環境店鋪唔算大間，但好易搵，係街市前一條街。內裡環境舒服，用藍色作主要色調，以卡位為主，乾淨企理，有別於一般茶餐廳。 食物1）意式忌廉汁三文魚意大利飯意大利賣相吸引，飯頂是煙三文魚，周圍有一些沙律菜。意大利飯中混了洋蔥、菇、煙肉，令意大利飯的味道更多樣化、不單調，亦好配合。煙三文魚的味道剛剛好，唔會煙熏味太重。而意大利飯的忌廉汁分量也是恰到好處，不會變成湯一樣浸住啲飯
附送：羅宋湯、熱奶茶羅宋湯材料好多，有唔同蔬菜，但味道偏辣，有點兒遮蓋左蕃茄味。熱奶茶好滑同香濃。 服務餐廳的意義幾和善，而且有禮貌。…Read More
環境餐廳距離地鐵站約十分鐘路程，但都唔難搵。餐廳舖面算大，門面十分易認，餐廳內裡乾淨整潔，裝飾仲幾靚，差唔多全部都係卡位，令人坐得舒服。 食物1）蒜蓉菠菜三文魚意粉 $63（評分：8/10）意粉的菠菜比想像中多，溝意粉食令佢變得清新同健康。三文魚係煙三文魚，擺設成玫瑰花樣子，賣相幾靚。底下的忌廉略嫌多得濟，浸晒啲意粉，雖然唔算好傑/濟，但食下食下都好飽。順帶一提，意粉份量真係幾多😅2）蒜蓉牛油煙肉焗青口 五隻 $32（評分：7/10）蒜蓉青口幾好食，青口size中規中矩，都有青口味，撈埋蒜蓉食幾香口。3）綜合果茶 +$18（評分：7/10）好大杯⋯ 其實飲下飲下都真係幾飽。飲落下少少甜，依個天氣飲略嫌凍左少少。有好多生果粒係入面，果茶仲有果肉，不過果茶飲落去似橙汁，唔太飲到茶味。 服務餐廳服務正正常常，店員都有禮貌。等食物時間大概10分鐘。…Read More
環境放題餐廳係apm隔離的大廈，好近地鐵站，幾易搵。餐廳燈光光猛，多卡位，座位唔逼。 食物1）花之戀（評分：8/10）花之戀的三文魚籽都幾多，三文魚算厚，而且冇筋。2）火鍋（評分：8/10）蜆肉：幾鮮甜，比起某些火鍋店的蜆肉，依到算冇肉地，冇沙青口：算大隻，好有青口味花膠：唔係彈牙個種，但都好軟熟，唔係一食就覺得劣質個種3）雞軟骨串（評分：9/10）好香口！好好咬，唔會皮太厚/粉太多，好食4）刺身（評分：8/10）都有幾多種刺身揀，款款都厚切、冇筋，好有魚香。特別中意依到的甜蝦，比想像中大隻，而且好鮮甜。5）海膽手卷（評分：8.5/10）海膽手卷同想像中一樣細細舊，但海膽都幾鮮甜，所以叫咗兩次😂 size大概係食兩啖就會食完，所以都唔算好浪費胃個位😂 服務餐廳服務唔錯，店員都有留意我地用完碟就黎收碟。唯一美中不足係有一張單漏單，環再填過😣…Read More
環境餐廳距離西營盤地鐵站5至10分鐘路程，唔算難搵。餐廳鋪面唔算大，座位可能會有少少迫。 食物1）鮮蕃茄忌廉三文魚意粉 $158（評分：7/10）依個意粉都好食，三文魚份量正常，但蕃茄味唔算好重，意粉食落都好滑口。本來以為係煙三文魚，不過原來三文魚係熟的，但都味道可以。2）Salami Milano and cheese pizza $148（評分：5/10）依個pizza真係偏咸，食左一塊已經開始覺得咸。本來諗住有salami應該好好食，但點知越食越咸，搞到其他味都好似出唔到咁。
3）Granville pizza $178（評分：8/10）依個Pizza有雞肉、煙肉、芝士，同basil。食落去比想像中清新，同salami pizza比較，Granville pizza實在好太多，上面的basil中和左下面材料嘅重味，令到芝士味都唔會太流口，配搭真心唔錯 服務服務麻麻地。我同朋友book左五人，四個人去左先，店員冇問就安排左我地去四人枱，同佢講番係五人後，佢竟然話未必有枱喎⋯ 仲要去到問我地一個鐘後交枱得唔得⋯ 但明明我地係事先book左果個時間五人枱，唔係應該有位先比book架咩？之後店員都有加番張枱比我地。不過坐定後，店員黎左幾次問我地落得單未，黎左野食後一見到我地岩岩夾晒就黎收野，睇黎都好趕人走 …Read More
環境餐廳位於慈雲山商場入口，環境似旺角文青餐廳，估唔到係慈雲山都搵到。餐廳光猛，色調偏粉系，令人感覺放鬆。 食物1）滷水蛋牛腩滷肉飯（評分：8/10）這個套餐的牛腩十分軟熟，牛肉味濃，唔會有筋。而滷肉飯唔算大碗，但好惹味，味道剛剛好，唔會太流口。2）胡椒豬肚湯飯（評分：6/10）胡椒豬肚湯實在太辣，似係放得太耐所以變到好辣，同平時胡椒豬肚湯的辣唔同，實在辣到唔係好食得落口⋯ 但豬肚的味唔錯，唔算好肥。如果唔係咁辣，溝飯食應該好好食。 服務店舖好似唔多夠人手，但店員已經好落力工作，見佢仲要跑來跑去😳…Read More
環境餐廳幾近塔門碼頭，係由碼頭行過黎的第二間餐廳。星期六午飯時間都幾多人，坐滿晒，有啲人要係餐廳出面等位。但餐廳入面都乾淨，不過通常都要搭枱。 食物話說星期六食晏時間太多人，但係煮野食的人就得一個人，所以我地等左成一個鐘先有野食⋯ 所以週末去的話，唔想等嘅朋友真係要諗清楚呀！1）海膽炒飯 $100（評分：8.5/10）等到好肚餓，唔知係咪因爲咁，覺得碟炒飯好好食😂 炒得幾香口，個人認為海膽味都足夠，一上菜都聞到海膽味。不過海膽已經炒到散左，所以就唔會食到一舊大海膽。但炒飯都幾乾身，又唔咸，食落覺得味道控制得剛剛好！2）無冷凍奶茶 $28/支（評分：7/10）依間其中一個賣點係全港首個無冷凍奶茶😂 奶茶都幾滑，奶茶味都幾香，香味會停留喺口中一段時間，但係略嫌有點太甜。 服務服務普通，店主係一個婆婆和姨姨，小本生意，不能要求他們很快上菜。週末去光顧的朋友要有心理準備，等候時間可能很長。…Read More
環境餐廳是在MegaBox，距離地鐵站10分鐘路程，就算唔想行都有旅遊巴直接由九龍灣去MegaBox，所以其實都算方便。我和朋友是在平日晚上光顧，人唔算多，所以都幾靜，同朋友傾計啱晒！餐廳都幾光猛，賣點好似係用列車去送食物，小朋友應該會幾鍾意。 食物1）海膽魷魚壽司（評分：10/10）真係不得不讚呢個壽司，最鍾意依碟，所以叫左兩次。如果唔係最尾太飽，我仲想再叫多次😂 海膽魷魚比想像中多，而且海膽味比出邊壽司店鮮甜好多，再加埋魷魚爽口嘅口感，真係味道一流。一啖食落去，唔單止有滿滿嘅海膽味，仲有鮮甜嘅魷魚味！
2）灸燒左口魚壽司（評分：9/10）燒左口魚不嬲都係我其中一個最愛，依間嘅左口魚壽司都冇令我失望，魚油好足夠。一咬落去，左口魚肉質幾爽，魚香好香，燒得幾好食。3）灸燒帶子壽司（評分：7.5/10）呢個壽司嘅帶子比想像中冇咁鮮甜，但帶子好大粒，燒得都幾香。4）三文魚腩壽司（評分：8.5/10）呢個壽司都好好食，因為啖啖肉，三文魚腩都幾厚身，而且肉質食落幾新鮮，味道都唔錯。5）迷你海膽三文魚籽飯（評分：10/10）想講依家啲海膽真係幾好食，一啲都唔苦或腥，好鮮甜。雖然係迷你版，但係海膽嘅份量比想像中多好多，鋪滿一半飯。三文魚籽同海膽嘅份量完全足夠撈飯食，唔會有只係得返白飯嘅情況。我去嗰陣，呢個飯做緊優惠只係賣$68！見到海膽嘅份量，實在值得一試！ 服務店員服務好友善，而且收碟都好快，離開嘅時候店員仲有同我地傾一兩句計😂…Read More
環境餐廳距離旺角站都幾近，行5分鐘左右就到，都好易搵。餐廳唔算寬敞，所以可能會有啲迫，但都幾乾淨。 食物1）豚肉豆乳鍋 配烏冬（$69）評分：7/10有豆乳鍋同壽喜燒鍋揀，但因為驚壽喜燒會咸，所以揀左豆乳鍋。豆乳鍋就唔算有豆乳味，但勝在夠清，湯底又唔會太淡。試咗一啖朋友嘅壽喜燒湯底，都幾濃味，但係食落可能有啲咸。豆乳鍋除咗有豚肉，仲有豆腐、冬菇、金菇、豆卜同菜。全部配料都OK，不過不失。豚肉都幾惹味，但係件件都好肥，如果唔食肥膏嘅話，根本其實冇咩肉食。雖然食落好滿足，但都係因為食緊肥肉😓 你見到我影嘅相都會大概估到有幾肥⋯ 但除咗豚肉肥之外，個鍋係幾好食嘅。感覺上呢個鍋都幾多菜，食落都唔會好似其他火鍋咁太多肉，同埋湯底都唔油。 服務店員服務都唔錯，幾有禮貌。順帶一提，餐廳要加一。…Read More
環境我之前見到網上有人介紹依間cafe，話咖啡幾好，所以放假行完山專登黎試一試。餐廳離觀塘和牛頭角地鐵站有段距離，約10分鐘路程，位於工廈區。餐廳入面都算坐得舒服，唔會好迫，而且有大枱，多人黎都可以一齊坐。 食物1）return all day （$98）評分：9/10覺得四方形餐盤放得好整齊好靚☺️ All day breakfast 有煙三文魚、多士、炒蛋、豬肉腸、煙肉、焗豆、菇、薯餅、沙律菜。等我逐樣講下：煙三文魚煙熏味唔會太重，幾好食。多士幾脆口。炒蛋上面有黑松露，都幾滑，但黑松露味唔算好香。豬肉腸都幾好食，唔會太硬。煙肉幾值得一讚，平時食煙屋村驚好行或者好乾，但依間唔會，反而整得好香。其餘配料就正正常常。2）latte ($35) 評分：9/10今次係我第二次來，就係因為依杯latte，真係好香！係自從我係澳洲旅行完返黎之後，終於係香港飲到有澳洲咁香嘅咖啡又唔會太苦，最緊要係咖啡味夠出好中意！3）carbonara ($80) 評分：8.5/10平時最驚carbonara會好流口或好濟，但佢個汁有幾好食，令人好想繼續食落去
煙肉又係唔會好咸，讚 服務店員都有禮貌，離開時都有同我地再見，亦都見到店員同顧客討論咖啡。…Read More
環境餐廳係鯉魚門最入，燈塔附近，都要經過一段濕濕地的路，所以如果去的話，盡量唔好著高跟鞋或長裙喇。餐廳有幾層，環境都幾乾淨，仲有露天位置係望到海景。 食物1）阿拉斯加大蟹真係好大隻，仲大過我塊面
肉質幾鮮甜，好有肉地！而且值得一讚嘅係，剪刀都好利，所以唔會剪得辛苦。2）蒜蓉粉絲蒸元貝蒜蓉好特別，因為平時係出面食嘅蒜蓉粉絲蒸元貝的蒜蓉都好辣口，但係依碟的蒜蓉唔會辣口，仲甜甜地，好食 而且元貝仲好鮮甜，唔會有沙，高質3）蒸鮑魚鮑魚又係好新鮮，好鮮甜，而且仲唔細隻，幾彈牙，又唔會太硬，遠勝平時係出面餐廳食的4）避風塘瀨尿蝦我見過最大隻嘅瀨尿蝦😂 真係幾新鮮，仲好大舊肉，唔會有腥味， 唯一小小美中不足的是避風塘的味道入唔到去蝦肉。5）燒鵝燒鵝好脆皮，而且肉質幾滑，燒得好香。6）清蒸黃皮老虎斑開頭見到條魚咁厚身，都驚會好「鞋」，但肉質係出乎意料之外地滑，溝埋蔥同豉油食真係好好食7）薑汁炒芥蘭冇錯，就係薑汁炒芥蘭都好好食😂 芥蘭一啲都唔苦，好翠綠，而且仲炒得唔會硬，薑汁好夠味，菜唔會有渣。簡單嘅食物最顯功架講到依度，我都覺得自己寫到好似打手😂 但我真係唔係⋯ 只係同親戚介紹，所以同親戚去食，不過真係每樣海鮮都好新鮮
服務服務唔錯，服務員都幾有禮貌。…Read More
環境餐廳位於高樓大廈23樓，窗戶都幾大，所以可以望到旺角其他高樓大廈，個景幾靚。餐廳唔算好大，但都坐得舒服同乾淨企理。餐廳燈光偏柔和，令人感覺舒服。另外餐廳冷氣都好夠，所以打邊爐都唔會覺得熱。同埋最值得一讚係抽煙設備做得幾好所以唔會一路打邊爐一路比熱煙吹住塊面！ 食物自家製芝士響鈴：芝士響鈴係新鮮炸的，入面的芝士加響鈴好香好正，係咁多食材中最好食。魚皮餃：皮唔算厚，味道幾新鮮。豬頸肉：冇炒咁香，但係都好有豬肉味，厚度亦都好適中。象拔蚌片：店員話象拔蚌片只要放入去2至3秒就可以，否則會太硬。象拔蚌片幾彈牙，都幾鮮味，但係唔算好鮮甜。白菜仔：係一個驚喜，因為菜幾甜。紅薯粉：食落有啲似米線，都幾好食。芫荽皮蛋鍋：都幾清，食到後面唔會好油。33M小巴司機話 今朝捉冇帶安全帶 有人被罰左$1500 服務店員服務幾好，好友善同有禮貌，收空碟亦都幾快…Read More
環境餐廳係旺角同油麻地嘅中間，距離地鐵站都唔算遠。餐廳環境都幾乾淨。我係平日夜晚去，都唔算小人，但因為有兩層，所以坐得唔擠迫。 食物1）安東元祖奶奶雞（半隻）評分：8/10這碟奶奶雞比想像中大碟，一上菜就聞到好香，令人好想快啲試。奶奶雞有啲似雞煲，個汁好濃郁。平時食類似的菜式，最怕係雞肉肉質硬而乾，但這個雞肉很滑，而且很入味，份量不少，兩個人食足夠有餘。另外奶奶雞還有節瓜、蘿蔔、薯仔、節瓜，同樣係好入味，食落味道濃郁。蘿蔔薯仔就跟平時的無大分別。另外這碟菜式裏面亦有粉，但粉的份量唔算多，有啲可惜，因為粉十分入味，所以好好食！但最後食落，底的雞肉和配料可能太多汁，所以有少少咸。但整體而言，仍然很推介大家試下這個奶奶雞。2）芝士拉絲卷 評分：9.5/10芝士拉絲卷係韓式壽司的進化版，一碟有八舊。入面有青瓜、炸餐肉等，卷的外圍是一片芝士。拉絲卷有沙律醬可以配搭，個人認為點沙律醬更好食。本來以為食落可能會有啲濟，點知塊芝士同個壽司好配搭，冇平時食芝士菜式咁濟。拉絲卷都算清新，食幾啖奶雞就食一口芝士拉絲卷就最好，可以中和一下奶奶雞的濃味。3）錫蘭檸茶當日店員同我地講只要like餐廳Facebook就會送錫蘭檸茶。錫蘭檸茶都唔錯，唔會好甜，送奶奶雞一流。 服務經理和店員都好好禮貌，由歡迎我地入座到我地離開，都好親切，有介紹可以隨便加水，方便客人。…Read More
環境餐廳距離中環站十五分鐘路程，但沿住半山電梯上去轉右就搵到，唔洗點行。餐廳唔算大，但坐得幾鬆動。我平日晚上去，人唔多，所以幾靜，幾適合大家同兩三個朋友黎食野傾計。餐廳音樂揀得幾好，都係輕快嘅英文歌，而且燈光都比較柔和，令人幾放鬆同舒服
食物1）Uncle Jimmy - Nor smoked salmon, capes & arugula tomato sauce & mozzarella cheese（$148）評分：9.5/10Pizza賣相幾好，份量對一個人來講剛剛好。這個Pizza係一個大驚喜！平時食pizza最驚個餅底太硬或乾或厚，但這個餅底外面有少少脆，內軟，食落去好香，而且厚度恰到好處。餅底上的煙三文魚煙燻味唔會太重，好香，味道剛剛好。而mozzarella cheese的份量也不會太多，味道亦不會重得蓋過其他材料，食落去唔會太heavy。而最頂的arugula可以中和煙三文魚和餅底的鹹味，令成個Pizza食落幾清新，每樣材料的配搭很好整體而言，係一個令我想再食多次的Pizza2）Bucatini with crab-meat & green asparagus, vegetable broth（$148）評分：8/10這個意粉的湯底係蔬菜湯，但同時帶有蟹肉的鮮味。意粉的配搭有西蘭花、蘆筍、椰菜、蟹肉。蟹肉的份量唔算少，有鮮味，食落去肉質唔會梅。而最令人驚喜的是意粉的硬度剛剛好，幾彈牙，有咬口。意粉整體比我的感覺很健康清新和鮮味。3）S. Pellegrino sparkling fruit beverages. Limonata (Lemon)（$38）評分：8.5/10這杯飲品係檸檬梳打水，唔會太甜，幾好飲，適合怕甜的你。 服務這間的服務不錯，店主和店員都幾有禮貌。店主好友善，見到佢同其他客人傾計，分享對餐廳食物的睇法，亦好有笑容。…Read More
環境店鋪離大圍很近，過天橋就差不多見到了。之前有好幾次經過這間店舖，見到係落地玻璃cafe，就已經心動想試，再加上見到網上宣傳它的紫薯包是每日新鮮自家製的，賣相好靚。今日終於有機會在下午黎光顧和慢活一下。店舖比較細，但樓底也算高，所以不會有壓迫的感覺，再加上有落地玻璃，採用自然光 ，所以幾舒服。天晴的時候可能會有點曬，但因為有窗簾所以也不怕。 料理1）紫薯包（$33）評分：8/10紫薯包是自家製的，算是這家咖啡店的特色。賣相滿分，看起來就是一個紫色的花，令女孩子少女心爆發。紫薯包給我的感覺很健康，紫薯味比想像中冇咁甜，但有淡淡的紫薯味，感覺天然清新，冇乜加糖。但如果你比較喜歡濃的口味，就可能會認為這個包冇咩紫薯味。不過對我筵宴，這個紫薯包味道剛剛好。2）All day breakfast（$88）評分：7/10這個all day breakfast有薯餅、芝士腸、煙肉、生菜、提子、炒蛋。整體感覺中規中矩，算是水平之上。煙肉不是英式早餐常見的煙肉，而是像蘑菇腸一樣是一塊的。值得一提的是炒蛋幾滑，蛋味重，上面仲有蛋黃。3）Utopia (matcha+espresso)（$48）評分：7/10這杯飲品看來也是這間咖啡店的特色，utopia分三層，上層是奶泡，中間是expresso，底層才是抹茶。這杯飲品喝下去很有層次，先苦後甜，可能這就是名為utopia的原因。雖然這杯飲品有特色，但可能因為自己本身不太習慣expresso苦味，所以都係覺得這杯飲品比較苦，綠茶和expresso也不是十分配。但如果你對espresso感興趣，這本飲品實在值得一試。4）Cold matcha latte（$43）評分：8.5/10值得讚的是這杯綠茶latte不是很甜，綠茶味幾香，綠茶和奶的比例很合適。 服務這間服務中規中矩，見到店員和熟客聊天。…Read More
環境店鋪離鑽石山站不算遠，只需要行8分鐘左右就到，不難找。店舖有落地玻璃和望街景的窗邊位，令人可以望住出面發呆，給我的感覺是很舒服。而且，可能因為我五點多六時光顧，所以人不多，cafe很清靜，令我感到放鬆。 料理1）墨西哥烤肉粟米洋蔥卷（$48 連熱茶） 評分：8/10烤肉粟米洋蔥捲很香，三種材料的配搭很合適。洋蔥卷裏面沒有重味的醬或芝士，所以味不會太重，剛剛好，而且感覺很健康。洋蔥卷的皮不會太乾或硬，反而有點脆，整體而言很好食。沙律菜是配菜，不會太青草味。但唯一美中不足的是，份量有點小，不太飽。 2）熱天堂博士茶（熱情果味）評分：8.5/10 餐廳有很多不同的茶供客人選擇，但我見這個茶的名字幾特別，所以一試。這款茶的味道帶有熱情果的淡淡酸味，很有果味。茶飲落去不會太淡，茶味在口腔中徘徊，幾香。而且見到茶入面有熱情果籽。3）伯爵茶奶凍 評分：9.5/10這個奶凍是送的。原來9月9日至30日下午茶時段惠顧$48以上，就送甜品，所以基本上只要叫一個下午茶餐（普遍$48），就會送甜品。這個甜品是十分大的驚喜。我本身沒有很喜愛吃甜品，而且很怕甜。但這個奶凍的甜度剛剛好，重點是有很香的奶茶味。我每吃一啖都要停一下感受那股奶茶味，才吃第二啖，因為這個奶凍實在令人齒頰留香！另外值得一讚的是，奶凍像慕絲一樣咁滑。總括而言，這個奶凍食完令人很滿足（雖然size比較細），會令我想再次在下午茶時段光顧。喜歡奶茶甜品的你，記得去試試。 服務店員送上甜品的時候，特意來跟我介紹這個甜品，十分親切。店主和店員都大有笑容，令人感到很溫暖…Read More
