eatwithmoonly的個人專頁

由佛羅倫斯Gabriel主理，主力做北部意大利嘅傳統米蘭菜😋每一道菜都好好食！而且大部分菜式都係$1xx-$2xx 之間 但份量就略嫌細份咗少少 ><連酒都係$100樓下！不過環境都幾暗🌫️ 係幾浪漫🌹(?) 🤣◞ ⭐️ 特別推薦 ⭐️🟡 Mondeghilli Meatballs呢味最驚喜！一咬爆汁～肉味濃郁又唔油膩，外層炸到香脆🥹
再加埋自家製蒜香蛋黃醬，邪惡得嚟好滿足✨🟠 Pumpkin Gnocchi入口超煙韌，絕對係港島必試 Gnocchi！南瓜味比較淡，反而鼠尾草嘅香氣好突出！配埋好creamy 嘅芝士醬同埋烘松子包住～ 每啖都好rich🙌🏻🍫Tiramisu 用大匙刮出嚟成個鐵盆咁serve，啖啖mascarpone好滑，
濕潤濃酒香～屬於唔會過甜嗰種，好有驚喜！◞ 食完記得喺地上個米蘭公牛轉圈求今個星期嘅好運～幾得意🍀🤣平日都full house🥹記得book位呀～◞ 𓐐 what we ordered🜸 Mondeghilli Meatballs｜128🜸 Zucchini Ripiena｜108🜸 Pumpkin Gnocchi｜178🜸 Cotoletta alla Milanese｜568🜸 Tiramisu｜98🜸 SBAGLIATO | 78…查看更多

藏身圓方天台嘅半戶外空間（不過而家夏天真係有啲熱haha)餐廳紅黑藍撞色設計、霓虹燈加手繪壁畫，型格得嚟又唔失玩味🥢🍸Happy Hour （平日4-8pm）選擇多，價錢親民，連Mocktail都只係HK$70起，收工chill一chill啱晒🥂◞AI Gen 出嚟嘅嘢食圖實在太好玩啦😆😆重要唔洗錢㗎！App：RoboNeo 學習蘋果 iOS系統表情符號風格，將照片中的食物成為這種風格的 3D貼紙頭像。模仿食物種類攞盤顏色。圖中食物種類攞盤顏色保持一致。背景白底，只要完整食物，確保最終圖像看起來像iOS 表情符號貼紙◞今次食咗幾款Fusion韓菜⤵▹ 原生番茄·泡菜·布拉塔芝士泡菜嘅辣配芝士嘅creamy意外地夾，加埋紫菜脆脆有層次感✨開胃得嚟擺盤都靚靚～▹ 燴牛肋骨牛肋骨炆到入晒味，蘿蔔吸晒醬汁好啱送飯，個醬有少少似濃版galbi jjim但鹹香唔會過重▹ 辣炒年糕配大蝦帶甜辣醬汁夠惹味，蝦爽口彈牙，年糕煙韌，韓式comfort food代表🍤甜品就普通啦～ 最特別一試都係燴牛肋骨🥰🫶🏻𓐐 what we ordered: 原生番茄·泡菜·布拉塔芝士 | 168燴牛肋骨 | 428大蝦辣味炒年糕 | 268Affogato | 78Oatmilk Panna Cotta | 78Strawberry & Lychee Soda | 88White Lotus Misty 7% | 72…查看更多

頂住米芝蓮一星同埋香格里拉入面，價錢無貴到好離地，而折扣都做得好慷慨！唔洗怕埋單要8萬蚊🤣尤其係適逢餐廳周有優惠！而家由9月9日 - 10月12日係2025 Restaurant Week’s Winner Edition 啦，有100間成功入圍贏家版嘅餐廳畀你揀！全部質素都係有保證啦～ 仲有埋以中菜為主嘅特輯精選45+間餐廳，低至HK$148比大家book 位食飯！◞一入嚟先附上一杯welcome drink - 金盞花桂花烏龍茶🍵仲有鹽焗腰果配三款辣味唔同嘅醬🌶️由精緻嘅3道小食作頭盤！半肥瘦嘅三層肉叉燒，食落勁軟腍！脆皮燒腩肉表皮酥脆鬆化～ 唔係硬崩崩個種配黃芥末當蘸醬，降低油膩感!松子星斑拆魚羹，用順滑嘅魚湯作Base再加入星斑肉、薑蔥、木耳、陳皮等材料去除魚腥味、增加口感我幾中意每碗湯灑上幾粒松子仁，體積小油脂豐厚，放係魚羹入面無違和感又唔會太搶味～◞成餐飯仲有驚喜嘅竟然係最後送多個免費嘅陳皮紅豆天鵝酥係一道好考工藝嘅菜式，見到個樣以為外皮得酥皮？底部係黑芝麻增加口感！中式酥皮非常鬆化，餡料甜度適中得嚟陳皮味都幾明顯◞餐廳以紅色及金色仿宋雕刻裝飾，裝修豪華典雅，枱與枱之間有足夠距離，令人感覺輕鬆放鬆舒適服務就係香格里拉嘅標準，服務質素好好而且每次茶壺Fill 茶唔係好熱所以佢換過第二包茶葉，唔怕越飲越無味！整體而言係一間你唔會有好大驚喜，但嘢食係道道都達到酒店級標準，環境夠氣派，有優惠的話過嚟家庭聚餐都幾唔錯！最重要係媽咪十分滿意😆💖◞Restaurant Week Winners Edition - Elite Signature 6道菜晚餐 ｜HK$798 ⸝ 芝麻醬青瓜捧捧雞、脆皮燒腩肉、極品蜜汁叉燒皇⸝ 松子星斑拆魚羹⸝ 百花炸釀蟹鉗 ⸝ 蠔皇原隻鮑魚扣鵝掌伴翡翠 ⸝ 亞拉斯加蟹柳蛋白炒飯 ⸝ 香芒楊枝甘露…查看更多

為了招牌朱古力梳乎厘嚟道抵！而家新推出menu 係兩道前菜、1.2kg牛肋排、甜品全包仲送Sommelier精選紅酒🍷人均千零蚊就食到同Amber共用米芝蓮三星+綠星廚房，食材細緻度滿分✨
逢星期一仲有85折！大大減$460，呼應返佢哋嘅 Côte de Boeuf Monday！◞坐低即送上暖笠笠酸種麵包♡ 外脆內軟、麥香重、酸度平衡搽埋牛油鹹香到忍唔住叫多份！◞前菜兩款都好好食！蕎麥薄餅鋪滿煙燻鱒魚外觀似三文魚，但肉質更清爽鮮甜再加漬青瓜嘅微酸爽脆同鱒魚籽嘅啵啵鹹香層次好豐富另一款係鴨腿沙律，雖然同主菜沙律重複但切鴨嗰下「咔嚓」聲超脆，肉質嫩滑唔乾◞主菜1.2kg嘅法式烤牛肋排嚟啦！Medium rare 外層焦香、內裡粉嫩多汁，輕輕力就切開，完全唔韌配creamy微辣黑椒沙巴雍醬＋牛肉汁仲有牛肉脆粒沙律同招牌 黑松露焗薯仔千層批紅酒係酒體中厚、單寧明顯，帶黑加侖子同雪松香氣襯牛肋排嘅焦香perfect match◞全晚最期待嘅甜品 ——  SOMM 招牌朱古力梳乎厘軟滑帶空氣感，朱古力味好出，蛋香相對較淡襯低甜度朱古力雪葩啱啱好，香濃唔膩！朱古力控唔可以錯過🫶🏻仲有 raspberry vanilla puff 作petit four，完美收尾𓐐 Côte de Boeuf Monday | $2370/2pp (Monday 15% off) …查看更多

以為係新店，但其實已經係上環開咗兩年嘅西班牙x日式居酒屋🍴將 tapas 融入居酒屋文化，食件小食再飲返杯清酒最重要係唔趕客！佢哋就係想大家慢慢坐喺度飲返杯酒享受美食😋◞侍酒師唔會問你想飲咩反而會問你唔想飲啲咩再幫你做返個 sake pairing 🥰而且酒款都係行性價比高，唔會太貴而且味道都夠特別嘅清酒款式😝主廚同侍酒師都係有多年fine dining經驗係唔同米芝蓮星級餐廳做過，啲嘢食當然有返咁上下功力！梅子蕃茄多士、日式醬漬鮑魚、明太子丸子配酒一流😳✨而且唔會覺得佢哋將西式嘅嘢食融入去日本菜好突兀e.g. 香煎椰菜花都有驚喜，椰菜花下面係鷹嘴豆蓉但又唔會好重中東香料味紅蝦意粉都好好食，配返合適嘅酒係再加多啲分✨成晚留低最深印象嘅清酒係第一杯配前菜嘅舞美人 山廃純米 無濾過生原酒🍋一句講晒 —— 乾淨清爽有層次，唔焗喉仲有淡淡米香🍚◞估唔到納豆都可以放入芝士撻🧀有種介乎係味噌同腐乳之間嘅味道出奇地無納豆個種發酵味，反而係多咗浸豆香唔會話係試伏嘅。。。唔算好伏配埋sake飲又另一種風味🍶◞西班牙x日式居酒屋嘅菜式都唔算好普遍總結：鍾意食吓tapas，又想坐耐啲飲吓sake 可以試試 yeah!…查看更多

九龍香格里拉除咗麵包放題之外樓上自助餐都好唔錯！！見到官網成日都做discount 秋天呢轉「蟹」逅自助餐仲7折添！ 人均$615可以食晚市自助餐午市嘅話都只係$374咋！除咗每位嚟返份清蒸大閘蟹之外 （要去𢳂返碗姜茶暖返胃先）重頭戲一定係得星期五、六、日先有嘅師傅即切吞拿魚！仲有唔同蟹嘅菜式🦀 ——— 雞油花雕蒸蟹伴陳村粉、蟹黃蟹鉗蒸蛋白、蟹肉茶碗蒸、蟹粉蔥油拌稻庭烏冬、蒲燒鰻魚等甜品嘅話 我主力掃樓下bakery都有嘅甜品！我最鍾意嘅Top 5 encore 菜式係 ——❶ 蒜蓉蒸龍蝦手掌咁大隻仲要任食🖐️❷ Raclette cheese 配麵包自助餐少見嘅芝士🧀❸ 黎巴嫩雞肉中東嘢食呢邊無咩人食 但我同朋友都覺得煮得好好食！雞肉勁滑嫩配埋乳酪醬食 勁正🥰❹ 西冷、羊架咁啱食個兩Round 都煮得好好！入口軟嫩唔會韌 自助餐質素嚟講very good!❺ 可麗露連樓下 bakery 嘅甜品都有！！一定要食呀！…查看更多

係藝術館入面食住嘢再睇埋無敵海景！仲可以好清晰咁見到對面海無人機表演🪄4道菜都係$588～一開始會推架麵包車過嚟比你揀麵包！切完之後再拎返入廚房焗到熱辣辣比你勁推薦 Cheese Scone🧀 咬落唔係個種好乾好實嘅感覺！配埋松露牛油勁夾🥰兩款前菜都正正常常反而主菜都幾出色！烤三黃雞皮脆肉嫩🫶🏻配埋雜菌飯好唔錯👍🏻法式馬鮫魚湯有比想像中好食！好rich嘅海鮮濃湯再加埋唔同海鮮出甜品之前仲有個鬼佬糖水做pre-dessert 不過我就無話好識欣賞啦cocktails價錢都唔算好貴 ard ~$130 如果唔食嘢當下場過嚟飲杯酒都唔錯…查看更多

食完一定要即刻去刷牙嘅中菜🪥🔥灣仔船街新開主打避風塘風味海鮮小炒＋鑊氣煲仔菜再配埋懷舊漁港風裝修，滿滿舊香港情懷🛥️✨由入行三十年嘅主廚「貴哥」主理，堅持「真鮮、真火、真味」💪🏻8個人食，人均$500左右，啱晒朋友／屋企聚餐👨‍👩‍👧‍👦◞私心最鍾意💛避風塘百花茄子 —— 將蝦膠釀入茄子入面，炸得外脆內滑，面頭係勁多辣香蒜香🍆避風塘南非鮑魚仔—— 外皮酥脆、入面仲keep到彈牙鮮甜 🐚好邪惡！黑椒金薯牛柳粒 —— 大大粒牛柳配蜜汁脆薯🥩艇王海鮮粥 —— 勁多海鮮仲要煲到碗粥好綿密🍲避風塘炒米粉 —— 乾身爽口，好有鍋氣🔥鹽焗烏頭 ——— 上枱個時有埋個小表演去撲碎鹽殼再幫埋你拆魚…查看更多

見到佢地同老字號零食【華園食品】聯乘將懷舊零食「原隻鐵板大蝦脆餅🦐」融入拉麵高溫鐵板壓製，非油炸、非膨化，食落好香口試咗「海老辛醬背脂煮干拉麵」同「沾麵特盛 」都幾唔錯但略嫌湯底辣味會冚咗少少蝦味如果你鐘意重口味嘅話，食沾麵會穩陣啲😌我幾鍾意佢哋嘅粗身極太麵，彈牙又掛湯呢個價錢有齊晒配溏心蛋、炙燒豚腩、慢煮豚肩～滿滿誠意！其他小食都正正常常，而且28蚊小食都唔算貴尤其係南蠻炸雞面頭個粟米醬幾得意整體我覺得幾好食～…查看更多

一定要試佢哋嘅澎湃拉絲龍蝦 Mac & Cheese! 用咗兩款mozzarella cheese🧀  啖啖龍蝦肉配煙韌通心粉👍🏻👍🏻龍蝦包都係比足料食到最後唔會得返個包！不過醬汁都多咗少少有啲漏Set Dinner最抵有齊前菜、沙律、主菜、甜品 都係300 幾蚊覺得可以嗌一個Set Dinner 其他散嗌！除咗happy hour $20 起，飲酒都幾唔錯！星期一限定！嗌第二樣龍蝦菜式有半價添啊！…查看更多

一邊望住維港夜景，一邊慢慢享用 10-course 韓式tasting menu由韓籍主廚 @chefjimkim 坐鎮，用上韓國直送食材連白米都係餐廳老闆自家農田出產🍚餐前先嚟一杯傳統濁米酒 Makgeolli 🍶 微甜易入口，啱晒chill住開餐釜山鮑魚湯餃子暖胃又鮮味，加埋辣香烏賊＋彈牙素麵，前菜已經好驚喜
黑毛豬五花同手打免治肉係亮點，香濃惹味，再配紫蘇葉同白蘿蔔絲，食法好多變🤤
珍珠米飯用高壓鍋煮，粒粒飽滿，配伴菜一啖白飯一啖小菜，幸福感直線上升❤️最後嘅糯米年糕窩夫餅配栗子奶油 🧇，煙韌又不膩，完美收尾韓國comfort food同精緻感一次過滿足到 🫶🏻◞𓐐 Oouli x snowsnow 雪寶 10-courses Tasting Menu ｜$1280/pp·Welcome drink ｜House Makgeolli·Starter | 海鮮脆餅·小口釜山鮑魚湯餃子·烏賊伴麵·Deul Kaki - Juk | 韓國當造特色蔬菜、韓牛、新鮮蜆肉、及自家大米15小時以上烹調傳統粥·Main Course | 30+小時慢煮濟州黑毛豬五花·蔘雞手打免治肉漢堡卷·JinSu - Sung Chen | 釜山自家農田珍珠米飯配鱈魚籽·時令特色釜山伴菜 | 黑豆·紫蘇葉·泡菜·蘿蔔·竹荀·韓式湯品|海帶湯·Hu - Sig | 糯米年糕窩夫餅配栗子奶油…查看更多

招牌 —— 真理丼係幾值得一試😋👍🏻將黑魚子、海膽、和牛、蛋黃、松露醬、白飯拌勻！同個名一樣就係「美味的真理」～◞醬料區都係一大亮點黑松露醬、明太子係任添！唔覺唔覺就會係咁撈飯食🍚雖然係台灣嘅燒肉但佢哋係主打人手現切日本A5和牛燒肉🥩仲要有專人幫你燒，唔怕燒壞咗塊靚牛🫶🏻◞人均$820 嘅Set menu 叫做 「和牛衝擊」係有佢嘅原因⚡️8道菜味道由淺味到濃味🥩尤其係和牛刺身冇咩牛味反而好似食緊拖羅（無錯，唔係吞拿魚 係拖羅嘅味道🐟）和牛夏多布里昂雖然係瘦肉但燒完出嚟冇咩油脂得嚟食落仲要唔嚡熠熠😍不過確實是偏貴，畢竟肉嘅質素係反映咗個價格點解有啲牛舌可以好平但都可以好貴？除咗係來源之外，仲有分牛舌上中下嘅部份譬如厚切牛舌係美國進口，部位都係用返中間肉質最軟嫩最啱攞嚟燒肉嘅部份，將油脂逼出，外層焦香內裡軟嫩◞甜品有兩款純素雪糕 今歸仁西瓜意式手工雪糕更加係油沖繩運送到港嘅西瓜🍉冰感清爽，啱晒食完燒肉後清下味蕾菠蘿桶柑意式手工雪糕就微酸清新，特別加咗柑橘肉係裡面，完全消除哂油膩感🍍嘢飲方面亦有紅提蜂蜜酒🍇🍻本地蜂蜜酒廠「日照夜霧」出嘅紅提蜂蜜酒，有少少飲梅酒嘅感覺🥴…查看更多

無話好知算唔算好hidden gem 因為好耐之前係YouTube 已經見過有人介紹🏮而且平日夜晚去都幾 full 但身邊嘅朋友又好似無咩人聽過呢間😅 應該要比我想像中更加出名先得🤩主打新派粵菜而且價錢唔會好離地，小食都係$3X 貴少少嘅主菜都係 $1-2XX而且最正嘅係佢啲串燒 🍢平時出面見到嘅串燒多數係蜜糖、辣椒和孜然粉（？）但呢到係做法上除咗用貴價嘅備長炭燒之外 味道上都係有自己嘅港式燒烤Style✨會話海鮮係必試🐟 ——— 新鮮白鱔 · 陳皮豆豉汁  &  立磷燒馬頭魚 · 酸菜魚湯淨係試咗呢兩款但都覺得好鬼jeng😋白鱔勁厚肉得嚟，仲有無骨㗎！！咬落去皮爽肉嫩！面頭係子薑同陳皮豆豉汁調味，減輕咗魚腥味酸菜魚湯好重麻香味！然後馬頭魚係用日式嘅立鱗燒做法，用熱油澆淋去令外皮魚鱗立起，再用炭火烤熟睇得出道菜做出嚟步驟繁複，質素好高🤍 ◞五香薰衣草燒鴿好jengggg 個人覺得叉燒同燒鴿二揀一 must go for 燒鴿😋🙏🏻除咗上枱用蘋果木輕輕煙燻陣等佢煙霧彌漫比你打個卡之外📸味道先係重點 —— 皮脆肉汁多☺️乳鴿用白滷水低溫慢煮之後再風乾兩日先炭火燒，鎖緊晒啲肉汁！值得一試👍🏻👍🏻◞其他價錢平啲嘅小食都好有記憶點！麻辣西瓜，呢個真係第一次試🤣 西瓜清甜夠爽身，吸咗啲辣之後浸味變得溫和🌶️不是黑暗料理 confirmed!!!!🍉雞皮雞卷 ，皮脆肉嫩每枱必嗌咸蛋燒飯團 個價錢平得嚟重要好好食😋墨魚肉腸 · 紹興酒豬肉腸 · 生蒜蔥花 送酒一流雞皮仙貝 就貴咗少少同埋有啲油 建議可以試其他小食 尤其係🌽焦糖牛油燒栗米🍯痴線仲好食過上次係 fukuro 食個個焦糖粟米Ngl😭🙏🏻 甜甜地然後又有粟米片係上面😋😋◞重要覺得好Good Trip 嘅其中一個位係因為Staff 全部都係後生仔得嚟玩得起又熱情，一間餐廳除咗嘢食之外服務/整體感覺令你食得開心都好重要 有無人明！！仲睇住老闆係全晚都有出嚟同客去介紹個Menu （好有心😍）仲介紹啲酒係特登搵香港酒廠出產嘅「陀地」孖蒸和玉冰燒🍶 ◞好想試牛舌芯 ！！但佢賣晒😭😭😭🙏🏻決定諗幾時再二訪！下次嚟一定要等有Frd 生日過嚟慶祝！！Btw 全晚都播廣東 HipHop歌，建議佢哋真係要嚟返晚 Canton pop 旺一旺個場先woohooo🤟🏻 𓌉 What we ordered:⸝ 麻辣西瓜 | 48⸝ 雞皮雞卷 | 36 ✨⸝ 咸蛋燒飯團 | 38 ✨⸝ 墨魚肉腸 · 紹興酒豬肉腸 · 生蒜蔥花 | 68 ✨⸝ 雞皮仙貝 | 58 ⸝ 新鮮白鱔 · 陳皮豆豉汁 | 128 ✨⸝ 乳鴿，五香薰衣草 | 128 ✨⸝ 立磷燒馬頭魚 · 酸菜魚湯 | 148 ✨⸝ 炭燒西班牙黑毛豬叉燒 | 298⸝ 焦糖牛油燒栗米 | 52 ✨⸝ 煙燻煙肉玉冰燒 | 88 ✨⸝ 荔枝紅茶話梅三蒸 | 88 ✨…查看更多

貴為 弥泩 同  天御 嘅姐妹店，質素有保證！自設熟成櫃，將雞肉、乳鴿升級到另一個層次，香氣、肉汁、口感都 💯！◞最值得試係熟成 48 小時嘅特上乳鴿脾外皮香脆到「咔嚓」聲，咬落爆汁又帶濃郁肉香而且肉質呈粉嫩透紅，好似粒紅寶石咁般剔透對上一次見過咁靚色澤嘅乳鴿肉係中環一間 fine dining◞一坐低先送上welcome food —— 雞卷、南瓜沙律、鴿全翼◞串燒嘅雞部位應有盡有：雞翼雞頸肉雞橫隔膜雞跟腱雞背肉雞髀肉包紫蘇雞心室血管每串都熟成得啱啱好，雞皮位焦脆、肉質嫩滑多汁，香到忍唔住再嗌多串。仲有招牌月見免治雞肉棒，自己將雞肉沾埋蛋黃食～◞仲試咗其他好唔錯～・日本山芋海苔燒 —— 煙韌綿密・燒翠玉瓜 —— 清甜解膩・牛油燒粟米 —— 香到停唔到口・乾咖喱牛配法包 —— 香辣濃郁・特濃雞白湯烏冬 —— 濃到可以當湯底飲◞蔬菜串燒 $18 起，又可以揀$580食18款串燒嘅 Omakase set我今次單點食到扶牆走都係三百幾蚊，完全係銅鑼灣逆市價！…查看更多

呢間出晒名係全港最平 $199 Lunch 嘅A5薩摩牛壽喜燒而家Dinner 都推出左新嘅 tasting menu一次過試到炙燒焦糖牛鍋 + A5和牛 + 肉眼 + 肩胛肉仲有檸檬牛舌🍋😍全程唔洗自己燒！店員服務態度好好🤣 會主動幫忙介紹餐牌同幫你燒埋，坐定定等食就可以啦～連 cocktails 都做緊 8 折優惠！係用自家製清酒整嘅，但我就覺得酒味有啲淡～📲 建議預約，walk-in好易滿◞最印象深刻一定係京都名物 - 炙燒焦糖牛鍋勁肥勁邪惡😈 熱鍋上放入砂糖，再放肉眼牛芯。當砂糖融化咗變焦糖後輕輕覆蓋肉眼芯～ 一咬落去爆曬汁，鹹甜平衡！配日本蘭王蛋同埋無菌蛋一齊食用，仲有日本夢美人特級白米飯🍚🇯🇵但講真食多幾舊已經覺得好膩😵‍💫但後面仲有3款牛未試啊！！A5和牛壽喜燒 ——— 肩胛、西冷、肉眼輪住上～油花靚到好似藝術品，涮完即食，蘸埋蘭王蛋🥚配蘭王蛋壽喜燒飯🍚＝靈魂組合😵‍💫最後一款牛肉會配野菜盛合一齊煮，再加上火槍炙燒，令到油脂再進一步逼出嚟！呢到仲可以再加壽喜燒醬汁，鹹度可直自己調配～春菊、芝士竹輪、蒟蒻吸晒壽喜燒汁好入味～至於甜品嘅清爽柚子雪葩我就覺得好甜好唔清爽，飲茶解膩就差唔多◞𓐐 頂級「京都牛鍋x壽喜燒極致盛宴」｜$598p.p𓌉 Appetizer ·芥末八爪魚野菜·柚香脆豆腐·芝士炙燒和牛卷𓌉 Pre-Main Courses ·檸檬の牛舌𓌉 Main Courses | 京都牛鍋x壽喜燒·炙燒焦糖肉眼芯牛鍋·A5和牛壽喜燒·西冷 / 肉眼·肩胛肉·七品野菜盛合-京蔥、冬菇、日式燒豆腐、蒟蒻、芝士竹輪、春菊、大白菜𓌉 主食 ·蘭王蛋壽喜燒飯·夢美人特級白米飯·蘭王蛋及無菌蛋𓌉 Dessert and Tsukemono·清爽柚子雪葩·柚香蘿蔔與紅之漬 𓌉 Cocktails·椰醉桂香·醉檸茶香…查看更多