SamsonNg7734's Profile

今次見到openrice 套餐抵買，所以就試下個2人午市套餐，共$298 2位價錢合理，一去到員工服務態度非常好及滿面笑容，我都好耐未係香港見到咁有笑容既侍應，環境非常舒適，好快我就叫左湯底，及選左配菜及牛，初頭都擔心唔夠食，但發現原來出面自在區都有小食，生果及滷肉飯任食，所以唔需擔心唔夠食，上菜非常快，及經常都有侍應詢問你需要加湯及加茶，十分貼心，另外如果選麻辣湯底嘅話，鴨血是可以無限refill，所以性價比好高，值得再來…Read More

好耐無食過火鍋，其實荃灣都有好多火鍋店，我地研究左一陣，決定食大鴻輝極品鮮鍋，見佢食評都唔錯，我地食9點半點鐘個場，今日是閒日，所以人流唔多，但環境好正，高樓低，都同出面一樣，有3個餐供選擇，，我地就選擇左第二個，一入去飲品都好多選擇，食品都有好多選擇，同一般火鍋店差不多 但有不同的是佢有好多牛丸選擇，湯底都有好多選擇，入左淡湯先再火鍋都得，牛方面都好正，最後甜品有好多選擇除咗有雪糕，仲有好多朱古力比我地食，值得再來…Read More

呢排好多餐廳都close 左 真心希望疫情可以快d 過🤧今日食呢個外賣好抵 $175 就可以食到1飯1餸同一個點心我地叫左套餐A及B有臘味煲仔飯煲仔飯及龍躉煲仔飯最好係呢個煲仔飯會送埋個煲仔 仲有一個保溫袋袋住 好貼心所以個煲仔飯保持住熱辣辣，送到屋企食都仲好有風味及飯粒粒分明，正呢個欖角骨好好食，酸酸甜甜好正見到都好想食多一個 酸菜班片d 班片好滑不過個汁都幾辣，唔食得辣嘅人要注意啦 仲有4個黑金流沙做甜品，依個價錢來講，算係抵食，希望快些有堂食可以試。…Read More

好耐無飲茶，想同屋企人食好d😍剛剛同家人去荃灣行街，發現好多酒樓都無開，終於搵到間有開，馬上入去試下佢嘅點心都好有心機，睇下Meua先，見到價錢都合理，並且唔收加一，10蚊一位茶錢，都幾低食鳳爪排骨飯超好食，飯粒粒分明$36鳳爪個味道好特別，不似一般普通野$28蘿蔔糕好足料，有好多蘿蔔絲$28叉燒包$22 至尊蝦餃$36牛肉腸粉 $36腸粉好足料服務都好好，感覺上比一般嘅茶樓環境乾淨同舒服好多，一定會再來。…Read More

係荃灣想打邊爐，又唔洗趕時間，諗黎諗去都係黎左海底撈疫情時間唔比食夜晚，唯有中午來啦，唔駛等位，一來就入得入座有服務員黎介紹自己同介紹鍋底食物。建議我地嗌四宮格，揀兩格湯底都夠食，揀左蕃茄湯底及麻辣。嗌左2個套餐：沙巴魚，連拼盤：冬瓜、蘿蔔、冰豆腐、大白菜同午餐肉，撈麵，$66好抵食！另一個肥牛套餐，連拼盤沙巴魚片好滑，而且都好厚肉午餐肉依舊係打邊爐必備肥牛就正常另外出面仲有好多小食及醬料攞，真係滿載而歸…Read More

今日同老婆出荃灣睇野，剛巧2點左右，見有點兒肚餓，所以在荃灣廣場搵餐廳食Lunch,見到好多間都試過，唯獨這間圍威喂未試過，係門口望入去，見到環境都唔錯，好靚既裝修，並且見到中午時候唔駛加一，亦有好多不同Lunch Set選擇，所以決定入去，先睇睇Menu先下午茶就3點先開始，我地都唔等啦，我就叫左個泰或豬手飯，我太太就叫左個青咖哩雞飯，食物好快就到一來到有驚喜，見到個賣相都好靚，估唔到60蚊都好有質素，食物質素都正，豬手及入味，青咖哩好有椰子味，總結來講，性格比高，會再想來。…Read More

因為停堂食，周圍搵野食，剛巧經過如心廣場神石燒專門店，位職員非常有禮亦好主動出來介紹好野食，咁我見到價錢都唔錯亦算低食，所以叫左2個套餐一個套餐有300g肉.有肉眼，有鴨肝，有牛舌，另一個套餐有牛肉，雞，牛舌，2個餐都有沙律及日式珍珠飯，大約等左15分鐘左右就有，可能因天氣冷回到家已經有小小凍，所以換碟加熱，影相出來不是太靚餐廳已經預先幫你剪好一塊塊，牛好正好有肉味，鴨肝都好正，仲有牛舌都好味咁既價錢真係好低食，其他就正正常常，下次會試堂食…Read More

因為而家6點後無堂食，今日係荃灣搵外賣食，剛巧見到一幻拉麵做緊優惠💕💕，有4款拉麵可以選擇👍👍，我同老婆各選一款，我老婆選左招牌蝦湯拉麵，而我就選左特濃蝦汁叉燒拌麵，小食就3選2，我就選左叉燒,我老婆就選左餃子，飲品就都係可樂，綠茶個D,因為外賣關係，唔夠美觀，所以無影相味道方面就招牌蝦湯拉麵個湯底好正，好大陣蝦咪，好香濃，叉燒都好味，至於麵方面，可能外賣關係一般般拌麵味道正常，係咩特別，下次食拉麵都選返有湯穩陣🤣🤣,總結$155有咁多野食，抵食，會再試下堂食…Read More

上網見到有廣告介紹，吉野家4間限定店做半放題，我見$88咁抵食就約太太一齊去試，初頭諗住啲快餐店服務態度一定麻麻，估唔到我有好多問題啲職員都好有耐性咁解答我，個價錢就係88蚊，無加一，但如果無限食牛，雞就加多$25,因為我地都想試下先所以冇加，外邊有腸仔，芝士腸，芝士竹論及幾款丸及菜類，其實都幾抵食，仲有可以無限任飲咖啡奶茶，汽水等等...其實之前你叫一個鍋都要60蚊左右，但是宜家只是加多10幾蚊就可以任食丸，所以我覺得性價比好高，值得再來…Read More

就到聖誕節，當然唔小得食聖誕大餐芝士火鍋，見到荃灣新開既餐廳有芝士火鍋，當然要試下，值得一讚既係有位應該是經理非常有禮熱情，態度及經常比建議我地，非常好環境都非常正，有室內及室外，咁我地當然座室外，經理亦貼心比左支蚊怕水我哋，當初以為坐出邊會好嘈，發現原來好靜，今日目標是芝士火鍋，所以其他食物餐牌沒有留意及忘記拍照，唯獨是有少少問題就是食物比較耐，可能西式餐廳就係咁樣，可以比你哋慢慢坐低傾偈，芝士火鍋就係正常，其中有三款食物我係覺得正嘅，就係牛，青口，及帶子，證明餐廳牛肉及海鮮都是靚野，但是個芝士火鍋沒有什麼驚喜，證明不是精選，下次可以試吓食返正常嘅晚餐…Read More

今晚食完晚飯後，就同老婆搵甜品食，見好耐冇食過芋圓，所以就決定去鮮芋仙，今日係星期六所以有好多人排隊，一條外賣一堂食，堂食太多人，所以決定外賣，先睇睇餐牌先大約排左半小時，終於入到，我哋叫咗個芋圓4號，同埋麻薯雞旦布丁拼盤，埋單$79，返到屋企就開始食得，見到個芋圓4號，都好足料，有芋圓，有芋頭，紅豆，糖水都正，好滿足，至於另一位麻薯雞旦布丁，我就覺得麻糬好味既，但只有4小舊，我覺得就小左小小，至於布丁我就覺得唔夠甜，所以下次都係食返芋圓算…Read More

大半年冇試過味千拉麵啊，因為食下午茶食到好厭，但係見到佢換咗新Menu，咁就即管再試下啦，閒日下午茶時間都有好多人排隊，我同我老婆大約排咗30分鐘左右，入去楚，見到個Menu真係有新野，就係加入左兩個飯，咁我老婆就叫咗個豚肉拉麵，我就叫咗個滑蛋雞肉飯，兩杯橙汁，好快就黎到，因為原先冇諗住寫食評，所以影相影遲咗，碗麵跟以往差不多，都是麵嘅質地比較偏硬，湯底較濃郁，今次第一次試佢碗飯，味道都唔錯，但又不算是好驚喜，我哋再加多個餃子，兩個人埋單$76 ，食到好飽，性價比好高，諗唔到食乜可以黎試吓…Read More

咁難得有公眾假期，咁當然要同女朋友出去食下野啦，咁我哋去咗荃灣行街，連續行咗一田激安，最後去咗荃新天地食韓國雞，一入到間餐廳已經感覺到好有韓國feel，不停播住韓國廣告🤣🤣咁我哋先睇吓Menu先見到價錢都算正常，我哋就叫咗$198.1隻甜辣烤雞，加多個鐵板芝士炒年糕，仲嗌多杯嘢飲，好快烤雞就到大約有10年左右，個賣相都好靚，咁我哋就試吓，烤得好juice，甜辣醬都好味，一啲都唔似燒雞咁乾，份量都唔錯，至於另外個鐵板炒年糕忘記咗影相，都係好食，印象中價錢跟韓國差不多，總結，暫時去唔到旅行都可以過嚟呢度試吓，值得一試，最後兩個人埋單$400 ，優惠期內仲送左支免沖水潔手液。…Read More

今日打8號風球，見到外面無咩風就落荃灣搵野食，估唔到都幾多人，見到柳氏家有開，咁我就決定再試下，下午茶時間每位$59，連加一就60幾蚊一位，好抵食，唔包任食海鮮肉類，只包一份雞肉炒飯或炒麵，任食前菜，甜品及任飲，之前試過佢地任食，雖然係好多嘢食，但係因為我哋只有兩個人，其實食完一個主菜之後，都已經有八成飽。今次我跟我老婆就試吓烤肉辣雞炒麵，侍應都好細心幫我哋炒，今次我覺得雞肉比較啦，之前試過蜜糖及柳氏家炒雞都唔錯，今次我就覺得辣咗啲，至於泡菜，甜品味道都好味，埋單最後$129，兩個人勁抵食，下午茶時間是2:30開始，下次會再戰…Read More

今晚同老婆去荃灣經過路德圍，買咗啲小食諗住回家食，點知經過三不管，想起都未試過，誰不知裏面位服務員非常有禮地介紹俾我哋聽，現時有咩優惠，有乜推介，咁我見到佢做緊外賣有優惠，三個餸$40 ，可以選擇加底或送多一個餸，咁我見佢咁有誠意，所以就決定叫一碗外賣回家食，俾大家睇睇Menu先我哋就叫咗三個餸，鳳爪，豬手，豬紅，之後就送咗個芝士腸俾我哋，選咗個金牌麻辣湯底，咁叫完餐之後侍應仲好體貼咁幫我哋分湯上，回到家就食啦，餸菜都幾多，味道正常，湯底就正，車仔麵來講個湯底佢算好講究，唔係求其俾啲味精湯你，真係有麻辣嘅味道，至於餸菜最好嘅我覺得算係鳳爪，但都係正常，未至於話好好味，有空再過去試吓。…Read More