米香十足。一個飯團有2隻醬油漬蛋黃，色澤好靚，見到已經好有食慾。一咬落去個蛋黃就會流心，配飯真係一流！蛋黃食得得岀係高檔蛋，帶有濃郁蛋香，而且醬油漬非常入味。唯一可惜嘅係真係太多飯，得2粒蛋黃其實唔太夠蛋汁，食到尾會岀現食白飯嘅情況😢😢推薦指數⭐️:3.8/5…Read More

星期六中午3點左右來，等左15分鐘左右就有位都ok👍🏻聽聞呢度嘅雞湯底好岀名，今次專程來試左佢嘅豚x雞白湯低加水全麥粒麵同地雞鹽味多加水熟成麵。豚x雞白湯低加水全麥粒麵-$105低加水全麥粒麵彈牙有嚼勁，麵條帶有麥粒外殼，食落較有豐富口感同麥味，相對冇咁滑身。湯底入口濃郁，可惜豚味太突出而且帶點豬騷味，同雞味溝埋好似唔太夾。湯頭有好多白泡，係用攪拌棒打個湯底打岀來，我諗係令個湯嘅口感再綿密d同creamy d。總結係口感唔錯，但味道一般😂推薦指數⭐️:3/5地雞鹽味多加水熟成麵-$108多加水熟成麵幼滑掛湯，熟度恰當一樣有嚼勁。地雞鹽味湯底味道較上一款岀色，口感較薄身帶有濃濃嘅雞味。但可惜鹽味真係偏鹹，食左幾啖個鹽味已經遮左雞味，一路食一路覺得好鹹。食完超級口渴😢推薦指數⭐️:3.4/5咁2款拉麵配菜係一樣嘅，2款肉類🐓🐖正常發揮吧，唔算特別岀色。糖心蛋🥚熟度不錯👍🏻，荀好入味好食…Read More

先講環境👍🏻👍🏻唔會好似去食自助餐放題咁，完全係同平時食西餐一樣嘅格局，好有氣氛，同埋張枱好大，同隔離枱都有一定嘅距離，坐得好舒服。服務亦都係一流，好有禮貌同熱情。食物方面，我哋選擇咗$298任食3款和牛，咁都包埋沙律，湯，2款意粉同薯條。另外亦加左$98一個small size seafood plates(唔建議加，味道算正常但稱唔上岀色)餐包意外地好食，南瓜湯都唔錯。一開始3份牛都會上一份俾我哋試，亦有介紹，咁分別有澳洲M4+和牛脊肉，澳洲M7燒和牛肉，澳洲M7和牛冧扒。燒和牛肉: 肉味淡d, 一樣有overcooked 嘅問題，大約係5-7成。和牛脊肉:第一round 有少少overcooked, 肉質有啲韌，但牛味好岀。和牛冧扒:呢款個熟度係well-done，好韌。但味道好好，好香炭燒味。但實在太熟，唔敢再叫多round 來食。和牛脊肉:第二round係medium rare，口感軟好多。意粉係waitress 會拎住一大兜問你要唔要，我都試左嘅。2款通粉熟度都ok，合格。香草蕃茄牛面肉大通粉:好重牛脂味，有啲膩。青口辣肉腸大通粉:一樣都係tomato base，但冇牛所以個sause light d，清爽好多。總結而言，我覺得$298係值得一試，岀面食餐飯都差唔多，而且佢可以任食，質素我覺得都唔錯。仲要有環境有氣氛。…Read More

今次試左三哥新岀嘅鮮檸清湯魚片雞肉雲吞米線(加左$5轉蒟蒻麵)。先讚嘅係個湯底唔錯，有d似魚+雞湯味，同埋加左鮮檸同檸檬葉令湯嘅味道更有層次。雞肉，魚片同雲吞份量都唔少，食哂麵都仲有餸未食完。讚完都有啲嘢彈下首先係如果想食呢個湯係要跟佢個set，冇得自選餸。第二係魚片仲有小碎骨，食嘅時候要小心啲。第三係雲吞係急涷雲吞，個皮有啲厚。最後一點係個湯都幾油下，唔好俾鮮檸個fresh味扼到🤣🤣因為個湯飲落真係好好飲，油膩感唔重，但其實睇到d油係多過其他湯底好多…Read More

平時都成日食譚仔，今次試左三哥新岀嘅鮮檸清湯魚片雞肉雲吞米線轉蒟蒻麵。先讚嘅係個湯底唔錯，有d似魚+雞湯味，同埋加左鮮檸同檸檬葉令湯嘅味道更有層次。雞肉，魚片同雲吞份量都唔少，食哂麵都仲有餸未食完。讚完都有啲嘢彈下首先係如果想食呢個湯係要跟佢個set，冇得自選餸。第二係魚片仲有小碎骨，食嘅時候要小心啲。第三係雲吞係急涷雲吞，個皮有啲厚。最後一點係個湯都幾油下，唔好俾鮮檸個fresh味扼到🤣🤣因為個湯飲落真係好好飲，油膩感唔重，但其實睇到d油係多過其他湯底好多…Read More

服務方面: Book左呢間餐廳同朋友慶祝生日，佢直接將袋蛋糕拎出嚟問我哋係咪係餐廳食，無諗過一間中高價位嘅餐廳會犯呢種低級錯誤。不過其他服務都ok。食物方面，揀左件t-bone-$731 and pork steak-$161。T bone ordered for medium rare. 有啲位置有啲overcooked 變咗5成熟，不過咁大件係難處理d，都明白嘅。整體熟度都合格嘅，都值得一讚嘅。但係！！！個t bone 牛味非常之淡，淡到冇咁滯。呢個價錢，我唔expect呢個質素。另外個豬扒係比較乾同鞋。我唔岩食。其他side dish正常發揮，唔難食但都唔係特別好食。每個人口味唔同，大家自行衡量…Read More

星期日三點左右嚟到，大約等咗10分鐘就有得入座。點咗一個套餐係芋泥燒豬軟骨配滷肉飯（小碗）芋泥燒豬軟骨-味道一般，芋泥並冇令到成個餸菜增添風味，亦冇為口感帶嚟唔同嘅變化。我認為可以唔使試。滷肉飯-肥瘦均稱嘅滷肉配上特製嘅榨菜，味道不錯，同坊間食到嘅滷肉飯味道唔同，鹹甜適中。米飯選用了珍珠米，熟度剛剛好。有一點略嫌不足，滷肉同滷肉汁份量唔夠配成碗飯大腸包小腸-煎香左嘅糯米飯好煙韌同有米香，夾住對半切開嘅外皮酥脆內𥚃多汁台灣腸，口感一流。濃郁的蒜香同鮮甜肉汁配埋醬油膏真係超級好食！…Read More

2次到訪靠得住，水準一樣。係一間米芝連主打雲吞麵嘅店舖。服務正常。雲吞麵麵質彈，少少鹼水味算處理得唔錯。湯底好有鮮味，裏面有好多蝦子，飲哂成碗都唔口渴。至於雲吞都有5粒咁多，每粒都包左2隻蝦，蝦鮮味特岀，絕對唔係平價急涷蝦仁嘅口感同味道。推薦指數⭐️: 4.8/5鳯城水餃麵湯同麵係同雲吞麵一樣，水餃size會大粒啲，有3粒，味道都唔錯，入面有啲雲耳增加口感。不過要我揀，都係雲吞較好🤣推薦指數⭐️: 3/5口水雞呢個真係必點！色，香，味俱全！份量多，雞滑而有雞味。個汁係好香少辣少麻帶少少烏醋，係有d重口味，但真係好食到停唔到口。推薦指數⭐️: 4.8/5…Read More

雖然係連鎖店，但質素真係一d都唔差，又穩陣過用$600-800係ig shop 買造型蛋糕。所以我幾次生日蛋糕都係呢間買。價錢相宜，又有好多好特別好可愛嘅造型，味道又有返咁上下水準。今次買嘅係壽桃造型嘅蛋糕，係桃味mousse + 水蜜桃海綿蛋糕。蛋糕整得幾綿同夠濕潤，mousse甜度低，可以中和成個蛋糕嘅甜度(雖然本身都唔係好甜🤣)。整體酸酸甜甜好好食！！！推介推薦指數⭐️4.7/5不過要留意佢有用到棍仔支撐蛋糕造型，唔好用來玩掟蛋糕，以免發生意外。…Read More