tratra23's Profile

放暑假一家大細去中環走走大熱天時喺街度真係好需要冰凍飲品！咁岩經過【牛油果先生】綠色招牌加上可愛嘅牛油果圖案好吸睛👀見到係super food就入去望下menu主動都係牛油果產品當媽嘅我即刻心動💗平時啲仔唔肯食牛油果🥲而家變曬做果汁應該肯飲啦😈舖頭入面好舒服雪櫃入面放左好多新鮮水果同牛奶當然仲有唔少牛油果先生🥑😂真係一箱箱澳洲牛油果真材實料！我哋最後揀咗三杯一人一杯superfood拎住走👨‍👩‍👦【牛油果羽衣甘藍奇亞籽燕麥】聽個名就知道勁健康🤩完美地將超健康但係難入口嘅食物混和口感超豐富！最中意入面嘅燕麥爆珠有趣又有益大人小朋友都超LIKE！【牛油果碧根果乳酪】牛油果同乳酪係公認嘅絕配再加上香脆嘅碧根果粒粒令原本細滑濃厚嘅牛油果乳酪更多層次😋【牛油果羽衣甘藍藍莓】呢杯好適合俾小朋友飲口感細滑好似飲緊奶昔就算正常甜度都唔會太甜❌假甜❌飲到嘅都係蔬果嘅天然甜味仲有切左粒嘅新鮮藍莓咬下添🥰以每杯有一個牛油果嚟計其實50幾蚊一杯又唔算太貴最緊要健康、有營養而且夠飽肚比小朋友當茶點一流👍🏼媽咪開心，小朋友又滿足…Read More

一向偏愛飲茶嘅我發現旺角開咗間真材實料嘅茶飲店😍今日又飲茶，又食茶味雪糕太滿足喇☺️【招牌港式奶茶】店內竟然有個專門負責煲茶、沖茶嘅師傅沖茶過程中巳經飄出陣陣濃茶香氣茶底濃厚甘香澀澀同一般茶飲店用茶粉沖嘅奶茶截然不同【楊枝甘露】滿滿嘅一杯裝著大量新鮮芒果肉、西柚肉從上而下慢慢飲冰凍嘅芒果沙冰 >>有咬口嘅西米 >>酸酸甜甜嘅果肉層層分明除咗茶飲茶味雪糕都勁出色店員話雪糕口味係佢哋自家調製出邊食唔到㗎！每一款味道都超級濃厚今日見到嘅係【鴨屎濃香】同【輕脂茉莉】選擇困難症嘅我決定食晒佢😂鴨屎香味極致濃郁奶茶色嘅雪糕蘊藏著淡淡茶香口感醇厚順滑配上軟軟糯糯嘅珍珠根本就係食緊珍珠奶茶嘅雪糕版本🤩相比之下茉莉口味較為輕盈每一啖都洋溢住濃濃嘅茉莉花香平時我都鍾意飲茉莉花茶呢個雪糕真係100分，超級推薦俾大家！店員話雪糕口味定期會轉期待下次可以試吓其他茶味嘅雪糕🍦…Read More

星期日冇姐姐幫手湊小朋友決定揾個適合放電嘅燒烤農莊一次過解決玩同食嘅需要😎富來農莊位於水尾村由錦上路西鐵站搭的士入去好快就到車費大約$40左右揀富來係因為俾釣蝦活動吸引咗我哋全家都未試過釣蝦🤫原來都唔難連小朋友都可以親身嘗試睇住小朋友追住啲蝦仔好玩又好笑重要係釣完可以燒嚟食順便可以教育小朋友食物得來不易要好好珍惜喔另一個吸引點係富來有個超大嘅户外play area當中包括勁多適合唔同年紀小朋友玩嘅活動巨型草地可以玩唔同球類又有電動車、彈床、沙池、波波池、攀爬架、吹氣迷宮⋯⋯如果真係覺得唔夠玩門口都有好多小玩具供購買仲有農莊唔少得嘅動物入邊有山羊、盾臂龜雖然數量同埋種類唔多但係動物們都好乾淨，冇異味小朋友可以近距離觀察👍🏼👍🏼小朋友真係玩到樂而忘返忘大人除咗可以一齊玩仲可以喺燒烤爐準備食物慢慢嘆另外好推介富來自家製飲品因為唔想俾小朋友飲汽水所以買咗支柑桔蜜俾佢點知佢一飲就愛上咗😂清新桔香，感覺好似無添加糖，味道唔甜👍🏼整體黎講自己湊小朋友唔想煩玩同食嚟呢度hea下真係一個幾好嘅選擇…Read More

今日帶埋小朋友去葵廣掃街🤩天時暑熱上到3樓即刻被『嚐冰』吸引左餐牌啲相款款都好似好正🤤除咗主打嘅雪花冰仲有其他碗裝/杯裝甜品小朋友被圖片迷住一去到就話要食【草莓雪花冰】😂店員好細心見我哋同行有小朋友會主動問「使唔使幫你整得可愛啲？」咁當然好啦😂【草莓雪花冰】$58/大、$38/細草莓味雪花冰份量都唔少旁邊有草莓片、草莓味脆脆冬甩下底仲收埋好多草莓味爆珠同椰果比起其他店成碗都係冰呢個驚喜好多👍🏼🤩【雜果撈斑斕河粉】$45呢個又係好出色大人小朋友都食得好滋味先講河粉斑斕味好出有口感得嚟，小朋友都容易咬斷配料方面勁豐富除左新鮮西瓜、蜜瓜粒仲有大量西米、爆珠、清心丸口感非常豐富值得推薦💯…Read More

今日同老公去石門揀咗『豐鍋』兩個人都可食雞煲😍😍叫左招牌麻辣雞煲（bb辣）對於唔食得辣又想過下癮嘅我哋bb辣度剛剛好夠晒惹味香濃😍雞肉質感唔鞋口洋蔥、芫茜都超入味好味到連配料都吃光光🤤🤤食完雞煲店員會加入奶白色上湯打邊爐珊瑚蚌超級爽口份量都好多推薦推薦！粉嫩粉嫩嘅牛頸脊肉味超香濃口感勁柔軟老公每食一塊都讚嘆一次😂即炸紫菜響鈴好大卷😂入面卷住塊紫菜但略嫌紫菜味唔夠突出雜菜籃入面有菜心、白菜、生菜同油麥菜啲菜多到係咁跌出嚟😂兩個人食一份蔬菜攝取量非常足夠😉👍🏼沙爆魚肚魚肚有一定厚度建議早啲落、遲啲食俾多啲時間佢索湯索味😍今日整體用餐感覺都唔錯而家晚市堂食仲有8折🤩埋單800左右👍🏼…Read More

今日喺旺角午餐老公揾咗間半放題火鍋😍每人百零蚊就食到雖然限定肉量但無限蔬菜同其他火鍋配料啱晒我哋呢啲中意多菜少肉嘅人鍋底都有勁多選擇👍🏼👍🏼今次揀咗【藥膳竹笙雜菌鍋】🍄勁爆多菇菇同食極都有嘅竹笙😍😍😍湯底偏甜，略帶淡淡嘅藥材味我哋揀咗E餐【美國極上牛頸脊拼黑毛豬】$173兩款肉都好重肉味而且質地柔軟份量好夠食整體性價比好高👍🏼👍🏼其他配菜都同樣高質每碟食材都擺放得整齊又好睇全部qr code落單唔洗成日行出去夾野食感覺方便好多，可以專心繼續食食食😂餐廳環境乾淨空間充裕仲有好多卡位舒適度滿分👍🏼另外套餐包埋任飲各式飲品每次見到排雪櫃就好興奮🤩驚喜之處係餐廳仲有暖、熱飲品提供好貼心🩵…Read More

大角嘴原來隱藏左好多正嘢🫢今日行過呢間小店舖仔細細但係環境乾淨而且食物選擇都幾多【CLASSIC MARGHERITA PIZZA】即焗pizza😍又香又鬆軟厚厚嘅芝士仲有好強勁嘅拉絲效果💯【白咖喱羊肉 • 牛油薄餅】咖喱香濃惹味唔算太辣都幾啱香港人口味👍🏼羊肉大件，味道同咖喱好夾配上鬆厚薄餅風味十足😋【POPCORN CHICKEN】必點小食外脆內軟仲非常香口一啖一粒真係停唔到口🤩食物正唔正宗就唔知淨係知全部都好好食😋特別係個即焗Pizza超級推介！…Read More

位於逸東酒店嘅『逸東軒』連續七年榮獲米之蓮一星殊榮今日同朋友聚會有幸品嘗星級中菜💓環境寬闊，座位舒適唯獨餐廳入口有點難找不熟悉酒店的朋友可直接到前台向職員了解😅推介必食菜式【逸東片皮雞】二食 $628片皮鴨食得多片皮雞真係第一次雞皮燒得十分香脆侍應喺旁邊片雞時就巳經聽到撕開雞皮嘅清脆聲好吸引味道都好好雞肉唔會太肥而且一啲都唔鞋好食！二食有三個選擇我哋揀左雞崧炒飯炒食粒粒分明又夠香夠入味【每日精選老火湯 • 赤小豆粉葛煲西施骨】侍應貼心地將湯渣撈起上枱又會按人數在旁分湯湯汁好濃郁不過喜歡粉葛味嘅我有少少失望因為豬肉味太濃幾乎蓋過粉葛、赤小豆嘅味夏日精選菜式【珊瑚玉環蝦球】$328蝦肉夠大隻，口感爽脆配上節瓜環同蟹肉調成嘅汁清新好味👍🏼另外仲叫左份小食【金沙脆豆腐】$118賣相還好趁熱食都有外脆內軟嘅感覺不過就同金沙有少少格格不入兩者完全分離好在豆腐外皮都一些少調味令味道不至於太清淡呢個價錢嚟講實在有點不值🫠甜品都係令人失望嘅位蛋散夠鬆但係就唔夠甜楊枝甘露一望落去巳經同期望不符奶味好重，有少少似溶咗嘅布甸🥲…Read More

今日同老公拍拖揀左間好坐又好feel嘅居酒屋可以揀坐出面高枱或者室內環境舒適乾淨仲有好多日系裝飾感覺真係好似去左日本🤭去居酒屋好想飲啤酒無奈今日唔飲得🥲好在餐廳都有好多無酒精飲品【紅西柚粒粒梳打】好睇又好飲🍹飲到好fresh嘅西柚汁同勁多西柚肉西柚特飲喺其他餐廳都比較少有喜歡西柚嘅朋友一定要試👍🏼用QR code自助落單版面清晰易用好方便💓【汁燒活鱔】（左）外皮燒得好香脆魚肉嫩滑加埋甜甜地嘅醬油味令人好回味🤤【原條黑豚大葱卷】（右）每次食串燒都必點口感豐富一啖咬落去爆曬啤葱汁出嚟🤗【牛舌】（左）口感好正，厚薄適中而且牛味好濃👍🏼【翠肉瓜】少鹽調味清甜又多汁【牛柳】牛柳超嫩滑唔靭易咬黑椒調味提升牛鮮味😍【四季豆】清新之選爽脆四季豆加左鹽調味送酒一流👍🏼【喜之次一夜干】魚肉加左檸檬汁好鮮味沾醬又係另一種風味😋【雞白湯厚切火焰叉燒拉麵】湯底濃郁不膩飲一啖成個人暖曬叉燒火炙過好香肉質唔算好滑但勝在夠厚兩片都好滿足了如果再多啲葱就正😍埋單時同店員傾開原來餐廳做緊3～6點前離座生啤買一送一而且主餐牌仲有85折😍揾日真係要早少少嚟食先得人又少啲又抵食啲🤩…Read More

落聯和墟午餐印象中『越瀧棧』外賣都唔錯見入面仲有位，又試下堂食水準先室內環境都幾好乾淨又多闊落最正係張枱夠大😂放曬食物飲品都唔會覺得逼👍🏼午餐選擇都幾豐富湯麵、飯類、炒粉麵都有而且價錢合理唔算貴🤭【泰式豬頸肉濕炒河】$56勁大碟😂仲要豬頸肉同其他配菜都好多豬頸肉每片都又大又厚肉質軟淋，所以容易咬斷入味但唔會太咸好食👍🏼配菜有西蘭花、粟米芯、蘿蔔、草菇同芥蘭有菜有肉成件事好balance 👏👏【三色冰】+$10跟餐加10蚊可以升級越式特飲夠曬大杯😍三色冰椰汁味夠濃料又夠多綠豆粒粒偏硬身口感好豐富💕六十幾蚊有個咁豐盛嘅午餐其實都幾抵🤔最緊要係食物好食又大份🤭…Read More

放工約埋家姐打邊爐『湯煲』好就腳上環站行兩分鐘就到🤭餐廳環境乾淨舒服閒日夜晚唔算多人兩姊妹靜靜地傾下計就啱曬👍🏼鍾意呢度食物選擇又多又精緻湯底都十幾款頭幾款仲係店家推介嘅老火湯建議大家打邊爐前飲啖靚湯補補身🥰餐牌背後仲有個表話你知食物最佳嘅烹煮時間咁就唔怕徒咗嘅食材啦～調味料貴精不貴多最正係自家製蝦醬入面有大量原粒蝦米而且係新鮮每日即製非常鮮味😋【清香椰子雞煲】第一啖入口超清甜好香椰子味而且雞肉都好滑店家仲細心地配埋沙薑同青檸方便大家食埋啲雞肉💯【即炸魚皮及響鈴雙拼】呢個真係必食推介！魚皮香脆不油膩響鈴就超鬆化配合平時沾炸雲吞嗰款甜酸醬開胃又惹味😋😋😋【自家製墨魚丸及竹生帶子丸雙拼】『湯煲』其中一個最正嘅位係有師傅即叫即做手工丸子粒粒都好飽滿仲超彈牙！🤩墨魚丸好鮮味同平時食到嘅完全無得比竹生帶子丸就比較特別仲混合咗芹菜同甘荀碎口感豐富沾埋蝦醬鮮味double up🤤【安格斯肥牛（半份）】肥瘦得宜嘅牛肉一啲都唔靭而且重肉味兩個人食半份剛剛好☺️☺️【味增大根黑豚餃】爆多餡料😂滿口清甜蘿白加軟熟豚肉味道偏甜，都幾特別值得一試😉【自家製酸梅湯】自家製就有清爽感甜而不膩火鍋必飲清新醒胃👍🏼👍🏼👍🏼整體而言食物高質又特別店員好細心會主動介紹食物又會適時自動加湯食得出店家嘅用心🫶值得推薦！…Read More

經過太子站附近發現有間好正嘅螺絲粉🤩就喺地鐵站E出口舖面唔大但整齊又乾淨店員好細心會了解客人口味再介紹各款食物又會主動問客人有無對邊啲食材敏感確保客人食得開心又放心👍🏼店員話泡椒系列小食都超辣知道我哋食唔到太辣都唔建議我哋嗌😆留返俾其他重口味客人😂【原味螺絲粉+鹵水豬手、溏心鹵蛋】溏心蛋係自家調製每日限量保證新鮮好味😋豬手有兩大件，好厚肉而且鹵得夠淋又入味【椒麻小酥肉】好香脆小食😍炸得好乾身以椒鹽同芝麻作調味香口得嚟唔會過咸👍🏼👍🏼【炸蛋豆乾螺絲粉】炸蛋同豆乾絶對係索味二人組🤭將炸蛋浸曬入湯吸曬湯嘅精華之餘仲可以減少油膩嘅感覺兩碗粉嘅份量都超多勁大碗😍入面有花生、生菜、酸豆角⋯⋯唔同嘅配料當然唔少得主角酸荀同螺啦同內地螺絲粉相比壺城風味嘅相對容易入口呢個價錢有咁大碗性價比都幾高💯過吓口癮都係一個唔錯嘅選擇🤭🤭…Read More

係荃灣心血來潮口痕想食串燒Openrice揾到夜燒店見新開，個menu又好似幾吸引一於揾下路去試一試🤭【蛋黃醬白磨菇】四粒真係唔夠喉因為好好味😍蛋黃醬配磨菇，再燒一燒個面咬落有鮮磨菇嘅jucy但又充滿蛋黃醬味道～真係冇得輸🤤【荔枝豚肉卷】一咬荔枝爆汁sweet得黎又唔膩中和豚肉嘅味道食落好fresh👍🏼【火焰山丼飯】滿滿肉碎蓋滿丼飯 灑上辣椒粉 好惹味但唔嗆喉再用日本生蛋伴飯粒粒米都有蛋香🤩【燒生蠔】Size都算大隻厚肉滿滿蒜蓉香葱同蠔嘅鮮味好夾👍🏼整體黎講呢間日式串燒店價格唔貴而且食物份量足夠，味道又唔錯串燒迷可以黎試下😉…Read More

喺利園附近發現呢間小店除咗腸粉燒賣魚蛋等等小食之外仲有午餐提供選擇都幾多！抵讚嘅位係可以自行配搭唔同嘅主食白飯/炒飯/烏冬/蕎麥麵/米粉/菜如果想減肥避開澱粉質揀菜底真係無敵👍🏼👍🏼【吉列豬扒咖喱芝士撈烏冬】非常滋味吉列豬扒滿滿日本風情啖啖肉外皮都算好香脆咖喱味香濃再加上溶化咗嘅芝士醬令到成個烏冬都好惹味【五香肉丁餐肉叉燒粒炒蛋】配炒飯又係一個每一啖都非常惹味嘅選擇！香噴噴嘅炒飯，用上多款唔同嘅材料啱晒食肉獸同埋貪心嘅人😎😎每一啖都食到唔同嘅配料口感非常豐富，又好食係非常用心製作🥰雖然舖頭唔大但致力提供多款唔同嘅食物實在難得值得支持👍🏼…Read More

今日喺『酸菜碰上魚』買外賣返屋企食真正體驗外賣自取快，靚，正🤭最中意餐廳嘅金湯系列😍可以選擇大中小辣除咗酸菜魚仲可以揀牛展、黑豚肉、肥牛、牛肚等等選擇好多元化外賣整得快而且包得整齊又乾淨加分👍🏼【金湯酸菜金錢肚（細份）】一個人食份量都好多夠晒滿足！除咗酸菜，同埋金錢肚之外仲有好多薯粉、豆卜、芽菜認真豐富🤩金錢肚非常入味，而且軟熟推薦！配上酸酸辣辣嘅濃湯，超滋味😋😋【涼拌皮蛋】皮蛋配上蔥花同醬汁清涼又好食🤤…Read More