amy@funtime's Profile

四個人叫咗四個唔同嘅牛舌定食，。四款食匀無一款唔韌， 仲叫咗鹽燒雞翼、鰻魚同土佐豆腐，叫食得落。未試過食完餐飯攰到一個點，淨係𡁻都𡁻到牙較軟。可以唔去都唔好去🙂我好難用200字去評論有幾唔值得去喎四個人叫咗四個唔同吧牛舌定食，四款食匀無一款唔韌，仲叫咗鹽燒雞翼、鰻魚同土佐豆腐，叫食得落。可以唔去都唔好去🙂四個人叫咗四個唔同吧牛舌定食，四款食匀無一款唔韌，仲叫咗鹽燒雞翼、鰻魚同土佐豆腐，叫食得落。可以唔去都唔好去🙂…Read More

聖誕Book咗7:30嚟食，上到去一開𨋢D人多到一個點，原來Book咗位都仲要等，安排極度混亂！等到8:00先入到枱⋯⋯入到去侍應部分都算好服務嘅，一嚟叫我哋點咗刺身先，但好多刺身原來只有頭一次，之後你唔會叫得返⋯⋯一口和牛、好似得D牛嘅頭頭尾尾，冇一舊係無筋嘅⋯⋯仲要得微温⋯⋯個鍋放落嚟 張枱已經細，個鍋超過15分鐘都滾唔記，途中又有侍應走嚟話「我幫你較細D⋯⋯」其實個制我都識得擰⋯⋯佢未滾起啊⋯⋯聖誕節你Full我都明，張枱細都無法⋯⋯但唔駛有D嘢上枱係放落我用嚟食嘢個碟度嘅，仲要用拋添⋯⋯因為一張四人枱本身唔大，仲要中間加板隔開⋯⋯天婦羅喎⋯⋯火鍋料中嘅蜆⋯⋯唔知點解係開晒口嘅咁就七舊幾而又唔覺食咗D乜嘅一餐喇⋯⋯咁中間當然有漏單啦總之就唔會再去，請都唔去，亦都唔會叫人去⋯⋯…Read More

本身Book咗枱食生日飯。Book就八點，我早兩個字到都可以入枱，但坐正風口，叫完嘢落完單叫唯一一位樓面幫我哋轉枱。 兩個人叫咗三打蠔同一個沙律，但係我哋等咗起碼九個字先有蠔食⋯⋯本身仲想叫其他嘢我已經唔想等。而且環境好嘈雜，嘈到心煩。即係我其實呢個價係想嘆，唔係想劈住食。個蠔ok嘅，鮮味都夠，又夠凍，但帶子位無起，一扯隻蠔爛晒個種⋯⋯又無刀俾我，想自已起都唔得。沙律我叫咗Parma Ham Salad，份量偏少。無心機⋯⋯食埋個沙律就埋單走😌…Read More

本身呢個舖前身都係做甜品，去到發現變咗另一間，咁咪入去試下囉⋯⋯坐低叫嘢睇Menu，就叫咗個心太軟，雪糕要朱古力味⋯⋯等咗約干時間，終於等到點知一放低已經見到爛咗嘅心太軟⋯⋯大佬，未食就爆咗認真呢？味道係還可以，朱古力味睇落濃，食落一般。唔算甜⋯⋯之但係食食下好漿口。雪糕又硬到掟死狗，佢𢳂到一球出嚟真心叻⋯⋯雪糕無朱古力味……啲燕麥片又痴牙，唔夾囉件事⋯⋯食完個口一陣酥味。同埋可唔可以唔好用即棄餐具呢？…Read More

第一次食嗰陣時已經覺得好好食，但係由於只得兩個人，所以決定下次叫多啲人嚟食終於成事！講緊啲嘢食先！路氹香脆豬扒包個包身好好食！除咗個包仲有好多配菜！其實抵食！葡式檸檬白酒煮海蜆蜆係偏細隻、而且有唔少唔開嘅蜆，但煮得好香！檸檬有提鮮作用！入面啲配料菇超好食！葡式辣肉腸炒雜菜椰菜比例多，但味道係好食嘅！葡國雞配蒜蓉包雞處理得好好！好滑！葡汁香濃而不膩！路環鹹魚炒芥蘭芥蘭唔老！不過食唔太出所謂嘅咸魚味⋯⋯係咪正常？😂好食嘅～葡式香烤脆皮乳豬件配薯菜無得輸嘅！皮脆肉嫩！芝心馬介休球伴香草沙律汁芝士恰到好處！唔會好油膩！馬介休球炸得好香口！香草沙律汁配沙律菜好好食惹味非洲雞配薯菜一隻脾加一塊扒，啖啖肉！滑到不得了！啲配菜都清晒！亞蘇爾小食拼盤（2人用）多士上嘅松露醬有畫龍點睛嘅功效！多士非常香脆又唔太乾身！豬手非常好食！霹靂魷魚為冷盤！非常辣！好惹味！個木糠布甸就送嘅，但係非常一般⋯⋯所以⋯⋯總括而言我自己非常推薦嘅，唯獨舖唔大，人多等位非常耐！…Read More

知咗呢間小店一排，之前試過嚟，但撞啱星期三休息。好在星期六嚟唔駛等即刻有枱。叫咗小食，芥末八爪魚，份量都夠嘅，味道唔錯！桌上燒澳洲和牛片（100g），超推介！非常抵食！好食！三文魚茶漬飯男友話好好食，好香！滑蛋豬，我本身最愛，佢呢度處理得唔錯，係香港以唔駛$60嚟計，非常抵食，味道都好，只係豬扒唔夠淋身，洋蔥都可以淋少少！由於坐位少同無冷氣，所以天熱食應該幾大鑊！…Read More

男友媽媽生日，我提議買玫瑰花蛋糕！上網download份form，再經whatsapp落單，櫃員機轉數，過程非常方便，回覆亦快！到攞餅日子，去到舖頭講返姓名同幾點攞餅，店員都好快處理好order，非常細心交待冰種可keep一小時！晚上切餅時，連隔離枱嘅都不停望個蛋糕! 實物超靚！蛋糕都唔係得個樣～外層花瓣（白朱古力）比想像中好食，而蛋糕夾層亦有士多啤梨果肉，raspberry mousse味道帶酸，好清新！蛋糕底做夠鬆軟，成個配搭非常好味！…Read More

個日見早少少，之前又係facebook見到話部份奶奶雞半價，咁同男友去撞下睇下等得耐唔耐。一去就即時入得枱，但就坐近門口，比較熱。到叫嘢，叫咗半隻原味雞覺得無以前咁好食，水汪汪。另外叫咗個泡菜，呢度泡菜係偏辣嘅～同埋叫咗個牛肉生菜包～都OK好食嘅，但係啲肉偏硬。如無意外都唔會再嚟食喇⋯⋯…Read More

同成班朋友相聚，最頭痕嘅就梗係聚餐地點，要好食、好坐、價錢合理地方真係唔多㗎～星期五嘅晚上，約咗成班好朋友上咗尖沙咀新開嘅大一海鮮火鍋料理，好彩一早book定位，成個場真係爆到不得了！我地人多(成十二人)，所以可以試好多唔同嘅嘢！未人齊，可以叫啲小食頂下肚先，睇到個芥末炸蝦丸好吸引，所以就叫咗試試，我好怕食到啲炸嘢係炸過龍，搞到面層乾爭爭咬都咬唔開，呢度果然高質！金黃色外層，無多餘油份，蝦丸亦唔會太大粒，一啖一粒啱啱好～蝦肉爽口彈牙，入面包咗少少新鮮芥末，鮮味得嚟又有啲刺激！正！湯底，人多好辦事，所以我地唔止叫咗一款湯底～野菌黑松露湯底，湯濃稠度非常適中，唔會太厚身，而食物放落去令非常好味～黑松露味道唔會太霸道！令人回味～！金湯腿翅鍋。我上大一facebook睇過有關訪問，原來呢個鍋大有來頭，係用咗老雞同36個月嘅西班牙肘子骨熬制，再配上半隻嘉美雞同足六兩翅，未食火鍋料先飲咗半鍋湯喇！味道鮮、甜、有骨嘅咸香！同行朋友呷一啖都大叫：『好好味啊～』本地黑毛豬腩片。刨到好薄身嘅豬腩片，好軟滑但不失咬口，成碟粉紅色超靚啊～而佢無平時啲豬酥味！一改我對豬肉抗拒嘅觀念！一定要食！冰菜原來冰菜超好味～同埋呢度啲菜好靚，好新鮮！配任何湯底都好夾～女皇粉呢個粉就真係一流，我地都食完一個又一個，叫咗至少5-6次！放落黑松露湯底，索晒啲湯食真係無得輸！！皇帝菜無嘢好彈，新鮮！獨步鮮打潮汕風味牛筋丸(咩名嚟㗎？)真係不得了！呢個牛丸鮮甜多汁，仲有爆漿效果！一流！韭菜餃呢個無食過，因為本身唔太鍾意食韭菜，但同伴話皮滑料靚～鮮嫩魚下巴(魚三角)一個字，滑！鍾意食魚一定一定一定唔可以放過！牛魔王拼盤牛胸爽：有牛肉油香，爽口，超級好食！安格斯：靚！牛肉味濃～牛脷托：口感正！牛粒：軟滑味美！爽滑海蝦滑個碟好鬼靚，用起嚟好就手，蝦滑好爽，味道非常好！紅鮋刺身好新鮮，上枱條魚仲識震㗎～肉質好難形容，但係好好食！秘製麻辣鍋我唔食辣㗎～所以無試到！但朋友們食到大叫過癮！我聞到都覺好香！個刺身頭拎咗去椒鹽呢度個椒鹽真係諗起都餓！ 外層香酥內裡肉滑！無X得頂！估唔到呢度甜品都照顧周到～有原個生果嘅雪芭啊！！！我㨂咗菠蘿雪芭，大愛！！！！！好香，唔會好甜！我會想食好多個！！！朋友叫咗桃味雪芭！我都試咗啖，好香桃味～如果唔喜歡菠蘿絕對可以㨂桃味～仲有蘋果、橙同椰子，但係我無影喇～我要顧住食！！哈哈總括而言，一餐非常滿意，非常滿足！員工都跟得勁足～非常細心照顧食客！…Read More

話說接近年3年前去過咖啡弄，個時係等到癲嘅，咁啱去銅鑼灣就過去再睇下駛唔駛等咁耐啦～星期日，下午大約五點鐘，有少少人龍，其實要攞飛，不過都係等十張以內，ok嘅，最後等咗半個鐘先入到枱。Oreo冰沙，好大一杯啊～唔甜，入面有朱古力碎同埋oreo碎，口感豐富。草莓冰沙，男朋友飲的佢話少少酸少少甜非常好味～玉米里肌起司可頌男友話個包一般，無乜特別香蕉朱古力冰淇淋鬆餅超好食～由於我唔食吉士，所以落單叫佢走咗佢，侍應姐姐話可以轉埋做雪糕，估唔到係分開上，鬆餅好厚好大份，夾埋啲香蕉同朱古力雪糕一齊食，滋味十足啊～！2個人下午茶食成咁太豐富了，份量都多，所以係食又食唔晒，飲又食唔晒～…Read More

同男朋友係沙田揾嘢食，當時其實都未到七點，本身想去丼丼屋，點解唔見咗。之後就用咗新城市手機app望下有咩選擇，最後㨂咗間唔算多人等嘅PizzaExpress。手機攞飛，等大約7張1-2人枱，都等咗十幾分鐘，可以接受，之後入枱落單。之前係觀塘個間食過2次，都幾鍾意食，咁諗住呢度食都應該ok啦～睇menu，同之前有啲唔同，同埋冇set叫，睇咗好耐終於㨂咗個四季pizza，waiter話冇晒銀魚乾，其他料會落返多啲。前菜就叫咗焗蘑菇芝士沾醬同埋香酥魷魚圈。香酥魷魚圈好食～魷魚易咬！唔係雪櫃嘢～跟沙律醬非常合拍！焗蘑菇芝士沾醬配麵包仔，沾醬非常香而不膩！四季pizza到，但無我係觀塘食咁好食，相對好一般。意粉我地叫咗蟹肉白酒汁意粉，碟邊跟咗舊檸檬，檸檬汁同成個意粉好夾，雖則個意粉咁淺色，但居然係辣嘅，我唔食得辣都覺得好好食，因為配白酒加埋檸汁成個意粉好香好清新～！大部份食物都滿意嘅，係個pizza爭啲，同埋啲侍應太忙，加水都要主動叫同埋要等，但好在佢地有好有禮貌，呢樣抵讚！…Read More

下午茶時段身處太子，醒起有個好出名嘅菠蘿包！雖然我本身唔餓，但都要會一會佢！門口堆咗好多人，但都唔係買嘢嘅⋯⋯唔知係等位定趁熱鬧。目標明確嘅我，我行埋姐姐度就開聲買兩大個菠蘿油喇！（橫死掂死，肥就肥啦！）等咗非常短嘅時間，姐姐就俾咗兩個非常熱嘅菠蘿油我！菠蘿皮好靚，裂紋爆得平均，色水金黃，酥鬆香脆，但包身還是灣仔快樂餅店比較比色，但都算好食㗎喇！但十蚊個菠蘿油算抵食，因為佢都重手兼大個，淨買菠蘿包$6都係值得！提提大家，食前準備好紙巾，唔係就一手一面都係手油㗎喇～…Read More

落雨嚟到荃灣，都仲見到好多食肆有人排隊。但又想食海南雞飯，行過呢間聲稱自己係西貢海南雞飯，價錢一般，所以入去試下。起碼佢唔駛等！佢有就咁海南雞飯餐，50蚊有找，都有人外賣，但我地見有2人餐，就叫咗一個，加埋飲嘢（凍檸樂加8蚊），2個人就$17X喇～舖頭地方唔算大，所以坐得一般，嘢食好快就上到。我就未必會再食第二次，因為真係一般啫…Read More

因為要係灣仔揾食，發覺選擇太多都想食啲特別嘢，咁就走咗嚟呢間餃子店！試業階段，同埋本身因為鋪頭比較細，人多，就必須要等。亦都見好多外賣，眼見外賣都唔需要等太長時間。等咗大概40-50分鐘，終於入到枱，bar枱相對比較好坐，而且可以睇住煮餃子嘅情況。枱上放左唔同嘅醬料，可因應個人口味去揀返！揀咗好多款餃子。例如chao chao餃子。皮薄，煎得夠脆！蝦餃一樣嘅海老餃！超鍾意！得個長字，無乜特別。激辛，真係好堅！想試唔同款不妨叫呢個，不過真係試！好食款可主動出擊！唔鍾意，山芋蓉好怪，冇山葵味。不妨分開落單，免得啲餃子淋同凍咗，無咁好食。…Read More

沙田人多食肆也多～但都算係飲食蒲點。識得揾食其實沙田真係好多選擇有時食到悶，都係上嚟睇食評㨂地方試。之前一個星期就撞彩走咗去小王食晚飯喇～～一食之下驚為天人～！！！！咁為免自己亂嚟叫嘢嚇親自己，梗會參考下食評＋望下在場客人叫咗D乜～～第一次，叫個鹽酥雞扒飯啦～（我係鹽酥雞扒控～～）咁同行友人就叫個油炸大排飯，我地就加多個小食鹽酥魷魚鬚分甘同味～～上菜唔需要等好耐～食物分量都唔細～～所以唔好貪心叫太多～～如果個飯跟少少菜更好～～～所以後來，我心思思又走多去一次～～～超級好味的經驗。所以會繼續KEEP住幫襯～～～…Read More