mimi.nornor's Profile

趁住而家天氣涼啲，梗係第一時間要食返啲香港地道美食啦：大排檔就係我嘅手上，喺啟德站附近嘅呢間大池記大排檔位置相當方便，食物質素同服務態度都有驚喜。嚟之前睇過餐牌覺得超級無敵抵食，估唔到食物質素都唔錯，呢間嘅CP值真係超高，應該都係同呢間舖頭有自設農場，所以勁多款新鮮食材，每人生劏到店。呢到有全日優惠專輯，成頁選擇都係做緊特價，所以每台只限兩樣，我哋就梗係由呢度開始睇啦，潮州滷水拼盤包豬頭肉、豆腐同埋滷蛋，只係$38，羊腩煲都淨係$58 ，仲要係寧夏新鮮羊腩煲！整得超級入味，份量都唔少，呢個價錢真係勁抵！金銀蛋浸豆苗轉得剛剛好，豆苗好幼嫩，加埋金銀蛋嗰調味剛剛好，好食！椒鹽海鮮蝦都超有驚喜，炸得酥脆，蝦肉質彈口新鮮，仲要每隻都咁大隻！…Read More

最近網上好多人都介紹龍亭，話高質又抵食，我今日都終於約到朋友一齊來食dinner。果然，真係好好味，環境正之餘，服務態度好好，味道都好出眾！今晚選擇咗鵝肝龍蝦1++韓牛十四品，由原價嘅$1188變咗而家特價$898，真係超級無敵抵食！首先有醬油漬三文魚頭軟骨海草昆布、熟成挪威三文魚牛油果他他同醋漬日本三色蔥。好驚喜呢到可以食到三文魚頭軟骨，醬油漬咗之後酸酸地，好開胃，睇呢個前菜已經知道成餐好高質。煙燻挪威三文魚有機沙律菜卷都有兩個醬汁option，真係好有heart！蛋白菠蘿mousse鵝肝多士好特別，因為菠蘿sauce，令到食完之後完全唔會覺油膩！是令極品刺身，選擇咗要海膽同鯛魚，朋友就要咗生蠔同埋海膽，佢個生蠔係用咗蝶豆花泡沫，所以當你用檸檬汁上去之後，就會變成淡粉紅色，用嚟打卡一流！當然其他海鮮都好新鮮啦，海膽超級Creamy，用紫菜包住嚟diy咁食，正！白松露魚子醬蘭王溫泉蛋都好出色，好濃蛋香，配埋白松露椰子醬，味道同氣味都即刻提升咗唔少。鐵板海燒可以揀兩樣，我同朋友分別都試晒慢煮鮑魚、日本元貝、白鰻同埋虎蝦，鮑魚係師傅用咗秘製醬汁慢煮咗36小時，相當淋，好入味！虎蝦口感彈口，好新鮮，你就好咗嘅蝦頭沾蝦頭醬食就最過癮啦！韓國韓牛薄燒肥美而不油膩，份量剛剛好，入面包住蔥花同蒜片，韓牛真係唔同一個層次，所以我哋叫嘅衫就係最match。花膠燉湯好濃雞湯味，每一晚裡面都有花膠，相當養顏，飲落好暖胃，無意中發覺朋友越飲就越嘴角向上揚，係滿足跟表情啊！鐵板黑松露海鮮炒飯炒得好入味，粒粒分明，好香口。甜品都好精緻！…Read More

住喺黃埔嘅人都一定有聽過滿堂樂滬京風味，簡直就係紅磡人嘅驕傲，好早期已經攞咗米芝蓮小食推介，近期搬咗新舖之後，坐得更加舒服，環境更加乾淨衛生，燈光亦都明亮咗好多，令到整體用餐體驗都提升咗唔少，最緊要就係嘢食質素依然保持到！每次嚟呢度都必定會嗌佢個咸豆漿，覺得佢餡料好夠豐富，加埋辣椒油，即刻會覺得成個味道提升咗，不論口感或者味道都好有層次感，係我食過香港數一數二好味嘅鹹豆漿！呢到嘅豆漿都係好好味嘅，豆味濃郁！另外要左一個淨上湯雲吞拼韮菜水餃，每一隻都好大隻好juicy，包得好紮實…Read More

本身一心諗住買d得意可愛嘅月餅俾屋企人同朋友仔一齊開心share，齊齊留下美好中秋節回憶，點知去到舖頭，竟然比呢款高貴blingbling packaging吸引，除咗禮盒設計做得好好，就連月餅本身都係做咗花形設計，不過最緊要都係三個口味都真心勁吸引，後來店員都有介紹話呢隻係低糖配方，點忍得手啊！💛低糖流心奶黃月餅花超濃郁嘅奶香同鹹蛋黃鹹香味🤎低糖黑松露流心月餅花出奇地搭配，呢個真係有驚喜！🖤低糖黑芝麻流心月餅花有香醇嘅黑芝麻餡料，仲要係流心，真係💯…Read More

身邊有識食嘅朋友真係好幸福，我今日就係被朋友邀請，嚟到尖沙咀呢間超高人氣嘅廚師發辦店，聽我朋友講，有時要早成個月去book位，座無虛席咁爆棚，質素一定好高啦，而確實今日食完之後真係完全冇失望，完全明白點解會咁多人想嚟，CP值真係超高，不論係服務態度定話擺盤都真係有一種高級感，但係價錢亦都絕對算係好合理，尤其係晚餐嚟講！呢到除左bar枱，都有私人房，以後來慶祝生日都得！鰻魚做先付我都係第一次食，感覺好新鮮，配埋麻醬青瓜，口感豐富！北海道生蠔好大隻，好creamy，正！三文魚籽海膽杯有超多海膽，自家醃製嘅三文魚子味道一流，鹹度跟甜度控制得剛剛好。鰤魚有濃濃嘅煙燻味，好特別。另外羽太魚真係好驚人，可能係配埋蘿蔔蓉，令口感更加滑，魚味夠濃，魚身夠厚但又絕對冇鞋。壽司方面都好出色，我最鍾意嘅就係深海池魚配青柚子皮，帆立貝，富士山白三文魚，金目鯛，右口魚同吞拿魚赤身。…Read More

紅磡街坊真係有福啦，最近發現蕪湖街又開多咗一間抵食之選，仲要好早就開門，今日大概10點經過嘅時候本身諗住食早餐，點知聞到真係勁香，望入去所有嘢都係新鮮即煮，就決定買兩餸飯返屋企食。朝早啲店員哥哥同姨姨都好有禮貌，超有人情味，而且見所有新鮮即炸嘅嘢都好酥脆，我自己就叫咗兩餸，兩個都係又有蔬菜又有肉類，直落唔會覺得太多味精，南瓜同埋蘿蔔都炆得好入味，肉類亦都唔會太嚡，而且有住家味，所以真係勁推介。 呢度嘅價錢亦都相當抵食，最正就係有得淨叫餸。…Read More

今日又要OT，搞到成9pm先放工，但係又好肚餓，所以就想食d比較健康嘅late dinner。諗諗吓就醒起尖沙咀有間素食餐廳之前去過覺得勁好食，但係無時無刻都勁多人，所以就諗住而家夜啲過去睇吓會唔會唔使排咁耐隊，不過去到一樣係坐滿晒，好彩剛剛好有人走，即刻有位坐。呢度店員全部都好有禮貌，而且食物都真係好好食，亦都超健康！今次真係超肚餓，所以叫左好多，要d野都好多元化，鮮竹蒸牛肉球雖然唔知用咩去整，但真係有外面點心店嘅質素，好好味！兩個湯都好清甜，尤其係個椰汁雪耳無花果燉湯，呢排天氣冷，飲呢個好潤喉，而香菇竹笙菜胆翅湯都好濃郁。咖喱魚扒飯好香咖哩味，魚其實係豆製品，好大塊，啖啖肉 ！當然都要點個忌廉蘑菇濃湯佐菠菜苗，呢個有d fusion feel，都幾好食，豆苗好甜！！！四川擔擔麵做得好出色，朋友都話冇諗過素菜餐廳可以做到咁好味！花生鹹蛋湯圓有姜湯底，好暖身，花生鹹蛋都有爆餡，呢個就係一個完美嘅結束！…Read More

香港而家真係越來越多韓國餐廳，尖沙咀呢一帶亦都係小韓國，所以當我想食人韓國菜嘅時候都一定係喺呢度搵食，今日約埋朋友一齊嚟，呢間都係佢介紹嘅，就係鍾意呢度有韓式小清新嘅感覺，嘢食亦都好好味，今日叫嘅嘢亦都冇令我失望。原味石鍋芝士拌飯份量好多，比一般嘅石鍋飯更加好食，因為加咗芝士碎，石鍋本身嘅熱力令到芝士溶咗之後，成件事更加邪惡，更加好食！而且用左紅米，感覺健康好多！薯仔豬排骨湯同韓國食到嘅一模一樣，呢間嘅價錢亦都比其他香港餐廳抵食。豬排骨啲肉一啲都唔鹹，加埋個辣湯真係好match，而薯仔都令到湯底更加濃郁，正！餃子王就係典型嘅韓國餃子，勁大隻，超紮實，好飽滿！…Read More

之前睇ViuTV劇集已經見過呢間餐廳，一直都覺得裝修勁靚，好有歐式小店嘅風格，一直都以為係港島區，後來先俾我發現原來位置就喺佐敦！之前嚟食嘢已經覺得勁高質，而上次亦都話下次一定要再嚟，因為餐牌上仲有好多嘢我有興趣，今日同朋友一齊嚟呢度食晚餐，試多咗兩樣新嘅嘢，一樣都係覺得勁好食！我地要左一個fez一個new york，兩個都好好味。fez其實就係中東七味烤羊柳配核桃青醬，加埋香蒜蜂蜜薯角。呢個味道好少係香港食到，herb嘅味道好intense，肉好嫩滑，呢個一定要叫！New York其實就係自家製美式鹹牛肉配薯仔沙律同酸肉麵包。以前喺紐約真係好鍾意食呢種，呢度亦都做得好好味。好多肉，份量好足夠，酸種麵包亦都好出色，酸酸地加埋dressing真係100分！飲品方面就叫咗一個泡沫齋啡同一個鐵觀音朱古力，泡沫齋啡一啲都唔甜，咖啡味夠濃，所以鍾意飲齋啡嘅人一定會覺得好正，鐵觀音朱古力呢個Combo都好好，互相好balance，兩個都唔會太搶味。 …Read More

今日好彩有朋友介紹，帶咗我去中環SOHO區一間勁靚嘅餐廳，呢度樓底超高，行北歐風格嘅簡約舒適style，感覺超高級，喺度食嘢都覺得自己優雅咗。呢度嘅餐牌其實都好多選擇，除咗一般嘅意大利麵之外，同時間都brunch 同pastry，真係好特別，不論係晏晝定夜晚，抑或係週末嚟都一定有嘢啱食。見到餐牌都有介紹，呢度原$388任食starter同homemade pasta再加甜品，大食嘅朋友一定要嚟！首先呢度必點嘅一定係佢哋嘅魚湯，飽肚得來完全唔會覺得滯，清得來又有層次感，真係要飲過先會知道個味道有幾正！Black cod tartare with olive oil and white wine vinegar呢道菜好特別，當初朋友怕會有魚腥味，因為佢唔食生魚，但係嚟到之後始終因為配咗白酒醋，感覺有啲似醃製咗嘅魚，加埋牛油果蓉夠creamy，連朋友都大贊！Pan fried norwegian salmon with dill sauce雖然感覺有啲平凡，但係就係因為個醬汁提升咗成個口感同味道，dill sauce好清新，去買呀，配埋有口感嘅煎三文魚真係不錯！最後要埋個Tiger prawn with homemade sauce，一上台真係wow左一聲，超大隻，燒得好入味，請下面有pineapple有d 甜甜aftertaste。…Read More

好久都沒有去澳門了，今天難得跟朋友一起來，當然要選一家好吃的餐廳！朋友跟我說以前就來過這家餐廳，剛好我也來過，但我們兩個都覺得是個不錯的選擇，就代表印象中有多好吃。當然來到後也沒有失望，食物以然很好吃，服務員也記得我們，感覺太溫馨了吧！食物方面我覺得綜合小食拼盤跟薯絲馬介休都是必須點的，綜合小食拼盤選擇好多，都炸得酥脆，沒有一點油膩感。薯絲馬介休是特色菜，不論外表或味道都好出色！這次用餐太開心了，服務態度好好，環境也乾淨。…Read More

今日有外國朋友返香港，我哋就特登約好喺灣仔嘅呢間酒樓食飯，呢間已經係六十年老字號！我哋叫咗佢哋個豪華特選4人套餐都係 $2238，但係真係食到超高質嘅海鮮！​首先朋友佢哋最鍾意就係椒鹽瀨尿蝦，佢哋話喺外國真係好少見到呢啲咁大隻嘅瀨尿蝦，我就同佢講連香港都真係好少見，而且呢度嘅瀨尿蝦超新鮮，肉質爽口！​另外就當然要叫乳鴿俾外國嘅朋友啦，個皮炸得好脆，肉就保持到嫩滑，朋友都話兩隻都唔夠食呀！​講明食避風塘炒辣蟹，蟹就一定唔會缺少㗎啦！呢度嘅避風塘炒辣蟹超有特色，有服務員會嚟拍蟹腿，等蟹肉更易剝出。而且唔係用麵包糠炒㗎，聽聞傳承人用咗12 年心機研發，用香茅、香叶、蒜蓉等十幾種東南亞材料提取海鮮精華，獨家秘制，炒出嚟嘅肉蟹與眾不同！一睇已經覺得勁大隻超級引，肉都好鮮甜。​難怪呢度成日都咁多人，原來大博主Jason都推薦過🦞 加埋呢種裝修係外國人嚟到會好鍾意，覺得好有地道特色嘅！​…Read More

今日又選擇同朋友喺啟德airside食飯，呢間餐廳其實都真係坐得好舒服，基本上所有座位都係卡位，而且餐點嘅產品都好多樣化，所以無論鍾意食咩嘅人嚟到都一定會搵到啲啱自己食嘅嘢。菠菜吞拿魚焗通粉，雖然要等15分鐘，但係都真係幾高質，菠菜份量都唔少，吞拿魚亦都每一啖都可以食得到，通粉嘅軟硬度亦都剛剛好。XO醬西蘭花炒鳳尾蝦會配埋老火湯係一個唔錯嘅選擇，老火湯冇味精，平時返工少湯飲嘅人都應該會覺得好窩心。西蘭花炒得清脆，蝦亦都好新鮮，配埋辣辣地嘅XO醬就最啱。芝心蝦多士一共有六塊 ，全部都炸得超酥脆，真係好邪惡，但係好味就得啦，唔理得咁多！西冷牛扒餐要等20分鐘，但係包埋日式粟米湯同焗薯，感覺真係有港式西餐度食咁樣，牛扒一啲都唔嚡！飲品就要咗凍檸茶同埋熱檸蜜，兩杯都有冰室應有嘅水準！…Read More

今日又嚟到紅磡呢間越式餐館，知道坐得好舒服，基本上全部都係卡位，服務員態度亦都好好，地方亦感覺好乾淨。今日我同朋友兩個人都唔係太肚餓，所以就叫咗一個小食，兩個菜同一碗粉一齊分享。傳統大蝦米紙卷包得好紮實，而且大蝦都好新鮮，喺咁熱嘅天氣度食啲凍嘅冷盤，感覺都特別清新。菜就要左魚露生菜同蝦頭膏通菜，始終都係要食多啲菜，感覺健康啲，兩個菜都唔會好油膩，而且份量都唔少，蝦頭膏亦都有驚喜。越北生牛肉牛肉丸湯粉份量足夠，生牛肉絕對唔會，加埋肉丸口感都好好，最緊要就係個湯底夠出色！…Read More

今次季節限定要咗芒果焙茶脆脆同埋楊枝甘露，呢間嘅mochi真係超級chewy，成粒不論味道定口感嘅組合都好正，飽滿得來亦都好容易食，每一啖都會食到成個組合嘅配搭。就連近期大熱嘅Do Buy開心果小福都比外面一般冇咁甜，好適合亞洲人口味，杜拜開心果口感鬆脆特別[爱心]但小朋友最鍾意嘅當然就係佢哋嘅王牌花生香蕉朱古力，厚厚的一片香蕉，加埋朱古力本身已經係絕配，就連平時唔鍾意花生醬嘅媽咪都覺得特別好味，唔會黐住喉嚨，又唔會覺得油膩，不過媽咪最愛嘅都係佢哋嘅熱賣：抹茶焙茶 🔥…Read More