李灣仔's Profile

咁岩見到呢到有《咒術迴戰》懷玉・玉折的主題，所以來試試。第一次來，很有驚喜，意粉和提拉米蘇都很不錯。野飲都幾好飲。而且餐廳環境很好，十分舒適。希望日後會繼續有不同的動漫主題。店員都非常友善有禮貌。…Read More

因為想食車仔麵，咁岩係天后，所以就試下。個麵好咸、個湯好咸、啲餸好咸，得個咸字。就算唔咸、應該都未必好食。鋪頭內有一兩隻烏蠅飛嚟飛去。員工正常。但真的不會再食。…Read More

諗著食蕃茄麵，但原來蕃茄師兄依家冇番茄麵，食左個雞胸蛋包飯，雞胸幾好食，味道可以，但個汁同飯都唔熱，感覺好似預制菜。餐牌只有飯和烏冬（但今日中午1點烏冬都已沽清），沒有麵，覺得有點失望。…Read More

朋友話想試下呢間，所以來試下。叫左兩個意粉同一個小食。個人很喜歡Carbonara，估唔到加啲臘腸落去又幾好食，好有驚喜。個人推薦Carbonara同打卡飲料J.Moon。…Read More

朋友話想試呢間，所以就來試下。百花雞叫半隻已經好大份，第一次試百花雞，覺得幾好，鵝肝都好好食，鵝件墨魚都幾好，蠔仔粥都唔錯。個人最中意百花雞。鵝片買哂，下次有機會都想試下鵝片。…Read More

之前食過一次覺得唔錯，冬天來，再約朋友食一次。雞煲幾好，食完雞煲之後選擇左花膠雞湯底，打邊爐之前飲左幾啖，幾好飲。蝦丸和龍躉片不錯，海鮮拼盤也很新鮮。員工非常勤快，下次會再來。…Read More

見呢間野平時好多人排隊，今日有位就試下，我同朋友都叫左醬油拉麵，諗著應該隱陣，點知一食覺得好難食，主要係個麵難食，湯底和配料都正常，個麵難食到我打冷震。可能我唔識欣賞啦。但店員服務很好。…Read More

之前係openrice 見到評價麻麻地，但屋企人話想試呢間，所以就試一試。甜品同凍野都幾多款，有雪糕，有薄荷雪糕脆皮雪條，仲有豆腐花。出面任食果啲都係丸、 蔬菜之類，不過不失。…Read More

之前來呢到食過紫蘇牛柳同雪糕，味道正常，所以今次試下佢既套餐，叫左一個至福天婦羅便當。個侍應一捧過來，我已經聞到一陣腥味，咁我都照試，舊魚一咬落去，唔止腥，仲有陣燶味，又燶又腥。其他既天婦羅都有陣燶味，成世人都未食過過有燶味既天婦羅。刺身唔夠新鮮，前菜都唔係特別好食。食完仲要唔飽。唔知佢那裡來既自信賣呢個價錢。唔會再幫襯。服務態度正常，不過如果你一個人，就算間鋪係空都唔會比你坐卡位。商場都好多選擇，唔洗食呢間。覺得好快會執笠。#地雷系食店…Read More

之前都來過，食過魚生丼飯同海南雞飯，今次試三文魚丼飯，三文魚都幾好食，不過個人比較中意海南雞飯。中午時段有時會有竹庶水或者酸梅湯飲，飯後有時會有甜品。呢到裝修好靚同埋坐得好舒服，員工服務態度又好，所以久唔久都會來。有機會都想來試下打邊爐。…Read More

中午求其搵間餐廳就出事。一入去鬍鬚仔職員問人齊未，因為佢講得唔清楚，所以我聽唔到，我就問佢講咩野，佢就態度好差好大聲咁講人齊未，由於趕時間就照入去，諗落即時掉頭走，呢間野真係無下次。入到去得一個比較老既職員係正常，另一位職員擺野落枱面都好晦氣咁，果位鬍鬚仔職員收銀果陣都兵鈴嘭唥好似發脾氣咁，不過公道啲咁講，佢地無特別針對我，因為佢地對個個客都係服務態度咁差，對個個客都係呼呼喝喝咁。係幾十蚊一個餐，唔算貴又唔算平啦，唔係要你五星級服務，但可唔可以有返少少人類應該要有既禮貌？食物質素係正常，但老實講，無咩特別，其他地方都可以食到，同埋呢到好逼，坐得唔舒服，灣仔都好多選擇，所以真係無必要受呢啲氣。不會再光顧。…Read More

琴日中午專登同屋企人來食野，因為之屋企試過一次之後都再食。叫左個蒸魚（盲鰽）餐，只係六十蚊，仲可以叫多飯，勁大碗。再叫一碟蝦，都係四十靚蚊。下次有機會都會再試。…Read More

同朋友去麥花臣睇音樂會前來左呢到食野，我地叫左鮮茄海鮮珍寶鍋、三文魚刺身、火炙帶子壽司、火炙赤蝦壽司、蟹棒壽司，兩罐野飲，買單274$，每人大概137$，都幾抵。有機會會再來食。缺點係廁所比較暗，有點嚇人。…Read More

見同事說呢間好似唔錯，所以搵機會試下。中午叫左一個鵝肝飯同埋三文魚刺身， 鵝肝有差唔多四舊，都好抵食，三文魚刺身都ok， 兩樣嘢加埋好飽， 如果唔係咁大食嘅話，叫一個飯都夠曬。…Read More

見朋友食過呢間好似唔錯，所以一直都想試，今次終於都試到，叫左薑蔥霸王雞、魚香茄子煲、脆皮小棠菜。 薑蔥霸王雞比較失色， 但魚香茄子煲和脆皮小棠菜都很喜歡。兩個人叫左258$，好飽，食唔哂，要攞走。員工友善，環境衛生，下次有機會都會幫襯。…Read More