elkecwh's Profile

黎過兩次，第一次飯後時間經過，打左兩個蛇餅，睇到就驚; 第二次黎系大概9點喇，個陣見得3-4 pair人排隊，行埋去睇，得返10幾個蛋撻就拿拿林去排隊。排到我仲有5個淨，真系好好彩!!!!!拎到返屋企食，個邊邊位仲系好脆。食落幾驚喜，因為一開始以為系買左普通蛋撻，點知原來系有朱古力餡系入面。外皮鬆脆，個蛋漿好軟滑，溝埋朱古力都好夾。…Read More

睇到客家好棧既每日優惠，真系好吸引就黎左食。叫左個$168既套餐，第一道餸系南瓜子先上菜，尼個由落單到上菜只系等左大概15分鐘。我地仲覺好好食，比想像中大條，好惹味，就嗌左飯黎送菜。點知，下一道餸等極都吾到。如是者，我地hold起左淨翻既飯一直等左一個鐘。。。結果忍吾住，叫左一個侍應幫我地催催張單，因為好肚餓+D飯都凍曬。無人翻黎交代情況，都明既，催左廚房件事就完。於是我地等左10分鐘又忍吾住叫另一位侍應幫我地睇下咩情況，佢答左我地一聲好之後，我地睇住佢根本就冇幫過我地去問。於是，我地繼續等(其實好想一走了之，但又已經食左一道菜)。。。我地最嬲既系，遲過我地入座既人都上晒菜，而我地就冇人理。所以我地就搵左黑色衫(我當佢系部長啦)既阿姐黎講，佢一聽到就好緊張甘幫我地跟進。10分鐘後，金銀蛋浸時蔬就上菜。賣相又系好好，食落個調味好好，一個忍吾住，就食晒，又系到等下一道菜。其間阿姐都好好，有過黎睇下上左菜未，見到仲差豆醬骨，即刻去廚房自己拎出黎。真系好多謝佢，因為每一道菜都要隔多於半個鐘先有，我仲好肚餓... 個豆醬骨D肉軟硬適中，好易咬，吾怕攝牙罅!! 醬汁都好夾，似食過但又新鮮既味道。總括而言，尼間D野系好食。但等菜真系等太耐，下次未必再黎。…Read More

第一次黎既時候系lunch，個陣好多人，佢座位有限，印象中系2張4人枱，1張望窗既bar枱，出面好似仲有得坐，但天氣熱，我都吾想出去。Lunch個陣坐左bar枱，我系最後一枱黎，眼見廚師好似得一個。1:0X入座，等到1:40先有第一個餐，趕返工黎講，有D難系度食。但我食過佢個南瓜忌廉蟹肉意粉之後，真系一試忘返，屋企人黎西貢，叫我帶食，我都揀左尼間。 今次系晚上去，好似系5:30pm就去食，冇人都好正常。 其實對我黎講系仲好，因為上次等好耐，今次佢淨系serve我一枱就應該輕鬆D。到我走個陣都有多2枱了。對我黎講，南瓜忌廉蟹肉意粉系必叫，佢好creamy，又有一粒粒南瓜，做到我以前系italian tomato食既感覺!!! 屋企人嫌佢細份左D，其實我都覺，可能系好食，所以想食多Dxdd意式肉丸磨菇意粉系我第一次食，佢D肉丸有Ikea既味道，好好味。蕃茄汁都吾算太濃，我都好中意。明太子炸蝦意粉都好食，炸蝦比左3條，啱啱好夠分。系要預左有明太子就會略為鹹左D，但整體都好食!!雙重朱古力鬆餅 $28招牌雞翼4隻(香烤沙嗲) $48屋企人見意粉份量都吾算大，怕吾飽就叫多個雞翼同朱古力鬆餅做小食+甜品，雞翼正常發揮，鬆餅有叫佢叮熱，覺得叮熱左，有少少流心既感覺好正。尼2樣都好味!最後既朱古力原本都吾想嗌，西貢好多餐廳都吾包野飲，一叫就要$4X UP。尼間cafe系西貢黎講算好平，其他cafe D意粉都要預$110 UP，所以其實尼度加杯野飲個價同出面嗌一個意粉差吾多。btw 上次lunch貪平，叫左個$25既soda，我覺得吾系好掂，吾建議。尼間位置有D偏，生意難做，希望大家都會發掘到佢既好啦!…Read More

網上成日都睇到介紹話咩$8/免費，原來系真架，好高興獲得張QR code黎openrice寫食評就可以免費獲得一個原味！大家快D黎支持下啦！第一次試咗個抹茶生朱古力都好有驚喜👍🏻…Read More

作為一封投訴既食評，只可以話食左大概個半鐘既晚飯，佢D廚師煮既野少鹹但好食，員工態度殷勤友善。但！只系短短3分鐘，埋單個下對老板，總數系$3xx，佢直接收我$400，我問佢，佢就話個幾廿蚊系茶錢。喂，冇一個位寫話要收茶錢，我之後問伙記，佢地好尷尬甘望住老板講，「尼D老板決定」，我心諗乜鬼野老板決定？有計開人茶錢既話，伙記會吾知幾錢？個「茶錢」仲要系除吾開人頭數架。其實openrice都有人講過，本來$492收佢$500，叫老板比返$8，老板就叫佢以後吾好黎食，所以我先冇面對面同佢爭執。 尼間成發衛生系無問題，但食食下有人吸煙，都冇人理，乜可以室內吸煙架咩？有成10幾人都吸緊，情況好誇張。食評黎講，我食左3樣野，椒鹽鮮魷、蒜香骨、沙嗲肥牛煲。椒鹽鮮魷: 都算大大份，食極都仲有既感覺。但吾知點解食落有陣杏仁味，本人系吾中意杏仁味，所以尼點有D扣分。當時我冇查問，因為我以為每間大排檔都有自己既特色。蒜香骨: 佢D蒜系真系佈滿比你，好岩撈飯。但偏鹹，冇飯撈既話，應該好難頂到。沙嗲肥牛煲: 系普通既沙嗲肥牛，都系沙嗲味吾重。但就好大兜，相信5個人都夠食。…Read More

話明叉燒丼家，我當然系為佢叉燒而來，之前聽講肥叉都吾系太特別，所以今次我就挑戰瘦叉 ! ! 假期大概12:30去到，冇大家講既甘多人，吾知系米因為冇乜人，我又冇覺得有咩差既待遇。尼個叉燒丼，睇樣都覺蛋吸引過叉燒，可能系瘦叉既關係。但佢吾系全瘦架，佢食落都有肥位，當然叉燒梗系半肥瘦最好，佢就一系肥一系瘦，有個中和版應該會好好多。講笑甘講，蛋(100分)>豉油(再多D更好)>叉燒(吾覺招牌)>飯(硬左D)。叫得蔥花炒蛋脆多士一眼睇曬，就系甘既樣，我系睇相都好期待的。我就覺得lunch time都將三文治包落當套餐就好，一系就比人加幾蚊要野飲都好吖。個脆多士做得好好，食落好香脆，蛋都夠厚，唯一系覺得個蔥花做得吾夠香濃，食落冇我想像中甘重蔥花味。…Read More

朋友好想系尖沙咀食韓國野，就拿拿林睇openrice揀下食乜好。睇左好幾間韓國野，系得尼間有鮑魚粥，就比佢吸引左，印象中香港好少見。見佢200幾個讚，應該都吾會太差。今日一去到，得一枱客人，都諗住好平常，時間尚早。點知枱客人走左之後到我地食到尾，都冇客人入黎，初初都覺好慘，但愈食愈明白點解會甘：無舒適、少質素、無服務。得一個侍應，我地一路食，一路坐系我地後面，我地傾偈好吾方便，加上音樂都算大聲，我同朋友又吾想大聲講野，搞到食得好吾自在。。。服務方面真系太hea，我明冇野做好悶，但應該都吾好系客人面前表露得甘明顯。嗌個烏冬，的確烏冬都系日本好食D🙈🙈 魚糕都好夠，好似都有成4款。但尼個烏冬就無乜甘特別，老實講我食完都吾記得系咩味，總之就好似系健康之選。到我期望既鮑魚粥，睇落份量好似少左D，但其實食落都好飽。味道我覺得可以媲美韓國（但朋友話無論韓國食定尼度食都系無乜味），系個質感差啲，睇落好稀，撈完就好似結D，但都無嗰種smooth。$78/5粒餃子，我都吾記得以前有冇食過泡菜餃子，但依家食就真系好難食。泡菜個味系一D都吾泡菜，我都吾知食左D咩。覺得以蒸餃黎講，可以真系放入蒸籠，保持返個溫度。凍左既蒸餃就.....anyway 我地都無食曬。…Read More

之前系IG睇到人介紹，就即刻衝住個黃金南瓜而去，個人系非常中意炸物同南瓜😆😆😆曾經有次想晏晝去食，跟住OpenRice睇11點開門，點知11點幾去到，佢冇開....然後曾經打過電話問佢幾點閂門，佢系答我夜晚大概11點幾，所以我諗OpenRice既營業時間應該同老闆心想既有唔同，大家記得黎之前，打個電話穩陣D。一上菜，真系好養眼👀 佢D餸都要小心熱，尼個好辣口。如果好心急想食，一定一定要好細啖甘食，可以等到既話就隔一陣先食🤭 咬第一啖既時候，嗰個鹹蛋黃味、炸皮同埋南瓜蓉一次過系我個口溶化，種感覺真系好正。佢個南瓜蓉做到吾硬吾淋，真系好好食！之後尼個炸鮮奶都系冇得頂，又系好辣口，要小心D食。不過食落去有種棉花糖既感覺，又系入口即溶，而且佢既奶香味好濃。好可惜佢中間有幾舊，我哋咬落去系黃色，先發覺佢系芒果炸鮮奶，個人認為純鮮奶係最好味！拆魚羹我都冇印象以前有冇食過，吾中意食芫荽既人，記得叫佢走青。入邊仲有蘑菇，對於我吾鍾意食蘑菇既人黎講，就要不停撩走😗 但整體上系好食，佢吾系澀身，亦都吾系稀到似水，個感覺啱啱好👍🏻見芥末骨都系推介餐單上面，諗住應該會好好食，可惜見到$90但系咁嘅份量，已經有D卻步，之後食落去，超級鹹！真係頂唔緊🥲 最後都冇食晒，下次吾會再嗌🫠 或者可能要試吓落單既時候同佢講落少啲鹽🤝🏻最後一道菜，有雜菜有粉絲，食落去D菜都有鑊氣，唯一系食到最尾既時候都系有D鹹，吾知系米D料積晒系下面，可能食之前要撈一撈先？整體而言，雖然有D餸鹹咗D，但系我會再黎食，因為覺得佢仲好有大排檔風味，又唔會乘機加價。雖然唔夠隔籬舖甘人多鼎盛，但我就系中意佢👍🏻…Read More

上到3樓，門口系閂住，好神秘甘，初初仲以為有活動，要摸門釘，好彩吾系！冇訂位之下，就要等一等員工做埋手頭上既野先理你。因為嗰日都幾夜去，所以得反吧枱位。睇吾到成個場既空間，不過就覺得整體上多人既時候有少少嘈。之後嗌野食，員工都好積極，只系一開始可能我入場時佢地都忙緊先冇甘快理我地。卡邦尼不嬲系我首選，所以今次都系睇準尼道菜而黎。佢真系好多芝士，好creamy！但！我竟然覺得佢太漏了🥹 睇佢菜名見系雞湯卡邦尼，以為系再水潤D既組合，系尼道菜食吾到雞湯味，只系卡邦尼好重嘅烏冬。本來對尼個冇乜期望，諗住只系普通烏冬。一上枱，好有拉麵既感覺，佢尼碗雞湯好出色，好濃郁！所有既配搭得一個字，正！👍🏻 唯一既系，我都分吾到佢烏冬系偏軟定偏硬，因為我食落系好彈牙，但又淋淋地既感覺。當然，我冇preference，所以對我尼講系好食👍🏻小食黎講，講真我睇餐牌，睇落都吾系好多野嗌得落，有D系內臟派，我吾食；有D就...我覺得吾太抵（例如串燒$36一串，不過我吾知佢有幾多舊既）。所以我就揀左唯一最吸引我既蠔💕本身我吾系一個十級中意海膽既人，但尼個海膽汁真系尼餐既精髓，我連食烏冬都不一啖海膽汁一齊食，真系好好味👍🏻👍🏻 個蠔外圍系脆脆地，內裏就好軟熟，$118有4舊，抵啦！最後本來都已經好飽，但又好想試埋佢個甜品，因為睇落好吸引。試左佢傳統D既雞蛋布甸，應該系我食過最好食既🍮佢既軟硬程度好適中，平時食過既都淋左D。而且佢既雞蛋味好濃，真系好好味👍🏻另外，我星期三去，佢做緊生啤買一送一優惠，印象中樓下既廣告牌好似印左每個星期都有優惠。嗌左Sapporo Draft Beer 400ml，變相$58有兩杯，好抵。可惜我吾飲酒，問過可吾可以轉其他低價飲品，但吾可以。…Read More

由尖沙咀引入研香開始，後來知寶琳有分店，一直都聽朋友講要試，尋日甘岩去開寶琳，就買左兩碗返屋企做宵夜。腰果露好似吾系周圍都有，但系傳統既中式甜品。好重味，勁濃，好好食，食一個會好飽，最好同人share!!!!聽聞系signature黎，但失望左。以為會系開心果好濃/豆腐花有開心果味，但兩樣都吾系。佢系底層豆腐花，上層舖層開心果露，食落吾似豆腐花，亦都系幾散既豆腐花🥲 開心果味吾夠出，所以下次吾會再encore尼個。…Read More

上到餐廳，環境幾靚，好多BE@RBRICK模型，好啱打卡用，仲有盲盒比大家買。由話book左位直至食完飯走人，都吾覺D服務有好既一刻。首先，話book左位之後佢系吾應我，我企系度等佢應我，再等佢帶我位，佢都冇講野/手勢示意我坐某張枱，都算。甘嗌左野食，等左應該都有半個鐘，先有第一道菜。每道菜食淨少少既時候（同朋友傾緊計，未食完），D人都keep住系我地面前行黎行去，感覺到佢地好想收碟，但個場仲有好多位。成餐飯，3-4個侍應隔遠望住你食甘，好似一直被監視🥹 埋單佢比左張$50 coupon我，系滿$400先用得，但其實系尼間餐廳$400話甘易就滿。尼碟實際冇相甘大，一睇到就失望左，但味就好味既，同平時食既卡邦尼分別吾大，系creamy D個類。尼個睇落就豐富好多，靠佢就食得飽喇。龍蝦肉都算比得多，但就真系鹹得濟，好少可食到吾想繼續食。飯就同平時西班牙飯一樣好食。…Read More

次次睇住人系日本/韓國食熱香餅漢堡就心心念念諗住自己幾時有得去🥺 有日，喺IG見到有人介紹香港都有，就即刻走去食。環境黎講，印象中得兩張4人枱，一張榻榻米，之後4位系望窗既Bar枱。嗰日去食，冇4人枱，得榻榻米位，但坐吾慣，吾太舒服。食落好神奇，吾系我想像中既鬆軟，我估系因為D蛋，令到個熱香餅再淋D。但系，尼個組合，好正，盡量切到可以食晒所有料，然後一啖食晒，個蛋好襯，應該系當成個All day breakfast都系你個口入面。不過，誠實地講，尼樣野屋企自己整黎食都可以甘正，系因為懶，所以先比功夫錢食。我覺得唔系唔好食，但可能因為期待左好耐，食落同預期中唔同，就會有少少覺得OK la咁。原本想食三品料理，點知太晏去，冇晒。就轉Tea Set，吐司好味，但又系淋左D，令佢有D難切。雪糕系雲尼拿雪糕，好好味，同吐司襯都好夾。跟Tea Set送，得黑/白啡揀。有拉花都好有心思，同平時飲既咖啡一樣好味。…Read More

太子得外賣嗰陣食過，唔太覺兜野食得飽，但只系好中意D脆豆。今次黎試佢堂食，一入門口睇D枱系分左兩邊對牆，所以你幾多人黎都系對牆食，尼個位扣扣地分，覺得可以中間擺D二/四人位。一入去有D迷惘，無人serve，收銀只系講左句堂食要比左錢先。餐牌都系嗌完野食、比完錢先自己發現到系邊。中意寬粉既我，尼碗涼皮好合格，夠爽夠彈牙，就算冇料但都好味、好夠飽。話明椒麻，對我黎講系辣，但又上癮。可能因為辣完又食凍既涼皮可以舒緩度，所以好啱做小食！…Read More

有人介紹就去試下，睇過吾少食評都話晚晚都長龍。今日星期一9:30挑戰，排第3-4，吾洗15分鐘就入得！燒牛肉真心正，佢似系5成熟，一咬落去超淋，有入口即溶既感覺😍 果然系必食！$158好似少少貴，但其實佢好足料，有好多舊醉貓炒河叫左小辣，但對於吾食得辣既我都系要配個凍飲先食到。咩味我又好似講吾出，但好好味😭好似乾炒牛河，但又濕D，又寬D，配肉碎食都好夾！同樣嗌左小辣，但尼個仲辣🥹 食吾到，但又為左豬頸肉系咁追食，豬頸肉好多片，我諗嗌尼個可能仲好過齋嗌豬頸肉，又有沙律食👍🏻一上枱系兩層色，好似同平時飲既吾同D，但其實攪拌完，個味同普通泰茶一樣，系甜左少少，不過可接受，因為對我嚟講佢嘅作用都係解辣😂 *有嗌少冰，但...好似冇少到...…Read More

食過總店，真系大件夾抵食，每次都有介紹人去食，下午茶真系好平，如果住觀塘，真系會再去多D。今次去左新店試下，環境好舒服，無甘迫。味道同以前一樣甘好味，仲系甘大件，好吸引，但可惜下午茶時間已經吾再系以前既2pm，變左3pm。我去到都打左個突，雖然可以嗌少少野食，然後3點再嗌，但太晏喇，所以就甘普通時間食翻普通價，睇翻價好似差大概$5-$10一個點心。無以前咁脹，但都好食，入面都系粒粒叉燒，皮都做得好軟滑同唔黏。豉油比你自己落，吾怕落多/落少，可以就翻自己口味。菜苗餃就做到以前食嗰種脹，真系好吸引，咬落去好清爽。皮又系做得同腸粉一樣甘好，仲要夠透明，賣相非常好。依加吾系到到既流沙包都真系流沙，尼個要小心食，佢真系流出嚟，包都好軟熟，好味👍🏻佢D野真系夠曬熱，鮮竹卷都好足料。煎得好香，好有口感，大大份，好食呀尼個點心最貴，其他既點心都忘記幾錢，諗住應該都會好味，但好可惜，吾知系咪條春卷長左D，食到一半已經好膩，吾太想繼續食。入面既料都因為出面太炸，突出吾到。最後附上如果早茶/下午茶黎，真系好抵！地點系遠少少，但都值得！…Read More