alwaystryfood's Profile

今晚去左尖沙咀行街街😹，行到攰又肚餓，見附近有goobne chicken ，就馬上上左去。上到去好好彩職員安排咗個近窗口既位置俾我地去坐，可以一路食住韓國炸雞，一路望下出邊個夜景，成件事好賞心悅目。由於我地得兩個人食所以唔可以叫得太多野，所以就決定叫雙拼烤雞（原味+蜜糖）同埋叫返個韓式海鮮湯。烤雞黎到上枱枱，即刻食就啱啱好，食落去有少少甜，肉質鮮嫩，唔會overcook。真係食到停唔到口，而且炸雞佢仲附有三種唔同味道既醬料，等大家一路食烤雞，一路點去提供既醬料，醬料有辣，亦有唔辣，任君選擇。是我比較鍾意食芥末醬，因為真係好襯蜜糖烤雞，辣又唔係好辣，啱晒用黎吊味一流我第一次飲佢果個韓式海鮮湯，我覺得佢真係好抵飲因為材料好豐富，青口真係好多，我諗冇十隻都有八隻，飲湯飲到最後都仲有得食真係好神奇，湯亦都鮮味十足（可能真係好足料！）同埋仲可以每人分到兩至三碗，抵飲之選！！！咁食烤雞冇理由唔叫野飲ga ma，所以叫咗somersby同韓國好出名既mojito。杯mojito飲落好重薄荷味，同埋加左soda 水，一路食雞一路飲mojito，真係爽…Read More

Happy Friday 梗係要出街食返個晚餐先，而且呢排都好想食韓國野，所以就係銅鑼灣搵咗間韓國菜既舖頭。入到去職員安排咗個落地大玻璃位同埋可以望跑馬地景俾我地坐。變咗個感覺好特別。餐牌有好多炸雞俾大家揀，總有一款啱大家口味，而且可以一碟雞有兩個口味，咁啱我見到佢有一隻新味推出，但唔可以配搭另一款味道，唯有就試咗佢新出炸雞味，蜜糖蒜香烤雞。佢呢隻炸雞好香蜜糖味，而且仲有炸咗既蒜片，食落去成件事好香口，如果唔拍蒜蓉嘅味道，咁就一定要揀佢😍😍😍由於我地只有兩個人，所以叫左個鐵板泡菜煎餅，食落法國泡菜份量十分足料，完全唔會只有得面粉沒有泡菜，感覺每一口都係泡菜，加上佢跑好彩唔會話好辣，啱晒一班唔係好食得辣既朋友去試試。👍🏻👍🏻👍🏻最後叫咗杯必飲推介，就係鯊魚之淚，佢呢杯野好特別，就係插一個鯊魚公仔落杯野，令到成件事好吸睛同埋杯野有得揀有酒精同冇酒精，咁我就當然揀有酒精，難得星期五梗係要chill 一chill la，不過杯野就偏向甜，所以鍾意飲甜嘢嘅朋友可以揀佢😘…Read More

首先一去到餐牌已發現同上網睇既餐牌唔同貴左$50-$100不等原來佢新開業甘快已可以加價自助吧又要另外收費（但d野飲同雪條都係勁普通款）$78/位。weekend同weekday價又相差$100～（星期五都係weekend價架）。雖然環境係ok既，食物亦無食評講到甘樣狂漏單，基本上叫左咩都會送上，味道都唔錯。我地叫左c餐，未食前預$400/人埋單，最後變左大約$700/人埋單，感覺真係有d被騙真係唔值一試😂…Read More

好想食炸雞，無得去韓國，唯有去香港都勁多分店既加韓國都好紅既Goobne Chicken食炸雞先佢真係超多炸雞既款式，俾個最邪惡既吸引左-UFO 芝士火鍋（$268)佢mix 左3種芝士再配兩款自選味道既炸雞簡左韓式甜辣炸雞同蜜糖炸雞，兩款都好惹味每啖都撈咪d芝士食，d芝士撈咪一齊食，超惹味！本來覺份量唔太多，點知多芝士到～濟到食唔哂haha同咪佢跟餐仲有送左碟韓式個款白蘿白，配咪黎食更開胃！-韓式雞蛋卷 （$148）個雞蛋卷超大份，d蛋好滑得黎又包得好實唔會一拎就散，而且配菜都好足，好食😍！因為得兩個人，所以叫得唔多，但食完呢兩樣真係勁飽勁滿足，約定多d frd下次再黎食先😎佢仲有好多特色野飲，但因為個日唔係好岩飲凍野就無得飲了><…Read More

終於食到呢間超難book既超💛店～亦都明白點解佢甘難book，因為真係好好味！-極上鹽燒牛舌芯 $108雖然份量唔多，但每塊都燒得好juciy，好好咬口😋-海膽炒飯 $178成大大舊海膽放係炒飯面到，撈埋加味d蟹籽，炒飯又炒到粒粒分明，連已極少食飯既我都忍唔住食左大大碗🤩-申子卷 $198每款有兩件，分別係吞拿魚、三文魚、油甘魚，魚味香濃，但相比其他菜式佢就稍微普通d-三重芝士吉列千層豚肉 $228見到大家都話必點，結果等呢個送等左接近成粒鐘😳但等得 好 值 得 ！因為真係好 好 味！佢d芝士真係好跳料，食落不斷有長長既拉絲，成口芝士配上juicy既豚肉，口感正到呢！必點必點😻-蓬鬆玉子$98感覺係落左超多雞蛋煮🤓佢真係煮到係呈半熟流心狀態，技巧好好！正呀，唔怪得又係必點菜式-雖然價格係中高價位，但食完真係好滿足同咪真係高汁😍重點佢仲要係超級黃店🥰--📍 申子居酒屋（#旺角 ）…Read More

前幾日收工去咗新蒲崗搵野食，行下行下，行左去mikiki見到間西班牙餐廳，舖頭仲有露天座位比顧客選擇隔離放左個大型酒櫃，幾襯入邊裝修咁因為都疫情關係，舖頭都做咗好多廣告既間板 個menu都好吸引，隔離仲有圖片俾大家參考參考好快我地就揀咗d特色菜，醫下肚仔呢間舖頭嘅特色燒乳豬好特別，同中式感覺差好遠，食落香脆可口，啖啖肉而且唔會乾爭爭同好鞋，一路咬一路d汁 bit緊出黎😂😂😂，加上油香味好豐富，有一種可以食好多既感覺，唔知仲伴有d果醬，食落比較微酸微甜，同燒乳豬好夾我哋仲叫咗羅馬生菜包小排肉，塊排唔錯，唔會出玩overcock 既情況，加上肉汁豐富，再用生菜包住黎食，別有一番風味，第二口我嘗試佢俾既秘製辣醬，佢嘅醬料唔係好辣，但係好香口…Read More

今日lunch行開無意見到呢間台式餐廳見到店內都好多人、所以就入去一試佢d裝修好有趣，四周會貼一些很有意思的句子成間店真係好台灣既感覺lunchset都好抵，我呢款只係$60，包埋熱飲*佢下午茶set好吸引！好想再去食呀…Read More

來自沖繩既石垣和牛專門店🤤無得去日本食燒肉，唯有係香港搵下d高質靚牛食！-多款和牛菜式選擇，刺身，鐵板，打邊爐，料理都一應俱全！-黑毛和牛他他（$108）生牛肉刺身🤤🤤好新鮮，肉質又靚；配合佢既醬汁好fresh，做前菜岩哂，好開胃！·芝士豆腐 （$68）店員力推我地一試既前菜，話係沖繩特產香港無咩地方有得試！佢係撈埋wasabi食，出奇地夾一d都唔辣，配咪好滑滑既豆腐，勁似食緊tiramisu😆好正·和牛火焰牛扒 （$228）好eye catching既菜式，一上枱店員就會點火，超搶眼。（但因為我本來唔知原來有呢個效果，立立林影左幅相火就熄了，拍唔切片😂店員提一提會好d🥲）燒完岩岩好燒到medium，肉質超靚超juicy呀！·和牛拖羅生雞蛋拌飯（$138）呢個拌飯真係邊食邊講好幸福😋每啖飯撈起和牛粒、紫菜、山葵、蔥、雞蛋、醬油，每口都超惹味😍😍真係好好味！-雖然價格係中高價位，但食完真係滿足到一眾追求靚牛既愛好者😍💡另一個app book有優惠，某d時段仲有50%off架！甘樣就變得較抵食🤤🤤🤤建議一試！重點仲要係黃店🥰--📍 和牛88…Read More

不嬲中意去荃灣d 殘殘地商場去尋找好西，因為個到其實好多隱世美食行開見到開左間白雪雪既立食炸雞店，亦見到勁多人等拎野食，一於試吓先好多款式，又有飯盒款、炸雞、韓式壽司卷、沙律，花多眼亂😍😍原來店主仲要係真韓國人，同佢溝通要用英文🤣因為呢間店真係主打外賣，立食既位置好細，加上又不斷有客人落單，所以我地都外賣到佢附近公園食算（所以d相唔太靚🥲，但真係好味！）1。無骨炸雞（全隻）$138+$12韓式醬汁佢份量係出奇地多，我地兩人好似食極都食唔完甘😂而且佢d秘制醬汁真係撈得好好，食到lamlamlei！2。泡菜煎餅 $38甘既價錢都共有4大件架！煎得好香口，但略染泡菜未夠多，再多d就再正d3。豆腐蔬菜沙律 $68食d煎炸野當然要懶健康食番d沙律平衡下，成碗野係多到滿瀉甘既感覺，多料到超難撈🤣而家感覺d菜都真係好新鮮同豆腐係好滑。4。辣豬肉紫菜飯卷 $40飯卷就幾足料，愈食愈想食多幾舊既感覺😋真係一間cp值好高既外賣店，難怪甘多人會黎買外賣，住附近既真係要去食下。而且佢舖頭到有買好多自家制既泡菜，白蘿蔔個d韓式前菜，買d番家食都可以😍。…Read More

尖沙咀一向都多韓國野食ga la，今次就係尖沙咀美麗華4樓搵食，🤣，間野係有米之蓮認證既餐廳，加上我又好想食燒肉，所以一見到呢間新羅寶就吸引左我地入左去🤣🤣一黎好就見到自助區，可以添泡菜，辣青瓜，辣蘿蔔，食落唔會辣到食唔到，而係愈食愈開胃。五花肉，肥瘦均勻，大大舊咬落去好有口感，可惜冇點都生菜，如果唔一定仲好食🤤🤤🤤烤牛舌，份量雖然少，每一塊厚度適中，放落塊煎一煎好快熟，咬落去仲外脆內軟，又冇乜肥膏，岩晒d怕肥既女士，值得一試👍🏻。烤特級雪花牛肉，牛肉味好濃，食落有一種入口即溶既感覺，值得一試。最後當然要燒埋佢俾既冬菇，點可以浪費食物，不過冬菇真係好難燒，好易lone😂😂😂，所以大家一定要注意⚠️下次再黎一定要試埋佢其他野先得…Read More

今日同朋友喺黃埔行下街買野，見間餐廳裝修唔錯，咁就吸引咗我地入去。拎起menu睇左兩睇，估唔到呢間餐廳野食價錢好平民，感覺好抵食。最後點左個蛋黃醬煙肉卡邦尼闊條麵$58同埋柚子蜜味烤雞中翼3隻田園沙律 $37。個闊條麵好特別，因為佢有隻egg benedict，成件事變得好特別，同埋汁入邊有煙肉同蘑菇，食落變得好豐富，好有咬口，每一啖闊條面，都有汁汁依附係面到，個感覺唔會好單調。烤雞中翼都好正，咬落外脆內軟，加上佢每一隻雞中翼都有柚子蜜汁，食落個感覺好似去咗韓國咁。間餐廳上餐時間亦都好快手，由叫餐到有食物送到上枱面都只係5-8分鐘，非常有效率。我覺得黎到黃埔揀唔到岩心水既餐廳，但又想食好少少得黎個價錢夠平民既，可以黎呢間試下!!!…Read More

黃埔最近開左間新既主打外賣既BURGER小店店舖的確好細間，店外只有4個位置俾人立食-睇緊餐牌時，老闆超有心甘同我地推介各款食物每款都各有特色，而且價錢真係好抵食！-1. 皇牌鵝肝漢堡 （$108）呢個真係必點！首先佢個價錢真係好抵，真係未見過平得過佢既鵝肝漢堡😳用上西班牙鵝肝，仲要係大大件，入口即融甘，超邪惡🤤配咪超juicy既漢堡扒，真係超滋味！呢款CP值真係超高！·2.牛油果大啡菇漢堡 （$58）加左$30升級變左牛油果大啡菇和牛漢堡🤤店主一拎出來，嚇親我地因為超高超大件😳首先牛油果醬已超厚，大啡菇又超大😂，加咪件超厚超juicy既澳洲和牛，最底仲原來有菠蘿😳成個包真係超足料同好fresh好正😍-再叫左兩款小食，1）唐揚魷魚（$38），炸粉唔會太多炸得好香脆，食落啖啖肉，配咪佢d秘制醬汁成件事變得更好味！2）炸水牛芝士（$38）食得又玩得，因為一食會拉到d芝士好長🤤比較淡既一款，岩哂d唔中意食濃味芝士既我😋-加上老闆超nice既待客之道，食完真係好滿意。甘既時勢開食店都好難做，祝小店生意興隆！-📍 Burger Begin（#紅磡）@burgerbegin#fikafoodie…Read More

今日行完山走去大角咀搵野食俾我地搵到間裝修特別既舖頭，白雪雪，同周遭形成強烈對比入到去個感覺係麻雀雖小，但五臟俱全。門口簡單睇完個餐牌見到套餐可以自由配搭兩款小食或汽水好快就揀左兩個套餐佢地漢堡包全部即叫即做，保證新鮮熱辣辣先講下黃金流沙醬蝦堡，佢係menu全港獨家，搞到我心cc，叫左佢，起初望落去都以為係只係普通蝦漢堡，我懷着一個好普通既心情去咬一啖，點知一咬落去，原來好戲在後頭，因為塊大炸蝦餅，入邊係流沙汁，爆晒出黎，果一刻我覺得佢唔應該叫流沙蝦堡，應該要醬爆蝦堡先岩😂😂😂佢既薯條都好特別，因為唔係用普通薯仔炸，係用甜薯整，所以食落去甜甜地，好正。洋蔥圈完全發揮到水準，炸得唔錯，脆卜卜另一個就係蘑菇芝士雞堡，但係我加錢轉左和牛，佢整得啱啱好，和牛整得唔錯，完全冇over cook 既問題，雖然有好多汁，但係食完唔覺得油膩，好啱注重健康既朋友。枱上面好多炸物，所以小食決定叫鮮果盒，作為飯後甜品🥰🥰🥰起初諗住飲汽水襯托返炸野同burger，但都係叫下茶燒燒滯。佢個menu仲有好多yummy堡堡未試，下次再黎一定要再幫襯…Read More

離開了康城這個鳥不生蛋的地方後，說想念就只有AP的咖啡了-AP主店在銅鑼灣，一直得到很多愛啡人士的讚賞，AP堅持只做咖啡，不做主食就是想維持佢地咖啡的質素真的，他們店的咖啡真是很有水準😍還有在AP寄賣的Basque Burnt Cheescake，好好味😭--📍 Artista Perfetto（#銅鑼灣 / #康城）黃色經濟圈-…Read More

離開TKO工作倒數中，臨走前要盡力搵多d好野食🤤原來Donki隔離開左間日式串燒餐廳，望落似好貴既餐廳但LUNCH價錢又幾合理只係$68-$138！一入到去，店員話聖誕出左個xmas lunch set，都係$168/head仲要係食串燒而lunch set個堆係定食，一場黎到試下串燒先🤤-佢呢個set絕對唔hea，包左勁多野食！睇黎係因為聖誕開唔到晚市唯有變陣做lunch🥺-日式胡麻蕃茄沙律 🍅佢係原個蕃茄切開一大片共4片，擺碟好靚就甘望落以為係咩高級食材，配咪麻醬好fresh🤤-刺身三點盛分別係吞拿魚，油甘魚同魷魚，每款都好新鮮！同咪每件都好厚切好扔本既感覺🤑-松葉蟹菜碗蒸一食落e有蟹肉既，超surprise😳-蜆肉麵豉湯蜆肉絕對唔hea，又係好多舊。而且店員會好溫馨提示d湯好熱，小心慢慢飲😚-串燒拼盤重點黎啦，共有7款串燒，包括雞翼，雞胸軟骨，雞柳，雞心，豬拖羅，粟米，小蕃薯，每款d調味都唔會調到好重味精，唔會覺好咸非常好！係粟米略嫌燒得太燶，無甘燶會較好。BTW 佢個豬拖羅真係超 級 好 味 😋😋！-靖魚配白飯以為等甜品既時候，點知佢拎左兩碗飯再配條靖魚😂原來估唔甘原來仲會有飯甘豐富，真係勁多野食不得了！白飯配上芝麻紫菜既配料，記算無魚配劑食都食得落🤣魚亦煎得岩岩好，個皮好香脆，魚肉都鮮好滑，當然有佢送飯會令個飯更好味，明明話飽都清得哂配飯😋🤪-朱古力蛋糕夠飽終於到甜品，個蛋糕唔會太甜同咪都幾大件，好幸福😝😝！-老實講，真係估唔到呢個set性價比甘高！呢個價錢每人$168絕對係超值！（呢款set既餐牌係後面既相到😉）*但唔知係咪吸引食既關係，而家係免加一tim！如果佢聖誕後仲有，我會專登黎番TKO食架😍📍 緻（#將軍澳）@chikushiyakihouse #fikafoodie…Read More