sogoodwithfood的個人專頁

星期五收工去咗D2 Place食燒肉happy Friday下😋 估唔到荔枝角都有咁高質嘅和牛燒肉，餐廳環境坐得舒服，啱晒朋友伴侶聚會，而且嘢食都好高質！✨ 炎蔵和牛「極致」6點拼盤 $588呢個set可以食到唔同部位嘅和牛，包括羽下、鞍下、友三角、龜之甲、上後腰脊肉同上等助肉。每款肉油花分佈都靚得嚟唔會太膩，燒到三、四成熟啱啱好，口感軟嫩帶肉香，其中友三角同龜之甲特別出色，肉味超濃😋✨ 上等牛舌 $98除咗和牛拼盤之外，我哋仲嗌咗牛舌，厚薄適中，燒完之後仍然爽脆有咬口🤤✨ 清酒（大嶺）煮大蜆 $88清酒煮蜆幾有驚喜，蜆肉大粒飽滿，湯底鮮甜帶少少清酒香，食落完全冇腥味，好唔錯！✨ 石鍋和牛肉拌飯 $128石鍋飯超香，底部飯粒香脆，配上嫩滑和牛粒同蛋黃，拌勻後食，味道非常豐富！✨ 燒味琳魚乾 $48雞泡魚乾燒完非常香，點上七味粉沙律醬，十分惹味，送酒一流！✨ 荔枝烏龍茶 $42帶有果味嘅烏龍茶又幾fresh，仲有幾粒新鮮荔枝肉食添😌✨ 柳橙梳打 $42果香加氣泡感，飲落幾清新解膩，配搭燒肉非常適合！…查看更多

今次同男友嚟咗呢間位於中環蘭桂坊主打精緻法國菜嘅L’AMOUR，一入到去就有部水晶鋼琴同高過一個人嘅玫瑰花作裝飾，亦以紅色絲絨為主調，感覺浪漫又華麗，好適合節日慶祝或情侶約會☺️Oyster Buffet $898/位✨ 生蠔今次試咗佢哋嘅蠔王放題，三款蠔各有特色。日本宮城生蠔：味道清甜，肉質爽口；澳洲哥芬灣生蠔：鹹鮮味重，蠔味突出；法國諾曼第生蠔：蠔肉飽滿，帶奶油香，尾韻帶少少堅果味。全部都夠新鮮夠大隻，而個人比較鍾意重海水味啲嘅諾曼第😌✨ 前菜白松露蟹肉沙律：一大盒金箔魚子醬，內裡裝滿鮮甜嘅蟹肉，加上白松露香氣突出，配埋烤咗嘅麵包食一流！野菌沙律：另外仲嗌多咗一個沙律，味道清新，帶少少黑醋香，作為前菜幾開胃！✨ 湯品法式花膠濃湯：估唔到花膠都可以整西湯，花膠嫩滑，湯底有膠質感，湯底配上洋蔥，非常fusion！手工黑啤龍蝦湯：龍蝦味濃郁，加咗黑啤之後有少少甘味，令佢嘅味道更豐富。✨ 意粉虎蝦手工公仔麵意粉：蝦肉爽彈大大隻，卷卷意粉掛汁力高，而且夠哂al dente，超級推介😌 龍蝦帶子薏米飯：薏米飯比意大利米更煙韌更健康，配上帶子、三文魚子同埋龍蝦肉，鮮味十足！✨ 主菜寶雲酥澳洲紐西蘭羊架：平時唔好羊嘅我竟然覺得呢道菜好好食😍 嫩滑冇太大羶味，表面香草酥皮好香，配埋千層薯仔十分加分！威靈頓牛柳：酥皮焗得金黃香脆，內裡牛柳保持粉嫩，肉汁鎖得唔錯，配上特製醬汁，非常signature嘅一道菜式！✨ 甜品巴斯克蛋糕：口感幾滑溜，芝士味香濃。蘋果酥：酥皮香脆，蘋果餡酸甜，配雪糕清爽收尾。✨ 飲品嗌咗杯幾靚嘅cocktail，有分層效果，啱晒打卡，飲落果味重，幾易入口。另外仲嗌咗杯白酒，配蠔一流。…查看更多

約咗同朋友慶生，試咗呢間bookmark咗好耐嘅酒店扒房，佢嘅牛扒係主推45日dry aged，比起其他扒房較與別不同😌 而餐廳環境幾舒適，服務周到，整體體驗都好唔錯🤗Appetizer✨ Classic Caprese Salad $138意大利經典沙律，水牛芝士軟滑creamy，番茄清甜多汁，加埋羅勒醬同橄欖油，簡單但開胃！✨ Hokkaido Scallop Crudo $238北海道刺身級帶子非常鮮甜，比起平時嘅帶子刺身再厚身啲，淋上少少檸檬汁同橄欖油，面頭加咗啲三文魚子提鮮，仲伴咗啲芒果汁添，好開胃😌Main Course✨ 45-Days Bone-in, Short Loin, AUS M5+ 500g $658熟成45日嘅澳洲M5+和牛，肉味非常濃郁帶少少堅果香，medium rare火候啱啱好，外層焦香，配埋三款唔同嘅mustard醬，配搭得非常好👍🏻 side dish揀咗Beer French Fries，非常香脆，薯肉飽滿！✨ Confit de Canard $268油封鴨腿外皮脆脆地，內裡肉質嫩滑，輕輕一撕就離骨，個底墊咗用鴨油同煙肉炒香嘅酸菜，吸晒啲精華😆 另外揀咗mac and cheese做side dish，滿滿芝士加上煙肉，呢個配搭冇得輸😌Dessert✨ Crunchy Bomb $98呢個甜品外型幾特別，係一個滿佈花生碎嘅波波，食落似係花生醬雪糕，味道香濃，貿感幼滑，再配上旁邊用酒煮過嘅杏桃粒，清新解膩🤤✨ Tonka-Choco Mousse $88香港好少食到Tonka呢隻豆，食落有少少杏仁嘅香氣，而甜品嘅主題係白朱古力慕絲，好滑溜，側邊配上南瓜crème brûlée，非常有新鮮感！依家經openrice book，仲可享一份客製化生日甜點，有好多唔同嘅裝飾同食用色素筆可以比我哋發揮創意，創作一個獨一無二嘅生日甜點，最後仲有個盒俾我哋拎走，非常貼心😌…查看更多

前排約埋朋友初嘗潮州私房菜，我哋一早揀咗唔同菜式，餐廳安排咗房間俾我哋，私隱度高，仲有專人為我哋貼心服務，環境非常舒適，仲品嘗到正宗潮州菜，成餐飯都非常滿足😌首先送上餐前開胃小食——琥珀合桃同鹹酸菜，鹹香惹味，仲有功夫茶清清口腔，茶味香醇回甘。［精•緻］頭兩款滷水前菜皆用咗佢哋秘製嘅獨家滷水汁，材料足足有成12款咁多，難怪佢嘅滷水食落鹹鮮帶甜，完全唔會死鹹👍🏻✨ 潮州滷香凍鮮鮑魚 鮑魚大大隻，口感非常出色，彈牙得嚟又軟腍，滷水汁令鮑魚非常入味，係我最鍾意嘅一道前菜😋✨ 潮州滷水豬腳筋豆平時好少食豬腳筋，原來都幾好食！豬腳筋燜到恰到好處，軟糯中帶啲咬口，加埋下面嘅滷豆腐一齊食，一爽一軟，非常有層次！✨ 黃金三色蝦多士蝦多士用上虎蝦，大隻又彈牙，而多士炸得金黃酥脆，面頭鋪滿咗麵包絲，令到佢更加香口，雖然非常熱氣，但食到停唔到口😆 ［養•生］✨ 花膠青欖燉鮮鮑魚湯呢個湯非常足料！每碗都有大大嚿花膠同鮑魚，湯色清澈但飲落非常濃郁，大讚佢嘅花膠厚實膠質滿滿，青欖帶啲回甘，估唔到同花膠鮑魚咁夾👍🏻［鮮•活］✨ 胡椒焗阿拉斯加蟹伴長旺蟹腳拆好咗，方便進食，蟹肉飽滿鮮甜，胡椒可以提鮮，配埋下面嘅長旺，即係粉絲一齊食，非常惹味😋［禽•戲］✨ 八寶片皮雞另一道巧手菜式，大廚將雞皮切得非常薄，入口香脆，底層係八寶餡料如合桃、腰果及西梅乾等，連同鮮嫩嘅雞肉一齊食，口感非常豐富！✨ 四式滷水拼呢份滷水拼盤份量都幾多，包括有去骨嘅鵝頸肉、爽彈嘅墨魚片、綿密軟滑嘅鵝肝同埋爽口有嚼勁嘅粉腸，下面仲配有非常入味嘅滷豆腐！［時•令］✨ 方魚炸鹹肉炒芥蘭芥蘭翠嫩無渣，超級嫩，可以話係我食過最好食嘅芥蘭😌 方魚碎鹹鮮酥脆，再加上鹹肉，呢個配搭非常適合，鑊氣十足好惹味！［五•穀］✨ 上海小籠包小籠包大大粒，咬落去湯汁大爆發😋 而且非常鮮甜，內裡嘅肉餡唔會散開，綿密得來又帶少少顆粒感，口感唔錯。［甜•沁］✨ 鴛鴦甜品最後嘅鴛鴦甜品，分別有加咗哈密瓜嘅新派楊枝甘露同埋第一次試嘅豆磚奶酪佐麥皮，唔算太甜太膩，為呢餐私房菜畫上圓滿嘅句號😌👉🏻follow埋我ig: sogoodwithfood同你一齊搵更多好嘢食😋…查看更多

而家正值香港飲食業寒冬，好多熟悉嘅舖頭都越執越多🥹 唔少人都唔再留港消費，寧願北上食嘢，好慶幸喺咁艱難嘅環境下，呢間小店仍然默默堅持住，講緊嘅就係呢間回訪咗好多次嘅新蒲崗cafe —— 窩子。✨ 意大利烘蛋現口水雞粒 $112已經有一排冇去，今次嚟見到有新菜式，所以就嗌咗！蛋煎得啱啱好，外層香脆，入面仲好滑溜，裏面配菜超多，有芝士、菠菜同蘑菇等，口水雞粒帶少少辣味，好惹味，整體口感豐富，唔錯！✨ 慢煮手撕豬腩窩夫三文治 $116呢個係呢度嘅人氣菜式😋 望落都知好足料，大份到每次兩個人嚟都食唔晒，建議多啲人share🤣 手撕豬腩慢煮得啱啱好，肉質軟腍，入口即化，好正！窩夫外脆內軟，同豬腩嘅味道好夾，食落去好有層次感！✨ 野菌松露油忌廉扁意粉 $98 推❗️每次嚟都必嗌嘅扁意粉，啱晒松露愛好者🥰 意粉煮得啱啱好，唔會太腍，野菌份量十足，食得出松露油落咗唔少，非常香😋 忌廉汁夠濃郁但唔會膩，每一啖都好滿足！✨ 叄重朱古力配朱古力雪糕 $84窩子嘅甜品都同樣非常出名～ 而我今次就嗌咗呢個朱古力控必試嘅窩夫，以三重朱古力鋪滿成個窩夫，窩夫入邊仲有麻糬添😍 朱古力味濃郁得嚟唔會太甜，配埋朱古力雪糕，冰火交融，幸福感爆棚😌✨ 黑糖焙茶鮮奶 $44有別於一般嘅焙茶鮮奶，呢度加咗少少黑糖入去，黑糖嘅甜度啱啱好，唔會搶咗應有嘅茶味👍🏻✨ 熱情果手搖冰茶 $46熱情果味好清新，酸酸甜甜好開胃！冰茶夠凍，飲落去好爽口，啱晒夏天飲，呢杯真係解膩首選！👉🏻follow埋我ig: sogoodwithfood同你一齊搵更多好嘢食😋…查看更多

觀塘工廈撚手私房菜😌前排同友人去慶祝生日，去咗位於觀塘嘅呢間隱世私房菜食，咁啱佢依家做緊生日優惠，凡到店慶祝生日都送鵝肝鵝腎一份，我哋仲嗌咗唔少撚手特色小菜食😋✨ 鵝肝鵝腎呢道前菜係冷盤嚟，鵝肝口感順滑，食落好入味，而鵝腎夠哂爽口，同樣入味。✨ 香芒沙律大蝦球 $90新鮮嘅大蝦球炸完食落非常爽口彈牙，再淋上秘製鹹蛋黃沙律醬汁一齊食，非常惹味，側邊仲有雜果沙律，解膩一流！✨ 古法蒜子炒大肉蟹 $440第一次見呢個煮法😮 見到咁多蒜頭，勁吸睛！蟹肉食落鮮甜，肉質飽滿，蒜香味濃郁，不愧係招牌菜！✨ 蒜蓉粉絲蒸大元貝 $136大元貝肉質彈牙，清蒸嘅做法完美咁保留咗元貝嘅原汁原味，搭配少少蒜蓉同豉油，就非常鮮味，粉絲亦好入味😋✨ 招牌脆皮玻璃乳鴿 $120另一道招牌菜，雖然價錢偏高，但乳鴿皮燒得非常脆，真係幾似玻璃咁立立令，入面肉汁豐富，肉質又夠嫩！✨ 蔥油拌麵 $90麵條幾彈牙，蔥油香氣滿滿，簡簡單單但夠哂惹味，幾唔錯。✨ 蒜蓉炒西蘭花 $88西蘭花幾新鮮，炒得剛好，夠爽口，蒜蓉夠多，蒜蓉味夠出。✨ 甜品最後以綠茶布甸作結，質感非常Q彈，而且唔算太甜，不錯～…查看更多

作為一個壽喜燒愛好者，平時去親日本都一定會去食壽喜燒🥰 皆因日本價錢平過香港好多，但最近朋友介紹咗一間位於銅鑼灣性價比超高嘅壽喜燒店，非常抵食，可以幫我止下去日本食壽喜燒嘅癮😝✨ 特選肩胛壽喜燒套餐 $238（180g）由於嗰日太肚餓，我同男友都揀咗大盛😌 每個set都包咗前菜、野菜盛合、蘭王蛋、日本米飯或者烏冬，最後仲有蕨餅做甜品。我揀嘅肩胛肉每隻牛只有3-5kg，屬於油花中等，但肉味濃度偏高嘅部位，雖然呢個部位比較稀少，但呢個餐都俾咗九片肉我😍 食到肩胛肉油脂嘅甘香，同時亦食到濃郁嘅牛味😋 野菜盛合都好豐富，食完超級滿足！✨ 極上肉眼壽喜燒套餐 $288（180g）而男友就揀咗極上肉眼呢個set，極上肉眼係肋骨上方嘅肉，油花爆登，食落口口感柔軟細滑，肉汁亦非常香濃，男友非常鍾意，加蛋汁再送飯食一流😚非常推介呢間壽喜燒餐廳，就算嗌最貴嗰款肉，埋單都係$300頭，抵食過出面好多壽喜燒餐廳😌 重點係，佢依家做緊推廣活動，做齊以下步驟即可免費獲得生啤一杯（白/黑）或 40g 和牛赤身一客😍1. 讚好或追蹤「Sukikansai壽喜·關西」社交平台2. 拍攝食物照上傳至 社交平台3. 於 Post / Story 內 Tag 壽喜·關西…查看更多

好耐之前已經聽朋友介紹過呢間串燒店，喺佢經歷過幾次搬遷之後，終於有機會一嘗究竟😆 店面外面裝修得漆黑一片，但內裡非常熱鬧有氣氛，好大反差🤣 最啱約埋三五知己一齊去！✨ 秋刀魚刺身 $188魚身軟腍，但亦有少少爽彈嘅口感，刺身醬汁以醋為基底，配上少量薑蓉同帶有少少蔥味，徹底地去除秋刀魚嘅腥味😌✨ 黑松露厚燒玉子 $68玉子燒面頭有好澎湃嘅黑松露😚 食落個蛋勁嫩滑，黑松露嘅香氣亦令整道菜嘅味道提升咗😌✨ 糖漬小蕃茄 $38小蕃茄食落酸甜可口，口感好清新，係一個完美嘅開胃小食，亦可以平衡其他較重口味或油膩嘅菜式！✨ 雞皮 $36嚟到佢哋最出名嘅串燒，首先嗌返串燒雞皮先，雞皮燒至脆卜卜，以鹽簡單調味，食到停唔到口！✨ 雞肝 $38雞肝唔係個個中意食，佢口感比較生啲，不過就夠哂滑，味道豐富，搭配特調嘅醬油，適合中意重口味嘅朋友仔！✨ 雞心喉管 $32 推❗️第一次試以為口感會好核突，唔係好敢食，點知原來勁有咬口，爽口又彈牙，加埋個醬汁勁入味，好好食🤤✨ 鹽燒雞肉串 $38雞肉串都幾大嚿，肉質唔會好柴好乾，食落仲有少少肉汁，都幾唔錯😌✨ 青葡萄豚肉卷 $42 推❗️男友大讚呢道菜式！豚肉卷包裹住青葡萄，味道既有肉味嘅濃郁，又有水果嘅清新，一齊食勁juicy😍✨ 豚肉生菜卷 $38今次係豚肉包住生菜，雖然燒過，但係生菜食落仲係好爽口，生菜中答咗豚肉嘅肥膩感，整體幾fresh😆✨ 味噌黑毛豚肉五花腩 $38五花腩燒到恰到好處，肥瘦相間，油脂飽滿，而味噌醬令肉質更添風味，好容易一啖接一啖咁食哂！✨ 燒蟶子 $88燒蟶子好新鮮，食落肉質彈牙，搭配上特製辣辣哋嘅醬汁，特別有風味！✨ 紫蘇蝦餅天婦羅 $88呢道天婦羅外脆內嫩，炸皮超級薄😮 蝦餅嘅鮮味同紫蘇嘅香氣完美結合，食落非常夾！…查看更多

星期五放工，揀咗銅鑼灣一間好chill嘅餐廳食晚飯😌 呢間餐廳環境以復古黑膠唱片為主題，周圍都痴咗啲黑膠唱片，打卡啱哂，仲有DJ駐場打碟，氣氛好正🤩 ✨ 黑松露薯條 $138呢份薯條真係好大份，除咗有黑松露喺面，仲另外有黑松露醬比我哋點，double黑松露真係好濃郁，另外，薯條炸得好香脆，送酒一流😎✨ 手工芝士烤雞卷 $318呢個菜式喺呢度嘅名物，我哋都嗌咗份嚟試吓，雞卷非常嫩滑，雞皮煎得香而脆，內裡配上溶溶哋嘅芝士🧀 食落好惹味😌 ✨ 深海紅蟹肉明太子卡邦尼扁意粉 $218呢份意粉亦相當大份，深海紅蟹肉嘅鮮味同明太子嘅鹹香完美結合，意粉硬度煮得剛好，非常掛汁☺️✨ Sante by 壞特？te $148呢杯cocktail嘅名夠哂特別，佢由Suntory嘅白桃酒再mix白玫瑰花茶，飲落清新得嚟又帶啲果香！✨ 冰釀氣泡玫瑰花白茶 $98另外，嗌咗呢杯玫瑰花白茶，同杯cocktail其實係差唔多味，不過當然冇咁濃烈嘅酒精味😆…查看更多

一直都bookmark咗呢間打卡火鍋店，前幾日終於去到食😋 估唔到佢依家做緊超級抵嘅二人套餐優惠，晚市都只係$288🤑 而個量都食到我哋好飽😌 餐廳環境好靚，好適合閨密嚟一邊食嘢一邊打卡📸🌟 超値2人套餐 $288上菜前先送上一人一杯蘋果茶，不但可以清口腔之餘仲可以開開個胃。✨ 秘製沙嗲鍋 拼 芫荽皮蛋鍋我哋嗌咗以上兩個湯底，沙嗲湯好濃郁，仲帶有少許花生味，幾惹味；而芫荽湯亦好足料，大量芫荽、皮蛋同埋馬蹄添！✨ 牛前腱 & 牛臀腰肉芯呢個餐包咗兩款特選牛肉，每日都唔同，今次就試咗牛臀腰肉芯同埋牛前腱，自己特別鍾意食牛前腱，有少少雪花，食落嫩滑重牛味😋✨ 午餐肉粟米餃（4粒）出面食好少有呢隻餃，估唔到店家咁有創意，將午餐肉mix 粟米做餃子餡😌 兩樣材料好夾，不過略嫌個餃子皮有少少厚🤏✨ 蟹籽墨魚丸（4粒）呢個墨魚丸大大粒，食落好彈牙，加埋啲蟹籽，口感更加豐富～✨ 中山脆骨腩（4件）食落肉質實淨爽滑，鮮味十足，而且冇咩骨，算係啖啖肉🤓✨ 台灣鴨血（4件）鴨血一向係我打邊爐嘅至愛，不過平時好怕食到腥嘅鴨血，好彩呢度嘅唔腥之餘，仲好滑！✨ 芝士腸 & 時令蔬菜 & 日本烏冬芝士腸係脆皮芝士腸，一向係我打邊爐必點配料之一；佢嘅時令蔬菜係西洋菜，非常新鮮清甜；而日本烏冬係稻庭烏冬嚟，個人覺得淥沙嗲湯底係最夾，非常掛汁，好入味😋…查看更多

前排趁放假去咗Airside食飯，幫襯咗間一直都好想試嘅意大利菜，佢主打係食正宗意大利手工pizza🍕 餐廳環境夠大，仲有啲戶外嘅座位，如果日頭嚟，望住出面嘅草地，都幾chill幾舒服~✨ Wagyu Sirloin Pizza $298 推❗️上網見好多人推介呢款和牛西冷pizza，佢嘅價錢雖然係差唔多最貴嗰款，但佢嘅牛肉足足有成差唔多20嚿咁多🫣 其實性價比都算高，肉質好軟腍，加上惹味嘅蜜糖芥茉醬，令到個味道即刻好有層次，真係好唔錯🤤 ✨ Lobster Pasta with Pearl Tomato in Parma Rosa Sauce $228男朋友鍾意食龍蝦，所以我哋嗌咗呢款意粉，睇落平平無奇，但個sauce真係好濃郁好香☺️ 意粉非常掛汁，口感煙韌彈牙，如果龍蝦肉都多番少少就更好👍🏻✨ Matcha Majesty $58飲品方面，我地嗌咗抹茶沙冰，質感非常幼滑，不過略嫌甜咗少少🤏 如果抹茶味再濃啲會更好！✨ Gelato $134見佢有個好大嘅Gelato櫃，就算食飽都忍唔住去整返幾球Gelato😆 我哋嗌咗提子冧酒、泰式奶茶同埋平時好少見嘅斑蘭味，我最鍾意係泰式奶茶味，茶味非常濃郁，茶控啱哂！…查看更多

最近發覺喺公司附近開咗間西班牙餐廳，每日無論lunch定夜晚都好多人等位，於是前排就嗌埋男朋友一齊去試吓！入面環境好有歐洲bistros嘅feel，啱晒同朋友食吓tapas，一齊飲下酒、吹吓水😆✨ 純種黑毛豬火腿48個月 $138只有48個月大嘅黑毛豬火腿肉質較一般嘅ham再嫩一啲，食落微鹹至甘，油脂感滿滿，非常適合作為送酒嘅前菜😌✨ 可樂餅 $20/pcs見有唔同味，我哋各嗌咗一款，分別有蟹肉、墨汁魷魚同松露蘑菇，平時蟹肉就食得多，今次竟然比墨汁魷魚驚艷到我，墨魚嘅鹹香令成個可樂餅都昇華咗，好唔錯🤤✨ 西班牙蒜油蝦 $108而男友就對呢個蒜油蝦讚不絕口！簡單地配以大量蒜片同蒜油，蒜味非常濃郁，而蝦肉大大隻，新鮮又彈牙，蒜味仲提升咗佢嘅鮮甜度添！✨ 西班牙封門柳 $168 推❗️呢個封門柳意外地成為咗我今餐嘅no. 1✨ 封門柳其實係牛嘅橫膈膜，每隻牛只有一條封門柳，十分罕有！而呢度煎得剛好，好軟腍，牛味非常濃郁，最緊要係每嚿都有滿滿嘅肉汁🤤✨ 西班牙紅蝦短麵 $368 紅蝦意粉就食得多，紅蝦短麵真係第一次食😌 短麵質感有啲似碎咗嘅米粉，紅蝦大大隻勁多膏，而短麵索哂嘅蝦膏，超入味，未試過短麵嘅朋友都可以試一試🤤 ✨ Sugar Daddy $58我嗌咗呢杯賣相相當靚嘅mocktail，佢嘅layer好靚，由士多啤梨、桃、牛奶同蝶豆花茶mix埋一齊，甜甜地，幾開胃！✨ Sangria $88嚟食西班牙嘢點可以少得西班牙經典果酒sangria，果香味幾重，減低咗紅酒本身苦澀嘅味道，飲落亦較易入口😌…查看更多

前排收咗工去咗呢間位於尖沙咀嘅中菜府食飯，嗌咗個2人套餐，依家以限時優惠半價就可以食到呢個餐又高質又奢華嘅菜式🤤 性價比超高呀！🤑🌟 奢華珍饈2人套餐 $580/位✨ 生拆蟹肉翅呢個蟹肉翅作為前菜的確唔錯，內裡有唔少蟹肉，夠哂足料，加上少許醋吊下味，食完成碗都唔會話太過漏！✨ 芝士龍蝦（伊麵底）呢個芝士龍蝦伊麵齋講賣相已經非常吸引😜 芝士量驚人，啖啖芝士好惹味！龍蝦大大隻，肉質彈牙爽口，唔會有霉味，整體高質🤤✨ 清蒸海斑估唔到單單2人餐都有蒸海斑食，仲要唔係細條嘅斑🫣 魚肉鮮味十足，有海斑應有嘅嚼勁，但又唔會鞋，點豉油再加薑蔥一齊食perfect match🙌🏻✨ 8頭禾麻鮑魚拼遼參呢個餐除咗海斑之外，竟然仲有鮑魚同遼參，上面仲有唔少蝦子🤤 鮑魚好腍完全唔韌，而遼參食落膠原滿滿，仲要好入味👍🏻✨ 帶子西蘭花西蘭花好新鮮，煮得啱啱好，食落好爽口🙌🏻 而帶子大大粒，好鮮嫩，幾唔錯！✨ 瑤柱蛋白炒飯炒飯內裡有唔少瑤柱絲，而且炒得夠乾爽，食落粒粒分明，份量亦好多下，仲加埋XO醬添😌✨ 甜品甜品選擇總共有四款，而我就揀咗熱辣辣嘅椰汁紫米露，甜度剛好，除咗紫米，仲有西米，口感非常豐富🤤…查看更多

好耐好耐好耐冇出文啦，自從返咗新工之後就冇咁多時間去同圍食嘢🥹 不過好在前排男友趁假日就的咗我去試一間位於銅鑼灣新新地嘅酒吧食嘢，環境新潮型格😌✨ TRUFFLE FRIES $108 推❗️呢個薯條可以話係我食過top 3好味嘅松露薯條😋 佢除咗灑咗唔少松露喺面之外，仲加咗勁香嘅黑蒜油，鍾意食蒜嘅人就啱哂啦😬 最後仲以巴馬臣芝士作點綴，越食越香口，非常推介！✨ UNI LOBSTER BISQUE ARANCINI $228呢個starter都係呢度嘅signature之一！佢嘅配搭首先已經好fusion，而賣相亦都好靚仔，面頭有大大嚿北海道海膽，而內裏包住嘅係以龍蝦risotto mix埋龍蝦肉一齊炸嘅丸，龍蝦味好香濃，原來同海膽都好夾😌✨ DRUNKEN CRAB PASTA $228而呢個最蟹意粉亦都非常fusion，雖然佢係一個意粉，但就加咗紹興酒去煮，仲用上墨汁意粉，令佢同松葉蟹肉形成一個強烈嘅對比，食落辣辣地，非常惹味😋✨ CRISPY SHORT RIB $268呢份rib烤得非常外皮非常焦脆，內裏肉質非常軟腍，食落油脂好香🤤 配埋牛油味勁香濃嘅薯蓉，成道菜都非常邪惡😈 佢個sauce仲係以山楂肉桂調配，食落酸酸甜甜，解膩一流！✨ KOKO RINGO $120嘢飲方面，我哋分別嗌咗兩杯cocktail。我呢杯係以gin酒做base，加入斑蘭汁同面頭嘅椰子蛋白慕絲，飲落充滿東南亞風味😌✨ BAO GUK $120男友就嗌咗爆菊，rum係base，酒味會strong啲，飲落有啲果味，仲有少少港式菊花茶味🤣…查看更多

一直bookmark咗呢間位於蘭桂坊屹立咗近30年嘅日式料理餐廳，最近趁住朋友生日就一齊去試試佢！ 環境偏向日式懷舊風，嘢食新鮮好味，估唔到夜晚仲有魔術表演，最估唔到係原來碧咸都曾經係座上客🫢🌟 JOE'S TASTING MENU $1180/pax我哋每人各嗌咗一份tasting menu，如果加多$380，仲可以配埋餐廳推薦嘅sake / cocktail pairing添～✨ CHEF'S APPETIZER前菜係精緻嘅北海道海膽伴蟹肉，面頭仲有啲魚子，海膽同魚子都係偏重口味，食落味道濃郁，帶有鮮鹹嘅海水味😌✨ SASHIMI第二道菜分別有迷你吞拿魚沙律、吞拿魚腩、油甘魚、磯煮鮑魚及炙燒左口魚。每份刺身都十分鮮甜飽滿，特別係吞拿魚腩，油脂分布均勻，每啖都好滿足😋✨ SUSHI壽司有北海道海膽、火炙北海道帶子、深海池魚，仲有2款招牌Joe壽司——牛油果軟殼蟹卷同埋辣吞拿魚蓉炸壽司，最欣賞係呢款，皆因出面好少食到炸壽司，再加上吞拿魚蓉辣辣地，好開胃🤤✨ TEMPURA DUO炸天婦羅分別有辣三文魚同比目魚，兩款皆用紫蘇葉包住，炸醬非常薄，食落好酥脆，同時又唔會過膩😌✨ A5 SAGA BEEF USUYAKI以嚟自佐賀嘅A5和牛片，包住香蔥同蒜片，輕輕一烤就食得☺️ 食落口油脂滿滿，牛味濃郁，又唔會太肥，好唔錯！✨ JOE'S INANIWA NOODLES以花竹蝦天婦羅配上招牌龍蝦湯烏冬，呢個配搭絕對一流！花竹蝦大大隻，夠哂香脆可口，而烏冬滑溜，龍蝦湯亦夠哂濃郁，一啖接一啖😋✨ KYOTO MATCHA ICE CREAM最後以時令水果同京都抹茶雪糕作結🤤 水果分別有西瓜、哈密瓜同提子，全部都好清甜；而抹茶雪糕香濃幼滑，仲撈咗少少朱古力碎落去，口感滿分！…查看更多