Plusonebb's Profile

當年喺銅鑼灣一試就愛到不能自拔，尤其是個山葵乳酪醬🤤但銅鑼灣舖頭細細，成日都排晒長龍🥲今次開到黎九龍區，仲要係尖沙咀呢啲咁中心嘅地帶，無理由唔過黎試吓掛🫣由於仲係試業階段，所以暫時都淨係收現金去到坐低會有個Qrcode可以掃，落完單都未得住㗎🤷🏻‍♀️仲要出去收銀處埋單先叫做完成！買完就可以坐定定等食喇，不過餐具同水都係自助，要拎就要自己行出去喇。今次繼續係自選飯，都係山葵乳酪醬，再加杯牛油果奶昔🤤個飯黎到有啲失望，一入口啲飯有啲未熟feel😢個醬太少，唔似得銅記咁每一啖都係飯加料加醬咁滿足，不過啲野食都仲係好食嘅，希望啲飯太硬同醬少呢兩點可以改進吓就perfect~不過牛油果奶昔就完全係極度失望🥺而家見佢有得揀少甜就姑且試吓，點知上到嚟係勁甜嘅假糖味，好似飲緊糖水奶昔咁😢雖然嚟咗九龍區插旗，但如果係咁嘅食物質素嘅話，我寧願返銅鑼灣排隊等位好過🤷🏻‍♀️希望會有改善啦😢加油呀…Read More

潮州人由舊舖食到黎新舖，味道係一如以往咁好食🤤不過新舖地方細左好多，以前起碼仲有兩張長啲嘅枱，今次去到見到得6張二人枱左右，好彩去到當日仲有一張，後面黎嘅就要等到有人走為止喇🤷🏻‍♀️清酒大蜆湯米真係世一🥺蜆夠鮮甜，湯底又出色，真係必試！！！本身十五十六要唔要叫醉雞翼米，但係小朋友先做選擇，大人梗係全都要‼️另外叫左碟醉雞翼，但係都係有啲湯好食啲，凍食嘅肉質硬左少少，可以再好啲整體黎講，係一間值得支持嘅舖頭❤️…Read More

上次食楚撚記已經係西環店，嗰陣一食已經愛上，今次難得同一班朋友約左喺土瓜灣呢間食，企喺門口已經感受到嗰種坐爆人嘅感覺🥹黎到總店梗係要試總店限定嘅菜式🥹（你知香港人對限定乜乜乜呢嘅字眼無乜抵抗力）叫左豉油王一夜干吊桶仔、拔絲焦糖脆腩仔、椒油秋葵、芫茜皮蛋鯇魚片浸時蔬呢啲其他地方無嘅，真係好食到我覺得要黎多啲總店🥹其他菜式同其他分店無乜分別，都係咁好食！不過！今日重中之重係"豬油撈飯" 呢度有普通版同復刻版(即係成舊豬油擺面)揀，朋友為左影相靚靚，所以揀左普通版。但普通版一啲都唔普通！豬油同豉油嘅份量任你落，仲有芫茜蔥都係由你隨心配搭，真係痴_線級好食同滿足(ok食完記得返去跑返幾十K減肥🤪)如果一大班人食飯，我誠意推介楚撚記！唔係唔可以兩三個人黎食，但係你要黎多幾十次咁解🤪因為好食嘅野多到一次叫唔晒，會好失落㗎嘛🥺…Read More

話說要同朋友食生日飯，咁就俾佢揀要食啲咩啦，最後敲定左呢間西班牙菜😋一黎就叫左個純種黑毛豬火腿(Iberico Ham)先啦，因為大家都各自叫左一杯Sangria, 配呢個黎襯就啱啱好🥳（因為其他野食好似計啱時間咁，食完一樣先黎第二樣🤫）跟住再黎係個煎蛋餅配鱈魚(Tortilla with salt cod) 其實整體黎講好好食，左食到有鱈魚嘅位就咸左少少😂感覺上下次再黎要試配辣肉腸跟住就到西班牙海鮮飯(Seafood Paella)呢個真係好有驚喜🤤每一啖飯都食到個鮮味，不得了兩個胃唔係咁好嘅小寶寶表示，食咁多已經飽左，不過Dessert又係另一個胃，黎到西班牙餐廳唔食churros好似對唔住自己咁🙊個西班牙油炸鬼(Churros)加埋雪糕同朱古力，成個擺盤都好靚（擺盤靚真係會忍唔住影多幾張🙊）食落個質感好厚實，食左兩條已經棄械投降😂同埋對我講黎個朱古力醬太甜，加埋本身啲糖真係too much(利申本身唔太喜歡食甜野)整體黎講，野食同野飲都好正，不過最正係啲Staff😂so nice~~如果可以改善吓打極過黎book位都無人聽電話呢一點就完美野🥳…Read More

話說平時喺大全街嗰邊覓食多，今晚難得陪人黎棕樹街整車，咁就俾我遇到呢間舖🤤身為一個永遠在減肥嘅女孩子，夜晚都盡量以少澱粉為原則😤所以今次試吓佢啲魚生先佢個擺盤夠晒有心思😂出到黎見到啲紋甲墨魚擺到成朵花咁，唔理三七廿一影返張相先🥳（其實唔係好知點解紋甲係點解，是但啦好食就得🙊）三文魚唔洗講🥺片片都好大好厚勁肥美，決定下次試埋邪惡三文魚腩🤪劍魚腩就真係邪惡之最，不過兩個人share，都唔係太過份姐😌甜蝦就係朋友嘅最愛，買完之後佢問我做乜唔買埋牡丹蝦俾佢🙄下次啦好嘛？宵夜輕食就好，食得多就肥㗎喇😤總括黎講，暫時對魚生都好滿意🤤下次再想買壽司返屋企食嘅話，一定會諗起呢間（好食之餘又夠近，贏晒🙊）…Read More