chloesheepsheep's Profile

最近有甸生日月，特意嚟到如心酒店中菜廳同佢開展吃貨月生。呢到雖然開咗一段時間，但一入到去即刻被佢嘅環境吸引——地方新淨企理，燈光柔和，座位舒適，仲有種低調奢華嘅感覺，完全唔似一般酒店中菜廳咁「老派」。原本只係抱住「試下啫」嘅心態，點知食物質素超出預期，點心精緻，每款都做得頗出色。今次試咗幾款點心：🥢至尊蜜汁叉燒（例牌）
叉燒色澤紅潤，肥瘦均勻，入口即化，蜜汁甜而不膩，帶淡淡煙燻香。切開後見到層次分明，係有心思水準，但未超越天龍軒皇牌🤡🥢京蔥和牛黃橋燒餅
外皮酥脆，內裡和牛粒嫩滑多汁，京蔥提香，油香撲鼻。呢款燒餅做得好精緻，唔油膩。🥢巴馬火腿銀蘿千層酥
千層酥做得層次分明，入口即碎，巴馬火腿鹹香突出，配上銀杏果同蘿蔔絲，口感豐富又有驚喜。🥢大澳馬友鹹魚茸煎肉餅
呢款係招牌！鹹魚香氣濃郁但不搶味，肉餅外脆內嫩，煎得金黃香口，仲帶住淡淡蝦醬風味。地道廣東風味，但做法更精細，食完回味。🥢金磚豆腐
豆腐炸得外金黃內雪白，入口軟滑如布丁，配上特製醬汁，簡單但香口。🥢櫻花蝦煎腸
腸粉皮薄透光，櫻花蝦鮮甜彈牙，煎得微焦香口，醬汁調得剛好。傳統腸粉升級版，食落去好有驚喜！🥢楊枝甘露
甜品完美收尾！正常發揮！整體而言，如心酒店中菜廳無論環境、服務定食物質素都好有水準，價錢雖然唔算平民，但性價比高，尤其啲點心精細，絕對值得專程嚟食。…Read More

最近去咗希慎廣場嘅禾日食生日飯，特登為咗個釜飯而嚟，值得專程一試！✅ 刺身：新鮮我哋叫咗2人餐，入面有三文魚、拖羅同帶子刺身拼盤，三文魚肥美，拖羅同帶子甜、切得厚薄適中！🔥 串燒：好食但「迷你」串燒有自家製日本免治雞棒配日本雞蛋同和牛。雞串正常發揮，和牛就高質，醬汁調得剛剛好！但份量真係細到可憐，一串得2-3啖就冇，2個人分食根本唔夠喉。🍲 釜飯：靈魂級享受，特登嚟都值得！原本最期待嘅和風香蔥照燒牛肉釜飯，上台嗰陣香氣已經爆燈！飯面金黃焦脆，牛肉嫩滑、醬汁入味，飯粒吸滿汁水，配蛋黃拌，CP值爆燈。甜品清酒雪糕，唔覺有酒味但有豆腐香，懷疑拎錯味？！😆…Read More

After 6 years, I revisited 181 FORTNUM & MASON. Originally planned to have their all-day breakfast with my sister, but found out it’s only available on the lunch menu. Oh well, since we were already there, we had to dive in!🍴Suffolk Pork Belly with Fregola, S8 M Romesco & Coriander Mojo - The pork belly was crispy and fragrant, paired with a sauce rich in Indian flavors. Pretty good.🍴Wild Line-caught Sea Bass with Ponzu Dressing - A bit salty. The fish was coated with a layer of artisanal salt, and the sauce was salty too.🍴For sides, we both chose fries, which were delicious!🍨Dessertsenise - Kahlua Truffles, Brandy Snap, Espresso & Vanilla Ice Cream - Perfectly matched, it felt like sipping an Irish coffee in the Netherlands, slightly tipsy but oh so tasty 😋 Confirmed not drunk!🍦Knickerbocker Glory - A traditional British ice cream dessert loaded with cream. Someone said they couldn’t handle it.The only downside this time was that the restaurant had a festival menu, which we only learned about from the table next to us. …Read More

在疫情時代佢就出現，果陣仲走文青田園風，好記得係佢個窗邊打過卡，咖啡亦都不錯添。事隔一年，佢亦都係返 #雞地 捲土重來，換左一個工業風形象。食物方面都好創新，main menu 有幾款別具特色，其中：🥢契媽風味炒紐西蘭牛柳飯 - 食哂咁齋，相信個汁夠香，帶點少辣；牛柳唔孤寒，好足料。🥢 Fish and Chip - 因為被個午飯攪到食滯，只能叫小食、但小食都好大份，可以當我午餐，魚柳唔似雪藏，因無雪味。🍹 熱情果梳打 - 夠濃又夠解渴🍹 青檸梳打 - 都係足料的。講真今鋪真係小試牛刀，下次再去要認真試返佢嘅咖啡，同埋啲有本土特色嘅飯/麵。P.S. 店主好nice ，小店的風味好濃，開心去連鎖。…Read More

鋒味旗下人氣火火的燒味店，晚上7點幾好彩咁岩有一枱就俾我閃咗入去，落完單望出去已見排緊一條長龍 （實力不可睇小亦都好識做marketing）叫咗2個飯，一個人氣一個正常嚟試實力🍛 叉燒雙蛋飯 （少飯多汁）講真即使唔撈汁，靠兩隻蘭王蛋撈飯已可以，不過撈汁再加蛋漿再配叉燒其實飯都幾好食。咁試吓佢嘅叉燒，叉燒片偏軟身，嗰邊都唔係好脆，同埋唔似坊間咁，用好多蜜汁。 個人覺得個叉燒，如果硬啲會好食啲，不過整體我覺得都好食嘅。其實應該要試吓佢五花腩叉燒，話晒都係名物，可能出唔同嘅感覺。🍛 燒鵝飯燒鵝雖然係胸部，不過都好有咬口，我覺得呢一個就正常發揮。我相信佢同其他燒味店有一種唔同嘅，係佢會有好多創新嘅煮法，例如係叉燒茅台醬油飯、鮮鵝肝潤腸豬油撈飯等，如果用食普通嘅燒味店去食佢，可能會有少許落差。 …Read More

老荔個名已經好80、90年代😆 餐廳佈局都充份盡顯心意。懷舊不失幽默，怪不得多人嚟打卡食飯。我都趁過咗超熱嘅熱潮嚟拜訪一下：🥢 麻麻地豬扒 - 豬扒偏硬身但個麻香好食。🥢 沙爹牛肉西多士 - 呢個我挑選為皇牌之一，沙爹牛同西多士無諗過兩者咗夾，西多士嘅甜好match 沙爹嘅香，大癲！🥢 生炸雞脾炒蛋茄汁飯 - 呢個飯又無我嘅皇牌。首先成碟飯巨多，係食唔哂要打包架。隻生炸髀炸得香而唔乾身，皮脆有肉汁。飯炒得唔乾身，茄汁好多超肥超好食🤣🥢 熱香餅餐蛋漢堡 - 呢個略遜色，熱香餅唔夠香，唔夠軟糯，我個人覺得佢match 漢堡好過餐蛋。🧃 什果賓治 - 懷舊系列唔會輸。總結： 好食。會再嚟🙂🙃…Read More

今日細羊話想食甜品，行左去musea 到最後都兜返去k11 artmall 食 Pan de Pain Pancake。 講講下又數數下，佢話由佢讀大學時代到而家….（🤭 似乎過左十年喎）講真繼flappers 之後，佢係幾好食嘅。今日試佢期間限定嘅開心果麻糬pancake配雪糕，再叫咗一杯抹茶拿鐵，同埋一杯Cappuccino。開心果麻糬pancake，佢將個麻糬鋪面，配上軟軟彈彈pancake，其實口感都好夾，開頭食唔出開心果味，再用佢嘅濃醬沾一口來吃，就食到味道了！個人認為配雲呢拿雪糕再夾pancake食會好好食😋對比前幾日係試水食果間新餐廳所謂嘅巴菲，終於食到到合乎水準嘅甜品，咁就開心大半日了！…Read More

開咗一段時間嘅cafe，難得假期中午都冇乜人，就走入去試食。🥢 自家製蜜燒黑毛豬滑蛋飯似是預製，溫度不要，豬扒普通。🥢 芝士炸雞比利時窩夫窩夫自帶砂糖甜，都幾夾同芝士醬一齊食用，但炸雞就唔係炸雞，似煎雞，溫度微熱，可一不可再。☕️ Mocha - 機沖啡，比較甜，還好。☕️ Cappuccino - 機沖不過不失。食過一次還好，但短期內未必想再吃住，但價錢算公道，粉嶺除咗CoHee外，都真係唔多cafe，想食下不妨一試。…Read More

呢間應該係我細個時同朋常來吃慶祝飯嘅日本餐廳之一，唔係得我一個鍾意嚟，有時會見到明人或政客架（以前岳華、欣宜都嚟）相隔再幫襯都有10年了，呢到食嘅一定唔係咩花款東東，賞鮮食新而已。🍙 芝士年糕 - 即叫即炸，香口，咸甜加拉絲，好吃。，重要夠鬆軟。🍙 北寄貝同吞拿魚腩刺身 - 鮮甜肥美🍙 黑松露鵝肝卷 - 呢個會係推介系列內，鵝肝醬好香，配黑松露味道出哂。🍙 卷蛋、三文魚、花之戀壽司正常發揮，花之戀加分！🍙 帶子、炙燒三文魚、蟹柳蟹籽油甘魚丼飯正常發揮🍙 中華沙律、麵豉湯個人覺得作為一間日本餐廳最基本係食到刺身嘅鮮，其次就是創作菜品，值得一提將太既wasabi係即磨嘅香，甘得來是清「辛」，不錯。…Read More

之前去荃灣食 both by Texas burger， 對佢地漢堡薯條已很加分、今次去屯門試下其他食物：🥢意大利辣肉腸菠蘿薄餅 薄餅個皮香脆，而且夠厚，芝士羊肉菠蘿新鮮的，焗起來非常加分。🥢 澳洲安格斯板腱牛扒碗日本蛋件薯菜 - 牛肉得新鮮，不過唔知係咪食牛腱呢啲位置，吓某啲部份會感覺腥，整體很出色，而且我哋鍾意食嘅薯角。🥢 黑松露薯條 - 正餐嗰度再加杯黑松露薯片冇得輸，因為佢即叫即炸。☕️ Carmel Latte☕️ Cappuccino …Read More

呢幾年嚟香港多咗好多酸辣、麻辣、大辣嘅粉麵店，元朗雞地都有一個，佢地主打係豬雜麵，價錢相宜，即管一試：🥢 招牌豬雜米線配祕製辣醬 - 呢碗我敢肯定係必叫之物，佢湯底已很香，最吊味是佢嘅辣醬，同碗麵好夾，忍唔住叫老闆俾多碟辣醬，豬什夠香、豬膶都多，好好食😋🥢 紅燒牛展麵 - 本來要紅燒牛肉，但老闆話牛腩同豬腸都無（好sad），所以叫左牛展，我覺得呢碗麵相對普通，牛展我本來唔喜吃，因對cool牙妹嚟講好難咬😵 不過油麵好食🥢 小辣手撕雞 - 花生加青瓜絲夾雞肉好香，同埋雞肉夠嫩。成餐飯用左$146 蚊連飲兩杯凍檸檬茶，其實好抵，同埋老闆娘好人送左兩碟酸蘿蔔俾我哋。計CP值呢間很抵的。…Read More

由荔枝角地鐵站C出口過條馬路就會到嘅FuFa Life ，佢嘅門面令人驚艷外，服務也不錯；因為要遲10分鐘先可到餐廳，所以就先打去講聲，店員仲叫我慢慢，會留位俾我🥹感動。去到近乎滿座，枱與枱間都有啲距離，遠處有個調酒的bar 枱，很吸晴呢。🍴墨西哥脆片配牛油果 - 前菜的節奏，個Nacho新鮮到好似岩岩我拆開包Lays咁😆而果個牛油果醬不錯，perfect match。🍴德國豬手配黑胡椒汁加薯條 - 豬手偏咸，肉質都幾滑滑，我幾乎食哂佢嘅薯條🍟🍴小食併盤 - 有蝦片、炸蝦、炸雞同炸魷魚圈，正常發揮。🥂 Two Moons Signature Dry Gin - 講真佢啲Gin就有驚喜了，Dry Gin好岩飲，唔啃喉又解渴。🥂 Two Moons Calamansi Gin - 呢個有層次，飲到個香花味，清新！🥂Two Moons Five Flowers Tea Gin - 呢杯原來真係有五花茶味，酒味厚身啲，都得意的。…Read More

無，我幾喜歡去探會所餐廳，食過幾個屋苑會所，好多會所都打破唔到「一定會好食」嘅魔咒，無諗過囍廚係我心中做到！（仲好食過新鴻基屋苑會所餐廳）嚟一個會顧就知我幾常去：🍴黃薑鴨湯飯 - 老火黃薑湯，鴨食炖得夠淋🍴煎餃子 - 正常發揮🍴京都豬肋骨 - 個汁煮得出色，肉質嫩滑🍴酸辣蕃茄餃子湯米 - 超開胃的湯米，滿滿維他命C🍴 蕃茄肉片湯麵 - 正常🍴 生炒糯米飯 - 估唔到會所都可以炒得咁香口，好食！🍴焗鴛鴦飯 - 佢焗飯非常出色！兩種口味都好食🍴蕃茄汁豬扒焗飯 - 唔使多講，肥唔係冇原因。🍴豉汁肉餅飯 - 正常發揮，肉餅脆口好吃🍴意式海鮮焗飯 - 大大大大愛！🍴京都焗肉排 - 汁香好吃，無得輸🍴黑椒雞扒撈麵 - 正常野…Read More

元朗無人不識的過橋，講真嘅外區人講嘢食除咗B仔涼粉外就係過橋麵檔。我食得最密都係上年年中開始，除咗佢嘅食物水準仍然保持到之上，人情味很濃（老闆在場好關心你食得開唔開心、好唔好味）今次合集咗我最喜歡吃嘅：🥢 潮式蠔餅 - 內外都脆，包括蠔仔，鬆化好吃不油膩，我喜歡點搬式辣醬，但有人話點魚露配飯食一流。（已同老闆講😆）🥢 黃介辣蜜糖急汁骨 - 醬汁調味高手，豬肉出色好食，伴腰果同蝦片呢啲曳野岩我。🥢 蝦醬肉片炒河 - 我大愛！ 好有鑊氣火氣，仲以為食雞出色，點知小炒都唔係流！🥢 西檸雞 - 個人覺得唔夠汁，如果汁濃同多，就會無咗寡味。🥢 巴辣雞 - 呢款雞配菜飯一流！（皇牌之一）🥢 豉油雞 - 有比較有傷害，豉油雞恰當好處入味，但有巴辣雞霸王雞呢啲名雞在前，失色了。🥢 咖哩牛筋腩飯 - 咖哩汁都冇諗過同真係專做咖哩嘅店鋪都可相提並論，牛筋牛腩都較腍身。🥢 霸王雞飯 - 一絕的驚艷，建議未食過先食佢，個汁好惹味，雞肉又滑。🥢 咖哩牛肉飯 - 如上上餸所講，無得輸。🥢 蝦米肉片炒河 （啤哥最愛） 一食就愛上，可惜此餸已經冇再出，下次問老闆可否做返期間限定。…Read More

回春個名好正，總是讓人滿有朝勁的感覺。佢位於新大中華飯店附近，鋪外擺了個打卡位好靚。🥢 巴斯克燉雞皇牌之一，用蕃茄汁、蔬菜新鮮蕃茄仔做醬汁，燉雞好入味，而且啲肉係嫩而不是鬆散的。滑到即使食雞胸都覺得好食。🥢 素食all day蓴菜系列，我覺得bagel好食，佢搽咗一個黃醬上去好香口。另外有一啲類似椰菜花嘅物體沾上酸甜汁好食，其他都有鮮菇牛油果羽衣甘藍呢啲咁健康嘅食物。🥢 斧頭豬鞍伴紅酒川貝肉桂燉啤梨呢個係超級王牌，冇食過一隻豬鞍不會韌，而且好腍又有肉香味，沾上佢嘅燉雪梨汁係非常匹配，同埋佢有個酒釀雪梨瓜酸酸甜甜都好開胃。🥢 薑黃焗福花蘿蔔配酸奶花生醬呢個酸奶醬點我鍾意食嘅椰菜花，私心已經贏咗了。🍰 自家製焙茶巴斯克蛋糕雖然冇巴斯克嗰種軟腍腍，流沙的感覺，但係個焙茶香係好吸引嘅。☕️ 核桃蘋果香蕉燕麥奶昔因為本啤不吃香蕉，所以呢杯試唔到有人說很好吃。☕️ Dirty正常發揮。…Read More