ms.bunnyw的个人专页

當天和朋友到旺角逛街，就到了LAB EAT食午餐，位置很方便。餐廳的環境很寛敞，也很安靜，坐得很舒適，餐廳播的音樂讓很放鬆，很適合和朋友一起食飯聊天。每日餐湯：當日的餐湯是雜菜湯，味道頗爽口和美味香煎加拿大三文魚柳配蛋黃檸檬醬:三文魚的肉質很嫩，煎得很香很可口。蛋黃檸檬醬又酸又甜，很爽口，和三文魚很配，我和朋友都食得好開心。炭燒美國安格斯肉眼牛扒：牛扒的擺盤很好看，餐碟的外形很特別。首先，我們一開始已經被牛扒的外表吸引，煎得很好看，看上去很好吃。然後，牛扒我們點了七成熟的，煎得剛剛好，入口很香很嫩，牛扒的肥瘦也合適，令人想一直食。此外，配搭牛扒的醬也很合適，令牛扒吃上去更爽口。法式蘋果批：外形與一般的西式蘋果批很不一樣，令人很驚喜。批很脆很香，蘋果也很香甜。紅草莓忌廉玉米糕：外形真的很好看，我影左好多張相。紅草莓又酸又甜，與甜而不膩的忌廉很搭，糕的質地也很軟硬適中，且不會太甜，真的很好吃。餐廳的服務也很周到，waiters 會經常留意客人需要，不時會幫手加水和收拾餐桌。整體上對這次的用餐體驗頗滿意，會和其他朋友再去食。…查看更多

喺日本好岀名嘅金子半自助終於喺香港開店，今次約咗朋友去東涌東薈城分店食飯，一試究竟。店舖裝潢不錯，好有日本小店風格，好似去咗日本旅行咁。餐牌上嘅選擇唔多，有江户前天丼、上天丼同天丼三款，我同朋友決定一個揀江户前天丼，一個揀上天丼。揀好野食，店員會送上黑豆茶，幫助客人解膩。我自己叫咗江户前天丼，穴子好大條，炸醬唔會落咗好多，食落好香口但又唔會好油膩。其他材料都好好味，值得一試！上菜既時候仲會附上小菜，邊食主菜邊食小菜會幫助解膩！最後再將佢個溫泉蛋溝落飯到一齊食，口感豐富，別具風味！…查看更多

上個月去完泰國，突然間好掛住泰國嘢，於是一家三口就上網搵下銅鑼灣有冇咩泰國嘢食，今次就試下喺渣甸街嘅Sayam 啦。Sayam 係一間樓上舖，要上去就喺渣甸街一堆台式飲品舖中間，門牌怡和街22號上三樓。門牌充滿泰式風味，令我回想到上個月去泰國嘅經歷，仲有熱情嘅侍應招呼我地入去！入面裝修同燈光都充滿咗泰式風味，Menu 有三份，都好多選擇！我地叫左個炸蝦混墨魚餅，一食就食得出係用新鮮蝦手打，果種彈牙同蝦味係冇得呃人的。如果怕熱氣，可以配埋生菜一齊食，爽脆又有口感。小食方面仲叫咗串燒，竹籤邊包咗錫紙唔怕整污糟手，肉本身未點醬都已經好入味！我地主食揀咗乾炒海鮮粗粉皮，賣相討好，香味十足，用料新鮮又好味，好值得叫！最後怕唔夠飽仲叫埋半隻燒雞，配埋佢嘅特製醬汁完全無得彈！！…查看更多

今晚約咗朋友一齊慶祝生日，所以就揀咗呢間幾有氣氛既餐廳。好彩黎得早，過咗7點就開始多人黎。首先就叫咗蒜蓉包，一上碟已經飄黎一陣蒜香，麵包被烤至金黃色，蒜香味濃，配西湯一流！叫咗墨西哥辣牛肉粟米片，賣相唔錯，nachos炸得好脆，上面加上melted cheese、牛肉粒、橄欖同番茄等等，口感豐富。除左直接食，重可以揀用沾醬點黎食（醬料包括有：酸忌廉、牛油果醬同埋salsa），非常開胃。一碟份量頗多，我地食完成碟都已經半飽。再叫咗酥皮卷，入面包住雞肉、蘑菇同埋半溶既芝士，外皮灑上黑白芝麻，伴碟有泰式甜辣醬同沙律。主角酥皮卷外層個皮非常酥同鬆化，一邊食一邊掉酥皮碎，內餡鹹香。…查看更多

屋企人想食川菜，上網見到上環呢間餐廳有龍蝦又有川菜自助餐食，就book咗枱啦！入到去可以揀咩味嘅龍蝦，同埋有點心紙可以揀少量點心同甜品。龍蝦我地揀左上湯焗同芝士焗，兩款都好惹味，龍蝦好新鮮不過份量唔算多。其他餸菜同飲品都係自助形式，款式唔少同埋會keep住refill，完全唔洗爭！個人極推介麻辣雲耳同酸菜魚！重頭戲係片皮鴨！有師傅企喺到不停片，成餐飯落黎都有唔少客排隊攞，味道都幾唔錯架！每位仲會有蟲草花花膠湯，呢個價錢黎講都叫幾抵食，個湯不過不失唔會太淡味。…查看更多

朋友喺中環做野，收工約咗我去食台灣野。店舖幾舒服，會隔開坐。小食叫左蚵仔煎，佢跟足台灣方法去做，係台灣士林既回憶出晒黎。皮會係皮好煙韌，有D咬口，唔會太乾身，蚵仔都幾多，點一個醬汁完美！另外仲叫左個蜆肉湯，大約一人份量左右，味道幾清甜，餐廳標榜唔加味精，促得更安心，同埋好多蜆食呀！主食方面叫左滷肉飯，飯+鹵肉汁係絕配，好惹味，仲有青瓜做伴菜，一個字爽！要留意係佢會比較細碗，size適合女士選擇。珍珠奶茶都好重茶味，少甜岩岩好，唔會話甜到漏！絕對值得一試！總括黎講，喺中環食到呢個價位呢個質素真係物超所值，絕對會encore!!…查看更多

岩岩去完旅行返到黎發現好掛住中菜，於是乎帶左屋企人去樂天經典食返餐好既！喺門口已經見到星洲黑胡椒螃蟹好吸引，所以一入到去就叫咗呢個先！一上菜個陣真係勁香噴噴，侍應好好招呼，放哂食蟹三寶喺枱面，食落啲肉都好紮實又入味！叫嘅係中size，4個人食岩岩好。然後叫咗個福建雞丁燴飯，個飯炒到粒粒分明，配埋嫩滑既雞丁完全無得頂！就連平時唔太食飯既我都不停encore！再叫咗個黃金咸蛋蝦球，都幾大隻而且食落無雪味，咸蛋醃得好好，色香味俱全！屋企人仲叫咗個酸辣素羹，材料豐富但偏辣，十分開胃解膩但如果唔太食得辣既千奇唔好嗌！…查看更多

尖沙咀好多韓國舖頭，行咗咁多間我得哩間裝修幾特別，所以想試下。不過入面檯比較少，所以翻檯較慢，等候時間稍長，如果大家可以早啲或者等下一輪(大約八點)咁就唔洗等咁耐。聽人講哩到餃子出名，所以叫咗三個泡菜餃子。一上個陣就覺得好特別，可能係因為哩間韓國嘢，而佢整到好似中式嘢咁，幾有fusion感覺，打卡一流。口感唔錯，泡菜亦唔會太咸。因為覺得餃子唔錯，所以叫多份煎餃。味道唔差，但係都係叫返一籠籠個啲好。主菜叫咗個牛排骨湯，個湯都幾多黑胡椒所以較為辣，不過勝在肉夠多，起碼比起出面餐廳多，而且有得配飯/蕎麥麵，填肚一流。至於個豬肉石鍋飯都幾香，唔會太濃味，好在肉唔算多，因為本身都食到好飽，非常滿足!…查看更多

父親節就嚟到就決定提早帶佢食餐好既，之前食過呢間既避風塘系列，覺得勁好食，就決定再嚟食過！我地叫咗兩個避風塘系列既菜式，一個係避風塘炒軟殻蟹，另一個就係避風塘炒魷魚鬚。避風塘炒軟殻蟹有兩隻，大大隻炒得好入味，份量都唔少架！魷魚鬚方面都一樣整得好好食，十分煙韌又唔會話落得太多粉。飲品方面就叫咗Dr Kitty，荔枝味相當重，而且偏甜，特別適合女士既口味！主食方面我地揀咗兩個安格斯牛肉漢堡，一個係配日式照燒茄子，另一個就係配煙肉芝士煎蛋，各有風味同特式。日式照燒茄子個醬汁酸酸甜甜，十分醒胃，配上份量勁大既漢堡，一啲都唔覺得膩。煙肉芝士煎蛋個款都好好食，配搭岩岩好，食落勁滿足！主角安格斯牛肉黎講，生熟岩岩好，而且份量相當足料，一上菜個陣都嚇親！最後我地叫咗個焗蘋果批做甜品，熱辣辣嘅蘋果批配埋餐廳自家製嘅雲尼拿雪糕簡直係perfect match！餐廳員工仲好貼心插上煙花蠟燭，為我地呢餐飯畫上完美既句號！…查看更多

見最近呢間餐廳評價唔錯，所以Weekend約咗朋友嚟試下。餐牌都有唔少選擇，set lunch仲好平添，我哋無食早餐，所以決定咩都叫啲！小食嗌咗王牌嘅咸蛋黄薯角，炸得好好，食落好有咸香味，好惹味！水牛城雞翼有6隻，雞翼都幾嫩滑，外皮炸完加埋個汁少少辣辣地幾香口野味。Set lunch方面會送個餐湯：羅宋湯，不過不失～冬陰公忌廉汁焗海鮮飯都幾抵食，飯底係炒飯底，幾香口！海鮮配料有大蝦、雪魚、八瓜魚仔、蜆。估唔到冬陰公配忌廉汁都幾match!水牛芝士薄餅中size，薄餅底都幾薄，唔驚食濟。面頭鋪滿芝士不得了，再加埋蕃茄味道好豐富！跟餐加左40蚊轉左桂圓紅棗茶同檸蜜玉桂茶，一壺都有6、7杯，好滋潤。最後甜品叫咗個心太軟配士多啤梨味雪糕，心太軟整得都幾唔錯，唔會話好甜，而且軟硬岩岩好！…查看更多

天氣凍凍地，就當然要同朋友打下邊爐啦，尚鮮都好近地鐵站，夠晒方便！入到去都坐得幾闊，如果卡位仲會有埋電視睇，十分貼心。我地就叫左個星級之選套餐，因為set好晒，唔洗再諗同埋真係幾抵。湯底揀左鴛鴦，姬松茸冬瓜同埋血池麻辣湯試試佢。冬瓜清清地，味道清甜，岩晒煮滾菜同海鮮，不過我個人就鍾意麻辣湯多D，唔係好辣，但係麻麻痺痺既感覺好過隱。套餐包埋冷盤，有清酒飽魚食，好爽口，再黎泰式生蝦，辣辣地好醒胃呀！之後就到手切安格斯牛，賣相已經相當吸引，同埋呢到D安格斯牛唔會得個肥字，脂肪同肉既分佈都好平均，加埋麻辣湯少少麻既感覺，真係好正。海鮮拼盤有海蝦﹑聖子﹑鱔片同大蜆，食落都幾新鮮同埋爽口，個人特別推介鱔片，肉嫩鮮甜，好出色。再黎就係滖左丸(鮮打豬肉丸+墨魚丸)+芝心獅子狗卷+脆皮芝士腸，全部都彈牙，但手打係唔同D，所以豬肉丸特別好食！仲有木耳仙蝦雲吞，有D菜係入面，清清地好爽口，同時同埋時令雜菜同菇一齊食，中和一下。食完菜又可以食D好邪惡既豬3毛(豬肝﹑豬血同豬皮)，佢將豬3毛放係個架到又幾靚，都幾方便夾。豬血唔係到到打邊爐都有得食，最鍾意就係配麻辣湯一齊，又係停唔到口！最後就食咗稻庭烏冬收尾，稻庭烏冬係相對上幼少少而煙韌咬口，食多幾條都唔會頂住個胃，作為最後一首菜真係大滿足！…查看更多

同舊同事約咗食飯，近近地打算搵返銅鑼灣唧餐廳，醒起呢間韓國菜唔錯就帶咗朋友去。佢編咗我地坐卡位，餐廳好貼心，有提供插頭位叉電～而餐具都掛哂喺牆上，唔洗佔枱面嘅位置。我地一坐低就決定要叫部隊鍋過下癮！部隊鍋嘅份量都幾多，勁多料勁豐富，湯底都好濃味，啲公仔麵同午餐肉都入哂味！我地再叫咗個飯：辣炒豬肉炒飯，一上菜個陣勁香，飯面有少量炸魷魚添，魷魚炸得好好味好香口好建議大家如果食炸雞既話一定要加錢食埋炸魷魚！最後我地一人叫咗一杯野飲添：cookies n cream同柚子沙冰，個人比較中意cookies n cream，味道較為濃郁但又唔會太甜！…查看更多

新年同朋友約左去一人一鍋～朋友揀左蕃茄湯底，覺得都幾惹味！我就鍾意試新野，所以今次揀咗特別嘅紅酒鍋，貪佢可以兩種食法。食完壽喜燒，再加清湯打邊爐。呢個壽喜燒特別之處就係會包埋食材嘅，當然都可以自己出去拎啦。跟餐嘅有豚肉一份，蔬菜拼盤一份，仲有兩支紅酒汁同鰹魚汁。望住佢壽喜燒個食法，其實都唔係太清楚，店員都好貼心，見到我地唔太明白就自己主動過嚟幫手。食壽喜燒第一樣嘢，當然就係開咗個爐加熱個鍋先啦，當個爐熱咗之後，就可以放舊和牛脂肪落去加熱，好香嘅和牛味啊燒熱咗個煲後， 就可以加少少紅酒汁落去整壽喜燒啦酒精揮發後就開始變到甜甜地同濃濃地，呢個時候就加少少鰹魚湯落去啦，食完壽喜燒，之後就可以叫店員加清湯打邊爐啦！除咗羽衣甘藍，仲有唔同種類嘅菜，例如娃娃菜、生菜、冰菜、蘿蔔等等，蘿蔔一出場好多人都會爭住拎，事關佢唔似出面啲邊爐鋪切到大大舊，而係好細心咁切到好細片，我地都拎咗幾片食，好清甜，誠意推介大家試下蘿蔔！最後梗係要拎多幾球Hagen daz做飯後甜點！…查看更多

最近太大壓力，決定收工同同事食餐放題化悲憤為食量，所以揀咗平靚正又就腳既大喜屋，希慎隔離就係！睇佢menu都幾多選擇，冷盤到熟食再到甜品同野飲都應有盡有！我同朋友刺身方面雖然唔係叫咗好多，但發現佢都幾新鮮！我地主攻壽司同小食！壽司都叫咗好多款，芝士蟹棒呀炙燒三文魚呢啲都有叫，飯嘅份量夠細可以食多幾款口味！除此之外，仲叫左餐廳推介既蟹籽沙津、蒜片牛柳粒、燒香草羊鞍、鹽燒海蝦、燒菠蘿。食物既質素都好好，上菜速度又快，同埋最緊要係食物既種類都好多。最後甜品都有好多選擇，焦糖燉蛋又有，tiramisu又有，連我至中意嘅芝士蛋糕都有！雪糕仲可以揀Hagen daz！連最新款mochi都有！總括而言，價錢合理又多選擇，一定會再黎！…查看更多

聖誕季節至中意約朋友岀黎交換禮物，今次聚會地點揀咗呢間充滿聖誕氣氛又坐得舒舒服服嘅韓國菜！叫咗必叫嘅迷你熔岩pizza，有三種味：大醬五花肉、微辣大蝦、蒜香雞肉，每款兩件，全部都好入味又勁多芝士，每咬一啖都拉絲！最中意嘅係大醬五花肉，成件事好match!之後再叫咗個卡邦尼年糕，超好食！年糕勁煙韌，配埋個汁一流！煙肉、西蘭花等配料都好多，食極都仲有，好抵食！最後再叫埋韓式餃子，有四大隻咁多，炸得岩岩好，餡料都好豐富！當然唔少得食韓國菜嘅蜜桃酒！佢會比個細杯你慢慢飲…查看更多