or#tm66886915's Profile

Essence自助餐一向是地獄級別水準，雖然價錢平，但味道差過茶餐廳。見到佢搞「想點就點週末下午茶自助餐」，$148/位，即管俾機會佢試試，知道酒店沒中菜廳，點心一定是交來。但估唔到點知中伏，三點坐低下單，蝦餃要3:50仲上枱，而且所有點心水準仲差過雪藏公仔點心，咁茶廳宣傳只係話「想點就點」，冇話即叫即整或者包你好食，所以中招只係消費者低死，咁嘅價錢去茶樓飲茶好過，水準真係好差，唯一食得落口只有雪糕。千祈勿試。…Read More

$1,484.8兩位自助餐，沒有生蠔、連鮑魚仔都冇，海鮮例牌貨、只有雪味、所以大家食完一𨍭已經乏人問津，壽司魚生完全唔掂、差過元氣。熱盤一般、權發兩餸比他們更有鑊氣更好味，龍蝦冇味、蒸魚亦沒魚味、燒味連乳豬都冇，燒火雞、燒牛肉只是一般貨色，連燉湯都只是燉牛骨、你不如俾例湯、甜品弱過外邊下午茶buffet，整個自助餐沒有一樣東西係必食不可，唔怪之得，平安夜只得六成滿。性價比起低，可以永久不用再光顧。…Read More

以前經常來大圍幫襯燒味之作，開業後一直覺得他們水準不錯。好一陣子沒來，剛巧來大圍，便來再吃。原來用餐區已從以地下，搬上了閣仔，地下用餐區放了風乾爐，如果以做生意角度，是不智，客人以為店舖改了做外賣，不敢進來。不知道是否換了老闆和大廚，水準不及以前，乳豬不及以前，燒腩仔變普通燒肉，沒有下一次了。…Read More

花墟食街，呢個corner位，冇乜邊間做得長，呢間新開燒味店算比較有人流，所以姑且一試。叫咗個燒鵝燒肉瀬粉，盛惠$72。燒味上台是冷冷的，相信沒有自家烤爐，是工埸交貨貨色。份量是可以，燒鵝看上賣相ok，肉質看上似乎可以，但入口鵝肉不嫰，有點靭，需要花力咀嚼，重點是沒有燒鵝該有的鵝味。皮不脆，但不是每一家燒味店也賣脆皮燒鵝，這點也不計較。燒肉皮是脆，但薄切五花肉偏肥。真的很一般水準。這個價錢在太子該有更好選擇，相信不會有下一次。…Read More